насилна смрт – Kurir.mk

Зголемување за 54,6 проценти: Лани од насилна смрт починале 677 лица

Ивона Петрова — Wed, 22 Jun 2022 11:46:07 +0000

Од насилна смрт лани во државава починале 677 лица, што е за 54,6 проценти повеќе во однос на претходната година. Како што објави денеска Државниот завод за статистика, умрените од насилна смрт учествуваат со 2,4 проценти во вкупниот морталитет. Во структурата на умрените од насилна смрт според полот, и во 2021 година, како и во претходните години, поголемо учество имаат машките лица, и тоа 61,9 процент. Во вкупниот број случаи на насилна смрт, најголемо учество имаат „несреќните случаи“ со 83,3 проценти, „самоубиствата“ со 15,5 проценти и „убиствата“ со 1,2 проценти. Во категоријата „несреќни случаи“, најголемо учество имаат умрените лица од „други надворешни причини за случајна повреда“ со учество од 65,1 процент во однос на вкупниот број случаи од насилна смрт. Кај категоријата „самоубиства“, пак, најголемо е учеството на случаите кај кои смртта настапила поради „бесење, странгулација и суфокација“ со учество од 8,3 процент во однос на вкупниот број случаи од насилна смрт. Додека во категоријата „убиства“, случаите кај кои смртта настапила поради „обид за нанесување телесна повреда со истрел од друго и од неозначено огнено оружје“ и поради „обид за нанесување телесна повреда на неозначен начин“, учествуваат со по 0,4 проценти во однос на вкупниот број случаи од насилна смрт.

Маж пронајден во безживотна состојба: Според првичните информации настапила насилна смрт, ќе се врши обдукција

Магдалена Андонова — Wed, 08 Jun 2022 08:16:17 +0000

Дежурен јавен обвинител од Основното јавно обвинителство Струмица изврши увид во местото викано Ореш, во атарот на струмичко Ново Село, каде ноќеска беше пронајдено безживотно тело на починато машко лице. Според првичните сознанија, кај лицето настапила насилна смрт. По наредба на јавниот обвинител, врз телото на починатиот ќе биде извршена обдукција со цел да се утврдат точните причини за смртта. Од лице место се прибрани траги и материјални докази за кои е издадена наредба за вештачење, а се преземаат и други дејствија за откривање на сторители.

Намален бројот на умрени лица од насилна смрт

Ивана Ефремовски — Wed, 17 Jun 2020 11:40:27 +0000

Бројот на умрени лица од насилна смрт во Република Македонија, е намален за 4,8 отсто во однос на претходната година и изнесува 454 умрени лица, информираат од Државниот завод за статистика (ДЗС). Последните податоци од ДЗС, кажуваат дека умрените од насилна смрт во вкупниот морталитет во државата учествуваат со 2,2 отсто. -Во структурата на умрените од насилна смрт според полот, како и во претходните години, и во 2019 година поголемо учество имаат машките лица, и тоа 75,1 отсто. Во вкупниот број случаи на насилна смрт, најголемо учество имаат несреќните случаи со 71,4 отсто, потоа самоубиствата со 23,3 отсто и убиствата со 5,3 отсто. Во категоријата несреќни случаи најголемо учество со 40,5 отсто имаат умрените лица од други надворешни причини за случајна повреда, соопштија од ДЗС. Кај категоријата самоубиства како што истактнуваат од ДЗС на прво место се случаите кај кои смртта настапила поради бесење, странгулација и суфокација со учество од 13,2отсто. Во категоријата убиства на прво место се случаите кај кои смртта настапила поради обид за нанесување телесна повреда со истрел од друго и од неозначено огнено оружје со 1,9 отсто во однос на вкупниот број случаи од насилна смрт. (МИА)

Траги на насилство на телото на пронајдената мртва жена

Ивона Петрова — Tue, 06 Aug 2019 09:36:12 +0000

Траги на насилство биле забележани на женскиот труп кој вчера беше пронајден во скопско, јавува МКД.мк. Порталот пишува дека жената (девојката) најдена во црна пластична кеса била убиена, ставена во кесата, па фрлена покрај патот. -Како што дознаваме од извори од истрагата, се работи за насилна смрт, а на нејзиното тело имало повреди од удари, пишува МКД.мк. Телото на починатата девојка од местото каде што било фрлено, со наредба на јавен обвинител е предадено во Институтот за судска медицина и криминалистика во Скопје. Откако ќе биде направена обдукција, ќе се знае од што точно починала, како и дали сторителот кој што ја убил оставил траги кој можат да ги донесат надлежните до него. Од МВР информираа дека случајот во полиција го пријавил вработен во јавното скопско претпријатие Комунална хигиена додека патувал кон селото Горно Оризари, скопско.

Од насилна смрт лани умреле 421 лице

Даниел Василев — Tue, 12 Jun 2018 10:14:27 +0000

Во Република Македонија минатата година од насилна смрт умреле 421 лице, што е намалување за 15.3 отсто во однос на 2016 година, пкажуваат податоците на Државниот завод за статистика. Умрените од насилна смрт во вкупниот морталитет учествуваат со 2.1 отсто. Во структурата на умрените од насилна смрт според полот, и во 2017 година, како и во претходните години поголемо учество имаат машките лица, и тоа 75.1 процент. Во случаите на насилна смрт, најголемо учество имаат „Несреќните случаи“ со 66.0 %, потоа „Самоубиствата“ со 26.4 % и „Убиствата“ со 7.6 %. Во категоријата „Несреќни случаи“, на прво место се умрените лица од „Други надворешни причини за случајна повреда“, со учество од 26.1 %. Во категоријата „Самоубиства“, случаите кај кои смртта настапила поради „Бесење, странгулација и суфокација“ имаат најголемо учество со 15.7 %. Во категоријата „Убиства“, пак, доминантна причина за смрт е „Обид за нанесување телесна повреда со истрел од друго и од неозначено огнено оружје“ со учество од 2.4 % во однос на вкупниот број случаи од насилна смрт. МИА