наредба – Kurir.mk

ОЈО со издадени наредби по вчерашниот оружен инцидент на улицата „Самоилова“ во Скопје

Тале Кристо — Tue, 07 Mar 2023 12:43:40 +0000

Јавен обвинител од Основното јавно обвинителство Скопје денеска издаде повеќе наредби во насока на расчистување на синоќешниот оружен инцидент во близина на Старата скопска чаршија, во кој две лица беа лишени од живот, а едно беше повредено. По наредба на јавниот обвинител ќе биде извршена обдукција на телото на починатите. Сите обезбедени и подигнати траги и материјални докази од лице место во угостителскиот објект во кој се случи настанот се предадени на вештачење. Обезбедени се снимки од видео надзорот на самиот објект, на околните објекти, како и на системот „Безбеден град“, кои детално ќе бидат проверени. Јавниот обвинител издаде наредба да бидат извршени разговори со повреденото лице, со неколку други лица кои биле присутни во угостителскиот објект за време на настанот, како и со други лица кои би можеле да имаат некакви сознанија за инцидентот. Во текот на ноќта, беше обезбедена уште една локација на патот кон Горно Оризари, каде беше пронајдено опожарено возило „ауди“. По насоки на јавниот обвинител денеска увидни екипи на МВР вршат детален увид и преглед на таа локација, а сите прибрани траги и докази исто така ќе бидат предмет на вештачење. Истражните органи продолжуваат да преземаат интензивни дејствија за проверка на сите околности и откривање на сторителите.

На еден месец до крајот на мандатот, Трамп нареди неколку егзекуции

Тале Кристо — Thu, 10 Dec 2020 10:53:22 +0000

Администрацијата на американскиот претседател Доналд Трамп започна серија егзекуции на федерално ниво во последните негови денови во Белата куќа, пренесува Би Би Си. Закажани се пет егзекуции пред инаугурацијата на новоизбраниот претседател на САД Џо Бајден на 20 јануари, со што се прекрши 130-годишната традиција да не се прави тоа при трансфер на претседателската власт. Доколку бидат извршени сите пет смртни казни, Трамп ќе стане претседател во последните повеќе од сто години, за време на чиј мандат имало најмногу егзекуции, вкупно 13, откако осумммина беа егзекутирани во јули оваа година. Брендон Бернард (40) и Алфред Буржоа (56) треба да бидат погубени оваа недела во Тере Хауте, Индијана. Јавниот обвинител Вилијам Бар рече дека неговото Министерство за правда само го спроведува постојниот закон. Но, критичарите велат дека овој потег е загрижувачки и се случува пред преземањето на власта на новиот претседател Бајден, кој рече дека ќе бара укинување на смртната казна.

Требало да седи дома поради коронавирусот: Ја прекршил наредбата за изолацијата, излегол па го изел крокодил

Тале Кристо — Fri, 27 Mar 2020 18:42:42 +0000

Маж во Руанда ја прекршил наредвата за изолирање поради коронавирусот за да отиде на риболов, но го убил и изел крокодил. -Го прекраши правилото за седење дома, тој е меѓу ретките луѓе кои не ги почитуваа правилата за изолација за да го запреме вирусот, изјавила за Би-Би-си Алис Кајитеси, градоначалничка на градот Камони. Неидентификуванио маж бил нападнат и изеден од крокодил крај реката Ниабаронго, пренесоа тамошните медиуми. Афричката држава со околу 12,2 милиони жители, за сега, има 40 потврдени случаи на коронавирусот, а од неделата земјата е во карантин.