Насер Ал-Хелаифи – Kurir.mk

Претрес во куќата на претседателот на ПСЖ, Ал-Хелаифи

Тале Кристо — Thu, 06 Jul 2023 06:24:56 +0000

Француската полиција изврши претрес во куќата на Насер Ал-Хелаифи, претседател на францускиот фудбалски шампион, Пари Сен Жермен и извршен директор на медиумскиот холдинг „beIN Media Group“. Според тамошните медиуми, акцијата на полицијата е поврзана со истрагата за киднапирање, незаконско приведување и тортура на лобистот Тајеб Бенабдерахман. Портпаролот на Ал-Хелаифи рече дека им е дозволен пристап на истражните органи, како и дополнителни информации: „Сè се одвива во целосна соработка со властите“. „RMC Sport“ објави информација дека поради претресот во куќата на Ал-Хелаифи, претставувањето на новиот тренер на ПСЖ, Луис Енрике ќе биде одложено за три часа.

ПСЖ е подготвен да го купи Сон за 80 милиони евра

Ивона Петрова — Mon, 14 Nov 2022 10:43:36 +0000

Напаѓачот на Тотенхем, Сон Хеунг-Мин може да ја продолжи кариерата во Пари Сен-Жермен. Парижаните се подготвени да платат 80 милиони евра за трансфер на 30-годишниот фудбалер. Претседателот на ПСЖ, Насер Ал-Хелаифи е заинтересиран за ангажман на Сон. Тој планира да се сретне со играчот за време на Светското првенство во Катар. Според „Ел Национал“, Сон нема да го продолжи договорот со Тотенхем, кој истекува во 2025 година. Претходно британските медиуми објавија дека за играчот е заинтересиран и Реал Мадрид. Во тековната сезона Кореецот одигра 19 натпревари на кои постигна пет гола и две асистенции. Порталот Трансфермаркт го цени играчот на 70 милиони евра.

Ал-Келаифи: Следната недела ќе ги објавам сите промени

Ивана Ефремовски — Tue, 24 May 2022 16:05:56 +0000

Претседателот на Пари Сен-Жермен, Насер Ал-Хелаифи откри дека сите промени во клубот ќе бидат објавени следната недела. – Мислам дека следната недела ќе ги објавам сите промени, ќе разговарам за новиот проект и понатамошните планови. Во моментов главен тренер на тимот е Маурисио Покетино, го почитуваме. Ќе знаете сè следната недела, изјави Ал-Келаифи за „RMC Sport“. На 21 мај, ПСЖ го објави потпишувањето на нов договор со напаѓачот Килијан Мбапе. Според локалните медиуми, на фудбалерот му бил понуден бонус за потпис од 300 милиони евра и плата од 100 милиони годишно. ПСЖ во сезоната 2021/22 ја освои шампионската титула во Франција, но уште еднаш не ги исполни очекувањата на своите навивачи за триумф во Лигата на шампионите. (МИА)

Претседателот на ПСЖ: Сите се против Суперлигата, не постои- ниту првата, ниту втора верзија

Катерина Бојаџиева — Wed, 30 Mar 2022 08:39:41 +0000

Претседателот на ПСЖ, Насер Ал-Хелаифи не верува во можноста за заживување на проектот Суперлига. – Што се однесува до псевдо-Суперлигата, таа не постои. Ниту првата верзија, ниту втора. Сите се против неа – навивачите, медиумите, големите и малите клубови. Само три тима се за. Најчудно е што овие клубови сега уживаат да играат во натпреварувањата на УЕФА. Тие се среќни што учествуваат на најсилните турнири. Мислам дека сега немаат начин како да ја оживеат Суперлигата, бидејќи тука сме обединети. Работиме да го развиеме нашиот потенцијал и што можеме да постигнеме во 2022 година. Една од целите е да се зголеми вредноста на натпреварувањата на УЕФА, што ќе докаже дека овие три клуба грешат и ќе стануваме се посилни и посилни, изјави претседателот на ПСЖ. По порпаѓањето на првичниот проект за формирање Суперлига, само Барселона, Реал Мадрид и Јувентус останаа оптимисти дека новото натпреварување може да заживее.

Претседателот на ПСЖ очекува играчите да се согласат за намалување на платите

Ивона Петрова — Wed, 22 Apr 2020 09:51:47 +0000

Претседателот на Пари Сен Жермен – Насер Ал-Хелаифи, се надева дека играчите ќе се согласат на предлогот за намалување на платите поради пандемијата од коронавирусот. Управата на клубот по тој повод продолжува со дискусиите со играчите. – Очекувам да постигнеме договор. Исто така, се надевам дека играчите ќе ги исполнат своите обврски и ќе одржат добра физичка форма, рече Ал-Хелаифи, цитиран од „РМЦ“. Во исто време, ѕвездата на тимот Нејмар продолжува да се обидува да се врати во Барселона. Според „Мундо Депортиво“, Бразилецот е подготвен да добие двојно пониска плата во Барселона. Во ПСЖ, Нејмар заработува околу 3 милиони евра месечно.