Неверојатен народен лек за многу болести: Мешавина од семиња и кисели јаболка

Катерина Бојаџиева — Sat, 06 Apr 2019 17:21:21 +0000

Овој народен лек и додаток на исхраната е осмислен и испробан како комбинација од најдобрите ориентални состојки помешани со традиционалниот џем од кисели јаболка кој се прави во нашите краишта. Можете да го користите за јакнење на крвта и имунитетот, а со негова консумација ќе го надополните недостигот од минерали и витамини во организмот на целосно природен и здрав начин. За подготовка на овој природен лек вам ви се потребни: 1 кг џем од кисели јаболка 200 г црно семе (црн ким) 200 г ленено семе 200 г сусам 50 г куркума Подготовка: Во електрична мелница за кафе смелете ги семињата. Вака добиената мешавина соединете ја со џемот и куркумата. Смесата мешајте ја доволно долго додека состојките убаво и рамномерно да се распоредат. Оставете да отстои неколку дена (1-2 дена), и лекот е подготвен за употреба. Употреба: по една до две супени лажици секојдневно, пред појадок. Смесата е осмислена за јакнење и чистење на организмот и крвта и третирање на бројни медицински состојби на природен начин. Можете да ја користите и за проблеми со црниот дроб, негово чистење и регенерација, за јакнење на имунитетот, за подобрување на крвната слика и проблеми со анемија, за подобрување на дигестијата, опстипација, како и за регулирање на холестеролот и триглицеридите. Џемот од јаболка е познат како природно средство за подобрување на работата на цревата, крвта и зголемување на железото кај луѓе со анемија. Јаболковиот џем помага при регулација на шеќерот во крвта и работата на штитната жлезда. Мешавината од семки позитивно влијае врз чистење на цревата и црниот дроб. Семињата се преполни со минерали кои ќе го зајакнат вашиот имун систем, а корисните масни киселини ќе го регулираат нивото на холестерол и триглицериди. Смесата е преполна со: калциум, железо, бакар, протеини и мононезаситени масти од сусамот, витамини а особено Б комплекс, па магнезиум, калциум, железо и бакар од црното семе како и омега 3 масни киселини од лененото семе. Куркумата е најпознатиот индиски зачин и природен лек низ историјата. Тоа е златно-жолт прав кој се добива од корен, кој му ја дава жолтата боја на прочуениот зачин-карито. Најзначајните ефекти од куркумата се нејзиното антивоспалително и антиканцерогено дејство.

Народен лек кој лекува несоница и депресија

Катерина Бојаџиева — Tue, 18 Dec 2018 08:41:49 +0000

Добро делува против исцрпеноста, ја враќа силата и го подобрува расположението… Рузмаринот (Rosmarinus officinalis) е извор на благотворното етерично масло, во чиј состав влегува камфор, цинеол, пинен. Освен тоа, содржи и горки материи, холин, танин, смола… Нашата народна медицина најчесто го користи рузмаринот како средство за подобра циркулација на крвта, зголемување на нискиот крвен притисок. Тој, исто така, лекува слабокрвност кај деца, го поправа апетитот, благотворно делува на работата на желудникот, го закрепнува исцрпениот организам, го поправа расположението, ја намалува нервозата, напнатоста, отстранува анксиозност. Поради позитивното влијание на циркулацијата, оваа билка исто така ги ублажува и менструалните болки и може да помогне при изостанок на менструација. Доколку чајот од рузмарин се испие во вечерните часови ќе ја намали потребата за сон. Чајот од рузмарин (како и облогите од рузмарин), ја ублажуват главоболката, особено онаа која настанала поради претерано психичко оптеретување. Во случај на долготраен замор и исцрпеност, помага еликсирот од три тревки – во поголема тегла ставете еден литар црно вино, па додадете 30 грама цветови од рузмарн, 30 грама цветови од мајчина душичка и 50 грама листови од жалфија. Оваа мешавина треба да отстои во добро затворена тегла три дена, на темно место. Потоа процедете ја содржината од теглата и пијте по една мала чашка три пати дневно после јадење. Добро делува против исцрпеност, ја враќа силата и го подобрува расположението.

народен лек – Kurir.mk

Неверојатен народен лек за многу болести: Мешавина од семиња и кисели јаболка

Народен лек кој лекува несоница и депресија