нарко бос – Kurir.mk

Нарко-босот Вукотиќ, кој од МВР на Спасовски доби македонски пасош во Драчево (на име Георги Андонов), денес е убиен во Истанбул

Дарко Андоновски — Thu, 08 Sep 2022 19:34:15 +0000

Во Истанбул е убиен водачот на кланот Скалјар, Јован Вукотиќ, дознава „Вијести“ од повеќе извори. Вукотиќ во досиејата на тајната полиција бил означен како апсолутен водач на криминалниот клан Скалјар. Вукотиќ беше во бегство, а црногорските правосудни органи по него распишаа потерница пред една година. Вукотиќ беше уапсен и во Турција во септември 2018 година, кога беше екстрадиран во Србија. Тој беше осуден од Вишиот суд во Белград на 15 месеци затвор за користење фалсификуван македонски пасош со негова слика. Специјалното државно обвинителство (СТП) го обвини дека во ноември и декември 2020 година формирал криминална организација за ликвидација на водачите на кавачкиот клан, Слободан Кашчелан и Радој Звицер. Тие ликвидации наводно ги „нарачал“ преку шифрираната Sky ECC апликација. Војната меѓу измамниците и измамниците започна на крајот на 2014 година кога исчезнаа 300 килограми кокаин во шпанското пристаниште Валенсија. Прва жртва во војната бил Горан Радоман, близок на Скалјарите, по чија смрт имало низа убиства од двете страни. Во судирот на кланови загинаа најмалку четири случајни жртви. Минатата година од ВМРО-ДПМНЕ брифираа дека полициската апаратура издала патни исправи со лажен идентитет за водачот на озлогласениот Шкаљарски клан за трговија со дрога, Јован Вукотиќ и водачот на турската мафија Седат Пекер. Вукотиќ поседувал македонски пасош, со негова слика, но на име Ѓорги Андонов, издаден во полициската станица во Драчево. Новиот идентитет на Вуковиќ бил земен од Македонец од Пиринска Македонија, а уште еден припадник од истиот клан добил идентитет од Македонец од Корча. Пекер со украдениот или измислениот идентитет се вика Џадин Амедовски. На двете лица патните исправи под лажен идентитет им биле изработени во полициската станиоца Драчево.

ФОТО+ВИДЕО: Уапсен еден од најголемите светски дилери

Ивона Петрова — Thu, 21 Apr 2022 05:37:35 +0000

Во Мексико уапсен е колумбискиот наркобос Едуард Жиралдо, еден од најголемите светски дилери на дрога, информираше доцна синоќа полицискиот директор Хорхе Луис Варгас, јави ДПА. „Заедно со мексиканските, британските и со американските власти, колумбиската полиција го лоцираше колумбискиот наркобос Едуард Жиралдо – „Боликесо (Boliqueso)“, објави тој на Твитер. Жиралдо е однесен во Колумбија и информиран е за барањето за екстрадиција на САД. „Боликесо“ ја контролирал трговијата на кокаинот кон Централна Америка, Европа, САД и кон Обединетите Арапски Емирати, според колумбиската полиција. Тој е уапсен и претходно, во Бразил, во 2016 година. Жиралдо е пуштен на слобода две години подоцна. За разлика од познатиот наркобос Пабло Ескобар, кој сакаше да се пофали со своето богатство, Жиралдо припаѓа на генерација наркобосови, кои преферираат да останат незабележани, што е можно подолго време, пишува германската новинска агенција.

La @PoliciaColombia, junto con autoridades mexicanas, británicas y estadounidenses, logró ubicar en México al capo del narcotráfico Eduard Giraldo, alias 'Boliqueso'. Inmediatamente fue deportado a Colombia y notificado de orden de extradición a #EEUU. #EsUnHonorSerPolicía pic.twitter.com/srM9OagZEW
— General Jorge Luis Vargas Valencia (@DirectorPolicia) April 20, 2022

Колумбискиот нарко-бос не користел телефон и соработувал со криминалци од Балканот

Ристе Здравков — Mon, 25 Oct 2021 07:30:03 +0000

Колумбискиот главен нарко бос Даиро Антонио Усуга, познат по прекарот Отониел, кој беше уапсен вчера, е поврзан со балкански трговци со дрога. Весникот „Семана“ наведува дека Отониел, за да формира мрежа за илегална трговија, воспоставил врски во Панама, Мексико, Доминиканската Република и Белгија. „Семана“, исто така, наведува дека досието до кое имала пристап, содржи извештај за преговори со емисари на мексиканските картели, калабриската и сицилијанската мафија во Италија и организации за трговија со дрога на Балканот. Колумбиските вооружени сили го уапсија Отониел за време на операцијата „Озирис“ во рурална област во регионот Ураба. Тој е обвинет за испорака на десетици пратки кокаин во САД, како и за убиства на полицајци, сексуално злоставување деца и регрутирање малолетници. Во акцијата за негово апсење учествуваа 500 војници, а беа користени и 22 хеликоптери. Според Би-Би-Си, Отониел користел мрежа од селски безбедни куќи. Постојано се селел од една во друга и така се криел од властите. Не користел мобилен телефон, туку комуницирал со курир. Полицијата претходно во скривалиштата наоѓала специјални ортопедски душеци наменети за Отонел. Се наведува дека овие специјални душеци ги користел поради болки во грбот, односно дискус хернија. Весникот „Ел Тијемпо“ објави дека властите пред две недели на крајот успеале да го утврдат точното место каде бил уапсен нарко-босот. Како што се наведува, неговото движење го следеле повеќе од 50 доушници со помош на сателитски снимки. Во потрагата беа вклучени американски и британски агенции.

Николоски: Луј Волина осуден во Шпанија за трговија со дрога, добил македонски пасош од МВР на Спасовски

Магдалена Андонова — Fri, 09 Apr 2021 12:12:13 +0000

Луи Волина, МАКЕДОНСКИ ДРЖАВЈАНИН со „традиционално“ македонско име веројатно крстен на дедо му 🙂 е осуден во Шпанија во 2020 за ТРГОВИЈА СО ДРОГА. Нема нарко бос на кој не дале МАКЕДОНСКИ ПАСОШ. ОСТАВКИ И ОДГОВОРНОСТ! Фејсбук статус на Александар Николоски

Афера „Мафија“: МВР издала пасоши на големи балкански нарко босови, едниот шеф на Шкаљарскиот клан

Ивона Петрова — Mon, 05 Apr 2021 10:37:39 +0000

Јован Вукотиќ шеф на познатиот Шкаљарски клан е едниот од двајцата големи балкански нарко босови кои добиле македонски пасоши од МВР, брифира ВМРО-ДПМНЕ. Вистинските македонски документи Вукотиќ ги добил на име Георги Андонов. Второто лице е Седат Пекер турски државјанин кој неодамна беше протеран од Македонија, а претходно се сликал со високи државни функционери. Пекер кого го гони и Турција, во Македонија бил Џадин Амедовски. Денеска ВМРО-ДПМНЕ објави афера Мафија според која МВР со знаење на премиерот издавала пасоши на сомнителни ликови од балканското подземје.

Закани од косовски нарко бос до црногорскиот политичар Дритан Абазовиќ

Тале Кристо — Wed, 25 Nov 2020 08:07:57 +0000

На претседателот на црногорското Граѓанско движење УРА, Дритан Абазовиќ, му се заканувал член на криминалната група на косовскиот нарко бос, Насер Каљменди, дознава неофицијално весникот „Дан“ од извор од таа партија. Според сознанијата на „Дан“, станува збор за лице кое има црногорски документи, а живее во Косово. Граѓанското движење УРА вчера одржа вонредна прес-конференција, на која тие соопштија дека имаат информации дека на Дритан Абазовиќ му се заканувал криминален клан од регионот. Како што објавија, еден од членовите на тој клан е црногорски државјанин. Сепак, партијата не сакаше официјално да објави за кого станува збор.

ВИДЕО: Соборен во луксузната вила, уапсен најголемиот дилер во Европа

Ивана Ефремовски — Mon, 16 Sep 2019 07:29:14 +0000

Бразилската полиција во луксузна вила во близина на Рио де Женеиро го уапси најголемиот препродавач на дрога што ја снабдува Европа со кокаин. -Андре де Оливеира Македо, со прекар Андре до Рап,бил лоциран во неделата наутро во луксузна вила во Ангри дос Реис, одморалиште на 150 километри од Рио, соопшти Бирото за безбедност на Сао Паоло. Полицијата заплени хеликоптер и луксузна јахта во близина на вилата. Инспекторите тврдат дека Андре до Рап бил еден од водачите на „Капитал Прва” специјална група (ПЦЦ), моќна криминална група основана во затворите во Сао Паоло. ПЦЦ, тесно поврзана со калабријската мафија „Ндрангетa“, ja контролирала испорака на кокаин во Европа преку пристаништето Сантос, најголемо во Јужна Америка. Запленувањето на кокаинот во Бразил се удвои во однос на првата половина од истиот период минатата година, достигнувајќи 25 тони. Во јули, двајца членови на Ндрангета беа уапсени во близина на Сантос. Бразилската федерална полиција соопшти дека мафијата од Калабрија контролира „40 проценти од светската трговија со кокаин, и е главен дистрибутер за Европа“.

Chefe do PCC André de Oliveira Macedo, o André do Rap foi preso em Angra dos Reis, RJ. Ele é responsável por negociar drogas com máfia italiana. Helicópteros, lanchas apreendidas. pic.twitter.com/on59EoMSuX
— Maicon Mendes (@Oficialmmendes) September 15, 2019