насилник – Kurir.mk

Притвор за насилник од Битола, еве што направил

Ивана Ефремовски — Mon, 02 Oct 2023 08:05:08 +0000

Криминалистичката полиција при СВР Битола до Основното јавно обвинителство Битола, поднесе кривична пријава против П.Ј.(37) од Битола, поради постоење основи на сомнение за сторено кривични дело „насилство“ по член 386 од Кривичниот законик. На 30.09.2023, во угостителски објект во комплекс „Нов пазар" во Битола, пријавениот физички го нападнал И.В.(38) од Битола, при што употребил дрвен предмет. По преземени мерки, полициски службеници го пронашле и привеле пријавениот. Тој бил изведен пред судија на претходна постапка, кој му определил мерка притвор.

Приведен насилник од Скопје, се заканувал и оштетил возила

Катерина Бојаџиева — Fri, 28 Jul 2023 13:15:56 +0000

На 27.07.2023 во 19.40 часот на ул.„Перо Наков“ во Скопје, полициски службеници од Оперативен тим потраги при СВР Скопје и од Одделението за криминалистички работи при ЕВР Гази Баба го лишиле од слобода Б.И.(31) од с.Сингелиќ, скопско. Тој се сомничи дека во периодот од 07.07. до пријавувањето на 27.07.2023, во повеќе наврати упатувал закани кон Г.Д.(28) од Скопје. Според пријавеното, Б.И. на 07.07.2023 го однел своето возило на поправка во авто сервисот на Г.Д.(28) од Скопје, а откако Г.Д. му кажал дека парите што му ги дал за купување резервни делови биле фалсификувани, тој во неколку наврати преку смс пораки му упатил закани дека ако не му го поправи возилото ќе треба да му даде 5.000 евра. Исто така, според пријавеното, на 26.07.2023 Б.И. со тврд предмет се заканил на друг вработен во сервисот и оштетил неколку возила оставени за сервисирање. Лицето било задржано во полициска станица и по целосно документирање на случајот против него ќе биде поднесена соодветна пријава.

Приведен насилник од Скопје за издржување казна затвор

Тале Кристо — Tue, 04 Jul 2023 12:19:11 +0000

Полициски службеници од тим Потраги од Одделението за криминалистички работи Центар и Бит Пазар денеска го лишиле од слобода е Е.О.(66) од Скопје, за кого била распишана централна потерница, по претходно издадена судска наредба од Основен кривичен суд Скопје, со која се барал за издржување казна затвор, поради постоење основано сомнение дека сторил кривично дело. Како што информираат денеска од МВР, лицето е предадено на полициски службеници во Полициска станица Центар за понатамошна постапка, по што ќе биде спроведено во казнено-поправна установа за издржување на казната.

Приведен насилник баран по централна потерница

Ивана Ефремовски — Mon, 15 May 2023 09:35:26 +0000

Денеска (15.05.2023) во 10:45 часот на ул.„Индира Ганди“ во Скопје, полициски службеници од Оперативен тим потраги при СВР Скопје го лишиле од слобода М.К.(22) од Скопје. Тој бил баран по централна потерница врз основа на наредба на Основен кривичен суд Скопје за издржување затворска казна од една година за сторено кривично дело „насилство“ по член 386 од Кривичниот законик. Лицето ќе биде спроведено во надлежната казнено-поправна установа за издржување на казната.

Приведен насилник од гостиварско

Тале Кристо — Thu, 11 May 2023 14:14:08 +0000

Полициски службеници на СВР Тетово-Одделение за внатрешни работи Гостивар, денеска (11 мај) околу 10.15 часот го лишиле од слобода Б.Т.(48) од Неготино, полошко, кој десетина минути пред тоа бил пријавен дека агресивно се однесувал во објект на општина Врапчиште, во кој бил сместен Секторот за урбанизам. Според пријавеното, тој во една просторија ги заклучил вработените и го оштетил инвентарот и опремата во другите канцеларии на објектот. Набргу потоа, со судска наредба, извршен е претрес во неговиот дом, при што биле пронајдени три парчиња огнено оружје ( две ловечки пушки и пиштол) за кои поседувал соодветни дозволи. Б.Т. е задржан во Полициската станица Гостивар и по целосно расчистување и документирање на случајот ќе биде изготвен соодветен поднесок.

Приведен насилник од Гостивар, бил агресивен кон сопругата

Ивана Ефремовски — Sat, 06 May 2023 15:23:10 +0000

На 05.05.2023 во 18.00 часот во Гостивар, полициски службеници од Полициската станица Гостивар го лишиле од слобода З.Ц.(57) од Гостивар затоа што се однесувал агресивно во домот и се обидел со тврд предмет да ја нападне неговата 52-годишна сопруга. По дкоументирање на случајот против него ќе биде поднесена соодветна пријава.

Лишен од слобода насилник од Скопје, поднесена кривична пријава по брза постапка

Ивана Ефремовски — Fri, 14 Apr 2023 12:44:58 +0000

Денеска (14.04.2023) од страна на Единица за насилен криминал – Одделение за насилен криминал при СВР Скопје до ОЈО Скопје е поднесена кривична пријава по брза постапка за против К.С.(32) од Скопје, поради основано сомнение дека извршил кривични дела „насилство“ и „напад на службено лице при вршење работа на безбедност“, казниви по чл. 386 и чл.383 од Кривичниот законик. Тој се сомничи дека на 13.04.2023 во 14.00 часот во авто сервис на подрачјето на Чаир во Скопје, се однесувал агресивно и со тврди предмети ги нападнал Д.З.(41) од Скопје и вработените З.А., Р.K., В.И.(42), како и Г.А.(42) од Скопје, вработен како обезбедување кој вршел службени дејствија. Во координација со Јавен обвинител, полициски службеници веднаш го лишиле од слобода К.С., а во текот на денот со кривичната пријава ќе биде изведен пред Судија на претходна постапка.

Лишен од слобода насилник, баран со потерница за издржување на затворска казна

Катерина Бојаџиева — Mon, 20 Mar 2023 10:35:34 +0000

На 19.03.2023 во 18.20 часот, полициски службеници од СВР Куманово го лишиле од слобода З.С.(41) од Куманово. Тој бил баран со потерница врз основа на судска наредба за издржување на затворска казна за сторено кривично дело по член 386 од Кривичниот законик. Лицето било спроведено во Казнено-поправната установа Затвор Скопје за издржување на казната.

Кривична пријава против двајца насилници од Скопје

Катерина Бојаџиева — Tue, 14 Mar 2023 14:34:40 +0000

СВР Скопје – Единица за насилен криминал – Одделение за насилен криминал поднесе кривична пријава против С.Ч.(42) и Р.Г.(40), двајцата од Скопје. Имено, на 12.03.2023, по претходен телефонски разговор, на подрачјето на Гази Баба, С.Ч. се сретнал со М.С.(46) од Скопје, по што физички го нападнал и со закана со пиштол го принудил да влезат во неговото возило, по што отишле во продажен објект на подрачје на Гази Баба, каде што бил Р.Г. и уште две женски лица. Тие одреден период го држеле во објектот, при што С.Ч. го удрил М.С. со пиштолот. Пријавените истиот ден биле приведени во полициска станица, а од С.Ч. бил одземен пиштолот.

Ги нападнал сопругата и нејзината мајка, приведен насилник во Скопје

Ивана Ефремовски — Fri, 03 Mar 2023 16:41:07 +0000

На 02.03.2023 во 23:15 часот на подрачјето на Бит Пазар, полициски службеници го лишиле од слобода И.И.(47) од Скопје, затоа што во семејниот дом физички ги нападнал неговата 45-годишна сопруга и нејзината мајка. Тој бил задржан во полициска станица, со него бил извршен службен разговор и по целосно документирање на случајот од Единицата за насилен криминал - Одделение за семејно насилство при СВР Скопје ќе биде поднесен соодветен поднесок.