народ – Kurir.mk

ФОТО: Голем број на специјалци зад Собрание, а толпа народ пред Собрание

Тале Кристо — Tue, 05 Jul 2022 18:54:04 +0000

Водени топови, оклопни возила, куп специјалци чекаат зад Собрание, додека пред Собранието има собрано илјадници граѓани, за да протестираат против омаложувачкиот француски предлог. Граѓаните од пред Владата, се упатија кон МНР, а крајанта дестинација е токму Соранието на Република Македонија.

ФОТО: Реки народ се слеаа пред Владата на вчерашниот протест на ВМРО-ДПМНЕ

Тале Кристо — Sun, 19 Jun 2022 10:27:58 +0000

Реки народ на вчерашниот протест на ВМРО-ДПМНЕ се слеаа пред Владата на Република Македонија. Имено, ВМРО-ДПМНЕ вчера под мотото „Премногу е!“ го организираше најголемиот и најмасовен протест што досега го одржала една партија во Македонија. Според медиумите во земјата, а и од регионот на овој величествен протест како што го нарече лидерот на ВМРО-ДПМНЕ Христијан Мицкоски присуствуваа од 80 до 100 илјади граѓани. ВМРО-ДПМНЕ е отворена партија! И за Македонците! И за Албанците! И за Турците! И за Србите, Власите и Бошњаците, Ромите, Египќаните и сите останати! Тука сме за сите ограбени, понижени и обесчестени граѓани на Македонија! Им подаваме рака на сите! Придружете ни се во нашата борба за нашата мајка Македонија, кажа претседателот проф.др. Христијан Мицкоски на вчерашниот протест пред владата по мотото – Премногу е! Тој потенцира дека ни е потребно е обединување и општествена поддршка. Кажа дека нема инстант победи, но дека ВМРО-ДПМНЕ почнува и од сега па натаму продолжува низ градовите и улиците да се бори. До конечен пад на оваа корумпирана и криминална власт. Да ја вратиме надежта и еланот во нашите срца како тој 8 септември 1991 година. Овие избори да не бидат избори за власт, туку референдум за Македонија. Да дојде нова генерација способни луѓе која ќе направи нов пресврт, нова страница и нова епоха за Македонија, потенцираше тој. Мицкоски кажа и дека мора да обезбедиме повеќе работни места, повеќе пари за граѓаните. Напредок во културата, здравството и образованието. Буквално да се постават темелите на новиот патриотизам. Да си ја вратиме земјата во наши раце, во рацете на народот, а не во овие кои што ја украдоа, ја предадоа, ја понижија, ја осиромашија, заклучи Мицкоски.

Објавена мапа на Европа по великодушноста на домаќините: Дали Македонците се гостопримливи? (ФОТО)

Ристе Здравков — Thu, 02 Jun 2022 12:12:32 +0000

На социјалните мрежи започна да се шири интересна мапа на Европа која прикажува дали како гостин во домаќинствата во европските земји ќе бидете послужени со храна. Земјите се поделени во 4 категории: речиси секогаш, веројатно да, веројатно не и речиси сигурно не. Нашата земја, ако воопшто и има сомнеж, се наоѓа во првата категорија. Мапата е објавена на Инстаграм профилот „loverofgeography“, а покрај објавата стои дека мапата прикажува кај има најмногу шанси „домаќините спонтано да ви понудат храна“. Иако во продолжение се наведува дека мапата не е изработена по некоја суперпрофесионална методологија, таа се чини прилично точна.

View this post on Instagram

A post shared by CEO of Geography we post Daily (@loverofgeography)

Покрај Македонија, во земјите во кои сигурно ќе бидете послужени со храна како гостин се и останатите земји од Балканот и медитеранскиот круг, со исклучок на Франција и северна Италија. Тие спаѓаат во категоријата „веројатно да“ заедно со Словенија, Унгарија, Чешка и Словачка и земјите од источна Европа, вклучувајќи го и Балтикот. Во оваа категорија се и Ирците и Шкотите. Нивните соседи Англичаните и Велшаните се во третата категорија, заедно со северна Франција, Белгија и земјите во кои се зборува германски, додека според оваа мапа најмалку ќе се „најадете“ во домаќинствата во северна Германија и Скандинавија. „Швеѓаните нема да нахранат странци“ Оваа мапа многу брзо стана вирална, а луѓето на интернет ги споделуваат своите искуства. Најчестите коментари се за Шведска, која често се смета за совршено место за живот. „Живеев во Шведска многу години. Еден пријател ми раскажа дека неговата тетка, секој пат кога го чувала, ѝ испраќала сметка за намирниците на неговата мајка“, искоментирал еден корисник на Твитер, а друг додал:

Laughing at twitter finding out that Swedish people will not feed strangers 😂😂 as a kid growing up here we knew to just go home around dinner time. On the flipside my mom would feed Swedish kids though.
— Lovette🏳️‍🌈 (@lovettejallow) May 29, 2022

„Се смеам бидејќи читам дека Швеѓаните нема да нахранат странци. Како деца, едноставно за време на вечерата знаевме дека треба да си одиме дома. Од друга страна, мојата мајка ги хранеше шведските деца“.

Палестинскиот премиер: Народот е единствен во отпорот кон израелските напади

Тале Кристо — Thu, 13 May 2021 11:47:22 +0000

Палестинскиот премиер, Мухамед Штајех изјави дека палестинскиот народ со силно единство им се спротивставува на израелските напади во окупираните Ал Кудс и Појасот Газа. Штајех по повод Рамазан бајрам го посети гробот на Јасер Арафат, легендарниот палестински лидер, во градот Рамала на Западниот Брег. Притоа, во име на палестинскиот претседател Махмуд Абас и во свое лично име на сите Палестинци им го честиташе денешниот празник. – Сакаме овој празник да донесе радост и среќа во срцата на нашите деца, жени и возрасни луѓе. Сепак, поради агресивните напади на окупацискиот израелски режим врз нашиот народ во Ал Кудс, Ал Акса и Појасот Газа, претседателот Абас ги откажа сите прослави по повод Бајрам. Сега сите заедно се бориме против израелските напади, истакна Штајех.

Мицкоски: Директорот на заводот за статистика се заканува дека ќе тужи и ќе носел во затвор, во кој друга држава вака се лаже народот

Тале Кристо — Mon, 25 Jan 2021 12:33:38 +0000

Денес претседателот на ВМРО-ДПМНЕ, Христијан Мицкоски гостуваше во „Неделен Брифинг“. Таму говореше за актуелни теми меѓу која и пописот. Туку посочи дека не е во ред директор на ДЗС да се заканува на граѓани ако не се попишат дека им следува казна затвор од неколку години. -Директорот на ДЗС вели ако не се попишете, ќе ве казнуваме и ќе ве праќаме во затвор, ама не само вас, туку и тие кои што ве мотивирале тоа да го направите. Значи директорот се поставува себеси во функција на тужител, обвинител и судија, веќе ги осудил луѓево, нагласи Мицкоски. Мицкоски додаде дека ако тоа не е политизација, тогаш што би било политизација. А, токму ова меѓу граѓаните создава недоверба околу самиот процес на попишување.

Народот не виде фајде од првите 4, Заев најави 5 ти пакет на антикризни мерки

Тале Кристо — Tue, 29 Dec 2020 13:21:05 +0000

Досегашните четири пакет антикризни мерки од владата на граѓаните не им помогнаа многу. Со речиси 50 илјади невработени и во сиромаштија живее населението од почетокот на корона кризата во Македонија. Четирите пакет мерки не им помогнаа на граѓаните. Антикризните пакет мерки само бројка на владата. Досегашните 4 пакет мерки беа критикувани од невладиниот сектор, стопанскатта комора, и бизнис заедницата како ненавремени, нетранспарентни и нефункционални. Мерките беа задоцнети а реализацијата целосно потфрли. Владата на Заев без реална помош за граѓаните, пакетот мерки само ПР и популистичка мерка, наместо квалитет имаме квантитет. Потпаролот на Владата како и Заев го најавија петтиот пакет економски мерки. Душко Арсовски, на прес-конференција, потврди дека петиот сет ќе биде во слична форма на претходните. Новиот пакет на економски мерки за граѓаните и компаниите за справување со последиците од корона кризата е се позивесен, според најавите кои доаѓаат од Владата.,Портпаролот на Владата, Душко Арсовски, на прес-конференција, потврди дека петиот сет ќе биде во слична форма на претходните. „Со петтиот пакет ќе се постапува највнимателно, со цел да се таргетираат оние кои се најпогодени од кризата, како компаниите, така и граѓаните. Така беше и во текот на оваа година“, изјави Арсовски. Премиерот Зоран Заев претходно рече дека во буџетот за 2021 има проектирано средства за државна помош и дека она што ќе биде консултација со коморите, синдикатите и сите чинители како и до сега, ќе го дизајнира и петтиот пакет на економски мерки. „Нови пакет мерки ќе има, кризата ќе опстојува најмалку до првиот квартал. Доколку коморите сметаат дека мерката за субвенционирање на плати е добра ние ќе ја поддржиме, дополнително доколку сметаат дека други видови на мерки за нив се подобри и се поважни ќе ги разгледаме. Нашите очекувања се дека првото полугодие од следната година ќе биде и излез од оваа криза генерално и затоа е важно да се дискутира. Владата ќе развие нови пакети врз основа на социјален дијалог во кој се вклучени и компаниите и работниците преку синдикатите. До сега имаме разбирање, за одредени случаи и ние нудиме административна помош сé со цел компаниите да ги искористат средствата за плати за работници и работни места“, рече Заев. Од Владата велат дека до сега се поддрани над 30 отсто компании со мерката за исплата на плати на работниците од 14.500 до 21.778 денари.

ВМРО-ДПМНЕ: Народот спаси промена на придавката македонски, сега треба да ја спаси Македонија од Заев

Ивана Ефремовски — Tue, 08 Dec 2020 08:30:30 +0000

Народот е на улиците низ цела Македонија да ја спречи распродажбата на идентитетот која ја подготвуваше сега веќе премиерот во заминување, Зоран Заев. Затоа Заев сега е очаен и нервозен бидејќи тој е осамен и изолиран политичар. Излегоа на виделина сите лаги на Заев исто како и криминалот и корупцијата на оваа власт, порачуваат од ВМРО-ДПМНЕ. -Затоа Заев да ја спаси кариерата и да се спаси од одговорност во пазарџиски манир на тезга го стави идентитетот, јазикот, народот, историјата, па уште и го убедуваше народот дека е блиску до договор со Бугарија. Само очајни и корумпирани политичари може да речат дека е блиску до договор со некој кој ја оспорува придавката "македонски" , антифашистичките темели на државноста, јазикот и македонските херои. Народот спаси промена на придавката македонски, сега треба да ја спаси Македонија од Заев. Со Заев нема ниту ЕУ, а има рецесија, истакнуваат од партијата. Од ВМРО-ДПМНЕ порачуваат: „Готово е. Народот, јавноста, експертите, опозицијата, па дури и членовите на СДСМ се кренаа против Заев. Тоа значи дека за сите неуспеси на Македонија мора да биде казнет главниот виновник, Зоран Заев. Оставка на Заев, слобода на народот“.

Народот со тоалетна хартија кон Заев за да си го избрише срамот од изјавите во преговорите со Бугарија (ФОТО)

Ивана Ефремовски — Wed, 02 Dec 2020 15:44:19 +0000

Народот на денешните блокади пред Влада му остави “подарок“ на Зоран Заев. На премирот тие му оставија тоалетна хартија, порачувајќи му дека треба да ја искористи за да си го избрише срамот од изјавите во преговорите со Бугарија.

ФОТОГАЛЕРИЈА: Реки народ пред Владата, се бара оставка од Заев

Ивана Ефремовски — Sat, 28 Nov 2020 12:55:02 +0000

На денешниот протест народот сплотено бара оставка од премиерот Зоран Заев. По неговите последни изјави, јавното тргување со македонската историја, обезличување на се што е македонско, граѓаните му порачуваат дека треба да си оди. НЕ ЗА НОВОТО ПРЕДАВСТВО. Ова е една од пораките кои му ја испратија граѓаните. Тие со скандирање бараат оставка од Заев. Големиот протест организиран од ВМРО-ДПМНЕ се одржа под мотото „Оставка на Заев, слобода на народот“!

Народот тоне во сиромаштија, а Владата молчи за помошта која треба да ја добијат најранливите граѓани

Тале Кристо — Sun, 01 Nov 2020 21:29:02 +0000

Народот се повеќе тоне во сиромаштија а власта скоро ништо и да не превзема. Иако од страна на владините преставници беше најавен четворт пакет антикризни мерки кој требаше да ги опфати и најпогодените граѓани, односно оние најсиромашните, и кој требаше да почне да се применува од онтомври месец, но еве веќе сме ноември а сетот економски мерки за финансиска помош на граѓаните и фирмите уште го нема. Законот за финансиска поддршка за ранливите категории сè уште не е готов, а од него и од усвојувањето на ребалансот зависи стартот на реализација на четвртиот пакет. Граѓаните се во неизвесност, а надлежните не откриваат никакви детали од предлог-текстот. Имено, телевизија Алсат побара одговори од Владата но и од банките, дали ќе се прават нови картички, кој ќе ги дистрибуира, на чиј трошок ќе бидат картичките и дали воопшто ќе се прават нови картички или средствата на граѓаните ќе им бидат префрлени на нивните трансакциски сметки. Од владата и од банките не добија соодветен одговор. Од Владата одговориле дека во тек е постапка за донесување на Законот за финансиска поддршка на најранливите категории, што значи дека иако помошта беше најавена уште на крајот на август месец властите сеуште немаат прецизирано, кој, што и каква помош ќе добие. -Во тек е постапката за донесување на Законот за финансиска поддршка за ранливи категории којшто наскоро ќе влезе во законска процедура за што јавноста ќе биде навремено известена, велат од Влада за Алсат. Значи, на почеток на зимата кога трошоците за живот се поголеми во споредба со летниот период, најранливите категории Владата ги остава во неизвозност и ги остава да се снаоѓаат кој како знае и умее. Несериозен е пристапот на власта кога секојдневно имаме граѓани кои ги губат своите работни места, кога секој четворти граѓанин живее под прагот на сиромаштија, кога целокупната македонска економија е пред колапс и кога корона вирусот зема замав и дневно имаме по илјада ново заболени, да ги остави во неизвестост најранливите граѓани. Оние на кои, иако мала е помошта која ќе добијат о државата, но сепак и те како им е добредојдена и неопходна. Првичната проценка на владата е дека платежни картички од по шест илјади денари, треба да добијат околу 280 илјади лица. А, целиот четврт пакет мерки според владините проекции ќе чини 470 милиони евра.