народен собир – Kurir.mk

СЛЕДЕТЕ ВО ЖИВО: „Обновата доаѓа“- народен собир организиран од ВМРО-ДПМНЕ

Ивана Ефремовски — Sat, 21 Dec 2019 11:03:21 +0000

ВМРО-ДПМНЕ денеска организира голем народен собир. Настанот ќе се одржи во спортската сала „Јане Сандански“ со почеток во 14 часот. „Правда, Принципи, Промени, Победа за Обнова на Македонија! Ова се нашите вредности, ова е патот за нова надеж и шанса за Република Македонија. Салата Јане Сандански е подготвена за Обновата!“, порачува генералниот секретар на ВМРО-ДПМНЕ, Игор Јанушев. На собирот ќе се обрати партискиот претседател Христијан Мицкоски. Настанот можете да го следите во живо, од 14 часот, на линкот кој ви го пренесуваме во продолжение

Народен собир посветен на Св. маченица Недела

Ивона Петрова — Fri, 20 Jul 2018 05:46:07 +0000

Во скопското село Горна Матка во манастирскиот комплекс Свети Спас и Марков град, односно Света Недела, денеска ќе се одржи Народен собир посветен на оваа маченица. Церемонија ќе почне во 9 часот со света литургија во остатоците на еднокорабната црква Св.Недела, која потоа ќе продолжи во комплексот Свети Спас. Кумот и Црковниот одбор на Свети спас за одбележувањето на утрешниот верски празник обезбедија соодветна програма и ручек за гостите. Црквата Света Недела во Горна Матка е мала, еднокорабна, куполна црква за што сведочат остатоците од сводовите на некогашната купола. Анализата направена на фреските и самата архитектура потврдуваат дека црквата датира од периодот меѓу 1350 и 1360 година. Изградена е од кршен камен, делкан локален камен — варовник и керамички материјал. Според остатоци од камени сводови, може да се заклучи дека куполата се наоѓала над олтарниот дел, при што црквата имала речиси ист или сличен изглед како блиските цркви Св.Никола и Св.Андреја. На дел од ѕидините во внатрешната страна сè уште стои дел од фрескоживописот на црквата. Врз ѕидовите однатре се забележуваат скромни останки на фреско декорација со неколку светители во олтарниот дел, како и фигурата на Св.Недела која и денес може да се забележи на јужниот ѕид. МИА

ВМРО-ДПМНЕ Велес повика на масовност на утрешниот антивладин протест: Помина една година на изневерени очекувања

Даниел Василев — Fri, 01 Jun 2018 13:22:41 +0000

Имаме една година катастрофа, една година на изневерени очекувања. Измина една година откога СДСМ и Зоран Заев ја презедоа власта. Позади нас е година полна со понижување и лаги, година со нереализирани ветувања, година во која што економијата ни е на колена. Немаат реформа која што е реализирана. Ова денеска го порачаа од Општинскиот комитет на ВМРО-ДПМНЕ од Велес, повикувајќи на голема масовност на големиот антивладин протест кој утре ќе се оддржи пред Владата на Република Македонија. Оттаму потенцираат дека Владата на Заев и картелот околу него за една година ја покажа својата неспособност и незнаење да работи за интересите на своите граѓани. -Тиранската платформа, нелегален и нелегитимен избор на претседател на Собрание, случаите од Смилковско езеро и Диво Насеље, Законот за двојазичност, менувањето на името на државата, понижената полиција, запрената изградба на инфраструктурата, покачената акциза за нафтата, сето тоа е еден дел од т.н. реформи на оваа власт. Ги нема ниту 500. евра плата, ги нема ниту оние 100 илјади денари плата за докторите, ги нема ниту зголемените субвенции. Локалната власт не промени ништо освен директорите. Осум месеци се однесуваат како да се во опозиција, осум месеци немаат ниту чепнато со малиот прст. Ни го крадат достоинството, ни ги крадат животот и иднината залажувајќи не со некои лажни ветувања. Не тераат да одбереме меѓу стап и морков. Доста е, велат од ОК на ВМРО-ДПМНЕ Велес. Организираниот превоз за сите оние граѓани кои од овој град ќе сакаат да одат на протестот во Скопје поаѓа од центарот на градот во 17:30.