нарко картели – Kurir.mk

СИТУАЦИЈАТА НАДВОР ОД КОНТРОЛА ВО МЕКСИКО: Нарко-картели ги напаѓаат полицијата и армијата со експлозивни дронови (ВИДЕО)

Магдалена Андонова — Wed, 21 Apr 2021 17:35:07 +0000

Мексиканскиот министер за одбрана Луис Кресенсио Сандовал денес потврди дека припадници на нарко картелот ја нападнале полицијата и армијата во најмалку три земји со eксплозивни дронови. Сандовал изјави дека картерот Халиско Новата генерација стои зад некои од тие напади, како и дека полицијата и армијата во државите Халиско, Гуанахуато и Микоасан биле под напад на картелот. Тој оцени дека нападите со eксплозивни дронови се загрижувачки, но не толку ефикасни како што би сакале картелите, бидејќи, како што вели, малите авиони не можат да носат поголеми количини експлозив, пренесе Асошиејтед прес. Полицијата во државата Микоасан објави дека во нападите на оваа недела биле повредени двајца полицајци, кои биле пуштени на домашно лекување откако им била пружена болничка помош, пренесува Танјуг. Картелот Нова генерација од државата Халиско е во војна за надмоќ со картелот Ново семејство на Микоасана, познато како Вилаграси или Обединетите картели, а министерот Сандовал потврди дека ситуацијата во градот Агила е „надвор од контрола“. ВИДЕОТО МЕ ДА ГО ПОГЛЕДНЕТЕ ТУКА

Трамп: Мексико со помош на САД да води војна против нарко-картелите

Ивона Петрова — Wed, 06 Nov 2019 06:29:11 +0000

Американскиот претседател Доналд Трамп и понуди на Владата на Мексико помош за водење војна со нарко картели, откако девет члена на американско семејство беа убиени во северниот дел на Мексико. „Ова е време за Мексико, со помош на САД, да води војна со нарко картелите и да ги избрише од лицето на земјата. Ние само чекаме на повик на вашиот голем нов претседател”, наведе Трамп во една од пораките на Твитер. Тој додаде дека американската влада е подготвена да се вклучи во борбата и дека за претседателот на Мексико Андрес Мануел Лопес Обрадор, е приоритет борбата против нарко картелите. „Но, картелите станаа толку големи и моќни што понекогаш ви треба војска за да ја порази војската“, смета Трамп. Лопес Обрадор се залага за помалку милитаристички пристап кон проблемот и смета дека „фронт-политиката“ што ја водеа неговите претходници доведе до поголемо насилство.

Во Мексико евакуирани 92 лица поради тероризирање од нарко картели

Даниел Василев — Thu, 12 Apr 2018 07:32:31 +0000

Мексиканската војска и полиција евакуираа 92 лица во државата Гереро, кои беа изложени на тероризирање од страна на нарко картел. Портпаролот на службата за државна безбедност Роберто Алварез изјави дека се евакуирани главно постари лица, жени и деца. Тие го напуштија местото Хуајаналко во мексиканската општина Тотолапан, од страв од нарко картелот, кој дејствува во таа област. Евакуираните се одведени во градот Атојак, но засега не е познато зошто е одбрана таа дестинација. МИА