наплатна станица – Kurir.mk

Од понеделник реконструкција на наплатната станица Желино, времен режим на сообраќај на автопатот Скопје – Тетово

Тале Кристо — Sat, 21 Oct 2023 09:14:06 +0000

Од 23 октомври (понеделник) ќе започне реконструкција на постоечката наплатна станица Желино, на државен пат А2 - делница Скопје – Тетово. Сообраќајот на автопатот ќе се одвива согласно одобрен времен режим на сообраќај, информираат утрово од АМСМ. -Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од денеска почнуваат со работа наплатните рампи на автопатот Миладиновци-Штип

Ивона Петрова — Mon, 18 Jul 2022 05:27:15 +0000

Од денеска треба да бидат ставени во функција наплатните рампи Преод и Кадрифаково на автопатот Миладиновци- Штип. На наплатните рамки, како што најави Јавното претпријатие за државни патишта, целосно ќе функционира електронскиот систем за наплата на патарина. Оттаму во четвртокот информираа дека првите две ленти од десно ќе бидат за возилата кои користат М-таг електронски уред со кој се поминува со намалување и успорување на брзината на движење на возилото и без запирање, додека на останатите ленти покрај наплата во готово, може да се употреби и М-смарт картичката. Наплатните станици Преод и Кадрифаково имаат по седум наплатни кабини.

ОД ПОНЕДЕЛНИК ДО ШТИП ПОДГОТВЕТЕ ПОВЕЌЕ ПАРИ – започнува со работа новата патарина

Ивана Ефремовски — Thu, 14 Jul 2022 13:14:22 +0000

Од понеделник во 7 часот ќе бидат ставени во функција наплатните рампи Преод и Кадрифаково на автопатот Миладиновци-Свети Николе-Штип и обратно. На наплатните станици целосно функционира Електронскиот систем за наплата на патарина. -Посочуваме дека првите две ленти од десно се за возилата кои користат М-таг електронски уред со кој се поминува со намалување и успорување на брзината на движење на возилото и без запирање, додека на останатите ленти покрај наплата во готово, може да се употреби и М-смарт картичката како електронски уред за наплата на патарина, информира денеска Јавното претпријатие за државни патишта. Наплатните станици Преод и Кадрифаково имаат по седум наплатни кабини. (МИА)

Како на филм: Приведен дилер на кокаин на наплатната станица Сопот (ВИДЕО)

Тале Кристо — Sat, 18 Jun 2022 08:31:14 +0000

Пронајден кокаин, приведен дилер на На 17.06.2022 на наплатната станица Сопот на автопатот „Пријателство“, полициски службеници од Одделот за криминалистичка полиција при МВР – Сектор за недозволена трговија со дрога, оружје и опасни материи во содејство со СВР Велес – Одделение за недозволена трговија со дрога го лишиле од слобода Д.Г.(19) од Кавадарци. По претходно добиена судска наредба, било запрено возилото „фолксваген поло“ со кавадаречки регистарски ознаки, кое го управувал и при личен претрес кај него биле пронајдени и одземени околу 100 грама кокаин и пари. Исто така, при претрес во неговиот дом во Кавадарци, извршен со судска наредба, биле пронајдени пари во различни апоени и валути за кои постои сомнение дека потекнуваат од кривичното дело. Тој бил приведен во полициска станица и по целосно документирање на случајот против него ќе биде поднесена пријава по член 215 од Кривичниот законик.

Пролонгирано пуштањето во употреба на патарината Кадрифаково, еве колкава е штетата откако утринава влета камион

Ивона Петрова — Fri, 04 Mar 2022 12:21:53 +0000

Една наплатна кабина е целосно оштетена, две соседни делумно, а уништена е и опрема на наплатната станица Кадрифаково во изградба на автопатот Штип-Миладиновци во сообраќајната несреќа што се случи изутрината откако во патарината удри и се преврте камион. Според првичните информации на Јавното претпријатие за државни патишта, во незгодата е предизвикана голема материјална штета. Во моментов, информираат за МИА од ЈПДП, стручни екипи на изведувачот вршат проценка на предизвиканата штета, а засега не може да се предвиди за колку време ќе биде пролонгирано нејзиното пуштање во употреба предвидено претходно за почетокот на април годинава. – Во незгодата во целост е оштетена една наплатна кабина и има делумно оштетување на две соседни кабини. Од ударот во кабината предизвикано е оштетување и на опремата на Наплатната станица, односно на самите ленти на кои се поставени наплатните ленти. Конкретно, целосно се оштетени две автоматски бариери – задни рампи, а исто така целосно се оштетени два линиски контролери.Има и оштетувања на друга поставена опрема, како држачи, столпчиња и слично, информира ЈПДП. Засега не можат да предвидат за колку време ќе се пролонгира пуштањето во употреба на патарината, која беше во завршна фаза на изведување и требаше да биде пуштена во април. – Изградбата на Наплатна станица Кадрифаково беше во завршна фаза на изведување и требаше да се пушти во употреба во април. Со причинетата штета ќе се направи непланирано одложување на пуштањето во употреба од причина што целосно оштетените делови ќе мора да се заменат со нови. За колкав временски период ќе се пролонгира отворањето на наплатната станица во овој момент не можеме со сигурност да предвивиме се додека не добиеме целосна информација за предизвиканата штета, наведуваат од ЈПДП. Оттаму апелираат до учесниците во сообраќајот да се придржуваат до посебниот режим на сообраќај на патниот правец Миладиновци-Штип воведен поради градежните работи, да ги почитуваат знаците со предупредување, поставените пластични бариери за пренасочување на сообраќајот, како и поставените сообраќајни знаци со ограничување на дозволена брзина на движење од 20 километри на час. Портпаролот на СВР-Штип, Гордана Панајотова, претходно информираше дека возачот не е повреден, како и дека нивна екипа ќе изврши увид. На автопатот Миладиновци-Штип во тек е изградба се две нови патарини, покрај Кадрифаково и таа кај Преод, а требаше да бидат готови до крајот на месецов.

Воведен временски режим кај наплатна станица Градско – се изведуваат градежни активности

Магдалена Андонова — Tue, 06 Apr 2021 11:46:43 +0000

Се изведуваат градежни активности на државен пат А1 (Е75) наплатна станица Градско, поради што од денеска до 16 април 2021 е воведен временска режим со цел да може да се рализираат работите. – Во периодот од 6 април 2021 до 16 април 2021 ќе се изведуваат градежни активности на државен пат А1 (Е75) наплатна станица Градско со цел да може да се реализираат работите поставување на патна опрема на наплатни станици за подобрување на безбедноста на сообраќајот. Времениот режим се спроведува согласно Одобрението за времена измена на режим на сообраќај на автопатот А1 и А2, за време на поставување на патна опрема на наплатни станици за подобрување на безбедноста на сообраќајот, соопштија од АМСМ. (МИА)

Со товарно возило удрил во наплатна станица, па избегал

Ивана Ефремовски — Mon, 18 Jan 2021 11:20:03 +0000

На 17 јануари 2021 во 13:20 часот било пријавено дека на автопатот Демир Капија-Неготино, кај наплатна станица Демир Капија, товарно возило удрило во кабина за наплата на патарина, по што го напуштило местото на незгодата. Извршен бил увид од Полициската станица Неготино и се преземаат мерки за расчистување на случајот.

Електронско плаќање и на патарината Миладиновци

Ивона Петрова — Mon, 07 Oct 2019 07:02:11 +0000

Патарина на наплатната станица Миладиновци на Коридор 8 од денеска може да се плаќа и по електронски пат со М – картичка. Електронската наплата на таа станица ќе се врши само со М-карт, но не и со М-таг како што е на останатите патарини на Коридорот 10. Воведувањето електронско плаќање е самостоен проект на Јавното претпријатие за државни патишта (ЈПД). – За да врши контрола и да се поврзе со системот на потегот Романовце Миладиновци спроведовме проект за електронска наплата на Миладиновци со Факултетот за електротехника и информациски технологии (ФЕИТ) што изработија софтверско и хардверско решение. Направени се тестови и функционира како што треба. На видни места има обележувања дека може да се врши електронска наплата, изјави за МИА Марко Брезовски, раководител на Одделението за наплата на патарини и контрола при ЈПДП. На почетокот на јули годинава стартуваше електронскиот систем за наплата на патарините Романовце, Отовица, Сопот и Градско на Коридор 10, како и на наплатната станица Петровец, проект што се спроведе со кредит од Европската банка за обнова и развој. Досега се продадени 10.337 електронски картички и тагови, и со таа бројка, како што вели Брезовски, се надминати проекциите на ЈПДП. Зголемената продажба, потенцира, е олеснителна околност во поглед на организација на работата на патарините. Според Брезовски, во текот на месецов ќе профункционира плаќањето патарини за моторџиите со новата воведена прва категорија 1А за нив. Со воведувањето на таа категорија што е подготвена и е вметната во ценовникот на ЈПДП моторџиите треба да плаќаат поевтина патарина на сите станици на коридорите 8 и 10.

Со заем од 13 милиони евра од Европската банка за обнова и развој, ќе се финансира надградбата за електронска наплата на петте наплатни станици на Коридорот 8, како и изградбата на три нови станици (две на автопатот Миладиновци-Штип и една на автопатот во изградба Кичево-Охрид). Покрај подобрувањата на наплатниот систем, ќе бидат инсталирани и соларни панели на сите 15 патарини со цел да се промовира поголемо користење обновлива енергија.

Детали за синоќесната несреќа на наплатната станица „Градско“: „Сканија“ удрила во бетонски ѕид па се превртела на коловозот

Дарко Андоновски — Sat, 18 May 2019 09:35:31 +0000

Како што е наведено во билтенот на МВР, возилото најпрвин удрило во бетонски ѕид на стара наплатна станица „Градско“ која веќе не е во функција, потоа истото се превртело на коловозот, а возачот бил префрлен во болницата во Велес. -На патот Неготино-Велес, на стара наплатна станица „Градско“ која веќе не е во функција, синоќа во 22:15 часот влекач „Сканија“ со велешки регистарски ознаки и полуприколка „Гоша“, управуван од Б.Ј.(59) од Богданци, удрило во бетонски ѕид од наплатната станица и се превртел на коловозот. Во незгодата со повреди се здобил возачот и со возило на Итна медицинска помош бил пренесен во болницата во Велес каде му била укажана лекарска помош. Увид на местото извршила екипа од СВР Велесстои во билтенот на МВР.