наплатна рампа – Kurir.mk

Наплатната рампа целосно оштетена: Еве како изгледа кабината на патарината која вчера беше смачкана од камион (ФОТО)

Ивана Ефремовски — Sat, 05 Mar 2022 10:54:13 +0000

Една наплатна кабина на патарината во изградба кај с. Кадрифаково на автопатот Штип-Миладиновци е целосно оштетена, а на две соседни има делумно оштетување, откако вчера во нив удри и се преврте камион кој превезувал брашно. За среќа, освен причинетата материјална штета нема повредени. Од Јавното претпријатие за државни патишта преку соопштение информираа дека: „Наплатната станица Кадрифаково беше во завршна фаза на изведување и требаше да се пушти во април. Со причинетата штета ќе се направи непланирано одложување на пуштањето во употреба од причина што целосно оштетените делови ќе мора да се заменат со нови. За колку ќе се пролонгира отворањето на наплатната станица во овој момент не можеме со сигурност да предвидиме се додека не добиеме целосна информација за причинетата штета“. КУРИР денес беше на лице место, а во продолжение ви пренесуваме каква е штетата по вчерашната несреќа:

Од денеска променет режим на сообраќај од наплатна станица Гостивар до мостот кај Здуње

Ивона Петрова — Fri, 04 Oct 2019 08:50:56 +0000

Од денеска па во наредните 60 дена променет режим на сообраќај ќе има на делницата Гостивар – Кичево на потег од наплатна станица Гостивар до мост кај село Здуње. – Виадукт трејд- ДООЕЛ известува дека денеска ќе се започне со изведување градежни активности при рехабилитација на магистрален пат А2, делница Гостивар – Кичево на потег од наплатна станица Гостивар до мост кај село Здуње во времетраење од 60 дена, за што ќе се изврши промена на режимот на сообраќај, соопшти АМСМ.

Вооружен филмски грабеж на патарина: Животот на вработените во опасност

Дарко Андоновски — Mon, 05 Aug 2019 10:18:10 +0000

Во четири часот утринава беше ограбена наплатната рампа кај Глумово. Како што дознава КУРИР две наоружани лица со фантомки на главата извршиле грабеж на патарината и ги држеле вработените во заложништво. КУРИР дознава дека во овие насилни моменти еден од вооружените крадци ги стопирал возилата кои се обраќаат на таа линија, а другиот со вперен пиштол кон главата на вработените барал пари. Насилничката драма не запрела тука, крадците започнале и да ги кршат и вратите на кабините во кои биле вработените за да и од таму земат пари. По грабежот тие се качиле на мотор кој бил паркиран и избегале во правец на Скопје. Вработените потресени и револтирани бараат надлежните да преземат нешто за поголема безбедност на нив и нивните животи, а досега никој не ги заштитувал и обезбедувал вработените. Случајот е пријавен во полиција, а направен е и увид на местото.

ФОТО: Стравична несреќа со фатални последици- преголемата брзина виновник за сообраќајката на патарината кај Тетово

Катерина Бојаџиева — Wed, 03 Apr 2019 12:00:50 +0000

Поради брзина над дозволената, во сообраќајната несреќа што се случи вчера утрото кај наплатната рампа на автопатот Гостивар- Тетово, животот го загуби 51-годишна жена од Кичево, а повредени се 4 лица. Фотографиите кои ги прати читател на КУРИР сведочат за немилиот настан. Очевидци за ТВ21 раскажуваат како дошло до немилиот настан. -Во раните утрински часови во 6 часот и 43 минути две возила, првото Туарег со дебарски таблички, со четворица патници, ја направи редовната наплата на патарината. По него наиде другото возило „мерцедес“ со охридски таблички, но од Кичево, но брзината го направи своето и ја предизвика оваа несреќа со фатални последици. Според нашите камери на наплатната рампа, брзината била преголема, изјави Берзах Бејтулаху, одговорен на наплатната рампа Гостивар- Тетово. Поради штетата која била предизвикана од силниот удар, повредените биле извадени од возилата со помош на пожарникари. -Со нашата специјална хидраулична опрема ја исековме вратата, го изнесовме возачот, но за жал веќе имаше починато. Меѓутоа, треба да се нагласи дека за време на несреќата можело да се случи уште поголема трагедија, бидејќи во мерцедесот избувна пожар. Употребивме противпожарни апарати и за среќа успеавме да го изгаснеме, изјави Ука Алити, командир на противпожарна единица- Тетово.