наркотици – Kurir.mk

Детали за ужасот во Ниш: Малолетник предозиран со наркотици, мајка му го затекнала со пена на устата

Ивана Ефремовски — Tue, 25 Jul 2023 20:44:19 +0000

Д.Х. (14) од Ниш вчера во утринските часови бил донесен во несвест во клиниката во Ниш поради сомнение дека се предозирал со наркотици, а неговата состојба сега е стабилна. Според неофицијални информации од извор запознаен со случајот, тој наводно земал метадон, хероин и канабис. Како што објаснува изворот, мајката на овој четиринаесетгодишник наводно е зависник од метадон, а пред лекарите негирала дека нејзиниот син земал некаква опојна дрога. Според неофицијални информации, момчето има претходна расекотина на ногата, а мајка му не го однела на лекар. Поради болката, тој наводно се обидел да ја „олесни болката“ со тоа што наводно ги земал сите овие наркотици. -Беше одвоен од семејството, така рекоа, случајно дошла мајката и го затекнала со пена од устата и онесвестен, објаснува изворот. Да потсетиме, како што соопштија вчера од Универзитетската болница Ниш, тој изутрината бил донесен со возило на брза помош во бессознание поради сомнение дека се предозирал со наркотици. -Пациентот е интубиран и пренесен на Клиниката за детски болести бидејќи е малолетник. Анализите на крвта потврдија дека се работи за труење со наркотици, но утврдено е дека пациентот има исекотина на ногата која не е соодветно третирана и е воспалена. Иако состојбата на пациентот за време на приемот била многу тешка, благодарение на лекарите на Клиниката за детски болести и Ургентниот центар на Универзитетскиот медицински центар Ниш, момчето е стабилизирано, будно и дише самостојно, соопштија од Универзитетскиот медицински центар Ниш.

Медиум од Албанија објавува: Високи македонски функционери и припадници од МВР вмешани во шверц со наркотоци!

Тале Кристо — Mon, 09 Jan 2023 21:20:56 +0000

Високи македонски функционери и припадници од МВР вмешани во шверц со наркотоци, објавува албанската телевизија „ОРА ЊУЗ“. Како што „Ора Њуз“ вечерва објави станува збор за скандал во кој наводно се вмешани високи претставници на власта во Македонија. Имено, како што објавуваат од редакцијата на „Ора ТВ“, лице, познато за редакцијата, неколку снимени разговори од високи функционери на високи позиции во Македонија. Според истото кое ги поседува аудиоснимките поврзани со шверц на наркотици, првично кумуницирал со Трајче Заев, притоа информирајќи го за ситуацијта. Од друга страна откако Заев ја слушнал снимката му одговорил со кодирана порака на човекот кој што ги поседува аудиоснимките, објавува „Ора Њуз“. Според информациите кои ги поседува телевизијата, во аудиоснимките во шверцот со наркотици вмешани се високи функционери од коалицијата СДСМ-ДУИ, а истовремено и познати имиња од МВР. Како што информираат од истата ТВ, наводно постојат прислушкувани разговори, кои докажувале дека високи функционери дирекно интервенирале за да ја спречат операцијата превземена од странските агенции.

Метју Пери конечно проговори: Имав 2 отсто шанси да преживеам

Ивона Петрова — Thu, 20 Oct 2022 08:46:30 +0000

Актерот Метју Пери со години се бореше со пороците, а неодамна призна дека неговата битка со зависноста од алкохол и дрога во еден момент станала толку тешка што „речиси умрел“. На 49-годишна возраст тој бил во многу тешка состојба кога му пукнало дебелото црево поради прекумерна употреба на наркотици. Актерот кој сите го знаат по улогата на легендарниот Чендлер Бинг во серијата „Пријатели“ сега призна дека поминал две недели во кома, а вкупно пет месеци во болница, како и дека девет месеци по операцијата морал да користи стома.

-Лекарите му рекоа на моето семејство дека имам 2 отсто шанси за преживување. Ме ставија на уред наречен ECMO машина, кој дише наместо вашите бели дробови. Никој не го преживува тоа, изјави актерот за Пипл. Пери реши искрено да зборува за тоа како зависностите од дрога и алкохол му го уништиле животот во неговите мемоари Пријатели, љубовници и големата страшна работа, кои ќе бидат објавени на 1 ноември. -Сега сум прилично здрав. Веќе не ми е дозволено да одам во теретана бидејќи не сакам само да играм суперхерој. Но, јас сум прилично здраво момче во моментов, рече Пери, кој не откри колку долго е трезен, но рече „секој ден се брои“. Додаде дека 14-те лузни на стомакот му служат како потсетник никогаш повеќе да не се дрогира.

Ковачки: Цел месец молк од институциите за пратката од 1 тон наркотици, дали пропуштена пратка била придружувана со царински возила?

Катерина Бојаџиева — Tue, 07 Dec 2021 10:58:22 +0000

Целосен молк од страна на надлежните институции за скандалот којшто вчера го објавивме, за шверц на 1 тон наркотични супстанци преку скопскиот аеродром, вели Драган Ковачки, пратеник и член на ИК на ВМРО-ДПМНЕ. -Молчи Јавното обвинителство, молчи Оливер Спасовски и МВР, молчи и Царина преку која била пропуштена дрогата на аеродромот. Нема одговори за скандалот како тоа пратка од 1 тон дрога ги поминала сите безбедносни и царински мерки и незабележливо била пропуштена да излезе од скопскиот аеродром. Нема одговори дали на царинските службеници усно или писмено им било наредено да не ја проверуваат пратката на скопската компанија за мобилна галантерија, која пристигнала од Дубаи. Исто така јавноста не доби одговори дали царинските работници под присила ги смениле своите изјави за непостапувањето за оваа пратка, со која во Македонија се внесе 1 тон дрога. Но овој скандал не завршува со самото пропуштање на дрогата да влезе на територија на Македонија. Затоа денес ќе изнесеме, односно ќе ги прашаме надлежните институции за овој случај, уште неколку скандалозни постапки од стана на засегнатите институции. Дали истиот ден откако пратката била пропуштена да излезе од скопскиот аеродром, пратката била товарена во превозни средства и истата била придружувана со царинска придружба со ротациони светла? Повторувам, придружувана од царински службеници со ротациони светла. Дали пратката на влез во Скопје била запрена од страна полицијата и при контрола и претрес е констатирано дека пратката не соодејствува со содржината која била внесена на товарниот лист и царинската декларација, при што истата е запленета? Дали полицијата при претресот запленила и два мобилни телефонски уреди на македонски царински службеници и дали врз истите се извршени понатамошните истражни дејствија, кои би можеле да укажат во учество во сторување на одредени кривично правни дејствија кои се поврзани со сомнителниот нелегален увоз на стоки и материјали? Надлежните институции треба да одговорат за инволвираноста на раководните структури во МВР и Царината, како и на царинските работници, како и на полициските службеници, кои не спречиле голем шверц на дрога да влезе во Македонија преку скопскиот Аеродром. Го повикуваме Јавното обвинителство веднаш да постапи по овој случај. Не смееме да дозволиме и овој случај да биде уште еден од редицата нерасчистени криминални случаи, кој се поврзани со кланот на власт, СДСМ и ДУИ, подвлекува Ковачки.

ВИДЕО: Пресечен меѓународен канал за шверц на наркотици, запленета дрога во вредност од околу 350.000 евра

Катерина Бојаџиева — Mon, 08 Nov 2021 09:26:05 +0000

На 07.11.2021 во 20.00 часот на локален пат во селото Оровник, општина Дебрца, од страна на полициски службеници од Одделот за криминалистичка полиција - Сектор за недозволена трговија со дрога, оружје и опасни материи и Специјалната антитерористичка единица „Тигар“ и Одделот за сузбивање на организиран и сериозен криминал е лишен од слобода М.П.(38), државјанин на Р.Албанија, со што е пресечен меѓународен канал за шверц на марихуана од Р.Албанија во нашата држава. Како што соопшти Сузана Прањиќ Талевска, портпарол во Министерството за внатрешни работи, при извршен преглед во патничко возило „цитроен берлинго“, со албански национални ознаки, кое М.П. го управувал, во задниот дел од возилото биле пронајдени и одземени пет торби со 100 пакувања марихуана, во вкупна количина од околу 100 килограми, со вредност од околу 350.000 евра. Оваа заплена е резултат на повеќемесечно следење на активностите на неколку албански државјани на територијата на државата кои биле инволвирани во недозволена трговија со наркотици. М.П. е приведен и задржан во Полициска станица Охрид за понатамошна постапка, а по целосно документирање на случајот ќе биде поднесен соодветен поднесок до ОЈО Охрид според член 215 од Кривичниот законик за „неовластено производство и пуштање во промет на наркотични дроги, психотропни супстанции и прекурсори“.

Весна Змијанац ја шокираше јавноста – призна за конзумирањето на наркотици: „Оставаат иста празнина во душата исто како алкохолот“

Магдалена Андонова — Wed, 20 Oct 2021 08:01:36 +0000

Фолк пејачката Весна Змијанац често, во текот на кариерата, ги шокираше своите фанови со нејзините изјави, но сега откри нешто во што е тешко да се поверува. Имено, пејачката призна дека пробала се во својот живот, дури и наркотици. Во својата автобиографија „Кога мирисаат јоргованите“, Весна отворено зборува за алкохолот, но и за дрогата, која наводно ја пробала во Америка. - Илегалните супстанции земаа замав за време на мојот престој во Америка. Плаќате, ако веќе не е вклучено во цената на билетот, трошите и се збогувате со својот ум. Ако не ви се допаѓа, нема проблем, само кажете, за пари, можете брзо да добиете се што сакате и вкусите. Блескаво чувство за лажна сигурност и натчовечка сила. Се е поубаво отколку што е, се изгледа полесно отколку што е, се е можно, дури и она што не е. Кога ќе помине дејството, болен судир со реалноста. Покајание и страв, неприроден страв. Во прилика и разум, сето тоа изгледа како да сте опијанети. Во времетраење и искуство, барем на почетокот, е малку пријатно. Остава иста празнина во душата како и алкохолот, со фактот дека со текот на времето, отсуството на мамурлак и главоболка се компензира со целосен колапс на целото тело и атрофијата на секое човештво кај една личност. Гадна работа. Оној што измислил и направил опијати, тој сигурно го мрази човекот, тој ги мрази сите луѓе и себе - Весна се присети како пробала кокаин во минатото, и додала дека таа не се срами и не жали што имала бурен живот: - Моите искуства се многубројни и различни. Понекогаш човек мора да се спушти до своето дно. За да дозволи животното во него да изгние.

Беровец заработи кривична пријава за неовластено производство и пуштање во промет на наркотични дроги

Тале Кристо — Wed, 25 Aug 2021 20:38:26 +0000

СВР Штип поднесе кривична пријава против А.К.(29) од Берово, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 27.01.2021, полициски службеници од Полициската станица Берово извршиле претрес во дом и помошни простории кај пријавениот, при што пронашле и одзеле засадено растение канабис.

ФОТО: Милан Станковиќ бегал од полиција па бил тестиран за наркотици – пејачот шокиран ги објавил резултатите!

Магдалена Андонова — Wed, 27 Jan 2021 08:26:51 +0000

Откако Аца Лукас призна дека возeл под дејство на алкохол, пејачот Милан Станковиќ на својот Инстаграм откри дека и тој се сретнал и со полициски патроли. Тој открива дека полицијата го бркала и го тестирала за присуство на наркотични средства, а резултатите ги споделил на својот инста „стори“.

Гаги Џогани се огласи по апсењето: Влегов во проблеми – Неговата пријателка открива што правел истиот ден

Ивона Петрова — Thu, 17 Sep 2020 07:25:02 +0000

Популарниот српски денсер Гаги Џогани синоќа беше уапсен, како што јавуваат српските медиуми со две кесички кокаин. Денсерот, кој во ’90 беше популарен како дел од групата „Фанки Џ“, е излекуван наркозависник. По апсењето тој се огласи на социјалните мрежи. -Добро сум. Ви благодарам што се грижите за мене. Влегов во проблеми, но сам ќе ги решам. Ви благодарам на разбирањето, напиша Џогани на Инстаграм. По повод неговото апсење се огласија поголем број членови на семејството кои не знаеја за што точно станува збор, дел од нив за приведувањето дознале и од медиумите. Доцна синоќа се огласи и Наталија, член на групата Трик ФХ, која со сопругот Сани му се долгогодишни пријатели на Гаги. Попладнето пред да биде уапсен тој бил заедно со нив. -Во шок сум и разочарана сум, тоа е срамота за него и за децата. Пет години беше чист и знаев дека кога ќе земе пари, вакво нешто ќе се случи. Не можам да верувам, ете денеска се видовме, бевме на ручек. Се смееше, беше расположен и нормален, рече дека ќе оди да купи правосмукалка. Ми се плаче, изјавила Наталија.

Служба на ОН: Карантинските мерки предизвикаа поскапување на наркотиците

Ивона Петрова — Thu, 07 May 2020 05:34:28 +0000

Мерките за контрола на границите поради коронавирусот, ограничувањата за движење и откажувањето на летови ја зголемуваат цената на наркотиците ширум светот и го попречуваат пристапот до нив, се вели во извештајот на Службата на ОН контрола на наркотици и спречување криминал. Пандемијата има ефект врз производството на наркотици во различни региони и нивната трговија. Поради зголемувањето на цените и намалената чистота на наркотиците, многу зависници се префрлаат од супстанции, како што е на пример – од хероин во синтетички опијати или бараат третман. Поголемиот број заплени на хероин во Индискиот Океан може да значи и зголемување на шверцот со хероин во Европа по вода, соопштија ОН. Недостатокот на летови има особено голем ефект врз трговијата со синтетички дроги, вклучително и метамфетамини, кон земји како Јужна Кореја, Јапонија и Австралија. Во Авганистан, најголемиот светски производител на хероин, би можело да биде нарушен процесот доколку работниците не се во можност или не сакаат да работат. Само трговијата со канабис е непогодена – која се произведува во област каде што ќе се продава, се вели во извештајот. Падот на меѓународната трговија исто така може да доведе до недостиг на прекурсори користени за производство на хероин. На долг рок, економскиот пад поради пандемијата може да го промени пазарот на наркотици, соопшти Службата на ОН за контрола на наркотици и превенција на криминал.