насилни протести – Kurir.mk

Во Парагвај сменети три министри поради насилните протести

Тале Кристо — Sun, 07 Mar 2021 11:10:34 +0000

Претседателот на Парагвај, Марио Абдо Бенитез смени три министри поради насилните протести, што се избија поради начинот на кој Владата се справува со пандемијата во Ковид-19. Сменети се министерот за образование, за женски права и цивилни работи, додека министерот за здравство во петокот поднесе оставка. Здравствените работници во Парагвај тврдат дека болниците немаат лекови и опрема за лекување на пациентите инфицирани со Ковид-19. Опозициските партии бараат од Бенитез да поднесе оставка и да распише нови избори, а десничарската Влада ја обвинуваат за корупција. Во Парагвај со 7,2 милиони жители досега се регистрирани 165.000 инфицирани во Ковид-19 и околу 3.200 смртни случаи, а вакцинирани се само 0,1 отсто од населението. Pолицијата во петокот употреби солзавец и гумени куршуми против демонстрантите, при што се повредени околу 20 луѓе.

Продолжуваат насилните протести во Мјанмар, се бара итна реакција од Советот за безбедност на ОН

Тале Кристо — Sat, 06 Mar 2021 08:52:31 +0000

Безбедносните сили на Мјанмар денеска повторно употребија сила за да ги растурат демонстрациите што повеќе од еден месец се организираат против воениот удар во земјата, само еден ден откако специјалниот претставник на ОН го повика Советот за безбедност да преземе итни мерки за сузбивање на насилството во земјата, откако неделава беа убиени над 50 демонстранти, јавија американските медиуми. Западните агенции јавуваат дека денеска се одржани нови протести во најголемиот град Јангон, каде врз демонстрантите се употребени флеш бомби и солзавец, и се додава дека протести имало и во други градови низ земјата, каде полицијата постапила на сличен начин. Големи протести поради воениот удар од 1 февруари секојдневно се организираат во многу градови на Мјанмар, а воените власти на нив одговараат со зголемена употреба на сила и масовни апсења. Канцеларијата за човекови права на ОН соопшти дека минатата недела беа убиени најмалку 18 демонстранти, а само во средата 38, додека повеќе од 1.000 лица се уапсени, се наведува во извештајот на независно Здружение за помош на политичките затвореници, пренесуваат американските медиуми. Специјалниот пратеник на ОН за Мјанмар, Кристин Оранер Бургенер, го повика Советот за безбедност пред вчерашната затворена седница силно да го осуди военото насилство врз граѓаните на Мјанмар и да го поддржи обновувањето на демократските институции во земјата. Засега нема информации какви мерки презеде Советот за безбедност на ОН.

Шеста ноќ по ред насилни протести во Барселона

Тале Кристо — Mon, 22 Feb 2021 07:08:00 +0000

Протестите во Барселона во знак на поддршка на шпанскиот рапер Пабло Хасел, кој е обвинет за навреда на монархијата и величење на тероризмот, продолжија и синоќа, шеста ноќ по ред. Како и претходните денови, вчера во Барселона почнаа мирни протести, а уметниците нацртаа мурал со кој го го критикуваа шпанскиот крал Филипе Шести и неговиот тратко, поранешниот шпански крал Хуан Карлос и искажаа солидарност со Хасел. Демонстрантите воглавно облечени во темна облека маршираа од центарот на Барселона до седиштето на Националната полиција, каде врз зградата фрлаа камења, шишиња, отпад и петарди, на што возврати полицијата. Продавниците во центарот на Барселона повторно беа мета на вандалите. Повеќе од сто луѓе се приведени поради судири со полицијата од 16 февруари, кога беше уапсен Хасел и испратен на издржување на деветмесечна затворска казна поради своите твитови и текстови кои ја навредуваат шпанската монархија и го величаат тероризмот. Протести вчера имаше и во другите шпански градови, но поминаа мирно.

Кривична пријава за градоначалничката на Скадар поради насилните протести

Тале Кристо — Sun, 13 Dec 2020 14:16:39 +0000

Градоначалничката на северниот албански град Скадар, Волтана Адеми и уште 21 друго лице добија кривични пријава за вчерашните насилни протести во овој град, јави дописничката на МИА од Тирана. – Врз основа на истрагата, крвична пријава им е поднесена на Волтана Адеми и на 21 лице, како организатори на протестот. Тие ќе одговараат за „организирање и учество на нелегални собири и протести“. Во исто време 17 малолетници кои ќе одговрааат за „ учество во нелегални собири и демонстрации“ и „нарушување на јавниот ред и мир и уништување на имот“ ќе се бранат од слобода, стои во полициското соопштение. На вчерашниот протест во Скадар, во кој главно учествуваа млади, целосно беа уништени просториите на Социјалистичката партија. Од објектот беше извадено се што се наоѓаше во него и потоа запалено. Учесниците во протестот оштетија и други објекти. Мораше да интервенира и специјалната единица за брзи интервенции По веста за поднесена кривична пријава реагираше Адеми, која рече дека ова е напад врз неа и ја повтори претходната изјава дека веднаш ја повикала полицијата, но оти таа не одговорила навреме и не го спречила нападот врз седиштето на Социјалистичката партија. -Ова е очигледен напад врз градоначалник. Воопшто не се плашам, напротив јас ќе барам темелна и до крај истрага и расветлување на вистината, наведува Адеми. Волтана Адеми е од редовите на Демократската партија. На последните локални избори, во јуни минатата година, кои опозицијата ги бојкотираше, за градоначалник беше избран Валдрин Пјетри од Социјалиситчката партија. По обвинувањата на опозицијата и започнувањето на постапката од страна на Обинителството, Пјетри се откажа од градоначалничката фотелја на која официјално не ни седна. Тој образложи дека сака да ја докаже својата невиност како обичен граѓанин. Нови избори не беа спроведени.