нане – Kurir.mk

Чајот од нане го намалува салото околу стомакот

Ивона Петрова — Sat, 26 Nov 2022 18:32:09 +0000

Се подразбира дека не постои напивка која магично ќе ве натера да ослабете преку ноќ. Сепак, чајот од нане може да биде многу корисен ако се обидувате да се ослободите од салото од стомакот. Нутриционистката Кортни Д'Анџело вели дека чајот од нане е еден од најдобрите пијалоци за слабеење. -Нема калории. Има сладок вкус и ќе можете да го намалите апетитот и желбата за слатки. Покрај тоа, нането има антивирусни, антибактериски и антиинфламаторни својства. Ги решава и дигестивните проблеми, рекла таа. Истражувањето објавено во "Journal of Clinical Gastroenterology" покажало дека учесниците кои консумирале нане можеле да го ублажат синдромот на нервозно дебело црево. На овој начин ја намаллеа и надуеноста на стомакот. Ги ублажува грчевите на мазните мускули, кои можат да бидат предизвикани од менструалниот циклус. Овој чај не содржи кофеин, а позитивно влијае и на менталниот капацитет. Истражувањето покажа дека нането го подобрува расположението и меморијата.

Најздравото освежување: Домашен СОК ОД НАНЕ е се што ви е потребно за да закрепнете

Ристе Здравков — Thu, 03 Nov 2022 11:33:13 +0000

Нането е во полн цут, а некои од вас веројатно го берат и сушат за да направат чај по потреба. Младите домаќинки веројатно не знаат дека со нане може да се направи совршен освежителен пијалок, што е идеален, пријатен и вкусен начин за разладување во топлите денови, а и за овој преоден период. Состојки: – 10 гранчиња свежо набрано нане – вода, 1 л – шеќер, 1 кг – маточина, 2 лажички Подготовка: Нането измијте го темелно, а потоа натопете го во вода со лимонска киселина. Исечете го лимонот со целата кора на парчиња и додадете го во водата. Добро измешајте и оставете да отстои 24 часа. Потоа исцедете го сокот во друг сад и додадете шеќер. Добро измешајте и оставете да отстои уште 24 часа. После тоа, истурете го пијалокот во стерилизирани шишиња и чувајте го на ладно место.

Идеален за освежување за време на топлите денови: Направете сок од нане, кој е добар и за вашето здравје

Магдалена Андонова — Wed, 10 Aug 2022 13:53:35 +0000

Можете лесно сами да направите сируп од нане, кој може да се пие разреден и ладен, и ќе има ефект врз вашето тело речиси веднаш. Рецепт за сокот од нане Нането е многу здраво, а ќе го обожавате и вкусот. Постојат многу рецепти за сок од нане, а ние ви претставуваме еден многу лесен за подготовка. Состојки: На 10 гранчиња нане ставете литар вода и килограм шеќер, половина лимон и околу 10 грама лимонска киселина (две лажички). Ако сакате повеќе сок, само удвојте ги овие количини. Подготовка: Потопете ги гранчињата нане во вода со лимонска киселина и исечени лимони со кора. Измешајте добро и оставете да отстои на ладно и темно место 24 часа. Следниот ден, процедете ја течноста, потоа додадете шеќер и добро измешајте. Оставете да отстои уште 24 часа, повремено мешајќи. По 48 часа сирупот е подготвен за истурање и чување во стаклени шишиња. Помалите количини најдобро е да се чуваат во фрижидер, а поголемите на ладно и темно место.

ОВА СЕ ПРИДОБИВКИТЕ ОД СЀ ПОПОПУЛАРНИОТ ПИЈАЛОК Еве зошто водата од нане е добра

Ристе Здравков — Fri, 03 Jun 2022 05:57:39 +0000

Ако имате навика да пиете обична вода, водата од нане може да го стабилизира внесот на течности. Водата од нане или вода со нане е пијалок кој станува сè попопуларен. Постојат многу причини зошто овој пијалок толку брзо стана омилен на многумина. Вкусен е, бара малку состојки, содржи минимални количества калории и шеќер и ви помага да останете хидрирани. Што е вода од нане? Нането спаѓа во родот ментол растенија, група од околу 40 видови миризливи повеќегодишни растенија.Нането се користи како кулинарска билка илјадници години и за медицински цели. Водата од нане е освежителен и здрав напиток кој можете да го направите од само две состојки – нане и вода.Најпопуларните видови нане се метивец и пеперминт. Ако купите свеж ментол во продавница, големи се шансите тоа да биде метивец. Бидејќи водата од нане често содржи само ментол и вода, се покажа дека има малку калории и шеќер.Две лажици свежи листови нане содржат само 5 калории. Овој пијалок е идеален освежителен начин да останете хидрирани.Пиењето вода го поддржува вашиот метаболизам, телесната температура, циркулацијата, но и покрај сето тоа, не внесуваме вода колку што треба, па водата со нане би можела да нѐ мотивира да пиеме повеќе течности. .

Овие 3 напитоци ќе ве “истопат” – за еден месец нема да имате ниту еден грам сало

Магдалена Андонова — Sun, 05 Dec 2021 15:31:34 +0000

Чаевите од овие билки се моќни согорувачи на масните наслаги и дури и нутриционистите ги препорачуваат. Доколку сакате да ослабнете, задолжително внесете ги во своето дневно мени. Магдонос Магдоносот е природен диуретик кој ќе ви помогне да го исфрлите вишокот вода. Тој помага и при варењето и со тоа ја намалува надуеноста, а супстанцата наречена еугенол помага во одржување на стабилното ниво на шеќер во крвта. Рузмарин Рузмаринот е полн со антиоксиданси кои имаат антивоспалителни дејства, а помагаат да се намали нивото на шеќер во крвта. Рузмаринот содржи карнозинска киселина која е голем и значаен борец против килограмите. Нане Со мирисот на нане секојдневно се среќаваме, но можеби не сте знаеле дека оваа билка го намалува апетитот. Затоа, следен пат кога не сте сигурни дали навистина сте гладни или едноставно ви е здодевно, вдишете есенцијално масло од нане или испијте шолја чај. Покрај тоа, листовите од нане помагаат во варењето и намалувањето на гасовите.

Нането не е само зачин, тоа е и лек

Ивана Ефремовски — Fri, 26 Nov 2021 17:15:55 +0000

Нането може да го зачини животот, кога станува збор за исхраната, но и за здравјето, потврдија експертите од германската служба за анализа и информации за храната, исхраната и земјоделието. Лутото нане на сите водови продукти им дава свежа арома, без оглед дали се додава во освежителни пијалаци, десерти или во јадења. Етеричните масла од нането го прават особено ефикасно, неговите лисја содржат многу еукалиптол и ментол. Маслото ги олеснува грчевите во желудникот, влијае на намалувањето на главоболката и ги отстранува пречките во варењето на храната. -Меѓутоа, премногу нане може да има лош ефект врз организмот. Големо количество еукалиптол не влијае добро врз слузокожата на желудникот. Повеќе од три шолји чај од нане на ден, претставува преголемо количество за организмот, сметаат стручњаците. Употребата на лутото и зеленото нане е многу раширена. Свежиот вкус на нане добро оди со салати, зеленчук, јагнешко, мелено месо, компир, зрнесто овошје, чоколада и десерти од млечните производи. Стручњаците потсетуваат дека свежите листови нане брзо ја губат аромата и поради тоа на јадењата треба да им се додаваат по, а не завреме на приготвувањето.

Чајот и маслото од нане нудат повеќе придобивки

Ивона Петрова — Fri, 30 Jul 2021 11:55:32 +0000

Чајот од нане помага во „битката“ против лошиот здив, како што посочуваат последните истражувања. Имено, за тоа е доволна една „гаргара“ со чај од нане и лимон дневно… Следат уште неколку придобивки од нането. Истражувањата покажуваат и дека маслото од ова растение има антибактериски својства кои може да помогне во спречување на заболувања непца и на забен камен. Аромата на чајот може да ги ублажи симптомите на мигрена. А исто така, може да го отне носот и да ги ублажи инфекциите на горниот респираторен тракт, како и маслото од нане. Натаму, тука е и пријатното влијание при вознемирен стомак и гасови. Ги олеснува и грчевите во мускулите при менструација кај жената. Чајот не содржи кофеин, но има позитивно влијание врз умствената способност. Истражување на Универзитетот во Нортамбрија покажа дека нането го подобрува расположението и памтењето. Испитувањата опфатиле 180 лица. И при проблеми со вишок килограми, чаша чај од нане обезбедува чувство на ситост во текот на денот. На овој начин ќе избегнете внесување вишок калории и многу веројатно – ќе ослабите.

Моментално освежување- исецкајте лубеница и измешајте ја со оваа билка

Дарко Андоновски — Fri, 31 Jul 2020 20:40:01 +0000

Нема ништо подобро во летниот период од лубеница, а кога ќе го пробате овој напиток, полесно ќе ги поднесувате летните денови. Сè што ви треба е лубеница и малку нане, за да добиете пијалок кој сигурно ќе ве освежи. Состојки: - 150гр. исецкана лубеница на коцки, без семки - 6 китки нане - 5 чаши вода со мраз Постапка: Исецканата лубеница ставете ја во бокал. Малку издробете ги листовите нане за да пуштат арома, па измешајте ги со лубеницата. Потоа во бокалот истурете ја водата со мраз и оставете да отстои во фрижидер најмалку два часа пред консумација.

Овие 3 напитоци ќе ве “истопат” – за еден месец нема да имате ниту еден грам сало

Ристе Здравков — Sun, 26 Jul 2020 14:38:09 +0000

Нането е спас кога имате проблеми со кожата

Ивана Ефремовски — Tue, 16 Jun 2020 08:24:57 +0000

Нането е билка која често ја користиме за да подготвиме чај или да го декорираме јадењето, но неговите полезни дејства може да ги искористиме и кога е во прашање нашата убавина. Токму од таа причина нането е честа состојка во козметичките препарати. За да го исчистите лицето, да ја освежите кожата и да го спречите појавувањето на акни и други кожни иритации потребно е да ја подготвите оваа маска: неколку листови нане, една лажица мед, малку маслиново масло и една лажица павлака. Ситно исецкајте го нането и измешајте го со останатите состојки. Смесата нанесете ја на лицето и оставете нека делува најмалку 20 минути. Потоа измијте се со млака вода.