населба даме груев – Kurir.mk

Жителите на Даме Груев излегоа на протест: Бараме итно решавање на овој проблем, во спротивно повторно ќе протестираме (ФОТО)

Магдалена Андонова — Sun, 12 Sep 2021 10:54:02 +0000

Како што беше најавено вчера, жители на улицата Лука Геров од населбата Даме Груев денеска излегоа и ја блокираа улицата со почеток од 12:30 часот. Како што велат тие, причината за овој протест е тоа што еден месец граѓаните од краците 1,3,5 и 7 се со раскопана улица и секојдневно се уништуваат возилата! – Ивичњаците се поставени 15 сантиметри над нивото на улицата. ПРИЈАВЕНО Е СЕКАДЕ! Општина Ѓорче Петров, град Скопје и ЈП Улици и патишта! Од таму добиваме само лаги и навреди! Возилата зафаќаат, а некои што се прениски не ги ни внесуваат дома. Над 150 куќи со отсечен пристап.Досега наидовме на затворена врата од сите институции. Бараме итно решавање на овој голем проблем, во спротивно повторно ќе излеземе на протест, велат жителите од Даме Груев.

Жителите од населбата Даме Груев утре ќе ја блокираат улицата Лука Геров: Над 150 куќи се со отсечен пристап, од општина Ѓорче добиваме само лаги и навреди

Магдалена Андонова — Sat, 11 Sep 2021 14:27:26 +0000

Жители на улицата Лука Геров од населбата Даме Груев утре ќе ја блокираат улицата со почеток од 12:30 часот. Како што велат тие, причината за овој протест е тоа што еден месец граѓаните од краците 1,3,5 и 7 се со раскопана улица и секојдневно се уништуваат возилата! - Ивичњаците се поставени 15 сантиметри над нивото на улицата. ПРИЈАВЕНО Е СЕКАДЕ! Општина Ѓорче Петров, град Скопје и ЈП Улици и патишта! Од таму добиваме само лаги и навреди! Возилата зафаќаат, а некои што се прениски не ги ни внесуваат дома. Над 150 куќи со отсечен пристап, стои во соопштението на жителите од Даме Груев.

Стојкоски: Даме Груев ќе добие нов парк и нови рекреативни содржини

Магдалена Андонова — Mon, 06 Sep 2021 16:51:50 +0000

Кандидатот за градоначалник на ВМРО-ДПМНЕ за општина Ѓорче Петров, Александар Стојкоски на својотата официјална Фејсбук страница информираше дека денеска ќе посети неколку маала во населбата Даме Груев. - Населбата Даме Груев во наредните четири години, меѓудругото, ќе добие нов модерен парк и нови содржини за рекреација. Следете ме понатаму за нови активности и многу нови проекти за Даме Груев, напиша тој.

Денес протест на револтирани жители на населбата Даме Груев во Ѓорче Петров: Името на населбата е избришано од сите нивни документи

Дарко Андоновски — Sun, 16 May 2021 08:18:31 +0000

Денес, недела (16.05.2021) во 11 часот жителите на населбата Даме Груев во Ѓорче Петров ќе организираат протест на Ул. Лука Геров кај раскрсницата до основното училиште Страшо Пинџур. Причината за организирање на протестот е бришењето на името на населбата од сите институции и документи (лични карти, пасоши). Станува збор за сложен проблем кој им создава доста проблеми и не ја прикажува вистинската слика за местото на кое живееат овие луѓе. Со овој протест ќе побараат општината Ѓорче Петров да одговори на нивните писмени барања и во координација со другите институции да најдат решение на овој проблем.

Утре протест на револтирани жители на населбата Даме Груев во Ѓорче Петров: Името на населбата е избришана од сите нивни документи

Дарко Андоновски — Sat, 15 May 2021 16:11:56 +0000

Утре, недела (16.05.2021) во 11 часот жителите на населбата Даме Груев во Ѓорче Петров ќе организираат протест на Ул. Лука Геров кај раскрсницата до основното училиште Страшо Пинџур. Причината за организирање на протестот е бришењето на името на населбата од сите институции и документи (лични карти, пасоши). Станува збор за сложен проблем кој им создава доста проблеми и не ја прикажува вистинската слика за местото на кое живееат овие луѓе. Со овој протест ќе побараат општината Ѓорче Петров да одговори на нивните писмени барања и во координација со другите институции да најдат решение на овој проблем.

Мисајловски на средба со жителите на Даме Груев: Да направиме историски резултат во Македонија за да одекне како се сака Ѓорче Петров

Дарко Андоновски — Fri, 26 Jun 2020 16:26:15 +0000

Носителот на изборната единица 2 Владо Мисајловски од ВМРО-ДПМНЕ попладнево е во посета на населеното место Даме Груев во Ѓорче Петров. Тој пред граѓаните заедно со Рашела Мизрахи и Бојан Стојаноски ја претстави програмата на партијата со над 1.000 проекти за граѓаните за во следните четири години. Граѓаните кои се разочарани од СДСМ и оваа власт се подготвени да го казнат Заев на 15 јули идниот месец. Мисајловски пред граѓаните вети вистинска обнова за жителите на Даме Груев, но и за целата населба Ѓорче Петров, како и за целата земја. -Јас сум дома тука, поминавме и добри и многу тешки мигови, нема да ви заборавам што ни помогнавте за локалните избори, за претседателските избори, нема никогаш да заборав тоа што го правите за нас. Ова не го кажувам за да ви се допаднам Вас, ова го кажувам пред камера и повторно ќе дојдам со Вас, вели Мисајловски. Тој додава дека на многумина луѓе треба да им се помогне и не треба да се заборават сите граѓани и нивните проблеми и маки. -Ѓорче Петров и ВМРО-ДПМНЕ е најпатриотското место и прекрасна е целата Изборна единица 2, ова е моја општина нека не ми замерува никој и ве замолувам да го направиме најголемиот резултат во цела Македонија за да одекне како се сака Ѓорче во цела Македонија, рече Мисајловски. Средбата се одбиваше според препораките и мерките против ширење на коронавирусот. Мисајловски имаше и средба со граѓаните на Кисела Јабука и Волково.

ДСЗИ: Епидемија на жолтица има само во населбата „Даме Груев“, извршен вонреден инспекциски надзор во училиштата каде има заболени

Дарко Андоновски — Tue, 14 Jan 2020 14:36:01 +0000

Епидемија на жолтица на територијата на град Скопје е прогласена само во населба „Даме Груев“ во Општината Ѓорче Петров, информираат за МИА од Државниот санитарен и здравствен инспекторат (ДСЗИ) од каде посочуваат дека извршени се вонредни инспекциски надзори во сите училишта во градот во кои има заболени ученици и издадени се решенија за преземање превентивни противепидемиски мерки. Пред почетокот на зимскиот распуст извршени се и контролни надзори по издадените решенија. Во континуитет ќе продолжиме со надзорите во сите воспитно образовни установи, потенцираат од ДСЗИ. Во врска со зголемениот број заболени од жолтица, од ДСЗИ истакнуваат дека се во постојан контакт со Центарот за јавно здравје Скопје од каде секојдневно добиваат податоци за состојбата со Хепатит А и постапуваат согласно своите надлежности и препораките на Центарoт.

Кумановец каснат од куче скитник во населбата „Даме Груев“ во Скопје

Дарко Андоновски — Thu, 07 Feb 2019 09:46:06 +0000

На 06.02.20019 година во 11.30 часот во Полициската станица Ѓорче Петров, Г.Т.(48) од Куманово пријавил дека на 05.02.2019 година околу 12.25 часот на улица „Новопроектрирана“ во населба Даме Груев бил каснат од куче скитник, известуваат од МВР.