насер селмани – Kurir.mk

Селмани: Кога една власт купува пратеници станува режим!

Дарко Андоновски — Thu, 11 Nov 2021 13:19:48 +0000

На седницата за гласање на доверба на Влада не се појави пратеникот од Беса Кастриот, што предизвика доста реакции во јавноста меѓу кои и новинарот Насер Селмани. Кога една власт купува пратеници станува режим!, коментира Селмани на својот Фејсбук профил. Инаку Селмани објави и друг статус во кој пишува дека: „Кога режимот врбува пратеници, граѓаните излегуваат на улица“!

Селмани: Не може да имаме слобода на говор кога Владата му крати 7 милиони евра на јавниот сервис, средства кои со закон му следуваат

Ристе Здравков — Tue, 26 May 2020 07:55:45 +0000

Новинарот и поранешен претседател на Здружението на новинари на Македонија (ЗНМ), Насер Селмани, вели дека не може да се зборува за слобода на говор во ситуација кога Владата, на Макеронската радио телевизија му скратила седум милиони евра, средства кои со закон му следувале. Тој во дебатниот магазин “Клик Плус“ на телевизија, разговарајќи за слободата на говор во време на пандемија со корона вирусот, иситакна дека Владата тоа го направила затоа што на министерот не му се допаѓал директорот, и згора на тоа имаме имаме Премиер кој тоа го дозволува. - Имаме јавен сервис на кој годинава му се скратени 7 милиони евра. Со закон му се дадени еден посто од буџетот, додека Владата му дава 0,6 проценти. И сега ние зборуваме за слобода на говор. И кога го прашуваме министероит зошто се скратени средтсвата, тој ни вели дека не ми се допаѓа директорот. И ова поминува. И ние имаме Премиер што не му вели на тој министер, дојди ваму, од утре ти не си министер, рече Селмани. Тој додаде дека во една држава не може да се однесува така затоа што постојат закони, а ако законот не им е добар тогаш треба да го сменат но, додека законот тој закон е на сила мора да се почитува.

Селмани: Објаснувањето на Владата зошто медиумските реформи ги нема во „План 18“ е несериозно

Предраг Кукиќ — Mon, 03 Dec 2018 19:40:56 +0000

Без ослободување на медиумите од стегите на тие чудни политички и економски стеги, јас мислам дека нема да можеме ни судски, ни да се бориме против корупцијата ни администрација. Кој ќе ги оценува тие реформи, ако медиумите не се слободни критички да се осврнат на тие реформи? Парламентот ќе ја контролира Владата, запраша Насер Селмани, претседател на ЗНМ, при гостување на емисија на 1ТВ. Селмани образложи дека не очекувале дека ќе се случи во нацрт програмата на „План 18“ медиумските реформи нема да бидат дел бидејќи беше нагласено дека ќе ги има. Затоа и побарале дури писмено објаснување и чекале една недела за да добијат објаснување, кое на крај не само што е апсолутно неприфатливо објаснување на владата туку и несериозно. Велат дека медиумските реформи ги нема затоа што ги завршиле. Аргументацијата е дека Законот за аудиовизуелни медиумски услуги поминал на владина процедура и тоа што зависело од владата, работата е завршена, а тоа што парламентарното мнозинство во Собрание не сака да гласа или Законот е заглавен поради амандманите на опозицијата владата се оградува. Тој аргумент за ЗНМ не е прифатлив.

Новинарот Хајдарпашиќ до министерот Поповски: За каква слобода на медиуми зборувате, колеги се исплашени и застрашени, не примаат плата

Даниел Василев — Fri, 04 May 2018 08:28:22 +0000

Новинарот на Телевизија 24, Един Хајдарпашиќ на вчерашната дебата посветена на Денот на печатот на министерот за транспаретност, Роберт Поповски и претседателот на ЗНМ, Насер Селмани им порача дека се лицемерни. -Од која страна сте господине Насер Селмани? Вие сте од „наша“ или од „нивна“? Не ве разбирам, праша Хајдарпашиќ. Тој го праша Селмани дали се бори за проекти на Здружението или за правата на новинарите. -Вие сте лицемерни. На 3 мај, Ден на слободен печат да зборуваме ние за правата, за Норвешка. Господинот Поповски мислам дека има и новершко државјанство. Тоа е мојот впечаток. 300 евра плата за дел од луѓето кои што работат во медиумите, посочи Хајдарпашиќ, прашувајќи ги дали им е неудобно заради незгодните прашања кои ги поставил. Вели дека медиумите во Македонија се во дупка. -Колегите новинари се плашат, не примаат плата, исплашени, застрашени, зборуваме за слобода на печат, со која плата, со кои услови?, запраша Хајдарпашиќ. На обвинувањата од Селмани дека „одвратно спинува“, Хајдарпашиќ му одговори: -Ова е сушната вистина која сите ја мислат. На неколку пати организаторите, но и Селмани се обидоа да го прекинат новинарот на Телевизија 24 со изговор дека не поставувал конкретни прашања, туку давал свои констатации.

Новинарите кон Поповски и Селмани: Лицемерни сте, чии права браните вие додека ние сме под закани и со ниски плати?

Ивана Ефремовски — Thu, 03 May 2018 13:20:38 +0000

По повод меѓународниот ден на слободата на печатот, денес се одржа прес-конференција на која се обратија претседателот на Здружението на новинари на Македонија, Насер Селмани и министерот за транспарентност и отчетност, Роберт Поповски. Како што пренесоа дел од медиумите, новинарот Един Хајдерпашиќ го запраша Селмани на која страна е всушност тој, дали ги брани правата на медиумските работници или пак ја поддржува политиката на сите влади досега која според него се коси со правата на новинарите и медиумите во известувањето. -Насер, на која страна си ти, за чии права се бориш? Лицемерни сте, седите тука во машни и костуми, додека новинарите се под закани, уцени и истраги. Велите дека работите на подобрување, но всушност не преземате ништо во врска со тоа, новинарите работат за плата помала од 300 евра, рече Хајдерпашиќ. По ова негово излагање, од Селмани доби кус, ироничен одговор: „Очекувате ли јас да ви дадам плата“? Медиумските работници прашањето за ниските плати го упатија и до министерот од Владата на Заев, Роберт Поповски, чиј одговор беше дека нема магично стапче за зголемување на платите, а и не може да ги натера со сила сопствениците на медиумите да го направат тоа. -Немаме магично стапче, работиме на зголемување на платата на сите граѓани во државата не само на новинарите. Ќе ги повикаме сопствениците на медиумите на дискусија за да изнајдеме заедничко решение, рече Поповски.

„Ќе ви го запалиме семејството“: Нови закани за претседателот на ЗНМ

Ивана Ефремовски — Mon, 19 Mar 2018 15:00:11 +0000

Членови на семејството на новинарот Насер Селмани добивале закани по телефон од непознати лица, пренесе Макфакс. Тој денеска даваше исказ во Обвинителството во врска со случајот со братот на функционер на ДУИ, Бекир Асани. „Додека бев на службен пат, непознати лица се јавувале кај мои роднини, и им се заканиле дека ќе го запалат целото семејство“, вели Селмани. Тој ги повика сите новинари да не се плашат и да ги пријавуваат заканите, а инстиуциите да ги расветлат случаите.

Алијанса за Албанците: Коалицијата СДСМ-ДУИ ги охрабрува партиските насилници да се однесуваат како локални шерифи

Ивана Ефремовски — Tue, 13 Mar 2018 15:16:41 +0000

Најостро ги осудуваме заканите и навредите упатени кон Претседателот на ЗНМ, Насер Селмани, од страна на претседателот на огранокот на ДУИ во Чаир Беќир Асани, кој што е близок соработник на претседателот на ДУИ, Али Ахмети, се наведува во соопштението на Алијанса за Албанците. -Владината коалиција СДСМ-ДУИ, исто како режимската власт ВМРО-ДУИ, продолжува да ги охрабрува партиските насилници да се однесуваат како локални шерифи, да им се закануваат на новинари, да тепаат полицајци и да бидат недостапни за правдата. СДСМ и ДУИ немаат право да зборуваат за ЕУ-интеграции, најмалку вицепремиерот Бујар Османи кој не може да ги штити новинарите кој што се заканети од страна на неговите сопартијци. Се додека имаме партиски експоненти за кој не важат законите, ние сме далеку од поделба на партијата од државата, а овој е типичен пример кој што најдобро го потврдува тоа, се наведува во партиското соопштение. Алијансата за Албанците наведува дека секогаш ќе биде во одбрана на слободата на изразување и ќе води заеднички битки со медиумите и невладиниот сектор во одбрана на демократијата и слободата на изразување. -Секоја закана кон новинарите е политички атентат врз слободата на изразување. Бараме од Владата, МВР и јавното обвинителство под итно да преземат дејствија за да ги штитат граѓаните, во конкретниот случај новинарите кој што се заканети, и да не ги брани заканувачите само поради нивната партиска припадност, порачуваат од Алијанса за Албанците.

Селмани: Заканите ги доживувам како закани од владата

Ивона Петрова — Mon, 12 Mar 2018 20:37:18 +0000

Како една од причините за денешниот протест на новинарите пред Владата на Република Македонија се навредите и заканите врз претседателот на здружението на новинари на Македонија Насер Селмани од страна на Беќир Асани, висок партиски функционер од ДУИ кој нападна службено лице – жена полицајка пред неколку дена само поради тоа што си ја вршела службената должност и повикала пајак служба да го крене возилот на Асани кое пак било непрописно паркирано, како и од неговиот брат. Селмани кој јавно реагираше на нападот на Беќир Асани подоцна стана мета на закани и вербални напади од страна на Асани. Во кратка изјава за вестите на Канал 5 телевизија Насер Селмани порача: -Ние денеска излеговме на улица за да им кажеме дека ние новинарите не сме толку наивни за да поверуваме во приказна за мали деца. Дека заканите на Беќир Асани не се лично на Беќир Асани, туку на оние кои што стојат позади Беќир Асани и јас лично тие закани ги доживувам ако закани од Владата. И тука не може некој да ја изигра улогата на добриот и лошиот дечко во владата. Заканите јас ги доживувам како закани од владата и владата мора да најде начин овие насилници да ги стави под контрола, затоа што поинаку нема логика, вели Селмани. Според него намерата на овие закани била многу едноставна. Како што рече тој ако успеат Насер да го замолчат, тогаш можат сите. Според него оваа закана не ја доживуваа лично само кон себе, туку и кон сите негови колеги новинари како и кон граѓаните. -Ако се замолчат новинарите и медиумите тогаш замолчена е и јавноста, додаде тој. Роберт Поповски кој е министер без ресор во владата на СДСМ денес излезе на протест пред владата и рече дека заканите врз новинарите и граѓаните се работа на истражување на јавното обвинителство, но Селмани јасно му порача: -Очигледно вие не правите доволно за тој човек да се смири. Затоа ви кажувам врзете ги кучињата. Тоа се ваши кучиња и тие се луѓе дел од вашата коалиција. Нема оправдување за ова. Тие луѓе мора да се врзат, нагласи претседателот на ЗНМ.

Насер Селмани до министерот на Заев: Врзете си ги кучињата за да не касаат!

Ивана Ефремовски — Mon, 12 Mar 2018 12:27:13 +0000

На денешниот протест на новинарите пред Владата, претседателите на ЗНМ и ССНМ, Насер Селмани и Тамара Чаусидис, разговараа со министерот без ресор во Владата на Зоран Заев, Роберт Поповски. Откако министерот заврши со своето обраќање, претседателката на ССНМ му порача на Поповски дека новинарите не се убедени во постапувањето и неселективноста на институциите. -Имаме чувство дека не се делува доволно. Поради тој факт се собравме ние тука, рече Чаусидис. Претседателот на ЗНМ, пак, кон кого беа упатени заканите од функционерот на ДУИ, што го иницира протестот, му рече на Поповски: -Врзете ги кучињата. Мора да бидат врзани за да не касаат, рече Селмани. Тој потоа рече дека додека не бидат скротени силеџиите, ќе претставуваат закана за слободата на говорот. Фото: РЕПУБЛИКА

Протест на новинарите: Насилството, заканите и притисоците мора да запрат

Катерина Бојаџиева — Mon, 12 Mar 2018 12:16:01 +0000

Време е да се направи разлика кој е за слободна и демократска Македонија, а кој е за насилниците, порача денеска претседателот на ЗНМ Насер Селмани на протестот на новинарите пред Владата, организиран од ССНМ. Новинарите кои протестираа пред Владата носат пароли на кои е испишано „Копилињата нема да стивнат“, „Слободните медиуми не може да бидат замолчени“, „Пајакот убива, зарем не?“ и го изразуваат своето незадоволство поради случајот со претседателот на ЗНМ кој реагираше за нападот од високиот функционер на ДУИ Беќир Асани врз полициска службеничка која интервенирала со „пајак“ за да го крене неговото возило. Селмани поради својата реакција добивал закани од Асани, но и од членови на неговото семејство. – Долга е раката на пајакот, но јас не се плашам од пајаци. Нападот врз Насер е напад на сите новинари. Бараме полициска заштита за Селмани и пристапување на Обвинителството, порача претседателката на ССНМ Тамара Чаусидис. Таа додаде дека Владата треба да преземе мерки во врска со овој случај и оти потребни се дела, а не реакции и соопштенија.