нападнато дете – Kurir.mk

Нападнат синот на Пеце од Суперхикс: Го клоцале малолетници, музичарот открива детали за инцидентот

Ивана Ефремовски — Tue, 28 Mar 2023 10:59:04 +0000

Два дена се мислам дали да реагирам ама очигледно ова не смее да се премолчи. Во неделата вечерта, некаде околу 21 часот, мојот малолетен син е нападнат играјќи сам кошарка на кошот во Парк Капиштец од страна на 4 малолетни лица на возраст од 12 до 16 години, открива македонскиот музичар Петар Младеновски, познат како Пеце од групата Суперхикс. Неговиот Фејсбук статус во кој открива детали за инцидентот, го пренесуваме во продолжение: Прописно е исшамаран и исклоцан без никаква причина (оние кои не знаат од соседстото знаат многу добро колку мирно и повлечено дете е мојот син) а се обиделе и да му го украдат баскетот. Добивме повик од него дека е нападнат и веднаш се упатив кон местото на случката, но таму јас не успеав да ги затекнам. Трчајќи во правец на катната гаража кај Беверли Хилс истите беа препознаени од син ми и успеав некако да фатам и задржам еден од нив по што мирно и спокојно дојдоа и останатите по што повикавме полиција. Немаа никаков проблем да останат и да не избегаат(хм...). Морам да признаам дека полицијата (станица Беко, 2-ца од интервентна и подоцна 3-ца во униформа) бргу реагираа и се појавија на местото каде бевме. Е тука следува изненадувањето! Од полицајците добивмо инфо дека ова се веќе познати малолетни деликвенти и сторители на десетици дела..но, дека истите се штитеници од Домот за деца ( од она што подоцна го дознав, деца со девијантно и проблематично однесување) за кој искрен да бидам прв пат слушам иако живеам на неполни 700м од куќата, “25 Мај“ кој се наоѓа на улицата Елисие Поповски во близина на Водњанска и дека истите никако не можат кривично да одговараат за сторените дела ниту да бидат некако приведени. Имено, истите се дел од некаков, ајде да го наречам “дом-куќа-семејство“ и живеат 6-мина во објектот (од вработените дознавам дека се сите проблематични и дела се вршат катадневно на територијата на Општина Центар и пошироко) и се по мој впечаток буквално ОСТАВЕНИ САМИ НА СЕБЕ и се движат каде сакаат и прават што сакаат. Исто така дознавам дека имаат и официјално назначени старатели ама истите се во Штип, Битола итн итн..и не знам на кој начин и по што се овие лица старатели на овие деца. Едноставно ништо не разбирам и ова е несфатливо. Мојот син има последици од настанот и трауми кои ќе ги влече подолго време. Но ние ќе продолжиме со пријава на делото во полиција и со прибирање на сите извештаи од лекари, психијатри итн (иако е веќе дадена и изјавата ама реакција нема никаква за жал, барем за сега..) и со преземање на сите можни дејствија за расчистување на случајот и некаква реакција овие малолетнички банди кои очигледно оперираат подолго време низ Центар да се стават под некаква контрола бидејќи ова ќе им се случува и на останатите од соседтсвото и нема тука да запре. Едноствано овие деца ама НИКОЈ НЕ ГИ КОНТРОЛИРА. Не знам каков живот ги чека искрено, ама ова не е во ред и е тажно и за нив. Исконтактирана е директорката на Домот, добив повик и од кабинетот на министерката Јована Тренчевска која верувам и лично ќе се заинтересира за случајов и оваа не баш пријатна состојба и самата ќе се запознае со случајот и реагира. Би сакал со случајот да бидат запознаени (бидејќи ова веќе станува опасно, Капиштец станува Бронкс а важеше за една од најмирните населби некогаш) Општина Центар и Горан Герасимовски. Очекуваме помош и од полицијата и од сите кои се надлежни да постапат по ова. Не се чувствуваме безбедни во сопствената населба и Паркот Капиштец. Ова не е прв инцидент. Се намножија низ годините. Реакцијата е млака или ја нема воопшто. Драги соседи бидете внимателни и чувајте ги вашите деца и себе!

Дете нападнато во училиште во Шуто Оризари, малолетници носеле метален предмет и нож

Ивана Ефремовски — Tue, 08 Nov 2022 16:15:15 +0000

На 07.11.2022 во 14.10 часот во СВР Скопје, Е.Б.(32) од Скопје пријавил дека околу 09.05 часот во близина на основно училиште на подрачје на Шуто Оризари неговиот малолетен син бил физички нападнат од тројца малолетници. Според пријавата, напаѓачите употребиле и метален предмет, а едниот од нив имал и остар предмет. Се преземаат мерки за расчистување на случајот.

Дете нападнато и повредено со остар предмет во двор на училиште

Ивана Ефремовски — Thu, 14 Jul 2022 14:37:57 +0000

Надворешната канцеларија за криминалистички работи Гостивар поднесе кривична пријава против малолетник од село Горна Бањица, гостиварско, поради постоење основи на сомнение за сторено кривично дело „насилство“. На 07.04.2022 пред средно училиште во Гостивар, по претходна расправија и меѓусебна нетрпеливост, со остар предмет нападнал ученик и му нанел повреда на раката.

Дете нападнато во училиште во Карпош

Ивана Ефремовски — Tue, 07 Dec 2021 14:59:03 +0000

На 06.12.2021 во 20:25 часот во СВР Скопје, С.А.(45) од Скопје пријавила дека околу 11:45 часот во основно училиште на подрачјето на Карпош, нејзиниот малолетен син, по претходна расправија, бил физички нападнат. Напаѓач, според пријавата, бил негов соученик. Се преземаат мерки за расчистување на случајот.

Двегодишно дете падна од тераса во Будва, лекарите се борат за неговиот живот

Дарко Андоновски — Thu, 16 Sep 2021 07:17:17 +0000

Двегодишно дете падна од третиот кат на зграда во Будва, пренесува Приморске новине. Како што дознава овој медиум, детето се качило на стол и паднало преку оградата од балконот на бетонска основа. Како што му беше кажано на Приморске новине, детето е пренесено во болница во сериозно лоша здравствена состојба.

Дете нападнато во Центар поради недоразбирање на социјалните мрежи

Ивана Ефремовски — Sun, 13 Jun 2021 15:45:32 +0000

На 12.06.2021 во 22.30 часот А.Б.(41) од Скопје пријавила дека околу 20.30 часот на подрачјето на Центар, по претходно недоразбирање на социјалните мрежи, нејзиниот малолетен син бил физички нападнат од двајца малолетници. Се работи на расчистување на случајот.

СКАНДАЛ: Градоначалникот на Крушево држејќи за врат и удирајќи шамар на младо момче му се заканил: „Ропак еден цела фамилија ќе ти ја сотрам“!

Дарко Андоновски — Thu, 17 Dec 2020 10:21:59 +0000

ВМРО-ДПМНЕ ОК Крушево вчера преку статус на Фејсбук објави дека градоначалникот на нивниот град Томе Христоски нападнал дете член на УМС на ВМРО-ДПМНЕ. -Почитувани сограѓани, денес е нападнат млад активист од Унијата на млади. Нападот, кој е и физички и вербален, е од страна на градоначалникот на Крушево. Имено, таткото на градот, неможејќи да ги поднесува вмровците, почна да ги напаѓа јавно, среде чаршија. Нападнатиот Валентино Деспотоски, пазарејќи си в чаршија, наишол на непожелниот човек- Томе. Томе Христоски, навредувајќи го Валентино со зборовите „селанец, ропак, сега си Крушево“, го фатил за врат и му удрил шамар и клоца, заканувајќи му се дека цела фамилија ќе му ја сотри! Настанот е пријавен во полиција, но довербата во институциите е изгубена. Згрозени сме од овој чин и јавно прашуваме дали градоначалникот на Крушево ќе ги сотрува сите вмровски фамилии? Очекуваме да бидат преземени сите соодветни мерки, стои во нивниот пост на Фејсбук.

Почитувани сограѓани,денес е нападнат млад активист од Унијата на млади.Нападот,кој е и физички и вербален,е од страна... Posted by ОК Вмро-Дпмне - Крушево on Среда, 16 декември 2020

МВР со детали: Познат идентитетот на дадилката, нападнатото дете има 2 години

Ивона Петрова — Fri, 22 Nov 2019 09:36:13 +0000

Министерството за внатрешни работи во денешниот билтен на настани информира дека вчера во 15:57 часот полициски службеници ја уапсиле Ж.П.(59) од Скопје. Дадилката, која поради напад на дете ги разгоре социјалните мрежи, била приведена по пријава од М.А., сопственик на угостителски објект каде Ж.П. го извршила нападот. -Тој пријавил дека во игротеката во угостителскиот објект, пријавената физичка нападнала малолетно дете. По преземени мерки било утврдено дека таа била ангажирана да работи како дадилка кај Д.Д.(43) од Скопје и физички го нападнала нејзиниот двегодишен син, информираат од МВР. Увид на местото на настанот извршил јавен обвинител и екипа од СВР Скопје.

Дете нападнато од соученик во Ѓорче Петров

Ивана Ефремовски — Thu, 29 Nov 2018 13:50:54 +0000

На 28.11.2018 година во 20:00 часот во Полициската станица Ѓорче Петров М.Ц.(41) пријавил дека истиот ден околу 13:00 часот на улицата „Ѓуро Салај“ неговиот 14- годишен син бил нападнат. Нападот бил извршен од негов соученик. Се работи на целосно расчистување на случајот.

Жена нападнала 12-годишно дете во Аеродром, доби пријава

Предраг Кукиќ — Sun, 21 Oct 2018 16:23:16 +0000

Вчера во 23,00 часот во Полициската станица Аеродром Д.П.(42) пријавил дека истиот ден околу 21,40 часот на булеварот “Видое Смилески-Бато“ пред зграда, додека неговиот 12-годишен син бил заедно со уште двајца негови другари, дошла Е.М.(36) и физички ги нападнала. Се преземаат мерки за расчистување на случајот. Против Е.М. ќе биде поднесен соодветен поднесок.