насилници – Kurir.mk

Приведени насилници од Скопје- го признале делото, определен им е домашен притвор

Катерина Бојаџиева — Wed, 27 Sep 2023 07:25:31 +0000

По преземени мерки и активности, полициски службеници од Единицата за насилен криминал при СВР Скопје на 25.09.2023 ги лишиле од слобода Ф.В.(25) и А.Ф.(33), двајцата од Скопје. Тие се сомничат дека на 20.09.2023 во продажен објект кај арената „Тоше Проески“ физички го нападнале вработениот А.В. од Скопје. Двајцата биле задржани во полициска станица и во службен разговор со полициски службеници го признале делото. Во координација со јавен обвинител против нив е поднесена кривична пријава, а од страна на судија на претходна постапка определена им е мерка домашен притвор.

Приведени насилници од скопско, поднесена кривична пријава

Катерина Бојаџиева — Sat, 04 Mar 2023 15:56:51 +0000

СВР Скопје - Единица за насилен криминал - Одделение за насилен криминал поднесе кривична пријава против Џ.Љ.(44) и Н.Љ.(40), двајцата од с.Батинци, скопско. На 02.03.2023 околу 22.10 часот пред угостителски објект во с.Батинци, пријавените физички ги нападнале С.Н. и А.Б., а по преземени мерки и активности тие биле пронајдени и лишени од слобода. Судија на претходна постапка на двајцата им определи мерка притвор.

Приведени насилници од Скопје

Тале Кристо — Mon, 13 Feb 2023 12:43:35 +0000

На 12.02.2023 полициски службеници од Единица за насилен криминал – Одделение за насилен криминал ги лишиле од слобода Е.Ф. и И.Т.. Имено, постапувајќи по пријава од Ф.Џ.(39), косовски државјанин, според која на 11.02.2023 во 22.30 часот пред и во продавница на подрачјето на Кисела Вода со тврд предмет бил физички нападнат од неколку лица, полициските службеници по преземени мерки и активности ги пронашле сторителите на кривичното дело и ги привеле во полициска станица. При извршен службен разговор, тие го појасниле и признале кривичното дело, а по обезбедени дополнителни докази известено е ОЈО Скопје, по чии насоки против пријавените ќе биде поднесена кривична пријава за кривично дело „насилство“ по член 386 од Кривичниот законик.

Приведени двајца насилници од скопско, еве што направиле

Ивана Ефремовски — Fri, 09 Dec 2022 15:14:13 +0000

На 08.12.2022, по преземени мерки и распишан централен распис од Единицата за насилен криминал, полициски службеници од Единицата за интервентна полиција при СВР Скопје ги лишиле од слобода В.П.(36) од с..Сопиште, скопско и Ј.П.(34) од Скопје. Тие се сомничат дека на 07.12.2022 на ул.„Христо Татарчев“ во Скопје со уште едно лице физички го нападнале А.А. од Скопје и му нанеле тешка телесна повреда. Лицата биле задржани во полициска станица и во службен разговор го признале делото. За настанот бил известен Јавен обвинител и по целосно документирање на случајот против нив ќе биде поднесена пријава по член 386 од Кривичниот законик.

Приведени петмина насилници, нападнале гледачи на фудбалски натпревар во Аеродром

Ивана Ефремовски — Tue, 06 Dec 2022 17:33:28 +0000

Полициски службеници од Единицата за насилен криминал при СВР Скопје денеска (06.12.2022) ги лишија од слобода И.М., Д.М., Б.М., Ѓ.Н. и Н.М. по претходна пријава од Е.С. од с. Коњари дека петмината насилници на 04.12.2022 околу 15 часот за време на фудбалски натпревар на фудбалски терен на подрачјето на општина Аеродром ги нападнале него и други гледачи, фрлајќи со тврди предмети кон нив. Со приведените е извршен службен разговор во полициска станица и известен е јавен обвинител, а по документирање на случајот ќе биде поднесена кривична пријава поради основано сомнение за извршено кривично дело насилство.

Била киднапирана од криминалци, но со еден трик кој го научила од својата мајка си го спаси животот

Ивана Ефремовски — Thu, 11 Feb 2021 12:38:12 +0000

Софија Тарнер (20) од Јужна Каролина, можеби ја избегнала смртта на неверојатен начин кога била киднапирана на улица од тројца криминалци. Враќајќи се од колеџ навечер, Софија застанала во едно кафуле за да купи кафе и весници, потоа ја забележале тројца локални криминалци. Ја следеле сè до делот од улицата каде што немало никој и потоа ја обиколиле. -Тие ме замолија да им го дадам ранецот и паричникот, како и телефонот. Потоа ми рекоа да одам со нив до автомобилот. Почнав да врескам, но немаше никој околу нас. Еден од нив ме удри силно во вилицата. Потоа ме фатија за рака и влеговме во автомобилот, изјави Софија за ABC News 4 откако успеала да избегне многу полошите последици од киднапирањето. Потоа се сетила на советот на нејзината мајка, кој веројатно и го спасил животот. -Таа ми раскажа приказна од нејзината младост кога неколку пати момче се обидело да ја силува. И рекол да одат кај него дома, а таа го одбила и избегала. Тогаш таа ми потенцираше дека, не дај Боже, ако се најдам во слична ситуација, не смеам да дозволам напаѓачот или киднаперот да ме однесе на друга локација, бидејќи таму се случуваат најлошите работи, рекла Софија. Криминалците направиле почетничка грешка. Двајцата седнале напред, а само еден одзади во автомобилот со Софија. -Само го чекав вистинскиот момент да ја отворам вратата и да скокнам од автомобилот. Тоа се случи на семафор во прометна улица. Така, само една минута или две по киднапирањето на семафорот, нагло ја отворив вратата и скокнав на патот. Покрај нас имаше уште неколку возачи. Почнав да врескам и да мавтам по нив. Киднаперите се исплашија и побегнаа. Тогаш еден од околните возачи повика полиција и им ги запиша регистарските таблички. Го најдоа автомобил, но не и трите лица, рече Софија, која на тој начин, благодарение на нејзината мајка, избегнала можна трагедија.

Идентификувано е лицето кое се закануваше во автобус на ЈСП

Ивана Ефремовски — Sun, 10 Jan 2021 14:48:17 +0000

Полицијата го идентификуваше и вториот насилник кој во автобус на ЈСП им се закануваше на патниците и ги навредуваше по верска основа. Од МВР за Сител велат дека се работи на негово лоцирање. Полицијата истражува дали освен вербалните закани и навреди во инцидентот имало и физички напад. Сепак, најголем проблем во истрагата е што инцидентот е од пред 2 - 2 и пол месеци. ЈСП прво треба да открие на која линија и во кој точно автобус се случил инцидентот. Лицето кое беше приведено во полициска станица има историја со повеќе кривични дела, а пред година и половина претепал и службеник на ЈСП во Транспортниот центар, откако претходно бил казнет за непоседување на билет.

Ај да ги направиме познати МОРОНИВЕ! Жена во години им вели да стават маска, тие ја тепаат! Се закануваат на пола автобус дека ќе му сечат глава и дека ќе ги ставаат во киселина! На крај ја напаѓаат девојката која снима! #ПодМачБато pic.twitter.com/TqDsXilg8s
— Charles Boycott (@JohnnyParka) January 8, 2021

Почина таткото на девојката од Штип

Курир — Fri, 15 May 2020 19:05:37 +0000

Судбината продолжува да се подигрува со животот на 21-годишната девојка којашто беше претепана од двајца штипјани. Притисокот и проблемите со кои во изминатиот период се соочуваше семејство беа премногу за нејзиниот татко. Неговото срце не издржа. Единствената поткрепа на девојката замина, но зад себе остави долгови кон банките кои 21-годишната штипјанка не може да ги плати. Таа остана сама. Пред да почине татко и, мајка и е згрижена во психијатриска установа. Единствена поткрепа во овие тешки моменти е семејството на чичко и. Алфа стапи во контакт со ного. Не сака јавно да зборува, образложувајки дека душевната болка и состојбата во која се наога неговата внука е многу тешка. Потврди дека и е потребна финансиска помош, затоа што наследила кредити во висина од над 200.000 денари. Во куќата во која живее девојката треба да се изведе дополнителен приклучок за струја, а за тоа се потребни пари кои таа не може да ги плати бидејки е неврботена, објaснува чичкото. Единствена светла точка во сивилото што и го нуди животот е, да си го врати едногодишното дете, кое е дадено на згрижување. За алфа вели дека тоа и е мотивација да продолжи со животот понатаму. Прв чекор до реализирање на желбата е вработување. Објаснува дека живее во страв. Тврди дека добива закани по живот од двајцата насилници. Во случајот активно со правна помош се вклучени невладината организација ЕХО и социјалните работници од штипскиот Центар за социјални работи. Доделена и е еднократна парична помош, а со од вчера, ќе биде корисник на социјална помош во висина од 4000денари. Преку Агенцијата за вработување се прават напори да и се обезбеди и вработување.. Девојката, вниманието на јавноста го привлече откако минатиот месец на социјалните мрежи се појави видео клип каде што се гледа како ја тепаат во влез на зграда. Двајцата сторители експресно беа откриено, а судот им изрече казна во висина од по 2,6години.

Изречена пресудата за тепачите од Штип: Еве колкави казни добија двајцата насилници

Тале Кристо — Thu, 30 Apr 2020 12:13:44 +0000

Двајцата насилници од Штип кои што брутално натепаа девојка, денеска од страна на судот им изречена казна затвор од две години и шест месеци. Пресудата е изречена од штипската судијка Јулијана Неткова, откако двајцата насилници ја признаа вината и каење на претходното рочиште. Немилиот настан се случил во јануари а видео снимката од која што се вознемири јавноста на социјалните мрежи се појави на почетокот од месецот. Тие беа гонети за кривично дело „насилство“, а казната за ваквите дела е од шест месеци до пет години затвор. Девојката беше натепана во влез на зграда во Штип. МВР веднаш ги идентификуваше насилниците, пошто истите веднаш беа приведени. Двајцата осудени штипјани сега имаат право на жалба до повисокиот суд.

Определен притвор за двајцата насилници од Штип што тепаа девојка

Тале Кристо — Fri, 03 Apr 2020 13:08:21 +0000

Судија на претходна постапка од Основниот суд во Штип донесе одлука за осумдневен притвор за двајцата штипјани, на возраст од 23 и 26 години, кои пред два месеци малтретирале и тепале девојка во влез на станбена зграда. Видеото кое го снимале вчера беше објавено на социјалните мрежи. Двајцата штипјани по одлуката на судијата на претходна постапка се носат во кумановскиот затвор. Обвинителство наредната недела, до судијата на претходна постпка треба да достави обвинителен предлог, по што тој ќе треба да донесе нова одлука за мерката притвор. Основниот јавен обвинител, Ристе Бојаџиски побара да им се изрече мерка притвор на двајцата штипјани, кои се товарат за сторено кривично дело „насилство“ по член 386 став 3 од Кривичниот законик. Според законот, казната за сторители кои се огласуваат за виновни по ова дело се движи од шест месеци до пет години.