нарушување на јавен ред и мир – Kurir.mk

Тројца скопјани во маркет во Гази Баба се испотепале и го нарушиле јавниот ред и мир

Магдалена Андонова — Tue, 07 Dec 2021 15:20:22 +0000

На 06.12.2021 во 10.30 часот во СВР Скопје било пријавено дека околу 09.30 часот С.Р.(25), М.Х.(51) и Ј.В.(18), сите од Скопје, во маркет во трговски центар на подрачјето на Гази Баба, по претходна расправија, го нарушиле јавниот ред и мир со физичка пресметка. Се преземаат мерки за расчистување на случајот.

Минатата година во Тетово и руралните општини регистрирани 452 прекршоци за нарушување јавен ред и мир

Магдалена Андонова — Mon, 18 Jan 2021 12:36:46 +0000

На подрачјето на Тетово и руралните општини во текот на минатата 2020 година полицијата регистрирала вкупно 271 прекршок од областа на јавниот ред и мир. Во најголем број целосно се расчистени и заокружени се 330 барања за поведување на прекршочна постапка. Во овие прекршоци вкупно биле инволвирани 452 сторители. -Најголемиот број од минатогодишните прекршоци се случиле во град најмногу со поединечно учество на извршителите. Меѓу сторителите, најбројни се машките лица претежно на возраст над 25 години. И лани најзастапени меѓу прекршоците се физичките напади, тепачки, омаловажување на овластено службено лице, уживање на наркотични дроги и психотропни супстанци, занемарена грижа за дете или штитетник, оддавање на пијанство и така натаму. Најчести места на случување се улицата и угостителските објекти, информира Марјан Јосифоски, портпаролот на СВР Тетово. Од СВР Тетово информираат дека според анализата на евидентираните прекршоци во областа на јавниот ред и мир карактеристично е и тоа што минатата година значително намален е бројот на прекршоци во и околу училишта и на спортски натпревари. (МИА)

За нарушувања на јавниот ред и мир 151 прекршочна постапка за шест месеци во тетовско

Магдалена Андонова — Wed, 22 Jul 2020 11:17:43 +0000

Преку полугодишните статистички извештаи на одделението за аналитика при СВР Тетово се бележат 126 нарушувања на јавниот ред и мир на подрачјето на Тетово и руралните општини. Во овие прекршоци непосредно биле инволвирани 204 сторители. Најголем дел од нив, 151, се целосно расчистени со поведување на прекршочна постапка. – Најмногу од прекршоците биле физички напади, а евидентирани се и тепачка, навредувања и омаловажувања на овластени службени лица, карање, викање, непристојно и дрско однесување и така натаму. Покрај ова, во периодот за кој станува збор регистрирани, исто така, се и пет нарушувања во и околу основни и средни училишта во тетовско, информира Марјан Јосифоски, портпарол на СВР Тетово. Нарушувањата во овој период најчесто се случувале на улица, во угостителски објекти, додека преостанатите биле на други места. (МИА)

Крвава драма во Батинци: Еден убиен, тројца повреден – напаѓачот во бегство

Ивона Петрова — Sun, 05 Jul 2020 09:49:14 +0000

Во СВР Скопје синоќа било пријавено дека во Градската општа болница “Св.Наум Охридски“ бил донесен повреден Ш.П.(29) од с.Батинци, скопско, со повреди од нож, кој за кратко време починал. Во меѓувреме донесен бил и Н.С.(28) од с.Батинци исто така со повреди. Со возило на итна медицинска помош во Комплекс клиники “Мајка Тереза“ пренесени се М.С.(39) од с.Батинци кој бил повреден од огнено оружје, и И.Г.(25) од с.Батинци кој бил повреден со нож. -Според првични информации, во двор на угостителски објект во с.Батинци, сопственост на Р.Џ.(27) од село Црн Врв најпрво дошло до нарушување на јавниот ред и мир, а потоа било употребено огнено оружје и нож. Постои основано сомнение дека можен сторител е Н.З. од с.Батинци кој е во бегство и по кого се трага. На местото на настанот била пронајдена една чаура и два неиспукани проектили, информираат од МВР. Се преземаат мерки за расчистување на настанот.