Нарендра Моди – Kurir.mk

Моди: Индија е сега на Месечината

Ивона Петрова — Wed, 23 Aug 2023 14:25:10 +0000

„Индија сега е на Месечината“, среќно извика индискиот премиер Нарендра Моди, обраќајќи им се на присутните во контролната соба на ИСРО, притоа честитајќи му на персоналот на контролната соба и на другите Индијци за ова значајно достигнување. Откако индиското летало го постигна историскиот успех со безбедното слетување на Месечината, сега сите се прашуваат што тоа ќе прави таму и што ќе случува со „Чандрајан- 3“ во следните часови и денови. Прво, вселенското летало ќе чека неколку часа за целосно да слегне лунарната прашина.Потоа, панелите на една од неговите страни ќе се отворат и ќе биде поставена рампа за лунарниот ропвер “Праџиан“ (Pragiaan), да може да се лизга по површината. Роверот потоа ќе истражува околу карпите и кратерите на Месечината, собирајќи клучни податоци и фотографии за да ги испрати назад на Земјата за анализа. Леталото и роверот носат пет научни инструменти кои ќе помогнат да се откријат „физичките карактеристики на површината на Месечината, атмосферата блиску до површината и тектонската активност за проучување на она што се случува под површината“. Датумот на слетување, исто така, беше внимателно избран за да се совпадне со почетокот на лунарниот ден - што е еднакво на 28 дена на Земјата - бидејќи на вселенското летало и батериите на роверот ќе им треба сончева светлина за да се наполнат и функционираат, јавува Би-би-си. Со ова Индија стана првата земја која успешно слетала вселенско летало во близина на јужниот пол на Месечината. с

Бајден и Моди ја поздравија новата ера на односи помеѓу САД и Индија

Тале Кристо — Fri, 23 Jun 2023 07:09:05 +0000

Американскиот претседател Џо Бајден и индискиот премиер Нарендра Моди на синоќешната средба во Белата куќа ја поздравија новата ера во односите на нивните земји и најавија договори насочени кон спротивставување на кинеското глобално влијание. - Партнерството е посилно, поблиско и подинамично од кога било досега, истакна Бајден на заедничката прес-конференција со Моди, додавајќи дека трговијата е повеќе од двојно зголемена во изминатата деценија и дека двете најсилни демократии во светот соработуваат на климата, здравствената заштита и вселенската технологија. Ниту Бајден ниту Моди не упати директна критика кон Пекинг, имаше алузии на владата предводена од Си Џинпинг. - - Темните облаци на принуда и конфликти фрлаат сенка над Индо-Пацификот. Стабилноста на регионот стана една од централните грижи на нашето партнерство, посочи Моди при обраќањето пред американскиот Конгрес. На средбата двете земји најавија потпишување договори за полупроводници, критични минерали, технологија, вселенска соработка и одбранбена соработка и продажба. Индија е најнаселената земја со 1,4 милијарди луѓе и петта по големина економија, а Моди се обидува да ја подобри својата позиција на меѓународно ниво, во време на тензични односи со Кина. Вашингтон е загрижен поради блиските врски на Индија со Русија. Моди избегна директно да ја спомене Русија, но пред Конгресот истакна дека конфликтот во Украина „предизвикува голема болка во регионот, бидејќи се вклучени големи сили, резултатите се сериозни“. САД се најголемиот трговски партнер на Индија, но Вашингтон имаат многу поголеми трговски односи со Кина, ЕУ и Канада.

Индискиот премиер во Папуа Нова Гвинеја се сретна со лидери на 14 пацифички земји

Тале Кристо — Mon, 22 May 2023 05:51:46 +0000

Индискиот премиер Нарендра Моди се сретна со лидери на пацифички држави во Папуа Нова Гвинеја. Американскиот државен секретар Ентони Блинкен се очекува подоцна денеска да се сретне со лидерите и да потпише договор за одбрана со земјата домаќин. Во својот говор на отворањето на состанокот, премиерот на Папуа Нова Гвинеја Џејмс Марапе рече дека Индија е лидер на „глобалниот југ“, термин што се користи за некои земји со низок и среден приход. Моди им рече на 14-те лидери на остатокот од Форумот за соработка на Индија-со тихоокеанските острови дека неговата земја ќе биде сигурен партнер за малите островски држави во услови на предизвици поврзани со нарушување на синџирот на снабдување и климатските промени. Делхи е посветен на слободен и отворен индо-пацифички регион, нагласи индискиот премиер.

Моди до Путин: Не е време за војна

Ивана Ефремовски — Fri, 16 Sep 2022 14:57:30 +0000

Премиерот на Индија, Нарендра Моди денеска на маргините на Самитот на Шангајската организација за соработка, што се одржува во Узбекистан, имаше средба со рускиот претседател Владимир Путин. Моди на Путин му кажал дека „ова не е време за војна“. Додека рускиот претседател истакнал дека сака што побрзо да заврши судирот во Украина, но „Украинците сакаат да ги постигнат своите цели на бојното поле“. (МИА)

Бајден и Моди разговараа за ситуацијата во Украина

Ивона Петрова — Tue, 12 Apr 2022 05:57:46 +0000

Американскиот претседател Џо Бајден синоќа имаше „искрен“ виртуелен разговор со индискиот премиер Нарендра Моди, но без приближување на ставовите за војната во Украина, тема што ги нарушува односите помеѓу Њу Делхи и Вашингтон. – Претседателот јасно стави до знаење дека не е во интерес на Индија да го забрза и зголеми увозот на руски енергенси, што во моментов сочинува помал дел од нејзиниот увоз, и други суровини, истакна портпаролката на Белата куќа, Џен Псаки. Додека Mоди истакнал дека ситуацијата во Украина е „многу загрижувачка“ и ја повторил ја поддршката за руско-украинските преговори. САД се сомневаат дека Индија всушност и помага на Русија компензирајќи за некои санкции. Русија е главниот снабдувач на Индија со оружје, ѓубриво, необработени дијаманти и нафта. Индија извезува фармацевтски производи, чај и кафе на рускиот пазар.

Џонсон и Моди: Русија мора да се придржува до Повелбата на ОН

Ивана Ефремовски — Tue, 22 Mar 2022 16:42:20 +0000

Русија мора да се придржува до Повелбата на Обединетите нации, порачаа британскиот премиер Борис Џонсон и индискиот премиер Нарендра Моди. „Двајцата лидери се согласија дека интегритетот и територијалниот суверенитет на Украина мора да се почитуваат“, се вели во соопштението од Кабинетот на Џонсон. Тие, исто така, порачале дека Русија мора да се придржува до Повелбата на ОН и изразиле согласност дека почитувањето на меѓународното право е единствен начин да се обезбеди глобален мир и просперитет. (МИА)

Кои се најомилените светски лидери?

Ивана Ефремовски — Sun, 07 Nov 2021 14:39:23 +0000

Индискиот премиер Нарендра Моди е рангиран како најомилен светски лидер, пред 12 негови колеги низ светот, според Global Leader Approval Rating Tracker – GLART, студија спроведена од американската компанија за истражување на пазарот „Morning Consult“. Агенцијата го следи рејтингот на одобрување на шефовите на влади во Австралија, Бразил, Канада, Франција, Германија, Индија, Италија, Јапонија, Мексико, Јужна Кореја, Шпанија, Велика Британија и САД. Врз основа на испитувањето на повеќе од 3.200 писмени Индијци, истражувањето покажа дека 70 отсто од испитаниците ја одобруваат работата на Моди, а само 24 проценти не се задоволни од неговата улога како премиер. Сепак, неговата популарност малку се намали од 73 отсто во септември оваа година. Рејтингот на индискиот премиер беше 82 отсто во 2019 година, кога неговата влада го укина десетгодишниот специјален статус на спорниот регион Џаму и Кашмир. Сепак, катастрофалниот втор бран на пандемијата на Ковид-19 го погоди неговиот имиџ и неговиот рејтинг достигна историски најниско ниво во мај оваа година. Студијата на „Morning Consult“ ја наведува разликата меѓу неговата популарност и онаа на неговите колеги во светот, вклучително и американскиот претседател Џо Бајден и германската канцеларка Ангела Меркел. Работата на Бајден е оценета негативно кај 48 отсто од вкупно 40.246 испитаници. Неговиот рејтинг на одобрување се намали за девет поени на 44 отсто во споредба со неговиот рејтинг во јуни оваа година. Педесет и четири проценти од вкупно 3.469 анкетирани Германци ја поддржуваат работата на Меркел, а 41 отсто не се согласуваат. Мексиканскиот претседател Андрес Мануел Лопез Обрадор е вториот најпопуларен светски лидер со одобрение од 66 отсто, а италијанскиот премиер Марио Драги ја добива поддршката од 58 отсто од испитаниците. Францускиот претседател Емануел Макрон продолжува да се соочува со гневот на неговите сонародници, при што 55 проценти од Французите не ја одобруваат неговата работа. Целосната ранг листа на „Morning Consult“ за одобрување на светските лидери: 1.Моди: 70% 2. Лопез Обрадор: 66% 3. Драги: 58% 4. Меркел: 54% 5. Морисон: 47% 6. Бајден: 44% 7. Трудо: 43% 8. Кишида: 42% 9. Мун: 41% 10. Џонсон: 40% 11. Санчез: 37% 12. Макрон: 36% 13. Болсонаро: 35% МИА

Индискиот премиер предупреди на ширење на коронавирусот во руралните области

Тале Кристо — Fri, 14 May 2021 09:15:38 +0000

Индискиот премиер Нарендра Моди ги предупреди своите сонародници да преземат дополнителни мерки на претпазливост бидејќи разорната епидемија на коронавирусот во земјата брзо се шири во руралните области, каде живеат речиси две третини од 1,4 милијарди Индијци. Моди ги повика жителите на руралните области, селските совети и државните влади да се обединат и да се соочат со предизвикот. Индискиот премиер рече дека армијата, морнарицата и воздухопловните сили се вклучиле во борбата против пандемијата во земјата. – Изгубивме многу од нашите најблиски, чувствувам болка затоа што луѓето страдаат, рече Моди на конференција на земјоделците. Индиското Министерство за здравство денес соопшти за 343.144 нови случаи на зараза во последните 24 часа, што е мало намалување во споредба со претходниот ден. Уште 4.000 луѓе починале од Ковид-19 со што бројот на жртвите достигна 262.317 од почетокот на пандемијата. Сите овие податоци се многу помали од реалните, проценуваат експертите.

Моди: Во борбата против пандемијата, Индија стана светска аптека

Тале Кристо — Tue, 01 Dec 2020 13:59:09 +0000

Индискиот премиер Нарендра Моди денеска посети три објекти за развој и производство на вакцини, при што во во две од нив се развива вакцина против Ковид-19, а во третата е предвидено да бидат произведени милијарди дози вакцина. – Индија не само што го предводи светот во истражувањата за вакцина, туку ќе игра и клучна улога во светското производство на вакцини. Во борбата против пандемијата, Индија стана светска аптека, констатираше Моди. Тој рече дека за Индија вакцините не се само од клучна важност за зачувување на здравјето, туку се и глобално добро. Потенцираше дека должност на Индија е да им помогне на другите земји, вклучувајќи ги и соседните, во колективната борба против коронавирусот. ссм/ Индија со вирусот досега се справува подобро од повеќето земји, со само 6.731 заразен на милион жители и 98 смртни случаи на милион жители.

Политичар за пример: Премиерот на Индија собира ѓубре од плажа (ВИДЕО)

Ивана Ефремовски — Fri, 29 Nov 2019 15:29:14 +0000

Индискиот премиер, Нарендра Моди на својот „Твитер“ профил објави видео на кое се гледа како собира ѓубре на плажа пред одморалиште во Махабалипурм, каде е домаќин на кинескиот претседател Си Џипинг. На снимките се гледа како собира отпад на плажи ги става во голема пластична кеса, пренесува „Ројтерс“. -Ајде да се погрижиме нашите јавни места да бидат чисти и уредни! Ајде да се погрижиме да бидеме здрави и во форма, напиша на неговиот „Твитер“ профил индискиот премиер Моди.

Plogging at a beach in Mamallapuram this morning. It lasted for over 30 minutes. Also handed over my ‘collection’ to Jeyaraj, who is a part of the hotel staff. Let us ensure our public places are clean and tidy! Let us also ensure we remain fit and healthy. pic.twitter.com/qBHLTxtM9y
— Narendra Modi (@narendramodi) October 12, 2019