насилство во центар – Kurir.mk

Уште еден сведок алијас Александар Василевски-Нинџа денеска во судот потврди дека лажно сведочел иако има веќе кривична пријава!

Дарко Андоновски — Wed, 23 Dec 2020 13:27:28 +0000

Томислав Лазаров кој призна вина и доби условна пресуда за „насилство во Центар“денеска во судот се потврди дека лажно сведочел во врска со овој случај. Истиот не се гони повеќе ниту во другиот случај против него „Талир“ каде признал дека земал пари спротивно на закон и не ги пријавил што е кривично дело. Имено по случајот „насилство во Центар“ каде му се цитирале и доказите против него кога го давал тогашното сведочење повторно главен сведок се појавува како дежурен сведок во случајот „Талир“ каде цело обвинение се темели на неговиот лажен исказ. Овој предмет инаку е покренат по рокот со кој СЈО законски имаше можност да поднесува обвиненија што е потврдено и со едногласна одлука на Врховниот суд иако претседателот на Општинскиот комитет на ВМРО-ДПМНЕ и член на советот во два мандати изнесува лаги околу функционирањето на Општинскиот комитет. За неговите нелегални активности и земање на пари лично од бизнисмени сега обвинува други луѓе со образложение дека „други му кажале“. Исто така со материјални докази во судницата се потврди и дека ниту еден член од ОК на ВМРО-ДПМНЕ Центар не извршил донација кон ВМРО-ДПМНЕ за што беше презентиран и материјален доказ и во целост е побиен неговиот исказ. Одбраната денеска најави и кривична пријава кон Томислав Лазаров за лажно сведочење.

„Насилство во Центар“ – Аргументите и фактите на Миле Јанакиески пред политиката на Фетаи и Бубевски

Магдалена Андонова — Sun, 27 Sep 2020 18:30:00 +0000

Со завршни зборови на останатите обвинетите, меѓу кои и екс-министерот за транспорт и врски Миле Јанакиески, утре во Кривичниот суд треба да продолжи предметот на поранешното СЈО насловено како „Насилство во Центар“. На последното рочиште во четвртокот минатата недела, обвинителите Фатиме Фетаи и Гавриул Бубевски дури по цели четири години го повлекова обвинението против дотогаш обвинетите Даниела Рангелова и уште други две лица. Во новото, наводно прецизирано обвинение, обвинителите оценија дека против нив нема докази за вината, што до тогаш им се ставаше на товар, но истовремено фрлија и сосема нова светлина врз целиот предмет. Прецизираното обвинение на Фетаи и Бубевски, всушност, во целост ги отфрли досегашните обвинувања дека настаните во Општина Центар во 2013 година ги организирала партијата ВМРО-ДПМНЕ преку својата хиерархиска поставеност. Но, сега топката, особено за второобвинетиот Јанакиески, се префрла на ирелевантна блискост со поранешниот премиер и претседател на партијата Никола Груевски. И тоа без докази, аргументи и факти, туку врз вербално изјаснување на обвинителката Фетаи во нејзините завршни зборови дека сите знаеме дека Миле Јанакиески беше десна рака и човек од доверба на Никола Груевски. Покрај партиската боја на протестите, што веќе е елиминирана од обвинителниот акт, сега е доведена во прашање и основната причина за нивното организирање, зашто отпаднаа и лукративните причини, што би се оствариле со менување на ДУП-от за „Мал ринг“, а не во уривањето на црквата „Св.Константин и Елена“ во центарот на Скопје. Речиси нема предмет на поранешното СЈО во кој не е обвинет Миле Јанакиески, но во конкретниот случај за предметот „Насилство во Центар“, за Јанакиески нема никакви докази и аргументи дека го сторил тоа за што го товари обвинителството-дека ги организирал протестите и учесниците ги поттикнувал на насилство. Напротив, сите аргументи и докази дека не го сторил тоа се на негова страна, а на страната на обвинителството се само голата политика и перцепцијата дека бил најблизок соработник и десна рака на поранешниот премиер и првообвинет во предметот Никола Греувски. Значи, целата приказна се темели врз една од „аудио-бомбите“, што беа објавени со презентацијата на „Вистината за Македонија“ од страна на сега владејачкиот СДСМ. Освен неа, нема ниту еден друг телефонски разговор или СМС порака од илјадниците снимени за Јанакиески, зашто тој самиот спаѓа во групата најприслушувани лица во периодот од 2008 до 2015 година! Ако навистина бил организатор и поттикнувач на настаните, тогаш тоа е апсолутно невозможно. Обвинителството ќе успееше да најде барем еден разговор или една порака со било кој од останатите обвинети, со што ќе ги потврдеше неговите активности намери. Но, такви нема! Да, Јанакиески имал разговор со Груевски. И што ќе беше ако Груевски му рекол да скокне во Вардар и да се удави или да убие н екого! Јанакиески веднаш ќе го послушал својот претпоставен?! Не. Како што не го сторил тоа, што се слуша во разговорот со Груевски. Но, обвинителството поаѓа од тоа-слушајте што зборуваат, а не од тоа што навистина правел Јанакиески. А, Јанакиески не правел ништо. Зашто, ниту можел да прави, со оглед дека ниту физички не бил во Македонија кога, наводно, се одржувала некаква координација за организирање на протестите. Тој во тоа време бил на заедничка седница на српската и македонската влада во Белград. Единствениот доказ, што е понуден против Јанакиески е сведочењето на поранешниот советник и претседател на Општинскиот комитет на ВМРО-ДПМНЕ во Општина Центар, Томислав Лазаров, кој ја призна вината и ја издржа изречената казна. Но, Лазаров од една страна вели дека Јанакиески го поттикнал да го прави тоа што го правел и дека тој бил член на Извршниот комитет на ВМРО-ДПМНЕ и партиски координатор за Општина Центар. Но, од друга страна истакнува дека координација имал со тогашниот генерален секретар на партијата Кирил Божиновски. Е, сега, со кого се координирал Лазаров-со Божиновски или со Јанакиески. Со Јанакисеки сигурно не. Во своите завршни зборови обвинителката Фетаи правеше разлика меѓу протестите од т.н. „Шарена револуција“ и тие пред Општина Центар. Со нејзините политички перцепции може да настапува на ТВ-дебати или во Парламентот. Но, не и во судницата. Зашто, нејзината порака дека ако ваквите настани се превенирале со судски одлуки, тогаш немало да дојде до собраниските настани од 27 април, има елементарни недостатови. Прво, затоа што сегашните завршни зборови доаѓаат со тригодишно задоцнување. И второ, заборава дека токму за настаните од 27 април Собранието донесе акт за аболиција како чекор за национално помирување. Занемарувањето на овој факт, пак, покажува дека за Фетаи тој нема суштинско значење, туку дека имал еднократна употреба за спроведување на уставните промени, со цел промена на името на државата. Нешто за што, исто така, во судница беше изнесено и самата била користена и употребувана. Некако во средина останаа протестите пред Советот на Град Скопје, што се одржуваа во време кога се менуваа имињата на некои скопски улици. Тогаш, значи за време на „режимот“ на Груевски, истото обвинителство што сега го претставуваат и Фетаи и Бубевски ги повлече обвиненијата покренати против дел од учесниците. Според логиката на Фетаи, пораката за недозволено насилство требало да биде испратена уште тогаш, а не сега. Сега се се сведува на политичка одмазда за чукање по еркондишн или за фрлање јајца.

Мерџан Даути официјално побара иземање на обвинителот Бурим Рустеми во случајот „Насилство во Центар“

Дарко Андоновски — Mon, 14 Sep 2020 10:48:49 +0000

Адвокатот Мерџан Даути денеска и официјално на рочиштето за „Насилство во Центар“ побара од Обвинителството до Куманово и до обвинителот Јовевски иземање на обвинителот Бурим Рустеми. Причината за ваквото негово барање според се е што не му се даваат доказите на албански јазик што претставува суштествена потврда на постапката. Исто така обвинителот Бурим Рустеми одбил да го чита текстот на доказите и спротивно на ЗКП ги читаше само насловените на доказите што претставува суштествена повреда на постапката за што се има изјаснето и Апелациониот суд. Исто така обвинителот Рустеми се уште нема доставено ново овластување од обвинителството и се уште застапува со старо овластување кога бил вработен во СЈО. Поради ваквите барања судијата Огнен Ставров на адвокатот Даути му се закани со казна од 10 илјади евра и барање за одземање на лиценцата.

Двојните аршини на Заев: За скршен прозорец во Центар пред суд одговараат луѓе, а за дивеењето во МНТ само ќе се надомести штетата

Дарко Андоновски — Thu, 28 Nov 2019 13:47:53 +0000

Јавноста со денови е згрозена од одлуката на властите да не преземе ништо во врска со дивеењето во Македонскиот народен театар во петокот вечерта кога навивачката група „Шверцери“ прославуваше 30 годишнина од своето постоење. Имено како што денеска премиерот Заев потврди навивачката група на фудбалскиот клуб Шкупи направила штета од речиси 4 илјади евра во театарот каде наместо културни настани се случуваше буквално хулиганство. Штетата според записникот била направена врз столчињата, бордурите, подните светилки и теписоните поради отпушоци во овој грандиозен објект. Власта дека не мрднува со прст во врска со сносување на одговорноста и барање на причинителите на оваа штета е фактот што безбедносните власти кои иако ги имаат снимките и видео материјалите наместо многу лесно да ги идентификуваат и казнат сторителите кои го прекршуваат законот, тие ја заташкуваат темата надевајќи се дека јавноста набрзо ќе заборави. Од друга страна пак како пример за „Насилството во Центар“ за скршен прозорец судот со години малтретира обвинети луѓе, а дел од нив дури и имаат здравствени проблеми. Па така неодамна на едно од рочиштата за случајот на обвинетиот Даниел Трипуновски кој има дијагноза со висок притисок, шеќер во крвта, проблем со бубрезите и прима терапија за анкциозност му се слоши и започна да повраќа во судот, додека истиот не го одложи или паузираше рочиштето. Иако лекарите констатираа дека Даниел Трипуновски е видно вознемирен и добил инјекција за смирување, тие оставија судот да оцени дали ќе продолжи со судењето. Судијата Душан Јосифовски не го прекина рочиштето иако повеќе од обвинетите побарале пауза. Инаку на тогашното рочиште за предметот „Насилство во Центар“ одбраната го испитуваше и вештакот Мирослав Котевски, доктор по технички науки. Тој истакна дека снимката доставена до судот како доказ од страна на СЈО, согласно со записот од системот кога бил создаден разговорот меѓу, како што наведува СЈО поранешниот премиер Никола Груевски и тогашниот министер за транспорт и врски Миле Јанакиески, бил остварен на 1 јуни 2013 година, но потоа бил модификуван на 14 август истата година во 12 часот. На прашање на одбраната што значи модификуван, Котевски истакна дека можело да биде скратен, копиран, променет. Исто така, истакна дека постојат многу едноставни алатки достапни на пазарот кои овозможуваат модификација на снимките. Ова е само уште еден доказ за двојните аршини кои владеат во земјава предводени од власта на СДСМ. Инаку во одбрана на „Шверцерите“ денеска се впушти и Ахмети кој вели дека не видел вандализам во МНТ, а претходно истото го направи и Артан Груби и изјави дека ќе слават каде што сакаат. Првиот човек на ДУИ Али Ахмети смета дека прославата на навивачката група Шверцери во МНТ бил настан за одбележување на годишнина, а не вандализам. Како што истакна тој, не видел ништо спорно во прославата на навивачката група во тој објект. Сепак, по прославата, телевизиските камери снимија нешто сосема друго – уништен инвентар, како резултат на дивеење на навивачи.

Груби: Ќе славиме каде што сакаме

МНТ е граден е со наши пари, со парите на граѓаните, а не со парите на ВМРО, ниту на фелата, и им припаѓа на граганите, вели за „Фокус“, Артан Груби, после дивеењето на навивачката група „шверцери“ во МНТ. -Театарот му припаѓа на народот, не е вмровски, сдсмовски, па ниту ни на фелата, граден е со наши пари, со парите на граѓаните, а не со парите на ВМРО, ниту на фелата, и им припаѓа на граѓаните. 20-годишнината беше одбележена во албанскиот театар пред 10 години со прикажување на документарец, исто како и 30-годишнината во МНТ каде што присуствуваа фудбалски ветерани, тренери, Албанци, Македонци и други, на кои им беа доделени благодарници од страна на организаторите, спонзори, градоначалници… Секоја чест за професионалноста на вработените во театарот каде што се одржуваат безброј различни настани – вели Груби.

Во врска со овој вандалски чин реагираа и од ВМРО-ДПМНЕ.

Зошто во овие пет дена никој не е приведен, ниту пријавен во врска со дивеењето на навивачката група „Шверцери“ во МНТ, запраша Орце Ѓорѓиевски, член на ИК на ВМРО-ДПМНЕ, на прес-конференција. Како што рече тој, МВР ги има снимките од дивеењето во театарот и го знае и идентитетот на хулиганите, но сè уште нема вистинска реакција. „Каде е одговорноста на Оливер Спасовски? Кој им даде наредба на специјалците да ги пуштат вандалите да си одат дома? Зоран Заев да не си поигрува со граѓаните и нивната интелигенција. Наместо да чека извештаи, кои, еве, петти ден по настанот, сè уште ги нема, да понесе одговорност за вандалскиот чин на настанот на ‘шверцерите’ за кој знаел“, порача претставникот на опозициската партија и побара од премиерот и министерот за внатрешни работи да одговорат кој досега ги крие тие што дивеле во МНТ. Како што наведе Ѓорѓиевски, уште во петокот вечерта одговорните можеле да дадат команда специјалните единици во близина на театарот да направат обрач и да ги приведат сите инволвирани во настанот. „Самиот факт што немаше акција на специјалците од МВР и што настанот се криеше од јавноста три дена кажува дека власта сакала свесно да го скрие овој вандализам. Исто како што ги крие и тие што го одобрија ова вандалско дело“, порача тој и побара директна одговорност од директорот на МНТ, па до Спасовски и Заев.

Судот малтретира обвинети со години, додека обвинетите за демолирањето на канцеларијата на Иванов експресно добија условни казни

Дарко Андоновски — Mon, 18 Nov 2019 18:06:02 +0000

На денешното рочиште за случајот „Насилство во општина Центар“ на обвинетиот Даниел Трипуновски, кој има дијагноза со висок притисок, шеќер во крвта, проблем со бубрезите и прима терапија за анкциозност и уште на почетокот на судењето му се слоши, се препоти и почна да повраќа при што беше повикана екипа на Брза помош. Иако лекарите констатираа дека Даниел Трипуновски е видно вознемирен и доби инјекција за смирување, тие оставија судот да оцени дали ќе продолжи со судењето. Судијата Душан Јосифовски не го прекина рочиштето иако повеќе од обвинетите побарале пауза. Инаку на денешното рочиште за предметот „Насилство во Центар“ одбраната го испитуваше и вештакот Мирослав Котевски, доктор по технички науки. Тој истакна дека снимката доставена до судот како доказ од страна на СЈО, согласно со записот од системот кога бил создаден разговорот меѓу, како што наведува СЈО поранешниот премиер Никола Груевски и тогашниот министер за транспорт и врски Миле Јанакиески, бил остварен на 1 јуни 2013 година, но потоа бил модификуван на 14 август истата година во 12 часот. На прашање на одбраната што значи модификуван, Котевски истакна дека можело да биде скратен, копиран, променет. Исто така, истакна дека постојат многу едноставни алатки достапни на пазарот кои овозможуваат модификација на снимките. За потсетување додека судењето за „Насилството во Центар“ трае со години, насилниците кои беа обвинети за демолирање на канцеларијата на поранешниот претседател Ѓорѓе Иванов во април 2016 година, експресно добија условни казни од шест и 12 месеци. Имено откако во април 2016 година поголема група на луѓе како дел од „Шарената револуција“ ја демолираа канцеларијата на претседателот, двајца од нив експресно беа условно казнети од судот. Станува збор за Никола Аризанов и Филип Наковски кои учествуваа во толпа што ќе стори кривично дело, а истото го направиле на 13 април пред Народната канцеларија на Иванов. Пред еден месец само за потсетување на јавноста повторно од почеток започна судењето поради истек на 90-те дена од претходното рочиште. Судењето трае повеќе од три години, а обвинетите се жалат дека се повеќе се под притисок од судот.

Одбраната бара одолжување на „Насилство во Центар“ до разјаснување на ситуацијата со Јанева

Ивана Ефремовски — Thu, 29 Aug 2019 09:15:57 +0000

Одбраната на обвинетитете во предметот „Насилство во Центар“ на денешното рочиште побара одложување на главната расправа до целосно решавање на состојбата со специјалната јавна обвинителка Катица Јанева која е во притвор за случајот „Рекет“. -Општопознато е дека Јанева се наоѓа во притвор за предметот „Рекет“, а таа застапува повеќе предмети пред овој суд. Ова значи дека судот ценел дека Јанева можела да го повтори делото за овој и другите предмети и одлучил мерка притвор, истакна адвокатот Димитар Дангов. Посочи дека Јанева според законот за СЈО е единствен надлежен застапник на предметите на ова обвинителство. - Обвинителката Фатиме Фетаи и обвинителот Гаврил Бубевски не го застапуваат предметот, туку ја застапуваат обвинителката Катица Јанева. Од тие причини сметам дека понатамошното застапување ќе претставува искористување на своите службени овластувања за преземање дејствија за кои немаат право. Правото што го нема Јанева, го немаат ниту тие. Ова претставува правна пречка за одржување на главната расправа. Предлагам судот да ја одложи правната расправа бидејќи за овој предмет не постои овластен тужител, истакна Дангов. Обвинителката Фетаи посочи дека притвор може да се определи и по други основи и смета дека е потребно најпрво да се прибави решението за притвор на Јанева и да се види што точно се штити со таа мерка, за потоа да може да се произнесе судот по барањето за правото за нивното застапување на предметите. -Предлагам да се обезбеди решението за притвор на Јанева, па потоа да се одлучува по предлогот на одбраната, изјави Фетаи. По изнесените ставови на Дангов и Фетаи, судијата даде пауза за да го разгледа барањето на одбраната. Случајот за насилствата пред Општина Центар во јуни 2013 година го води судијата Душан Јосифов, а застапник на обвинението е Гаврил Бубевски. (МИА)

Насилство во Центар – Вештак тврди „не се знае кој ги снимал и преснимувал бомбите на СЈО“

Дарко Андоновски — Wed, 19 Jun 2019 14:53:29 +0000

Разговорите кои се случиле во октомври и јуни, се снимени во ноември и август. Реалното време на муабетите во бомбите не се поклопува со времето на снимките што ги има СЈО за случајот насилства во Центар. Ова денеска на судското рочиште го кажаа адвокатите на екс министерот Миле Јанакиески, повикувајќи се на извештајот од вештакот кој го ангажирале, објавува Алфа. СЈО против Јанакиески како доказ има два телефонски разговори, според вештакот снимките не се оригинали. Првиот телефонски разговор се случил на 13 октомври 2013 та, во 22 часот 2 минути и 49 секунди, а при вештачењето на ЦД-то е утврдено дека разговор е снимен на 12 ноември 2013 година во 13 часот 41 минута и 52 секунди. Вториот телефонски разговор се случил на 1 јуни во 22 часот 57 минути и 33 секунди, а според вештакот разговорот е снимен на 14 август 2013 година во 12 часот 17 минути и 06 секунди. Тоа што часот кога се случиле разговорите и времето кога се снимени, не се совпаѓаат остава простор дека тонските снимки не се оригинални и дека истите се преснимувани од друг електронски медиум што дава можност за негова измена, дополнување или скратување, заклучува вештото лице. Обвинителот Гаврил Бубевски се противеше на одбраната која побара вештачење на оригиналните снимки, а не на цедињата што ги имал судот. Бубевски рече дека оригинали немало, имало само копии, но дејствата што се случиле одговарале со тие напишани во обвинението. Законот за кривична постапка не дозволува копија да биде доказ, вели одбраната, во Судот се повикаа и на последниот извештај на ОБСЕ каде се наведува дека СЈО на обвинетите не им дозволувало увид во доказите. Судењето за протестите во општина Центар продолжува со сослушување на сведоци на одбраната кои пред судот тврдат дека никој не ги организирал за да ги нападнат советниците, туку сами излегле на протест поради запирањето на изградбата на црквата Свети Константин и Елена на плоштад Македонија.

Продолжува судењето за „Насилство во општина Центар“

Матеја Петровски — Thu, 30 Aug 2018 05:38:12 +0000

Во Кривичниот суд за денеска е закажано ново рочиште за предметот „Насилство во Општина Центар“, на кое треба да продолжи испитувањето на сведоците предложени од Специјалното јавно обвинителство. Обвинети во овој случај се поранешниот премиер Никола Груевски, поранешниот министер за транспорт и врски Миле Јанакиески, пратеничката на ВМРО-ДПМНЕ Даниела Рангелова и уште девет лица. Тие се товарат за поттикнување на насилството што се случи при протестите пред општина Центар во јуни 2013 година. Во досегашното судење за овој предмет, вина признаа четвртообвинетиот Томислав Лазаров и петообвинетиот Јордан Ристевски и добија условни казни. За седмообвинетиот Димче Крстев, пак, се води одвоена постапка. (Миа)

Нови рочишта за „Тортура“, „Тарифа“, „Тревник“ и „Насилство во Центар“

Ивона Петрова — Mon, 09 Jul 2018 05:58:30 +0000

Во Кривичниот суд за денеска се закажани рочишта за предметите на Специјалното јавно обвинителство „Тортура“, „Тарифа“, „Тревник“ и „Насилство во општина Центар“.

Минатото рочиште за предметот „Тортура“ беше одложено поради болест на обвинетиот Филип Атанасов, за што медицинска потврда до Судот достави неговиот адвокат Љупчо Шврговски.

Судијката Александра Ристевска опомена дека ова ќе биде последно одложување и најави дека од наредното рочиште ќе ја раздвојува постапката доколку некој е болен затоа што, како што кажа, тоа е од интерес на обвинетите, оштетениот, обвинителите, бранителите и судот. Во „Тортура“ обвинети се поранешниот директор на УБК Сашо Мијалков, поранешниот прв човек на единицата „Алфи" Ивица Антевски - Пуки и уште петтмина припадници на единицата.

Специјалното јавно обвинителство ги гони за мачење и друго сурово, нечовечко или понижувачко постапување и казнување, за начинот на лишување од слобода на лидерот на Обединети за Македонија и поранешен министер за внатрешни работи Љубе Бошковски, на 6 јуни 2011 година, ден по предвремените парламентарни избори. На обвинителна клупа денеска треба да седнат и поранешниот генерален директор на АД „ЕЛЕМ“ Дејан Бошковски и уште две други лица, кои се обвинети во случајот „Тарифа“. Станува збор за обвинение за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра. Според обвинението на СЈО, обвинетите ја злоупотребиле службената положба и овластување во постапка за јавна набавка на софтвер – „ЕРП Систем“. Обвинетите со неизвршување на службената должност овозможиле правното лице – конзорциум, кое подоцна го добило тендерот да се квалификува во втората фаза на преговарање при јавната набавка, иако немало доставено комплетна документација. Ново рочиште денеска ќе се одржи и за случајот „Тревник“, во кој се обвинети Драган Павловиќ - Латас и неговите браќа Срѓан и Звездан за бесправна градба на три викенд-куќи во Зелениково. Според СЈО, обвинетите изградиле три викенд-куќи во општина Зелениково без да имаат право на ваква градба, односно градење без одобрение за градење. Латас изградил викендичка од 317 квадратни метри, а неговите браќа, викендички со квадратура од 130, односно 104 квадратни метри. Во прибавените докази на СЈО, меѓу кои и сателитски снимки, вештачење, како и останата документација, овие три викенд-куќи биле започнати со градење во 2011 година, а одобрение за нивно градење од општината е добиено во 2013 година кога веќе биле и завршени. Во Основен суд Скопје 1 денеска треба да продолжи судењето и за случајот „Насилство во општина Центар“. Обвинети се поранешниот премиер Никола Груевски, поранешниот министер за транспорт и врски Миле Јанакиески, пратеничката на ВМРО-ДПМНЕ Даниела Рангелова и уште девет лица. На претходните рочишта за овој предмет, вина признаа четвртообвинетиот Томислав Лазаров и петообвинетиот Јордан Ристевски и добија условни казни. За седмообвинетиот Димче Крстев, пак, се води одвоена постапка. МИА

Сведок за случајот „Насилство во Центар” со претпоставки сведочи за настаните

Ивана Ефремовски — Fri, 22 Jun 2018 10:29:03 +0000

Во Кривичен суд денеска се сослушуваат два сведока на СЈО за случајот „Насилство во Центар" , кои биле присутни на настаните во општината, кога два ДУП-а беа поништени на седница во 2013 година, што предизвика револт кај граѓаните, па поради тоа се случи демолирање на општинските бараки. Сведокот Ѓошо Вангелов, кој во 2013-та бил советник од редовите на СДСМ во општина Центар, не видел точно што прави обвинетата Даниела Рангелова со телефонот но, бидејќи цело време го држела својот мобилен во рака, тој претпоставува дека таа диригирала со револтираните граѓани во дворот. Сведокот раскажуваше и настани кои не ги видел па адвокатот Стерио Зиков реагираше. Тој го замоли судијата сведокот да не изведува заклучоци за настани и случувања. Вангелов цело време претпоставуваше факти, а не зборуваше за тоа што видел. Во текот на сведочењето сведокот во еден момент почна да држи политички говор на повисок тон, односно се сврте кон одбраната и почна да вика, па реагираше судијата. Обвинителот Фатиме Фетаи го бранеше дека бил возбуден, но судијата беше дециден дека такво однесување пред советот не е дозволено. На минатото рочиште се случи преседан, сведокот на СЈО си замина на сред испрашување од одбраната. Сведокот Цветанка Симоновска по паузата од 15 минути ја напушти судницата бидејќи наводно имала работа. По ова реагираа адвокатите, како и обвинетиот Никола Груевски кој бараше да се врати сведокот на испитувачката клупа со цел да се исцрпат сите прашања. Обвинетите во овој случај, поранешниот премиер Никола Груевски, поранешниот министер за транспорт и врски Миле Јанакиески, пратеничката на ВМРО-ДПМНЕ Даниела Рангелова и уште девет лица пред Судот се изјаснија дека не се чувствуваат виновни.