намалено ниво – Kurir.mk

Намалено нивото на голем дел од реките во Македонија

Магдалена Андонова — Mon, 18 Jan 2021 10:20:34 +0000

Нивоата на Охридското, Преспанското и Дојранското Езеро се исти како вчера, покажуваат последните мерења од Управата за хидрометеоролошки работи (УХМР). Водостојот на Преспанското Езеро, како што информираат од УХМР, за 34 сантиметри го има надминато апсолутниот минимум. Пад на водостојот во однос на вчерашниот ден се бележи кај поголем дел од реките во земјава. Пониско е и нивото на Вардар кај Велес и Демир Капија, Треска, Лепенец, Пчиња, Крива Река, Бабуна, Струмица, Црна Река, Сатеска и Радика. На исто ниво како вчера е само водостојот на Брегалница, кај Берово. Зголемување има само кај реката Вардар, кај Јегуновце, каде денеска се измерени 140 сантиметри. (МИА)

Водостојот на Охридското Езеро три сантиметри под дозволениот минимум, алармантна состојба со Преспанското Езеро

Магдалена Андонова — Mon, 07 Dec 2020 10:09:37 +0000

Водостојот на Охридското Езеро денеска е три сантиметри под дозволениот минимум, покажуваат најновите мерења на Управата за хидрометеоролошки работи. Нивото на Преспанското Езеро, пак, за 49 сантиметри го има надминато апсолутниот минимум. За разлика од езерата, кај реките денеска ситуацијата е поразлична. Кај поголем дел од реките водостоите се повисоки во однос на вчера и на минатиот понеделник. Исклучок е само реката Пчиња кај која нивото денеска е за два сантиметри пониско во споредба со вчерашиот ден. (МИА)

Реките и двете најголеми езера, Охридското и Преспанското, под ноемврискиот просек

Магдалена Андонова — Mon, 16 Nov 2020 10:12:56 +0000

Нивоата на сите реки во земјава кај кои денеска се извршени хидролошки мерења, покажуваат вредности под просекот за ноември. Некои покажуваат драстични намалувања, дури и до десет пати. Според УХМР, најголем пад на водостоите бележат Вардар кај Јегуновце, Треска кај Македонски Брод, Црн Дрим кај Ложани и Сатеска кај Ботун. Под ноемврискиот просек се и двете најголеми езера, Охридското и Преспанското. (МИА)

Реките и двете најголеми езера, Охридското и Преспанското, под ноемврискиот просек

Магдалена Андонова — Thu, 12 Nov 2020 10:08:22 +0000

И денеска водостоите на реките во земјава се под просекот за ноември, покажуваат хидролошките мерења. Најдрастично е намалувањето на Вардар кај Јегуновце и на Сатеска кај Ботун, преполовени се Црна Река кај Новаци, Струмица кај Ново Село и Крива Река кај Крива Паланка, а Лепенец кај Скопје е три пати пониска од просекот. Незавидна е состојбата и со двете најголеми езера во земјава, Охридското и Преспанското. Охридското Езеро и натаму е под просекот, на котата 693,13 метри, што е само три сантиметри над дозволениот минумум утврден на 693,10 метри надморска височина. Просекот во ноември н Охридско Езеро е 693,26. Преспанското Езеро, пак, е се уште под апсолутниот минумум. Само Дојранското Езеро е над просекот за ноември. (МИА)

Нивото на Охридското Езеро и натаму под просекот, продолжува неповолната хидролошката состојба

Магдалена Андонова — Tue, 10 Nov 2020 13:47:14 +0000

Нивото на Охридското Езеро денеска е на котата 693,13 метри, што е само три сантиметри над дозволениот минумум утврден на 693,10 метри надморска височина. Причина за нискиот водостој е исклучително неповолната хидролошка состојба предизвикана пред се од долготрајни сушни денови и мошне малку врнежи за овој период од годината. Временската прогноза укажува дека следува период на стабилно време без врнежи што дополнително ја усложнува ситуацијата. Причина за лошата состојба со кванитетот вода во Охридското Езеро секако е и катастрофалната состојба со водостојот на Преспанското Езеро кој денеска е дури 42 сантиметри под апсолутниот минумум. Месеци наназад целосно се пресушени локалитетите „завир“ и „врагодупка“ што се наоѓаат во албанскиот дел од акваторијата на езерото, за кои се смета дека се местата од каде водата од Преспанското Езеро понира и под Галичица доаѓа во Охридското Езеро. Кога станува збор за Преспанското Езеро, речиси сите реки од езерскиот слив се целосно пресушени или со миминален дотек што уште ја влошува и онака неповолната хидролошка состојба. Експертите укажуваат дека придонес кон таквата состојба има и антропогениот фактор односно човекот, преку неконтролирана експлоатација на водата на сите страни од Преспанското Езеро. Според нив, дел од водата од езерото директно се исцрпува за наводнување на околните обработливи површини, но и преку артеските бунари што собираат вода од езерото, а кои само на македонска страна ги има повеќе од илјада. (MИА)

Драстично намален Вардар кај Јегуновце

Магдалена Андонова — Wed, 28 Oct 2020 09:38:48 +0000

Нивото на повеќето реки во земјава е околу или нешто под просекот за октомври, покажуваат денешните хидролошки мерења. Драстичен пад бележи само Вардар кај Јегуновце. Според УХМР, позначителни намалувања на водостоите има и на Треска кај Македонски Брод и на Струмица кај Ново Село. Вардар, пак, кај Велес бележи речиси двојно зголемување. Состојбата со езерата, Охридското, Преспанското и Дојранското, е без поголеми промени. (МИА)

Драстично намалено нивото на Црн Дрим

Магдалена Андонова — Tue, 20 Oct 2020 09:06:26 +0000

Седум пати под просекот за октомври е нивото на Црн Дрим кај Ложани, покажуваат денешните хидролошки мерења. Според УХМР, намалени се и нивоата на Вардар кај Велес и Јегуновце, на Струмица кај Ново Село, на Треска кај Македонски Брод, на Лепенец кај Скопје и на Сатеска кај Ботун. Состојбата кај езерата, Охридското, Прспанското и Дојранското, се без поголеми промени. (МИА)