нападнат полицаец – Kurir.mk

Тепале полицаец со стапови, шипки, тупаници – Истрага за 13 жители на Баница, притвор за петмина

Дарко Андоновски — Thu, 24 Aug 2023 10:53:44 +0000

Основното јавно обвинителство Струмица донесе Наредба за спроведување истражна постапка против 13 лица за кои постои основано сомнение дека во соизвршителство сториле кривично дело – Напад врз службено лице при вршење работи на безбедноста според член 383 став 3 во врска со став 1 од Кривичниот законик. -Сите осомничени заедно, на 18 август, нападнале службено лице – криминалистички техничар во МВР-СВР Струмица кој излегол на лице место во селото Баница за да фотодокументира пронајдени кошови со пчели – предмет на пријавено кривично дело „Кражба“. Осомничените со дрвени стапови, метални шипки и други предмети најпрвин започнале да удираат врз полициското возило. Во еден момент, додека службеното лице се обидувало да се легитимира, еден од осомничените ја отворил возачката врата, насилно му ја одзел легитимацијата и мобилниот телефон, а потоа почнал да го удира со тупаници по главата и по телото. Потоа го извлекле криминалистичкиот техничар од возилото, го турнале на земјата и продолжиле да го удираат со тупаници и со разни предмети. Во тоа се придружило и едно малолетно лице против кое се води посебна постапка. Од ударите оштетениот се здобил со повеќе тешки телесни повреди, информираат од ЈО. По предлог на јавниот обвинител, судијата на претходна постапка од Основниот суд во Струмица донесе решение за кое на петмина од осомничените им определи мерка притвор во траење од 30 дена.

НАМЕСТО ВО ДИСКОТЕКА ЗАВРШИЛ ВО ПРИТВОР – возач одбил да се легитимира, па нападнал полицаец и му нанел расцепна рана на вратот!

Дарко Андоновски — Mon, 12 Dec 2022 13:11:23 +0000

На 10 декември, извршувајќи работни задачи по претходно изготвен план „Безбеден град“ за подрачјето на Град Скопје, полициски службеник забележал автомобил кој се движел со поголема брзина кон ноќен клуб. Го запрел возилото и се обидел да го легитимира возачот и неговиот сопатник. Притоа, совозачот во автомобилот најпрвин вербално реагирал на наредбата за легитимирање, а потоа започнал да му се заканува и да го навредува полицискиот службеник. Кога полицаецот го предупредил осомничениот да ги почитува наредбите, тој нагло се свртел кон него и со двете раце во пределот на градите се обидел да го завлече. Во тој момент реагирале уште неколкумина полицајци кои се обиделе да го оттргнат осомничениот и да му стават лисици на рацете, но тој продолжил да дава активен отпор. При туркањето, еден полициски службеник се здобил со телесна повреда – расцепна рана на вратот. Бидејќи постои опасност осомничениот да се даде во бегство или да го повтори делото, јавниот обвинител до судијата на претходната постапка од Основниот кривичен суд Скопје достави предлог за определување мерка притвор

Драма за време на полицискиот час: Се возел по празните улици, а откако го застанала полицијата следувало сценарио како на филм

Дарко Андоновски — Sun, 07 Jun 2020 08:34:36 +0000

На 06.06.2020 во СВР Скопје било пријавено дека во 15,40 часот во близина на бензинска пумпа во с.Студеничани, скопско полициски службеници од СВР Скопје за време на забраната за движење додека извршувале редовни работни задачи го застанале И.Ш(22) од с.Студеничани кој управувал патничко моторно возило„лада самара“ со скопски регистарски ознаки и при обид за негово легитимирање истиот се обидел да избега и физички нападнал еден од полициските службеници, по што бил лишен од слобода. По целосно документирање на случајот против него ќе биде поднесен соодветен поднесок, информираат од МВР.

Инцидент во кафуле во Куманово- Нападнат полицаец

Предраг Кукиќ — Mon, 12 Aug 2019 15:25:47 +0000

Момче било уапсено откако во кафе бар во Куманово нападнало полициски службеник информира МВР. „Вчера во 20:30 часот во Куманово на улицата „Октомвриска Револуција“ по претходна пријава, во кафе бар, 22-годишниот Е.А. од Куманово физички нападнал полициски службеник. Е.А. е приведен во полициска станица за натамошна постапка“ велат од МВР.

Драма на автопатот Куманово-Скопје: Момче нападна полицаец

Предраг Кукиќ — Mon, 29 Jul 2019 15:37:33 +0000

Момче нападнало полицаец на должност на патот Куманово-Скопје, информира МВР. Вчера во 02:50 часот на автопатот Куманово-Скопје поточно исклучок за обиколница додека полициски службеник вршел контрола на патничко моторно возило управувано од 55-годишниот С.Д. од Скопје бил физички нападнат од совозачот, 26-годишниот И.Д. од Скопје. Против И.Д. ќе биде поднесен соодветен поднесок.

Нападнал полицаец додека го носеле во Бардовци

Предраг Кукиќ — Thu, 23 May 2019 13:32:26 +0000

Околу 18.20 часот на улицата „Афузпашина“ во Скопје полициски службеник бил физички нападнат од 57-годишниот Ј.Н. од Скопје. Полицаецот бил нападнат додека давал асистенција на Итна медицинска помош за негово пренесување во психијатриска болница Бардовци. Се преземаат мерки за целосно расчистување на настанот.

Кумановчанка нападнала полицаец

Предраг Кукиќ — Thu, 28 Mar 2019 14:16:39 +0000

Кумановка нападнала полициски службеник, соопшти денеска СВР Куманово. Во соопштението на полицијата се наведува дека 35 годишната М.Ж. вчера во 17:30 часот физички нападнала полициски службеник во полициската станица од општа надлежност во Куманово. Од СВР Куманово наведуваат дека М.Ж. е лишена од слобода и против неа ќе биде поднесен соодветен поднесок.

Арачиновец нападнал полицаец во полициската станица во Кисела Вода

Предраг Кукиќ — Wed, 06 Feb 2019 21:41:18 +0000

Вчераутро во просториите на Полициската станица Кисела Вода, полициски службеник физички бил нападнат од лицето Е.Н. (20) од село Арачиново, скопско, кое го привел во полициската станица. По целосно документирање на случајот, против Е.Н. ќе биде соодветен поднесок.

Нападнат полицаец во Свети Николе: Разбеснет маж му удирал клоци, тупаници и го гризел

Ивана Ефремовски — Sun, 04 Mar 2018 11:31:19 +0000

Синоќа околу 20.30 часот на ул. „Ќикевачка“ во Свети Николе, Ј.А. (45) од Пробиштип физички нападнал полициски службеник. Во наведеното време двајца полициски службеници отишле на местото по пријава за физички напад од страна на Ј.А. врз лицата З.М. и М.М од Свети Николе. Кога пристигнале на местото, полициските службеници му наредиле на Ј.А. да се оддалечи од дворот на З.М. Тој не ги послушал и продолжил да вика и да упатува закани по животот кон едниот полициски службеник. Кога се обиделе да го приведат, Ј.А. физички го нападнал едниот полициски службеник, удирајќи го со тупаници и клоци во пределот на главата и телото, а го гризнал два пати во пределот на десната рака. Откако дошло засилување, Ј.А. бил приведен и задржан во полициска станица за понатамошна постапка. На полицискиот службеник му била укажана лекарска помош во Јавната здравствена установа Свети Николе. За настанот бил запознаен Јавен обвинител.