напаѓачи – Kurir.mk

Вооружени напаѓачи киднапираа 50 луѓе во северозападна Нигерија

Ивана Ефремовски — Tue, 17 Oct 2023 18:51:23 +0000

Вооружени лица киднапирале речиси 50 луѓе, меѓу кои жени и деца во северозападна Нигерија. Жителите на рударскиот град Багега во државата Замфара изјавија дека вооружени лица упаднале во селото со мотоцикли, пукајќи во сите на кои ќе наишле и ги запалиле нивните куќи. Во нападот загинале три лица, а седум се ранети. Во последниве години, киднапирањата за откуп станаа вообичаени во северозападна Нигерија, каде вооружените банди напаѓаат села, училишта и патници. (МИА)

Вооружени напаѓачи киднапираа 30 лица од железничка станица во Нигерија

Тале Кристо — Mon, 09 Jan 2023 14:19:07 +0000

Вооружени лица киднапираа повеќе од 30 луѓе во напад на железничка станица во јужна Нигерија, соопштија денеска полицијата и локалните власти. Киднапирањата се вообичаени во Нигерија, особено во северозападните и централните делови на најнаселената африканска земја. Во март 2022 година, вооружени напаѓачи разнесоа дел од железничката пруга меѓу главниот град Абуџа и Кадуна на север. Потоа убија осум лица и киднапираа неколку десетици патници, кои беа пуштени во следните месеци за откуп. Нападот на железничката станица се случи во саботата вечерта. Напаѓачите отвориле оган пред да ги киднапираат патниците кои го чекале возот.

Напаѓачи ослободија 266 затвореници од нигериски затвор

Ивана Ефремовски — Mon, 13 Sep 2021 14:00:00 +0000

Тешко вооружени напаѓачи утрово упаднаа во еден затвор во централниот дел на Нигерија, разнесоа ограда и ослободија 266 затвореници, речиси сите што се наоѓале внатре, соопштија денеска властите. Во нападот загинаа војник и полицаец, а двајца чувари се водат како исчезнати, соопшти Министерството за внатрешни работи. Тоа е второ големо бегство од затвор во Нигерија оваа година. Напаѓачите ја разнесоа оградата од три страни и се судрија со чуварите во затворот во Каба, државата Коги, југозападно од главниот град Абуџа, соопштија властите. Нигерија се соочува со безбедносни проблеми на нејзината огромна територија, вклучувајќи вооружени грабежи од криминални групи, исламски бунт на североисток од земјата и серија масовни киднапирања од училишта на северозапад. Дваесет и осум од вкупно 294 затвореници во Каба не избегале, соопшти Министерството за внатрешни работи. Вооружени напаѓачи нападнаа затвор во Овери во југоисточната држава Имо во април, ослободувајќи повеќе од 1.800 затвореници.

Куман ги критикуваше своите напаѓачи

Тале Кристо — Sat, 10 Oct 2020 08:16:36 +0000

Тренерот на Барселона, Роналд Куман изрази мислење дека системот 4-3-3 не е најсоодветен за неговата филозофија и затоа ќе наметне 4-2-3-1. – Со оваа постава и овој вид играчи, моето мислење е дека 4-2-3-1 е најдобрата формација. Овој систем е совршен за нас ако погледнеме на квалитетот на играчите што ги имаме, изјави Холанѓанецот. Куман започна со две последователни победи против Виљареал и Селта, но нерешениот резултат 1:1 со Севиља покажа некои слабости на Каталонците. – Генерално, тимот изгледаше многу добро, особено на првите два натпревари. Ако го анализираме натпреварот со Севиља, можеме да го подобриме нашиот пресинг. Постојат детали што треба да се поправат. Одбраната секогаш започнува од нападот. Ако добро притискаат, тогаш дефанзивците ќе немаат толку многу проблеми. Одбраната е тимска работа, додаде Куман.

Гвардиола остана без напаѓачи

Магдалена Андонова — Sat, 26 Sep 2020 08:29:28 +0000

Тренерот на Манчестер Сити, Пеп Гвардиола загуби уште еден клучен играч откако стана јасно дека Габриел Жесус исто така е повреден и нема да игра најмалку 3 недели. Бразилецот се повреди на натпреварот против Вулверхемптон претходно оваа недела. Веста за повредата на Хесус пристигна од Бразилската фудбалска федерација, која објави дека напаѓачот нема да биде достапен за натпреварите на Селесао против Боливија и Перу на 9 и 13 октомври. Отсуството на Хесус значи дека Гвардиола останува без централен напаѓач најмалку три натпревари – во Премиер лигата против Лестер и Лидс Јунајтед и пресметка против Барнли во Карабао Купот. Причината е што другиот главен стрелец во тимот на „граѓаните“ Серхио Агуеро се опоравува од повредата на коленото. Аргентинскиот голгетер се очекува да биде подготвен за игра најрано за 7 недели. Така, единствениот чист централен напаѓач во тимот останува Лиам Делап. Во текот на неделата ирскиот фудбалер го започна својот прв професионален натпревар за „граѓаните“ против Борнемаут за Карабао купот и дури даде гол. Пеп Гвардиола се очекува да игра против Лестер во недела со лажна „деветка“, а најверојатно во оваа улога ќе биде Рахим Стирлинг. (МИА)

Две тепачки во Куманово, напаѓачите лишени од слобода

Тале Кристо — Sat, 15 Aug 2020 12:50:02 +0000

На 14.08.2020, полициски службеници од СВР Куманово ги лишиле од слобода М.И.(18) и И.Б.(32), двајцата од Куманово, поради тоа што околу 02.30 часот во населба „Иго Тричковиќ“ во Куманово физички го нападнале С.Т.(25) од Куманово, а го оштетиле и возилото во кое тој бил како сопатник, а го управувал К.Ѓ.(25) од Куманово. Тие биле приведени во полициска станица и по целосно документирање на случајот против нив ќе биде поднесена соодветна пријава. Според билтенот на МВР, другиот настан се случил рано изутринава кога физички од две лица бил нападнат вработен во приватна агенција за обезбедување додека извршувал службени дејствија На 15.08.2020 во 06.35 часот, полициски службеници од СВР Куманово ги лишиле од слобода Р.Х.(56) и Х.Х.(19), двајцата од с.Сопот, поради тоа што физички го нападнале Д.М.(33) од Куманово, вработен во приватно обезбедување, додека извршувал службени дејствија. Лицата биле приведени во полициска станица и по целосно документирање на случајот против нив ќе биде поднесена соодветна пријава.

Напаѓачи пукаа во наргиле-бар во Штутгарт

Дарко Андоновски — Sun, 23 Feb 2020 08:17:37 +0000

Неидентификувани напаѓачи пукале кон прозорците на наргиле-бар во Штутгарт, јави ДПА, повикувајќи се на полициски портпарол. Во инцидентот нема жртви. Вработен во барот ги забележал штетите вчера попладне. Според истрагата, во тоа време немало луѓе во зградата. Сторителот или сторителите пукале вкупно во два прозорци во зградата, во која има и фитнес салон. Не е познато какво оружје е користено. Пред само неколку дена во градот Ханау, 43-годишен Германец застрела 9 лица со странско потекло, напаѓајќи баровите, каде што се користи наргиле, потсетува ДПА. Тој подоцна ја уби својата мајка и се самоуби. За него се смета дека дејствувал со расистички мотиви.

ФОТО: Крвава престрелка со полицијата во Џерси Сити, убиени шест лица

Ивона Петрова — Wed, 11 Dec 2019 06:19:14 +0000

Шест лица загинаа, вклучувајќи двајца напаѓачи, во престрелки што се случија синоќа во Џерси Сити, во близина на Њујорк. Еден од загинатите е полицаец кој се приближил до комбе што било сомнително дека е употребено во убиство, осомничениот возач пукал во него и избегал со возилото. Тројца од загинатите се локални жители кои се наоѓале во продавница каде напаѓачите, маж и жена, се скриле. Отакако биле лоцирани, еврејскиот реон каде се наоѓале осомничените бил блокиран и надлетуван од хеликоптери. Евакуирани биле повеќе локали и едно училиште, додека престрелката меѓу распоредените специјални полициски сили и осомничените траеле со часови. Напаѓачите биле совладани во вечерните часови. -Изгледеше како да е војна, изјави еден од очевидците на настанот.

Уапсени напаѓачите на новинарот во Ваљево

Ристе Здравков — Fri, 01 Feb 2019 11:06:57 +0000

Припадници на Министерството за внатрешни работи во Ваљево уапсија две лица, осомничени за физичкиот напад на новинарот Марко Аќимовиќ. Како што соопшти Полициската управа на Ваљево, уапсени се М.Г (1963) и Б.П. (1954), поради основано сомневање дека извршиле кривично дело насилничко однесување. Двајцата се сомничат дека физички го нападнале Аќимовиќ пред зградата на Градската управа во Ваљево, при што му задале повеќе удари откако се обидел да известува од јавниот собир. – Осомничените се приведени во Основното јавно обвинителство и по сослушувањето кај обвинител се спроведени кај судија за натамошна постапка за да донесе одлука по предлог на основниот јавен обвинител за одредување притвор, се наведува во соопштението.

Тепачка во угостителски објект во Градско, напаѓачите приведени

Ивана Ефремовски — Sat, 29 Dec 2018 14:32:57 +0000

Вчера во 23:10 часот во Полициската станица Велес, С.Ќ. (56) од Велес, пријавила насилство во ресторан лоциран на улицата „Александар Македонски“ во Градско. Според пријавеното, истиот ден околу 22:30 часот во ресторанот, лицата Ѓ.К. (27), З.С. (34), В.В. (26) сите од село Виничани-Градско, заедно со Д.И.(25) од Градско и други лица физички ги нападнале О.Б. (56), В.Н. (33), И.А. (33) Г.Ѓ. (38) од Велес. Лицата се приведени и против нив ќе бидат поднесени соодветни поднесоци.