напад со нож – Kurir.mk

Пет лица повредени во напад со нож во Нов Зеланд

Дарко Андоновски — Thu, 23 Jun 2022 07:24:26 +0000

Напаѓач со нож денеска во Оукленд, на Нов Зеланд повреди пет лица, пред околните минувачи да го соборат на земја и да го совладаат, соопшти полицијата. Британските медиуми го цитираат претставникот на локалната полиција кој изјавил изјави дека нападот во Оукленд траел помалку од 10 минути, бил изведен без посебна цел, а дека осомничениот сега е во притвор. Оттаму соопштија дека нема индиции дека се работи за кривично дело од омраза, бидејќи жртвите биле од различен пол, националност и возраст, а полицијата се пофали дека брзо реагирала, го уапсила сторителот и спречила поголем број жртви. Се наведува и дека сите ранети се со умерени повреди. Случајни минувачи кои случајно се нашле на местото на инцидентот го следеле осомничениот и го опколиле по почетокот на нападот, а еден од нив го соборил со помош на патерици за одење, соопшти полицијата. Прецизирано е дека мажот носел голем нож и дека имал умерени повреди при апсењето, како и дека поради тоа бил хоспитализиран. На Нов Зеланд минатата година имаше два поголеми насилни напади со нож во супермаркети, а еден е наведен како терористички чин, додека истрагата не го утврди мотивот за вториот напад, пренесуваат британските медиуми.

Маж од Тетово повреден, сограѓанин го ранил со нож во кафеана

Ивана Ефремовски — Wed, 16 Feb 2022 15:11:37 +0000

На 15.02.2022 во 20:30 часот, полициски службеници на СВР Тетово го лишиле од слобода Д.К.(24) од Тетово, кој околу 19:00 часот во угостителски објект на ул.„ЈНА“ во Тетово со остар предмет му нанел повреди на Н.Ѓ.(28) од Тетово. Н.Ѓ. бил пренесен во тетовската Клиничка болница за укажување лекарска помош, а увид извршила екипа на СВР Тетово, при што бил пронајден и предметот за кој постои сомнение дека бил употребен во угостителскиот објект. Д.К. бил задржан во Полициската станица Тетово, а по целосно расчистување и документирање на случајот против него ќе биде изготвен соодветен поднесок со кој денеска (16.02.2022) ќе биде изведен пред Судија во претходна постапка на Основниот суд Тетово.

Едно лице загина, а неколкумина се повредени при напад со нож во Ница

Магдалена Андонова — Thu, 29 Oct 2020 09:06:08 +0000

Вооружено лице со нож убие еден човек и повреди неколку други во близина на црквата Нотр-Дам во Ница, пред да биде уапсен, јави дописникот на МИА. Француската полиција соопшти дека е уапсен сторителот. Францускиот министер за внатрешни работи, Жералд Дарманан на Твитер објави дека поради нападот е закажан кризен состанок. Засега нема подетални информации за нападот. (МИА)

Ќе те убијам тебе и себе: Српската пејачка нападната со нож среде дискотека пред очите на нејзиниот сопруг (ФОТО)

Дарко Андоновски — Sat, 23 Feb 2019 09:55:49 +0000

Познатата пејачка Маја Беровиќ била нападната во Виена по својот настап во еден ноќен клуб. Имено непознат маж на средни години и се заканил на пејачката дека ќе ја убие, а потоа му се заканил и на нејзиниот сопруг.

View this post on Instagram

U kom gradu biste voljeli da me vidite? Pisite mi u komentaru❤️??‍♀️

A post shared by Maya Berovic (@mayaberovicofficial) on Feb 10, 2019 at 9:26am PST

Нејзиниот фан доаѓал на секој нејзин настап, а Маја повремено му оставала и карти за сите нејзини настапи, но потоа тој и праќал слики од нејзините станови во Виена и Белград, по што пејачката многу се исплашила, објавува „Свет“.

View this post on Instagram

Stockholm I am ready ??

A post shared by Maya Berovic (@mayaberovicofficial) on Feb 2, 2019 at 1:17pm PST

-Маја многу се уплаши бидејќи тој и се заканувал дека ќе ја убие нејзе и себе, па по овие пораки таа му рекла на својот сопруг да не му дозволува да и се приближи на настапот, нејзиниот фан потоа сакал и фотографија со пејачката зад сцената, по што извадил и нож, а Маја изреагирала како што треба за да не дојде до инцидент, вели изворот за српски „Свет“. Нејзиниот сопруг дискретно повикал обезбедување, а за неколку минути тие го совладале него, а пејачката останала недопрена, додава изворот.

View this post on Instagram

Versace Baby?

A post shared by Maya Berovic (@mayaberovicofficial) on Feb 16, 2019 at 9:38am PST

Три жени прободени со нож во Нирнберг, нема докази за тероризам

Предраг Кукиќ — Fri, 14 Dec 2018 08:46:41 +0000

Три жени се избодени со нож во одвоени напади во јужниот германски град Нирнберг, а германската полиција истражува дали тие инциденти се поврзани. Полицијата наведува дека нема индиции оти нападите се поврзани со тероризам. Нападите се случиле синоќа меѓу 19:20 часот и полноќ, по локално време. Сите три жени, на возраст од 56, 34 и 26 години, веднаш се оперирани по пристигањето во болница. Нивната здравствена состојба засега не е позната. Полицијата вели дека жртвите дале различен опис на нивните напаѓачи.

ВИДЕО: Крвав напад во Германија – три лица прободени со нож

Предраг Кукиќ — Fri, 28 Sep 2018 20:28:59 +0000

Полицијата уапси маж кој денеска тешко рани едно, а полесно две лица во напад со нож во центарот на градот Равенсбург, на југот на Германија. Мотивот за нападот се утврдува. На местото на нападот случајно се затекнал градоначалникот Даниел Рап, кој го наговорил напаѓачот да се предаде. „Стоеше пред мене со нож во раката, му реков да го фрли на земја. Ме послуша“ – вели Рап. Набрзо стигна полицијата и го уапси напаѓачот.

Ravensburg @Schwaebische @AfD @ravensburg pic.twitter.com/cWsq7po6q6
— Lord Sidious (@DerSteiger) September 28, 2018

Две жени убиени и неколку повредени во напад со нож во ресторан

Предраг Кукиќ — Wed, 22 Aug 2018 20:57:19 +0000

Две жени се убиени, а неколку лица се повредени во напад со нож во Белгија. Непознато лице со нож ги нападнало гостите во ресторанот „Ле Рамиер“ во белгискиот град Мореснет. Британски „Мирор“ пренесува дека починале две жени, како и дека во квартот во кој се случил нападот околу 17 часот, се распоредени специјални полициски сили, а местото го надлетува и хеликоптер. Градоначалникот на округот, Тјери Вимер, изјавил дека дошло до трагедија, но дека не станува збор за терористички чин. Тој рекол дека нападот бил предизвикан од приватни причини и дека нема опаснoст за нацијата.

Детали за нападот во автобус во Германија

Даниел Василев — Fri, 20 Jul 2018 14:49:17 +0000

Германската полиција објави на Твитер дека никој не бил убиен во денешниот инцидент во автобус во северниот германски град Либек и дека сторителот е приведен. - Имаше инцидент во градски автобус во Либек, соопшти полицијата во државата Шлезвиг-Холштајн, каде се наоѓа тој град. - Повредени се осум луѓе, од кои тројца се со сериозни рани, изјави портпаролка на полицијата за ДПА. Претходно германски медиуми јавија за 14 повредени откако маж нападнал луѓе во градски автобус. Германскиот локален весник Либекер Нахрихтен пренесе изјава од јавниот обвинител Ула Хингст која вели дека „ништо не е исклучено, вклучително и дека тоа е терористички напад“. МИА

Полицијата ликвидираше напаѓач со нож во Франција

Даниел Василев — Mon, 09 Jul 2018 17:49:58 +0000

Француски полицајци ликвидирале маж кој се обидел со нож да нападне луѓе во град во северна Франција, јави локалниот весник „Курие Пикар“. Според весникот, екстремистот извикуваал „Алах Акбар“ („Алах е голем“). Минувачите кои го виделе побрзале да се скријат во своите домови. Потоа, напаѓачот почнал со ножот да удира по паркираните автомобили. Очевидци изјавиле дека напаѓачот бил „исклучително агресивен“ и „изгледал како човек под влијание на дрога“. Полицијата неколку пати го погодила со електрошокови испукани од специјални пиштоли, поради што откажало срцето на напаѓачот. Полицајците не успеле да го спасат и тој починал на лице место. МИА

Кривична пријава за лице од Струшко поради напад со нож

Дарко Андоновски — Mon, 25 Jun 2018 11:37:37 +0000

Поради постоење основи на сомнение за сторено казнено дело „загрозување со опасно орудие при тепачка или караница“, надворешната канцеларија за криминалистички работи-Струга, до надлежното јавно обвинителство поднесе кривична пријава против М.М. (32) од струшкото село Радолишта. СВР Охрид соопшти дека лицето казненото дело го сторило на 17 овој месец на локален пат пред селото Долна Белица. - Со патничкиот автомобил што го управувал и го попречил патот на Б.И.(19) по што се случила вербална расправија со Ш.К.(23), кој бил повикан на местото на настанот. Расправијата набрзо прераснала во физичка пресметка, по што, М.М. со нож го прободел Ш.К. во пределот на слабината и му нанел телесна повреда, стои во информацијата од СВР Охрид.