Нандо Де Коло – Kurir.mk

Нандо Де Коло стана најдобриот стрелец во европската кошарка

Бошко Тасиќ — Sat, 04 Feb 2023 05:42:11 +0000

Легендата на француската и европската кошарка Нандо Де Коло како актуелен кошаркар на Асвел Вилебран испиша историја го надмина Никос Галис станувајќи најдобар стрелец во историјата на европската кошарка. Де Коло во првата четвртина од натпреварот против Виртус постигна седум поени и така го надмина Галис кој имаше постигнато 4.092. Французинот во овој момент има 4.904 постигнати поени. Кариерата Де Коло ја започна во Шоле во 2008 година, подоцна го носеше дресот на Валенсија (2009-2012), а потоа замина во НБА од каде што по две години се врати во Европа во ЦСКА Москва и Фенербахче.

Нандо де Коло се враќа во Франција

Бошко Тасиќ — Thu, 30 Jun 2022 20:19:19 +0000

Францускиот кошаркарски репрезентативец Нандо Де Коло се врати во татковината. 35-годишниот кошаркар кој е двоен европски шампион си замина од турски Фенербахче и повторно ќе игра дома и ќе игра за францускиот Асвел. Де Коло и Асвел се договорија да соработуваат две години. Французинот ја почна кариерата во Шоле во 2006 година, а откако си замина од 2009 година играше само во странство.

Нандо Де Коло го продолжи договорот со Фенербахче

Бошко Тасиќ — Wed, 23 Jun 2021 21:48:41 +0000

Францускиот кошаркарски репрезентативец, Нандо Де Коло го продолжи договорот со тимот на Фенербахче за уште една година. Де Коло минатата сезона за турскиот тим во Евролигата имаше просек од 15,8 поени, 3,9 асистенции и 3,2 скока по натпревар. Во досегашната кариера, францускиот кошаркар, кој игра како плејмејкер и бек, двапати ја освои титулата европски шампион со тимот на ЦСКА од Москва (2016 и 2019 година), а во 2016 година беше прогласен за најкорисен играч во Евролигата.

Де Коло и Весели остануваат во Фенербахче

Магдалена Андонова — Tue, 07 Jul 2020 11:16:37 +0000

Нандо Де Коло и Јан Весели ќе останат во турскиот кошаркарски великан Фенербахче, објави инсајдерот Никос Варлас. Според изворот, овие двајца кошаркари нема да го напуштат турскиот тим, и покрај гласините за нивно заминување. Исто така, се известува дека иднината на уште еден лидер на Фенербахче, Костас Слукас, сè уште е под знак прашалник. Претходно се дозна дека турскиот клуб го намали буџетот. Тимот веќе го напуштија тренерот Желимир Обрадовиќ и играчот Луиџи Датоме. (MИА)

Нандо Де Коло избран во Тимот на деценијата во Евролигата

Дарко Андоновски — Tue, 14 Apr 2020 13:42:13 +0000

Францускиот кошаркар Нандо Де Коло е избран во симболичниот тим на Евролигата за оваа декада. На гласањето учествуваа навивачи, новинари, играчи и главни тренери на клубовите. Де Коло мина шест сезони во елитното натпреварување во текот на изминатата деценија, од кои пет се со ЦСКА и последната сезона со Фенербахче. Играчот беше втор на листа ефективност со 3.222 бода, од кои 2.886 поени и 336 асистенции. Со ЦСКА Москва, Де Коло двапати стана шампион на Евролигата (2016, 2019 година), а ги освои и главните индивидуални награди на фајнал фор: најпродуктивен играч, МВП на сезоната и МВП на Ф4, а се најде и во идеалната петорка.

Де Коло: Би сакал да го повторам со Фенербахче патот што го минав со ЦСКА

Тале Кристо — Sun, 05 Apr 2020 16:31:11 +0000

Кошаркарот на Фенербахче, Нандо Де Коло, изјави дека би сакал да го повтори успехот со турскиот клуб, што го забележа со ЦСКА. Де Коло двапати стана победник во Евролигата како дел од рускиот клуб (2015/16, 2018/19). – Освоивме многу трофеи во петте години што ги поминав во ЦСКА. Имам многу поени и би сакал да ја повторам истата работа, само со различен тим, рече Де Коло. Французинот оваа сезона постигна просек од 15,9 поени, и по три скока и асистенции по натпревар.