нарушување – Kurir.mk

Во Англија зголемен бројот лица со нарушувања во исхраната за 84 отсто за пет години, најмногу погодени момчињата и младите мажи

Магдалена Андонова — Fri, 20 May 2022 08:27:30 +0000

Болничкиот третман на лицата со нарушувања во исхраната е зголемен за 84 отсто изминатите пет години, а момчињата и младите мажи сѐ се повеќе погодени, покажуваат стручните анализи. Во периодот 2020 / 21 г. имало уште 11.049 случаи на згрижени лица поради болести како што се булимија или анорексија – вкупно 24.268 низ цела Англија. Бројот на деца и млади се зголемил за 35 отсто за само една година кога пандемијата на Ковид беше на својот врв, според анализата на Кралскиот колеџ за психијатрија. Овој ненадеен пораст е забележан кај младите мажи со 280 хоспитализации и во периодот 2015 / 16 година. Колеџот објави нови упатства за помош на професионалците при идентификувањето на луѓето кај кои нарушувањето во исхраната е посериозно и опасно по живот и да обезбеди упатства за правилен третман. Ако треба да се запре епидемија на вакви нарушувања, од клучно значење е на професионалците да им се дадат итни упатства, а властите да го поддржат нивното спроведување. Секоја петта смрт на лице со анорексија е самоубиство. Родителите можат да препознаат можни симптоми како што се компулсивно прејадување, чувство на вина по јадење, негативна слика за себе – некои од знаците за потенцијално нарушување во исхраната. (МИА)

Петмина албански државјани обвинети за нарушување на полицискиот час во Гостивар

Тале Кристо — Wed, 26 May 2021 09:23:09 +0000

Основното јавно обвинителство Гостивар поднесе Обвинителен предлог против петмина државјани на Република Албанија за кривично дело – Непостапување според здравствените прописи за време на епидемија од член 206 став 1 од Кривичниот законик. На 25 мај, во 1 часот по полноќ, биле затекнати како со автомобил се движат кај местото викано Горна Локва над селото Пожаране со што го прекршиле полицискиот час воспоставен како мерка за спречување на ширењето на коронавирусот. Надлежниот јавен обвинител му предложи на Основниот суд Гостивар да ги огласи обвинетите за виновни за стореното кривично дело, да им изрече соодветна казна како и казна – протерување странец согласно член 38-Г од Кривичниот законик.

Тројца обвинети за нарушување на полицискиот час во Скопје

Тале Кристо — Tue, 25 May 2021 09:20:29 +0000

Основното јавно обвинителство Скопје поднесе предлози за издавање казнени налози против три лица кои го сториле кривичното дело – Непостапување според здравствените прописи за време на епидемија од член 206 став 1 од Кривичниот законик. Обвинетите постапиле спротивно на прописите со кои се определуваат мерки за превенција на коронавирусот, па за време на важечкиот полициски час биле затекнати како се движат без дозвола на различни локации во градот. За сите нив надлежниот јавен обвинител му предложи на Основниот кривичен суд Скопје да определи парични казни од по 100 дневни глоби со поединечна вредност на дневната глоба од 20 евра во денарска противвредност.

Поведена постапка против пет лица за нарушување на полицискиот час

Тале Кристо — Wed, 24 Mar 2021 13:12:51 +0000

Основното јавно обвинителство Скопје поднесе предлози за издавање казнен налози против четири лица за кривично дело – Непостапување според здравствените прописи за време на епидемија согласно член 206 став 1 од Кривичниот законик. Обвинетите биле затекнати како се движат на различни локации низ градот за време на полицискиот час, определен како мерка за превенција и сузбивање на ширењето на заразна болест. За четворицата обвинети јавните обвинители му предложија на Основниот кривичен суд Скопје да изрече парични казни од по 10 дневни глоби, со поединечна вредност на дневната глоба од 20 евра во денарска противвредност. За еден скопјанец, пак, Основното јавно обвинителство Скопје поднесе Обвинителен предлог за кривично дело – Фалсификување исправа од член 378 став 1 од Кривичниот законик. Делото било сторено така што обвинетиот на 17 март бил затекнат како се движи на улицата „Цветан Димов“ за време на полицискиот час, при што употребил лажна исправа – дозвола за движење на вработен поради континуитет на работниот процес. Имено, тој во наведеното правно лице извршувал работни активности само во периодот од 08-16 часот.

нарушување – Kurir.mk

Во Англија зголемен бројот лица со нарушувања во исхраната за 84 отсто за пет години, најмногу погодени момчињата и младите мажи

Петмина албански државјани обвинети за нарушување на полицискиот час во Гостивар

Тројца обвинети за нарушување на полицискиот час во Скопје

Поведена постапка против пет лица за нарушување на полицискиот час​

Поведена постапка против пет лица за нарушување на полицискиот час