нант – Kurir.mk

Македа се повреди, го очекува подолга пауза

Бошко Тасиќ — Tue, 19 Sep 2023 18:25:25 +0000

Шпанскиот ракометен репрезентативец Хорхе Македа, кој настапува за Нант, ќе мора да паузира одреден временски период поради повреда. Како што соопштуваат француските медиуми Македа на тренинг ја заработил повреда на коленото. Македа ќе паузира околу два месеци, а тоа значи дека нема да биде на располагање за првите три натпревари во Лигата на Европа.

Нант и Кожан ја продолжија соработката до 2028 година

Бошко Тасиќ — Fri, 08 Sep 2023 05:11:01 +0000

Францускиот ракометен тим на Нант објави дека е продолжена соработката со тренерот Грегори Кожан за уште четири сезони. Кожан минатата сезона седна на клупата на овој тим и потпиша до 2024 година, а раководството очигледно е задоволно од соработката, па уште сега се одлучи да го врзе на долг рок. Нант под негово водство минатата сезона освои два трофеи во Супер Купот на Франција и во Купот на Франција, а до последен момент беше во конкуренција за титулата во првенството.

ПСЖ потпиша ракометар на Нант

Бошко Тасиќ — Sat, 13 May 2023 04:46:10 +0000

Францускиот првак ПСЖ објави дека е потпишан договор со шпанскиот кружен напаѓач Рубен Марчан. 28-годишниот играч на Нант доаѓа на лето во тимот предводен од Раул Гонзалес, и се обврза на соработка до 2025 година. Марчан имаше договор со Нант уште една сезона, но реши да ја промени средината бидејќи Жереми Тото и Тео Монар добиваат поголема шанса. Шпанецот потекнува од Манзанарес, играше за Куенка и Бенидорм, пред да се пресели во Адемар Леон, од каде замина во Франција. Во ПСЖ ќе игра во тројка со Лука Карабатиќ и Камил Шипжак.

Бос потпиша за Нант

Бошко Тасиќ — Mon, 24 Oct 2022 07:04:06 +0000

Швеѓанецот Линус Персон и Шпанецот Хорхе Македа се дуото на десната бековска позиција, а од следното лето ќе им се приклучи и Жулиен Бос. Францускиот репрезентативец кој во моментов игра за Монпелје, потпиша договор на три сезони, односно од 2026 година. 24-годишниот десен бек освои титула во Лигата на шампионите со Монпелје во 2018 година, а со националниот тим има злато од кадетско ЕП и СП, како и од младинско СП.

Кардиф мора да му плати шест милиони долари на Нант за Сала

Бошко Тасиќ — Sat, 27 Aug 2022 07:23:54 +0000

Фудбалскиот клуб Кардиф ќе мора да му плати на Нант шест милиони долари, откако Судот за спортска арбитража (CAS) во Лозана пресуди во корист на францускиот клуб во повеќегодишниот спор по смртта на фудбалерот Емилијано Сала во авионска несреќа. CAS ја одби жалбата на Кардиф, кој се жалеше на одлуката на Меѓународната фудбалска федерација (ФИФА) да му ја плати на Нант првата рата од шест милиони долари за Сала.

Нант се засили ростерот со шпанско дуо

Бошко Тасиќ — Sat, 13 Aug 2022 06:20:38 +0000

Француски Нант, тимот во кој до пред скоро време настапуваше Кирил Лазаров, донесе две нови имиња за претстојната сезона како засилувања за Лигата на шампионите. Шпанските репрезентативци Хорхе Македа и Каулди Одриозола се нови членови на францускиот вицепрвак. 34-годишниот Македа доаѓа како десен бек и замена за Кирил Лазаров кој замина во пензија. 25-годишниот Одриозола игра како лево крило. Македа пристигна во Нант од тимот на Веспрем каде настапуваше во последните две години, додека Одриозола беше дел од Бидасоа Ирун од 2016 година и немаше менувано клуб како професионалец. Нант во Лигата на шампионите ќе игра во групата Б заедно со ПИК Сегед, Барселона, Целје, Киелце, Кил, Елверум и Алборг.

Фото за историја: Кралот Кире Лазаров

Ристе Здравков — Thu, 09 Jun 2022 07:10:17 +0000

Кире Лазаров синоќа го одигра последниот натпревар во арената во Нант, а навивачите на овој клуб знаеја на најдобар начин да му се заблагодарат на Македонецот за сето она што тој го направи за тимот, во кој дојде по заминувањето од Барселона и го одведе до две фајналфор завршници во Лигата на Шампионите. „Кралот Кире“ е прекар што македонскиот бомбардер го доби низ годините на европската ракометна сцена, а Нант го круниса на најдобар можен начин, седнувајќи го на трон, со круна на главата, со семејството веднаш до него. Нема сомнеж, Лазаров се повлекува не само како најдобар македонски ракометар на сите времиња, туку и еден од најдобрите во Европа што некогаш го играле овој спорт. Во Нант тоа многу добро го знаат, па затоа ја испратија нашата спортска легенда во пензија онака како што доликува на еден великан.

Кире Лазаров го одигра последниот домашен меч за Нант

Бошко Тасиќ — Wed, 08 Jun 2022 20:15:31 +0000

Македонскиот ракометен селектор Кире Лазаров го одигра последниот натпревар за Нант во домашниот шампионат и на дуелот против Тулуз постигна три гола во победата од 32-18.

Лазаров вчера го најави својот крај на кариерата, па денеска се збогуваше од домашната публика, а до крајот на сезоната му останува да одигра уште еден меч и тоа против ПСЖ во Купот. Нант ја заврши сезоната на втората позиција во француското првенство со 49 бодови, односно 11 помалку од шампионот ПСЖ.

Кирил Лазаров со Нант го освои францускиот ракометен Куп (ВИДЕО)

Бошко Тасиќ — Sun, 19 Dec 2021 20:59:05 +0000

Во големото финале на Лига купот во Франција екипата на Нант со резултат 28:21 беше подобра од составот на Шамбери. Тоа е нов трофеј во кариерата на македонскиот репрезентативец Кирил Лазаров кој на денешниот натпревар постигна два гола. Одличен меѓу стативите на овој натпревар беше голманот Емил Нилсен кој запиша 18 одбрани. Најдобар стрелец кај Нант беше Валеро Ривера со шест од шест, пред Давид Балагер со пет, додека За Нант ова е втора титула во францускиот Куп по онаа во 2015 година. https://twitter.com/i/status/1472612961306955781

Кире Лазаров и неговиот Нант во финишот потклекнаа против ПСЖ

Бошко Тасиќ — Tue, 14 Dec 2021 22:06:10 +0000

Кире Лазаров и Нант долго имаа предност на дербито со ПСЖ, но гостите победија на денешната средба (29:30). ПСЖ во првиот дел водеше со 8:10, но следуваше одлична серија на Нант, по која домаќините имаа 13:10, за гостите на полувреме сепак да заминат со еден гол негатива (13:12). Во вториот дел Нант најчесто беше во водство, имаше предност 22:19 и 24:21, но во завршницата парискиот состав се погрижи за неизвесна завршница. Избраниците на Раул Гонзалес на крајот излегоа како победници, па сега имаат пет бода повеќе од Нант и натпревар помалку. Лазаров го заврши натпреварот со 2 гола, а најефикасни во Нант беше Мине со 6 и Пешмалбек со 5 гола. Кунку со 7 погодоци ги предводел стрелците кај победникот ПСЖ.