NASA Space Apps Challenge – Kurir.mk

Викендов 48-часовен хакатон NASA Space Apps Challenge

Ивана Ефремовски — Fri, 30 Sep 2022 14:19:38 +0000

Почна 48-часовниот хакатон NASA Space Apps Challenge кој ќе трае во текот на целиот викенд од 9 до 22 часот, во просториите на ИТ хабот Нетавил. Тимовите ќе може да работат на еден од 22 предизвици зададени од експерти и научници на НАСА. Во земјава натпреварот се одржува 10-ти пат. Најголем дел од учесниците се ученици во средните стручни училишта и универзитетите низ државата, а најбројни се од Скопје, Куманово, Тетово, Велес, Прилеп, Битола, Кавадарци, Кочани, Виница, со вештини и знаења во програмирање, инженерство, природни науки, математика, 3Д-моделирање, визуелизација на податоци, претприемништво. Главна награда за два члена од победничкиот тим е патување и посета на NASA Kennedy Space центарот, во Флорида, САД, заедно со нивниот ментор, каде што ќе гледаат полетување на ракета, и да остварат средби директно со експерти од НАСА во областа на предизвикот на кој работеле. Хакатонот го организираат ЊуМенс бизнис акцелераторот и Фондацијата „Голдилокс“, во партнерство со Амбасадата на САД во Скопје, домашни компании, ментори експерти од индустријата, професори и наставници. -Токму развојот на вештини во STEAM областите (наука, технологија, инженерство, уметност и математика) ќе им овозможат одлични кариерни можности, а истовремено ќе можат да придонесат и за успешен развој на нашата земја, истакна на отворањето на хакатонот Марлин Најс, советник за односи за јавност во Амбасадата на САД во Скопје, која изрази задоволство од интересот на младите да се вклучат во овој голем натпревар. На отворањето се обрати Ирена Чаушевска-Даниловска лидер на натпреварот во Македонија. Учесниците денеска имаа можност да проследат презентација на предизвиците на кои ќе може да работат во рамки на натпреварот, а учествуваа и на подготвителна работилница за поттикнување на работа во тим, креативност, иновативност, решавање проблеми и лидерство. Можноста за вклучување со присуство во живо онлајн е отворена до утре во 9 часот, преку линкот https://bit.ly/NASASpaceAppsMKD. Националното финале е на 4 октомври од 13.30 до 16 часот. Исто така, ннајдобрите решенија што ќе се креираат во 2022 година ќе се прилагодат за да можат во иднина да бидат користени и од страна на македонските основни и средни училишта како едукативен материјал со цел да ја поттикне љубовта кон STEM-дисциплините кај помладите генерации. Досега учествуваат над 1500 млади таленти од нашата земја на возраст од 15 до 29 години а во последниве неколку години дури 40 отсто се девојки. Три наши тима досега беа прогласени меѓу 40-те финалисти на натпреварот во глобална конкуренција од над 2000 тимови – Тимот Delta во 2017 година и тимовите Atom Z и EXCEL-erators во 2020 година. (МИА)

Почнува 48-часовниот хакатон NASA Space Apps Challenge

Катерина Бојаџиева — Fri, 30 Sep 2022 07:24:32 +0000

Скопје викендов 10. пат е домаќин на најголемиот хакатон во светот NASA Space Apps Challenge кој почнува денеска и ќе трае до 2 октомври. Хакатонот е можност за двајца учесници од победничкиот тим да ја посетат NASA Kennedy Space центарот во Флорида, САД, заедно со нивниот ментор. Официјалното отворање е денеска од 12:00 до 14:00 часот во присуство на претставници од Амбасадата на САД. Предвидени се презентација на предизвиците кои ќе може да се изберат за време на хакатонот и бесплатна подготвителна работилница за поттикнување на работа во тим, решавање на проблеми и лидерство. -Во земјава оваа година натпреварот ќе се одржи по јубилеен 10. пат. Традиционално го организира ЊуМенс Бизнис Акцелераторот и Фондацијата Голдилокс, во партнерство со Амбасадата на САД во Скопје и во соработка со домашни компании, ментори експерти од индустријата, професори и наставници. Досега на хакатонот учествуваа над 1 500 млади таленти меѓу 15 и 29 години, а големо е задоволството што во последниве неколку години дури 40 отсто се девојки. Три наши тимови досега беа прогласени меѓу 40-те финалисти на натпреварот во глобална конкуренција од над 2 000 тимови што е многу значајно постигнување: Тимот Delta во 2017 година, како и тимовите Atom Z и EXCELerators во 2020 година, наведуваат организаторите. Учеството на NASA Space Apps Challenge, освен во живо, со лично присуство, може да биде и онлајн. Утре и задутре, на 1-ви и 2 октомври од 9:00 до 22:00 ќе се одржува 48-часовното хакатон натпреварување во решавање стем/спејс предизвици, а националното финале е на 4 октомври од 13:30-16:00. Најдобрите решенија што ќе се креираат во 2022 година ќе се прилагодат за да можат во иднина да бидат користени и од страна на македонските основни и средни училишта како едукативен материјал кој ќе има за цел да ја поттикне љубовта кон STEM дисциплините кај помладите генерации.

Почнува јубилејниот 10. хакатон NASA Space Apps Challenge

Ивона Петрова — Fri, 01 Oct 2021 05:29:00 +0000

Овој викенд Скопје ќе биде дел од еден од најголемите хакатони во светот, јубилејниот 10. NASA Space Apps Challenge, на кој секоја година учествуваат над 25.000 учесници од 200 виртуелни локации на пет континенти. Предизвикот ќе почне денеска и ќе трае до 3 октомври. Го организираат Њуменс Бизнис Акцелератор и Фондацијата Голдилокс Скопје, а националната награда за освоеното прво место ќе биде патување во НАСА. Таква можност ќе имаат двајца учесници од победничкиот тим. NASA Space Apps Challenge е бесплатен виртуелен натпревар, отворен за сите иноватори, програмери, дизајнери, претприемачи, научници, раскажувачи на приказни, креатори, градители, уметниции и технолози, кои организирани во локални тимови ќе работат 48 часа за да ги решат годинашните предизвици зададени од експертите на Американската агенција за вселенски истражувања (НАСА). -Од своето основање во 2012 година, NASA Space Apps Challenge брои повеќе од 150.000 учесници од преку 150 земји, кои ги користеа отворените податоци на НАСА со цел создавање решенија што ќе го подобрат животот на Земјата и во Вселената, а настанот кај нас редовно се одржува од 2013 година со традиционална поддршка на Амбасадата на САД, како и локални компании, експерти, професори и ентузијасти, велат организаторите на хакатонот во Скопје. Темата на настанот ќе биде „The power of ten”. Годинава, НАСА ќе одбележи десет неверојатни години на заедништво, соработка и решавање предизвици преку формирање на моќен тим од 10 меѓународни вселенски агенции, кои ќе работат заедно со цел Space Apps да биде достапен за уште повеќе заедници ширум светот. -За секој Space Apps хакатон, експерите од НАСА презентираат предизвици со кои тие реално се соочуваат на Земјата и во Вселената, а за време на натпреварот ќе може да комуницирате токму со креаторите и со тимови од други локации кои работат на истиот предизвик со цел добивање дополнителни информации, разменување идеи и мислења. Предизвиците се вкупно 48, од повеќе различни области како AI/ML (2), Apps (4), Data Organization (4), Game (3), Hardware (2), Knowledge (7), Moon (3), Risk (4), Science Applications (9), Space Travel (7), Youth-friendly (3), истакнуваат организаторите. Во чест на 10-годишнината, НАСА додададе четири нови категории, а со тоа и можност 10-те победнички тимови од целиот свет да патуваат во NASA Kennedy Space центарот во Флорида и да проследат полетување на ракет