наркотични дроги – Kurir.mk

Скопјанец избегал од затвор, полицијата го фати со половина килограм марихуана

Ивана Ефремовски — Thu, 27 Jul 2023 14:58:42 +0000

СВР Скопје поднесе кривична пријава против Д.И.(35) од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 28.11.2022, полициски службеници постапувале по наредба за приведување на пријавениот поради бегство од затвор и притоа, во станот каде што го пронашле, биле пронајдени и одземени половина килограм марихуана и остатоци од тетрахидроканабинол.

Поради марихуана фатени 4 лица – еден ја набавил, втор ја купил, други лица ја користеле

Ивана Ефремовски — Mon, 12 Jun 2023 14:51:55 +0000

СВР Тетово поднесе кривична пријава против Д.С.(23) од Тетово поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори’’ и против М.В.(25) од Гостивар поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори’’ и „овозможување на употреба наркотични дроги“. На 16.02.2023 на локалниот пат од село Пирок кон автопатот, полициски службеници извршиле преглед на возило, во кое се превезувал пријавениот М.В., при што кај него била пронајдена марихуана, која ја набавил од првопријавениот Д.С., а им овозможил да ја користат другите две лица кои биле со него во возилото.

21-годишно момче доби кривична пријава поради поседување марихуана

Ивана Ефремовски — Tue, 14 Mar 2023 18:01:05 +0000

СВР Тетово поднесе кривична пријава против А.Б.(21) од Тетово, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 23.02.2020 во Тетово, полициски службеници извршиле преглед над пријавениот, при што пронашле и одзеле марихуана.

Велешанец ќе одговара за поседување марихуана

Ивана Ефремовски — Thu, 25 Nov 2021 16:16:06 +0000

ОВР Кичево поднесе кривична пријава против Г.Н.(26) од Велес, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“. На 25.05.2021 околу 22:00 часот, при преглед извршен во Кичево на патничко возило „ауди“, со скопски регистарски ознаки, во кој се превезувал Г.Н., кај него било пронајдено и одземено пакување со марихуана.

Тинејџер фатен на дело, одземени му се марихуана и канабис

Ивана Ефремовски — Thu, 07 Oct 2021 15:46:52 +0000

ОВР Гостивар поднесе кривична пријава против Р.Д.(18) од с.Вруток, за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 24.04.2021 во непосредна близина на Железничка станица Гостивар, при контрола на патничко возило „опел“, во кое бил пријавениот, од страна на полициски службеници пронајдени и одземени се марихуана и листови од канабис.

Обвиниe против три лица за неовластено производство и пуштање во промет на наркотични дроги

Тале Кристо — Wed, 02 Jun 2021 12:14:01 +0000

По сеопфатна истражна постапка надлежниот јавен обвинител од Основното јавно обвинителство за гонење на организиран криминал и корупција, поднесе Обвинителен акт против еден албански, еден македонски и еден косовски државјанин. Со дејствијата опишани во Обвинителниот акт, тројцата се обвинети дека сториле кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 ст.3 в.в. ст.1од Кривичниот законик. Имено, обвинетиот Л.С. кој е недостапен на органите на прогонот, заедно со В.К., Т.С. и Р.К. опфатени во Обвинителниот акт, во периодот од 16-19 декември минатата година како повеќе лица, неовластено заради продажба пренеле 58.980 грама наркотична дрога марихуана и волумен од околу 900 милилитри хашиш масло. Наркотичната дрога била подигната од објект што го користело лиценцирано правно лице Друштво за производство, трговија и услуги 5 Летерс ДОО Скопје чија дејност е одгледување канабис за медицинска намена и производство на екстракт од канабис лоциран во с.Алданци, крушевско и истата била пренесена до изнајмен објект – викенд куќа во атарот на с.Врбоец. Обвинетиот Л.С. кој моментално е недостапен на органите на прогонот неофицијално бил назначен за управител на правниот субјект ДПТУ 5 Летерс ДОО Скопје и му биле доверени клучевите од безбедносниот сеф каде се чувала сувата материја. Еден месец пред критичниот настан неформално го ангажирал обвинетиот В.К. и го назначил како одговорно лице во фабриката за да ги контролира и координира вработените. При контрола на магацинскиот простор В.К. утврдил дека одредена количина на наркотична дрога марихуана не е внесена во евиденциите на правното лице и се договориле со Л.С. истата да ја сокријат во таванот над магацинот и во погоден момент да ја изнесат од правниот субјект со цел неовластено да ја продадат. В.К. по насоки на Л.С. ги ангажирал обвинетите Т.С. и Р.К. кои непријавени работеле во правното лице ДПТУ 5 Летерс ДОО Скопје без регулиран статус и сите заедно направиле план за безбедно изнесување на наркотичната дрога. Обвинетиот В.К. од магацинскиот простор каде се чува екстракт од канабис изнел и една тегла хашиш масло со волумен од 900 милилитри и му ја предал на обвинетиот Т.С. кој неовластено ја држел во мотелска соба во која престојувал. Наредниот ден Л.С., во непосредна близина на фабриката, во атарот на село Врбоец, закупил викенд куќа каде обвинетите требало да ја пренесат и да ја чуваат наркотичната дрога марихуана. Секој обвинет добил конкретни инструкции и задачи од обвинетиот Л.С., па за време на пауза на вработените предизвикале прекин во мониторинг системот од безбедносните камери, ја симнале марихуаната спакувана во проѕирни најлонски кеси од таванот и ја сместиле во шест големи црни најлонски вреќи, а потоа ја натовариле во ПМВ џип марка Лексус со швајцарски регистарски ознаки и ја пренеле и сместиле во изнајмената викенд куќа. По завршување на работното време Л.С. со ПМВ марка Тојота ги пренел обвинетите во викенд куќата каде обвинетиот Т.С. требало да остане да ја чува дрогата до наредниот ден кога требало да биде преземена. На 19.12.2020 година при претрес на викенд куќата од страна на овластени службени лица дрогата со вкупна нето маса од 58.980 грама е пронајдена, а лицата лишени од слобода, при претрес на други локации каде престојувале обвинетите се пронајдени помали пакувања на наркотична дрога спакувани за неовластена продажба. Имајќи го предвид начинот и мотивот на извршување на кривичното дело, неговиот меѓународен елемент во извршувањето и поврзаноста на извршителите, како и фактот што обвинетиот Л.С. не е достапен на органите на прогонот, со цел обезбедување присуство на обвинетите и спречување на повторување на кривичното дело, со Обвинителниот акт предметниот јавен обвинител поднесе и Посебен предлог со кој му предложи на Основниот кривичен суд – Скопје спрема обвинетите да ја продолжи мерката притвор.

Триесетдневен притвор за Гостиварец поради неовластено производство и пуштање во промет на наркотични дроги

Тале Кристо — Thu, 29 Apr 2021 19:12:57 +0000

Денеска попладне (29 април), судија во претходна постапка на Основниот суд Гостивар на 57-годишниот гостиварец С.Б. му определил мерка притвор од 30 дена, поради основано сомнение за сторено кривично дело "неовластено производство и пуштање во промет на наркотични дроги, психотропни супстанци и прекурсори", казниво по член 215 од Кривичниот законик, а кривично пријавен од СВР Тетово. Пријавениот С.Б.ќе биде спроведен во Казнено-поправната установа Затвор "Скопје" во Скопје за издржување на притворот. При преглед на возило"ауди" со гостиварски регистарски ознаки, што го управувал С.Б., а кое вчера (28 април) било запрено на влезот на Гостивар бил пронајден и одземен хероин, по што С.Б. лишен е од слобода и задржан во Полициската станица Гостивар за расчистување и документирање на случајот.

Дилерка од Куманово фатена со дрога дома, се бара притвор

Ивана Ефремовски — Thu, 23 May 2019 07:52:22 +0000

Основното јавно обвинителство Куманово поведе постапка против едно лице поради основано сомнение дека сторило кривично дело Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. На 22.05.2019 година, во својот дом во Куманово и во домот на нејзиниот невенчан сопруг, осомничената неовластено заради продажба држела наркотична дрога марихуана со вкупна нето маса од 322,6 грама и наркотична дрога хероин со нето маса од 11,94 грама. Осомничената ја прибавила наркотична дрога марихуана и хероин за натамашна продажба, за чија цел поседувала и две дигитални ваги кои при извршените претреси се пронајдени и одземени. Надлежниот јавен обвинител постапувајќи по поднесената кривична пријава, донесе Наредба за спроведување на истражна постапка. Воедно ценејќи дека се исполнети законските основи до Основниот суд Куманово поднесе Предлог за определување на мерка притвор за осомничената.