напуштање – Kurir.mk

Најмалку 500 илјади граѓани ја напуштиле Албанија за 10 години

Магдалена Андонова — Thu, 15 Sep 2022 08:21:02 +0000

Најмалку 500 илјади Албанци ја напуштиле земјата во период од една деценија, односно од 2010 до 2020 година. Ова се официјалните податоци објавени од албанскиот институт за статистика, ИНСТАТ и ЕУРОСТАТ, додека бројот на оние кои ја напуштиле земјата повеќе од сигурно е многу поголем. Германија е една од земјите која е најпосакувана дестинација за албанските имигранти. - Во соопштение пред неколку дена, германската амбасада најави олеснување на процедурите за голем број струки, како лекари, медицински сестри, дадилки за деца, квалификувани работници. Сега секојдневна слика пред амбасадата се долгите редици луѓе кои чекаат да добијат работна виза или за спојување со семејството, јави Њуз24. Меѓу оние кои чекаат да аплицираат е и човек кој веќе пет години е разделен од сопругата која живее во Германија и е вработена како готвач. Според него, една од причините за заминување се тешките услови во кои се наоѓа државата. За социологот Гзим Туши, заминувањето на албанските граѓани, пред се млади луѓе, се случува од повеќе причини, главно поради немањето перспектива за иднината. Тој подвлекува дека државата треба да следи други политики за да ги мотивира младите да останат во својата земја. (МИА)

Грција ги повика своите граѓани веднаш да ја напуштат Украина

Магдалена Андонова — Mon, 14 Feb 2022 11:33:14 +0000

Грчкото Министерство за надворешни работи денеска испрати препорака до грчките граѓани кои се во Украина веднаш да ја напуштат таа земја. – Министерството за надворешни работи силно ги обесхрабрува сите патувања на територијата на Украина, а истовремено им препорачува на грчките граѓани во Украина веднаш да ја напуштат земјата – се наведува во соопштението на грчкото Министерство, а пренесува порталот Катимерини. Најавено е и дека персоналот на грчката амбасада во Киев е намален до степен што се смета за неопходен, но дека ќе се зголеми бројот на вработени во Генералниот конзулат во Мариупол. Во меѓувреме, Соединетите Американски Држави и околу 20 други земји, меѓу кои Велика Британија, Германија, Холандија, Австралија, Нов Зеланд, Хрватска и Бугарија, ги повикаа своите граѓани веднаш да ја напуштат Украина поради ескалацијата на тензиите меѓу официјален Киев и Москва.

Движењето Беса ја напушта владата на Заев?!

Тале Кристо — Fri, 26 Feb 2021 08:58:16 +0000

Владата на Заев секојдневно се соочува со проблемот околу бројките, веќе неколку дена имало обиди за составување на парламентарно мнозинство, но без успех. Откако беа објавени проектите од културата, „главоболките“ за премиерот Зоран Заев се чини како да се зголемија. Како што пишува албанската новинска агенција „ИНА“, Движењето Беса можно е да ја напушти владата поради одобрените проекти од страна на Министерството за култура, каде што Албанците се дискриминирани. Четворицата пратеници од ова партија се клучот за владината коалиција, но деновите што следат ќе бидат одлучувачки. Последната одлука на Министерството за култура беше врв на незадоволството кај оваа партија од власта. Министерството за култура ги дискриминираше албанските проекти. Само 16% од буџетот се оделени за албанските проекти. Односно, само 84 милиони и 300 илјади денари, од вкупно 508 милиони денари колку што е и вкупниот буџет. Заменик министерот за култура, Седат Сулејмани во изјава за ТВ21 отворено истакна дека резултатите кој што беа објавени од страна на министерката за култура Ирена Стефоска се дескриминирачки. -Одлуката на министерството е дискриминирачка и надвор од секоја логика. Јас неколку пати се обидов да бидам дел од процесот од годишната програма, но министерката го злоупотреби тоа што законот и го дозволува, повикуваќи се на истиот и тоа дека таа одлучува за се, потенцираше заменик министерот Сулејмани.

Четири странски инвеститори ја напуштија Македонија во последните месеци

Магдалена Андонова — Wed, 23 Dec 2020 15:23:28 +0000

Годинава е најлоша година за инвестициите во Македонија. Оваа година прокнижени се само 119 милиони евра а покрај тоа што нема нови странски инвестиции Македонија ја напуштиле и четири инвеститори од странство во последните неколку месеци. Македонската економија се потешко се справува со последиците од корона пандемијата. Наместо нови странски инвестици, инвеститорите ја напуштаат Македонија. Владата раскина уште два договора за инвестирање во Тирз во Бунарџик. Од почетокот на пандемијата раскинати се вкупно 4 договори. Се работи за две Турски компании кои договори потпишале пред две години. Ќе се раскинат договорите со уште две компании кои требаше да инвестираат во Бунарџик. Ова пред еден месец го најави веќе екс директорот на зоните, а Владата го разгледувала ова и на седница. Се работи за две турски компании кои договори потпишале пред две години и уште не почнале со градба. Тие се откажале од намерата да инвестираат. Станува збор за Џемдаг Лајтенинг, компанија која произведува светилки за улично осветлување и Доган Отомотив која е производител на резревни делови за автомобилската индустрија. Овој сектор е во криза во целиот свет. Последните рестриктивни мерки нив Европа ќе придонесат побарувачката за автомобили дополнително да се намалува. Во компаниите во земјава кои работат како добавувачи за големите автомобилски фабрики, во моментов работа има, но неизвесно е каква ќе биде состојбата за десет дена. Пред два месеци Владата раскина договори со уште две компании, гермаснки Кеслер и албански Саген кои не почаа со градба во Бунарџик. Ова е прв пат до сега од страна на државата да се раскинат договори за закуп на земјиште со странски инвеститори, а тоа сега се случува веќе четврти пат во текот на неколку месеци. Владата даде дозвола на Дирекцијата да го раскине договорот со фармацевтската компанија Саген, кој требаше да инвестира 20 милиони евра во Илинден. Со албанскиот инвеститор беше потпишан договор во 2018, кога на прес-конференција беше објавено дека ќе вложува во две фази и дека ќе отвори 300 работни места. Подоцна имаше и свечен чин на отпочнување на изградбата со владини претставници. Претходно беше одлучено да се раскине и договорот со Кеслер. Германската компанија која во Бунарџик најавуваше 150 висококвалификувани вработувања во Бунарџик најверојатно останува да произведува електромотори во изнајмениот објект во Илинден. Договорот со Кеслер беше постигнат на крајот на 2017 а беа најавувани 150 вработувања.

Десетици илјадници лица ги напуштија домовите поради интензивните борби во Авганистан

Магдалена Андонова — Wed, 14 Oct 2020 11:49:10 +0000

Десетици илјадници луѓе во јужен Авганистан беа принудени да ги напуштат своите домови по неколкудневни интензивни борби меѓу талибанците и авганистанската армија и полиција, соопштија официјални лица. Насилството продолжува и покрај мировните разговори. Талибанците во неделата вечерта извршија напад врз градот Лашкар Гах во провинцијата Хелманд, принудувајќи ги САД да започнат воздушни напади за поддршка на авганистанските сили. Поради интензивните борби, локалното население бега со мотоцикли, такси и автобуси. – Повеќе од 5.100 семејства или 30.000 луѓе … побегнаа од борбите досега, рече Мохамед Рамин, директор на одделот за бегалци во Хелманд. Борбите денеска продолжија во најмалку четири области. Војската одби неколку напади на талибанците. Девет лица загинаа во судир меѓу два хеликоптери утрово. Министерството за одбрана го истражува инцидентот. Талибанците започнаа разговори со авганистанската влада во Доха минатиот месец, но засега двете страни не можат да се договорат за основната рамка за разговори. Договор со талибанците беше постигнат во Катар на 29 февруари. САД ветија дека ќе се повлечат до средината на 2021 година во замена за ветувањето од талибанското движење дека нема да дозволат државата да биде користена од екстремистите. (MИА)

Тихонавскаја: Донесов тешка одлука да ја напуштам Белорусија

Магдалена Андонова — Tue, 11 Aug 2020 11:45:35 +0000

Опозициската кандидатка на претседателските избори во Белорусија, Светлана Тихановскаја денеска потврди дека донела „тешка одлука“ да ја напушти земјата, каде се врши репресија врз протестното движење по неделните спорни претседателски избори. – Сама ја донесов одлуката… и знам дека многумина ќе ме осудат, многу че ме мразат, истакна Тихановскаја. Претходно, изборниот штаб на Тихановскаја соопшти дека белоруските власти ја принудиле опозициската кандидатка да ја напушти земјата и покрај демонстрациите против наводната победа и реизборот на Александар Лукашенко. – Властите ја изведоа од земјата, немаше избор. Само пет минути пред упадот на полицијата разговаравме за следните чекори и планови. Бидете убедени дека не планираше да ја напушти земјата, изјави соработничката на Тихановскаја, Олга Ковалкова. Изборниот штаб не успеал да стапи во контакт со Тихановскаја се до денеска кога е потврдено дека и се придружила на своите деца во Литванија. Комитетот за државни граници на Белорусија потврди дека Тихановскаја ја напуштила Белоруисија. Претходно, шефот на литванската дипломатија Линас Линкевисијус изјави дека Тихановскаја пристигнала во Литванија. – Пристигна во Литванија и е безбедна, посочи Линкевисијус. Во Белорусија синоќа, втора вечер по ред, полицијата ги растера демонстрантите кои протестираа против изборната победа на Лукашенко, кој е на власт од 1994 година. Демонстрациите и судирите со полицијата почнаа во неделата вечерта, по објавувањето на првичните резултати од претседателските избори, на кои Лукашенко доби над 80 отсто од гласовите и го освои шестиот мандат. (МИА)

Марота: Лаутаро никогаш не изразил желба да го напушти Интер

Тале Кристо — Sun, 19 Jul 2020 13:40:41 +0000

Џузепе Марота, спортскиот директор на Интер изјави дека не верува дека напаѓачот Лаутаро Мартинез летово ќе го напушти клубот. Со денови се зборуваше дека стрелецот на „нероазурите“ ќе го засили тимот на Барселона, кој бара замена за искусниот Луис Суарез, но Интер размислува поинаку. До неодамна, клубовите имаа можност да ја активираат откупната клаузула од неговиот договор, откако станува збор за 111 милиони евра, но тоа не се случи. Италијанскиот печат пренесува дека Барселона понудила 70 милиони евра плус двајца играчи, Артуро Видал и Жуниор Фирпо, но тоа не ги интересирало Интер. Оттука, спортскиот директор на Интер, Џузепе Марота е убеден дека 22-годишниот напаѓач ќе остане во Серија „А“. – Гласините за трансферот во Барселона се во изгубен вакуум, фактите се важни. Јасно е дека Лаутаро е наш играч и дека тој никогаш не изразил желба да нè напушти. Лаутаро е сериозен човек кој не дозволува да се заведе од песните на морските сирени. Периодот на криза помина, но во изминатите недели го подигна нивото на игра и го покажа својот квалитет, рече Марота. Аргентинецот е обврзан со договор со Интер до летото 2023 година, а тој постигна 18 голови на 40 натпревари оваа сезона.

Белгиската Влада ги советуваше граѓаните да не ја напуштаат државата поради Ковид-19

Тале Кристо — Sun, 19 Jul 2020 13:39:48 +0000

Белгиската Влада ги советуваше граѓаните денеска да не ја напуштаат државата, особено ако се уште не ги резервирале летните одмори. Повикот е поради влошената епидемична состојба во Белгија и стравувањата од втор бран на појава на Ковид-19. Според здравствените власти, за само една недела бројот на заразени лица е зголемен за 61 процент. Се прецизира дека досега ова не води до зголемен број на хоспитализирани и смртни случаи. Владата денеска донесе одлука да ја упати полицијата да следи строго придржување кон мерките против епидемија. До денеска, заразени се 63.706 лица, а 9.800 починати во Белгија од почетокот на епидемијата.

Емотивна исповед на мајка која што ја „напуштиле“ децата го „сруши“ интернетот: Часовите се претварат во денови, деновите во месеци, а месеците во години

Тале Кристо — Sat, 11 Jan 2020 20:28:58 +0000

Мисти Бривер Ли има две деца. Ќерка на 27-годишна возраст и игра софтбол на универзитетот, а синот средношколец и штотолку наполнил 19 години. Така што, тие се две возрасни лица кои се подготвуват да зачекорат самостојно во животот. Нормално, се уште им треба нивната мајка и таа засекогаш ќе биде нивни росител, но – нејзината улога се променила. Земајќи ги во предвид промените, Мисти напиша писмо до сите млади родители. Таа во писмото изнесе една важна лекција која што ја научила во текот на годините, а тоа е секогаш да се грижат за своите деца и да го следат секој нивни чекор кој што го прават низ животот. Нејзината објава воопшто не била патетична и безначајна, туку искрена. Веројатно и поради остварила 397.000 реакции и на Фејсбук била споделена 491.000 пати. -Кога за прв пат ќе станете родители, сите ви говорат за предизвиците кои родителството ги носи само по себе. Тука се непреспоиените ноќи покрај бебето, тинејџери кои не сакаат да си легнуваат рано, повреди на тренинзите, цената на издржувањето на детето… покрај тоа, излегување порано од работа бидејќи не им е добро, не средена куќа, расфрлани алишта, помагање околу домашните задачи, цената за приборот и гардеробата за во училиште, пакување на нивната ужинка… Потоа гледате како очињата им блескат на Божиќното утро и се обидувате да го запаметите тој нивни сјај. Ги запишувате на спорт, ги носите на тренинзи и патувате преку цела држава се со цел за да можат да ја играат играта која ја сакаат. И нема врска ни тоа колку е напорно и скапо. Толку многу сме зафатени што не можеме да разбереме дека помина три дена од животот. Размислувате и 18-20 години ви делуваат како долг животен период. Тогаш, одеднаш, часовите се претварат во денови, деновите во месеци, а месеците во години. Одеднаш таа мала особа која некогаш само сакала да лежи покрај вас во креветот и да се гушкате додека гледате цртани, сега постана личност која ве прегрнува во ходник кога доаѓа и си оди. И хаосот и смеата кои некогаш се се одвиваа во домот тогаш се претвараат во тишина и осаменост. Научивте како да бидете родител на детето на кое сте му потребни и како да го заштитите… но немате врска како целата работа „пушти нека тера“ функционира. Тогаш можете да се држите само цврсто колку што можете, да седете и да се запрашувате како времето поминало толку брзо и да се окривувате што се сте пропуштиле. Дури иако со нив сте поминале цели 20 години, ќе ви се чини дека тоа не е доволно и на себе ќе си поставувате многу прашања… Дали ги научив на вистинските лекци? Дали сум и читала доволно книги? Дали сум поминувала доволно време играјќи си со нив? Колку настани во училиште сум пропуштила? Дали навистина знаат колку ги сакам? Што сум можела подобро да направам, како родител? … Затоа што, кога ќе дојде време тие да си одат, тоа ќе ве погоди како тон цигли. И се што вие можете е само да се молите, надевате и верувате дека Бог ќе ги заштити на тој пат по кој што тргнале сами. Родителството е најубавата работа на светот, во еден момент ќе те возвиши, а веќе следниот ќе те остави со скршено срце. Но, една работа е сигурна, никогаш нема доволно време. Затоа на младите родители на мали деца кои ја разбиваат главата како да поминат низ ова „лудило“ порачувајте им: Искористете го секој ден во целост, исцрпете го, испијте го до крај. Затоа што, еден ден сите тие денови: спиењето, гушкањето, цртаните, Божиќните маги, заедничките вечери – ќе ги снема. А вие ќе останете да се запрашувате дали сте се направиле доволно добро за да можете да ги пуштите да ги рашират сопствените крила. Тие ќе одлетат, заклучува во својата исповест Мисти. Многу родители емотивно изреагираа на оваа нејзина објава, споделувајќи ги нивните чуства поврзани за нивните деца и нивното отселување.

Авторот на „Че си лежите” ја напушти СДСМ

Дарко Андоновски — Tue, 02 Jul 2019 07:50:55 +0000

Адвокатот од Прилеп Жарко Стеваноски , објави јавно писмо преку кое најави напуштање на СДСМ, неговата матична партија од 2004 година. -Почитувани сопартијци, Од моето формално зачленување во СДСМ во 2004 година, бев активен член на ОО на СДСМ Прилеп како член на правната комисија, во рамките на која активно учествував во сите изборни циклуси од 2004 година до денес. Од почетокот на 2015 година до денес поради отсуство на иницијатива и волја на тогашното раководство на ОО на СДСМ Прилеп, својата активност самоиницијативно ја насочив кон соборување на политиките на ВМРО ДПМНЕ во Прилеп, следејќи и применувајќи ги генералните политики на СДСМ кои паралелно се одвиваа во тој период. Поради отсуството на политичка волја и иницијатива на тогашното раководство на огранокот на СДСМ во Прилеп и очигледните бариери поставени од нивна страна за напредување во партиската хиерархија изготвив и понудив Стратегија за начин на функционирање на општинските организации и месни одбори на СДСМ, која нудеше не само статутарно ами и реално отстранување на пречките, секој член на СДСМ преку својата активност заслужено да напредува во партиската хиерархија и да придонесува за реализација на основните цели на паријата. Во периодот од 2015 год.до денес преку сеопфатна анализа на начинот на владеење на ВМРО ДПМНЕ ги утврдив и причините поради кои кај раководството на ОО на СДСМ Прилеп постои таквиот отпор за реално имплементирање на генералната политика на партијата заради превземање а сега и заради одржување на власт. Во сите предизборни внатрепартиски активности, од страна на членството преку месните одбори бев предлаган како кандидат за сите партиски функции на ниво на ОО на СДСМ Прилеп како и за сите опшествени функции пред одржување на парламентарни и локални избори. Нескриено е експонирањето на поединци низ сите внатрепартиски избори во ОО на СДСМ Прилеп кои вршат злоупотреба на внатрепартиските органи и надвор од статутарните можности се служат со активности кои практично го условуваат објективниот избор на соодветни кандидати за членување во внатрепартиските органи, преку потпишување на иницијативи, собирање на списоци за поддршка на подобни кадровски решенија, користење на ексклузивитетот за одржување на состаноци заради фаворизирање на според нив соодветни партиски решенија и нивна употреба пред највисоките партиски функционери во насока на изнудување на соодветен избор на кадри. ОО на СДСМ Прилеп поседува огромен потенцијал од сопствените редови да исфрла соодветни партиски стручни кадри во сите сфери од опшественото уредување а изборот на кадри преку внатрепартиските избори со непосредно гласање од страна на членството е можност која сите досегашни раководства на огранокот на СДСМ во Прилеп го избегнуваат по секоја цена. И покрај превземањето на локалната власт на последните локални избори, ОО на СДСМ Прилеп воопшто не покажа интерес за имплементирање на нови политички активности кои доликуваат на политики на партија на власт, кое нешто се потврди и од изборните резултати на последните претседателски избори. Активностите и политиките на огранокот би требало да бидат рефлексија на генералните политики на партијата, кое нешто со оглед на актуелните политички случувања и политички резултати на локално ниво не е случај. Поради погоре наведените причини сметам дека мојот партиски ангажман до денес освен што е злоупотребен заради исполнување на лични цели на поединци и групи кои егзистираат низ внатрепартиските органи на огранокот, воопшто не е искористен заради реално имплементирање на генералните цели и политики на партијата. Уставно загарантирано право на секој граѓанин на оваа држава е правото на слободата во изразувањето и поради самопочитта кон сопствените политички убедувања сметам дека пред се етички и морално е на ваков начин да се дистанцирам од партиското делување на огранокот на СДСМ во Прилеп и да можам своите лични политички ставови да ги изнесувам јавно без да нанесам политичка штета на партијата како нејзин член. На највисоките партиски претставници им благодарам на довербата и досегашната соработка, со надеж за идна соработка од позиција на обичен граѓанин на РСМ заради реално имплементирање на генералните политики на СДСМ. Ми беше чест да бидам член на СДСМ. Со почит, Жарко Стеваноски, стои во неговиот пост на Фејсбук.