намалување плати – Kurir.mk

Милан сака намалување на платите за 20 отсто

Магдалена Андонова — Fri, 06 Nov 2020 16:42:46 +0000

Раководството на Милан ќе побара од играчите намалување на платите за 20 отсто, објави „Ла Република“. Таквото решение ќе помогне во справувањето со тешката економска криза предизвикана од епидемијата на новиот коронавирус. Во октомври гигантот од Милано објави загуба од 195 милиони евра за сезоната 2019/2020. Во март, кога фудбалот беше суспендиран, играчите на Јувентус се согласија на намалување на платите, што му заштеди на клубот околу 90 милиони евра. (МИА)

Фудбалерите на Лацио не сакаат намалување на платите

Тале Кристо — Tue, 19 May 2020 10:47:22 +0000

Играчите на Лацио не прифаќаат намалување на платите, објави „Фудбал Италија“. Претседателот на Лацио, Клаудио Лотито ги контактирал играчите за да го замоли да се оди на намалување на платите за март и април. Покрај тоа, клубот сака да преземе вакви мерки во мај и јуни, доколку Серија А не продолжи. Забележано е дека играчите не биле задоволни кога дознале за оваа идеја, и реагирале негативно на предлогот на Лотито. Лацио е втор на табелата во Серија А со само еден бод заостанување зад лидерот Јувентус.

Ги отрезни ли реакцијата на јавноста: И Спасовски „врти“ дали ќе се исполни желбата на Заев за намалување плати на администрацијата!

Љупчо Цветаноски — Mon, 23 Mar 2020 19:27:44 +0000

Дали острата реакција на јавноста и опозицијата ги предомисли СДСМ во намерата да ги намалат платите на администрацијата? Воедно, техничкиот премиер Спасовски призна дека Владата воопшто не разговара за економски мерки?! Ова е лично и искрено признание на техничкиот премиер во време кога целата држава очекува силни и издржани мерки за спас на економијата и санирање на стопанството кое веќе колабира во одредени сектори. Ваков заклучок може да се изведе од одговорот на Спасовски, кој во вечерашното гостување на ТВ 24 не сакаше да даде свое лично мислење за партискиот предлог на СДСМ, кој го промовираше лично лидерот им Зоран Заев, а се однесува на линеарно кратење на платите на јавниот сектор. - Денеска не разговараме на Влада за економските мерки. Ги имаме во предвид сите предлози кои доаѓаат. Ќе ги раззгледаме со внимание и очекувам дека во наредните денови ќе се носат мерките. Има многу добри и применливи мерки во оние кои ги промовираше претседателот на СДСМ, Заев. Ќе ги разговараме и тие кога ќе се носат одлуките. За кратење на платите, јас прво сакам да ги дебатираме мерките на влада, не би сакал да преудицирам со лично мислење. Како тим, како влада ќе настапиме со мерки, вели Спасовски