населби – Kurir.mk

Гардијан: 5 од 15-те најзагадени населби во Европа се во Белград

Ристе Здравков — Fri, 22 Sep 2023 10:09:21 +0000

Британскиот весник Гардијан пишува за загадениот воздух во Белград што граѓаните можат да го почувствуваат и вкусат, посочувајќи дека главниот град на Србија има пет од 15-те најзагадени населби на европскиот континент. Во написот со наслов: Белград град во кој валканиот воздух се смета за резултат на економскиот расt, авторот пишува дека уште во 1974 година тогашниот југословенски премиер Џемал Биједиќ ветил дека ќе го исчисти воздухот во земјата, а дека половина век подоцна белграѓани се уште го чекаат тоа. Воздухот во главниот град на Србија, земја со седум милиони жители на ред за влез во ЕУ, е полош од речиси во кој било друг град во Европа, пишува авторот. Пирит, амонијак, воз, вагон, истекување на амонијак, истекување амонијак, несреќа, магла, чад, несреќа, воз излета од шините, железница, пруга, загадување Пет од 15-те најзагадени населби на континентот се наоѓаат во Белград, според моделската анализа на Гардијан врз основа на податоците за квалитетот на воздухот во Европа. Валкани електрани на јаглен, депонии, стари возила и лоши греалки испуштаат коктел од токсични честички кои завршуваат во белите дробови и вените на жителите на градот, пишува Гардијан.

РУШЕВИНИ НАМЕСТО НАСЕЛБИ: Повеќе од 50.000 згради уништени или тешко оштетени во разорните земјотреси во Турција

Ивана Ефремовски — Wed, 15 Feb 2023 14:53:20 +0000

Турските власти денеска соопштија дека вкупно 50.576 згради биле урнати или сериозно оштетени по двата разорни земјотреса минатата недела, јави ДПА. Во извештајот на турското Министерство за урбанизам се наведува дека сите тие опасни градби мора итно да се отстранат. Досега, властите проверија над 387.000 згради во десетте погодени окрузи во југоисточна Турција. Најмногу објекти што треба итно да се урнат има во градот Газиантеп – речиси 12 илјади. Следува Хатај со 10.911 и Кахраманмараш со 10.777. Двата разорни земјотреса на 6 февруари беа проследени со 3.858 последователни потреси со интензитет поголем од 5 степени според Рихтеровата скала, соопшти турската цивилна одбрана. (МИА)

Без струја утре повеќе населби во Скопје

Тале Кристо — Sun, 18 Apr 2021 08:30:08 +0000

Без струја утре од 9 до 15 часот ќе останат корисниците од улицата „Панче Пешев“ во општина Карпош и од 9:45 до 14 часот корисниците на дел од селата Семениште и Чајлане во општина Сарај. Како што соопшти Регионалниот центар за управување со кризи на Град Скопје, без електрична енергија утре од 9:30 до 14: 30 ќе останат корисниците на дел од улицата „Ѓорче Петров“ згр.бр.48 и згр.бр.50, зградата на мебел Кристина, поранешен објект на АРМ во општина „Ѓорче Петров“. Прекинот со струја е поради планирани технички зафати во електроенергетскиот систем во Градот Скопје.

Тетовски населби три дена по 24 часа немаат вода: Жителите реагираат „немаме како да одржуваме хигиена во услови на пандемија“

Магдалена Андонова — Thu, 25 Feb 2021 10:02:22 +0000

Жителите на одредени населби во Тетово три дена се соочуваат со 24-часовен прекин во снабдувањето со вода за пиење. Станува збор за повисоките делови од градот кои се најпогодени од дефектот и воведените рестрикции овие два дена. -Два Бреста и Колтук сме трет ден по ред без вода да пиење. Ова е алармантно. Соседите имаат и хидрофор и цистерна па немаат вода за пиење. Рестрикција подразбирам да има периоди кога ќе дојде вода и за да наполниме во шишиња и буриња. Овојпат не ни доаѓа воопшто, замислете во време на пандемија како да одржуваме хигиена, реагираат граѓаните од овие населби. Јавното комунално претријатие „Тетово“ информираше дека по откривање на дефектот на пат кон планинската месност Лешница денеска веќе носат нови цевки кои треба да се постават со цел да продолжи снабдувањето со вода од планинските реки во рамки на новиот водоснабдителен систем. Се работи за планински предел од селото Бозовце на шестиот километар кон Лешница. -Утврдивме дека треба да се постават нови цевки во должина од 60 метри. Поради свлечиште на земја дел од цевководот е отсечен и пропаднат на длабочина од 4,5 метри. Инаку цевководот е поставен на длабочина од 1,5 до 1,7 метри длабочина. Се работи на копање на канал со должина од 60 метри каде треба да се постават новите цевки. Воедно треба да се донесат и цевки од градот до планинската месност, што само по себе е предизвик и потешкотија, објаснува Љуљзим Шаќири, раководител на работната единица „Водовод и канализација“. Тој потенцира дека станува збор за ризично планинско место каде во опасност се доведуваат и животите на вработените. Се работи за место со снег и појава на свлечишта. -Освен што треба да се ископа каналот за поставување на цевките и нивното носење до таму, треба да се направи спој со два здрави дела од цевководот. И тој дел е предизвикувачки бидејќи тогаш се можни и нови проблеми за кои се надеваме дека нема да ги има овој пат. Претспоставуваме дека е можно најрано до сабота да се заврши овој процес за надминување на дефектот, изјави Шаќири. Водоводната мрежа има само 200 литри вода во секунда што за градот не е доволно. Од тие количини, 140 литри се од стариот водоснабдителен систем и останатите 60 од четири бунари во градот. Доколку се санира дефектот од овој нов водоснабдителен систем ќе има дополнителни 150 литри вода во секунда. (МИА)