наставници – Kurir.mk

Платите на наставниците од овој месец се зголемуваат за 15%

Ивана Ефремовски — Fri, 22 Sep 2023 12:25:28 +0000

Платите на наставниците и на другите вработени во основните и средните училишта продолжуваат да се зголемуваат. Како резултат на заложбата за создавање квалитетно образование кое се темели на мотивирани наставници, министерот за образование и наука Јетон Шаќири и претседателот на Самостојниот синдикат за образование, наука и култура, Јаким Неделков потпишаа спогодба која предвидува зголемување на платите на вработените во основните и средните училишта за 15%, почнувајќи од тековниот месец септември. -Чест ми е што токму во време на мојот мандат како министер за образование и наука во 2022 и 2023, практично во период од само една година, платите на наставниците се зголемени во три наврати, односно кумулативно за над 35%. Ова е само потврда дека навистина имаме намера да го вратиме дигнитетот и достоинството на наставниците кое го заслужуваат во општеството, затоа што се најважната алка во воспитно – образовниот процес од која зависи квалитетот на генерациите кои се создаваат и без која ниту една реформа не може да успее, рече Шаќири. Задоволство изрази и претседателот на СОНК, Неделков, кој посочи дека само со мотивирани наставници може да градиме добра иднина за државата. Истакна дека како синдикат, ќе продолжат да се заложуваат за подобрување на правата и можностите на просветните работници и во иднина, а очекува наскоро да се постигне согласност за измени во колективниот договор со кои уште повеќе ќе се стимулира работата на оние кои директно ги пренесуваат знаењата на учениците. -Освен покачувањето на платите, во меѓувреме продолжуваат и континуираните обуки на наставниците, како единствен начин постојано да јакнат нивните професионални компетенции, отворајќи им можности за кариерен развој во звања ментор и советник. Во период од 3 години, во звање ментор, напредуваа 250 наставници од основните училишта кои се носители на промените што се случуваат за поквалитетна настава.

Како фотоволтаиците низ училиштата во САД ги зголемија платите на наставниците?

Ристе Здравков — Fri, 12 Aug 2022 07:08:33 +0000

Фотоволтаици се поставени во илјадници училишта ширум САД, а бројот на образовни институции кои го усвојуваат овој модел постојано расте. Од 2014 до 2019 година, тој раст бил над 80%, а вкупниот капацитет на овие инсталации достигнал речиси 1.400 MW. Едно средно училиште во сојузната држава Арканзас, успеало за три години производство електрична енергија од фотоволтаици, да обезбеди суфицит од 1,8 милиони долари во буџетот на локалната училишна управа, која пред тоа имала дефицит од 250.000 долари. Ваквиот финансиски пресврт ги поттикнал локалните власти да се обврзат на зголемување на платите на наставниците, во износ од две до три излјади долари годишно. Важно е да се спомене дека се поголем број на проекти за поставување ан фотоволтаици во училиштата се спроведуваат на иницијатива на учениците.

„Републиката во пламен“

Ристе Здравков — Mon, 30 May 2022 18:31:04 +0000

Македонска пошта, старата фабрика „Треска“, денес Тетовска фабрика, од Велес во централна Македонија, до Берово на источниот дел од државата гореа шуми, а гореше и тетовската модуларна болница во која гореа и живи луѓе. Филмот на покојниот Љубиша Георгиевски насловен како „Република во пламен“ направен за едно друго време, време во кое нашите претци се бореле за сопствена држава, филм во кој се отсликува борбата на Македонците за самостојнос, изминативе шест години се игра во оваа наша земја, но во едно поинакво светло. Имено шест години „Републиката ни е во пламен“, но не за борба за подобро утре, Републиката навистина ни е во пламен. Горат фабрики, пошти, горат „белите дробови“ на Македонија, горат болници, и она од кое на сите кожата ни се ежи, горат живи луѓе. Шест годни Македонија е во вистински пламен, покрај пожарите, Македонија е во пламен и на многу други нивоа. Сменивме име, во моментов Бугарија со нашите политичари си игра како со „мали деца“, економијата ни е пред колапс, коронакризата не качи на врвот на листата за најголема смртност, киминалот и корупцијата цветаат... Единствената работа која вистински цвета во оваа наша земја е бизнисот со марихуана. „Си отиде Мурто за да дојде К*рто“ И во моментот кога си замина „Мурто“, кога помисливме дека еве неговиот заменик ќе почне да не оправа, се случува колапс. Штајкови, пожари, за патот кон ЕУ да не збориме, немањето визија, проекти, НЕФУНКЦИОНИРАЊЕТО НА СИСТЕМОТ во Републиката ни дава за право да кажеме дека таа е во ПЛАМЕН. Замислете, владата предводена од СДСМ и ДУИ не можат да го дадат бараното покачување на платите за професорите, учителите, наставниците... Велат, ако сакаш да уништиш една нација – уништи ѝ го образованието. Па ако оваа влада нема доволно пари за оние кои треба да се грижат за нашите деца, за идните генерации, за иднината на оваа држава, тогаш „Републиката ни е во пламен“. Ако македонските земјоделци, немаат соодветен пласман на своите производи, ако немаат сигурна откупна цена, ако немаат каде да ги дадат своите производи за кои само тие знаат како се мачеле, тогаш „Републиката ни е во пламен“. Ако велиме дека младите ни се отселуваат, ако она седум годишно дете Македон, дете генијалец нема каде да го образуваме во државава, тогаш „Републиката ни е во пламен. Ако во македонското собрание се заклучуваат пратеници, ако претседателот на тоа собрание се однесува како „тоа да е на татко му“, па со пцовки се расфрла кон вработените, тогаш „Републиката ни е во пламен“. Ако во Македонија 20 години една партија е на власт, а притоа ниту еден нејзин функционер не заврши зад решетки, а скандали имаат за извоз, тогаш „Републиката ни е во пламен“. „Републиката ни е во пламен“, Македонија тоне, младите се отселуваат, државата ќе ни стане една голема црна дупка, која сите ќе ја заобиколуваат, а оние кои ја напуштаат никогаш нема да сакаат ниту да ја посетат. Оние кои во 1903 се бореа за за самостојна држава, денес да се живи најверојатно не би ни живееле тука. ПС: Ако сам не си го цениш и сакаш своето, не очекувај друг да го прави тоа место тебе! Ристе Здравков

Мицкоски до наставниците: Се обврзувам владата на ВМРО-ДПМНЕ да го испочитува Колективниот договор, тоа ќе биде реално покачување и чекор плус за помотивиран образован кадар

Ивана Ефремовски — Wed, 18 May 2022 13:03:55 +0000

Покачувањето по мене е минимално и не е она кое што го бараше синдикатот и просветните работници, вели претседателот на ВМРО-ДПМНЕ, Христијан Мицкоски одговарајќи на новинарско прашање при денешната посета во Ресен.

Мицкоски истакна дека со доаѓање на власт на ВМРО-ДПМНЕ сериозно ќе се работи за исполнување на обврските од Колективниот договор за покачување на платите на просветните работни и работниците во детските градинки

Покачувањето по мене е минимално и не е она кое што го бараше синдикатот, но ако ова е доволно за синдикатот и вработените јас можам само да кажам дека следната влада на ВМРО-ДПМНЕ ќе поработи на исполнување на она кое што е дел од Колективниот договор, а не ваков тип на преговори и разговори под притисок и уцени од страна на оваа влада предводена од СДСМ и ДУИ, туку да го испочитува Колективниот договор онаков каков што е усвоен во минатото. И мислам дека та ќе биде еден чекор плус за да имаме мотивиран и образовен кадар во градинките. Тоа е она што јас можам да се обврзам за тоа што ќе направиме во иднина. А што се однесува до овие 15 проценти, тоа не е она кое што го бараа просветните работници, работниците во градинките, но ако синдикатот е задоволен, ако тие се задоволни од ова тогаш јас можам само да ги поддржам како што ги подржував од самиот почеток на овие протест, истакна тој.

За изјавата на Димитар Ковачевски дека е постигнат историски договор со СОНК во однос на платите, претседателот Мицкоски потенцираше дека за него единствено историски белег од овие преговори ќе останат уцените, заканите, омаловажувањата и понижувањата од страна на владата кон просветните работници.

-За мене се историски турбуленциите и понижувањата кои што оваа влада ги направи кон синдикатот, просветните работници и работниците во детските градинки, луѓето кои што треба да се мотивирани и кои што треба да бидат столб на една држава, бидејќи тие ги образуваат идните кадри и во пред школската возраст, а потоа и како основци и дел од средното образование и ние понатаму како професори на универзитетите, рече тој.

-Историски беше по мене она кое што го лиферуваше владата изминатиот период во јавноста со многу навреди кон тие луѓе, со многу негирања, со многу понижувања и омаловажувања и тоа за мене ќе остави историски белег, но тој белег со една голема горчина навистина ќе остави трајни последици, смета претседателот Мицкоски.

Мицкоски: Ги споделувам маките со просветниот кадар и затоа ги поддржувам безрезервно нивните барања, водството на СОНК треба да одговори зошто имаат осцилации во нивното делување

Магдалена Андонова — Tue, 03 May 2022 17:55:34 +0000

Претседателот на ВМРО-ДПМН, Христијан Мицкоски во „Тема на денот“ во дневникот на Сител истакна дека дава поддршка на наставниот кадар, ги споделува нивните маки за остварување на своите права и посочи дека СОНК треба да одговори зошто имаат осцилации во нивното делување. - Од една страна имате влада која е проблем и дефинирана како хибриден режим и е криминализирана и корумпирана. Од друга страна ги имате професорите, наставниците и вработените во градинките. Јас сум универзитетски професор и тие се мои колеги во суштина. Јас го споделувам нивниот живот, бидејќи истите маки ги имаме и јас и моите колеги. Истите маки со нискиот стандард, демотивираноста, притисокот кој го чувствуваат од власта и затоа ги поддржав и ќе ги поддржам безрезервно кога искрено ги бараат своите права, рече Мицкоски. Мицкоски посочи дека никогаш не го нападнал водството на СОНК, туку прашува зошто имаа осцилација во ставовите пред и после состанокот во владата. - Најпрвин велат го прекинуваме штрајкот па ќе ги слушнеме членовите, па членовите се произнесоа за продолжување на штрајкот и тие одлучија да бараат излезна стратегија во нешто што е спротивно на закон преку тој таканаречен медијатор кој доаѓа од кабинетот на министерката за труд и социјална политика, рече Мицкоски. Мицкоски нагласи дека наставниците во неколку наврати кажуваа дека лошо живеат, им е потребно разбирање, примањата со кои располагаат се недоволни од први до први да се преживее. - Неколку пати алармираа, а власта ги етикетираше и кога видоа дека работата отиде предалеку се обидоа со притисоци. Јас никогаш нема да ги етикетирам, туку како нивен колега секогаш ќе застанам до нив во остварување на своите права, изјави Мицкоски.

Мицкоски: Ако на едната страна се наставниците и професорите, а на другата криминалната Влада, јас и ВМРО-ДПМНЕ секогаш ќе бидеме на страната на наставниците

Тале Кристо — Fri, 29 Apr 2022 11:54:21 +0000

Тоа е стратегијата на СДСМ, јас не очекувам дека они мене ќе ме пофалат или дека ќе го пофалат тоа што го работат градоначалниците. Имаше еден збор, завидлизам мислам дека се викаше, тој претходниот, уствари вистинскиот лидер на СДСМ што го користеше во минатото. Но, ако тие нека се занимаваат со ниски страсти, нека завидуваат ние ќе работиме за она што му е потребно на народот. Најпрвин велеа пионот Јаким Неделков на Мицкоски и на ВМРО-ДПМНЕ, па откако гледам дека Јаким Неделков сега стана нивен добар коалиционен партнер, он си знае зошто и како, се завртеа спротивно на интересите на наставниците, па почнаа нив да ги навредуваат и да велат, ете тие биле тие кои што сакале да предизвикаат криза, да имало избори, да ВМРО-ДПМНЕ дошло на власт и т.н., вели претседателот на ВМРО-ДПМНЕ, професор д-р Христијан Мицкоски од Штип, запрашан за коментар на обвинувањата на СДСМ дека стои зад професорите кои се за продолжување на штрајкот во училиштата. „Јас сум пред се просветен работник, универзитетски професор, педагог и како професор и како педагог едноставно јас немам друг избор. Ако од едната страна е корумпирана и криминална Влада, а од другата страна се наставниците и професорите, јас знам дека наставниците и професорите тогаш ќе бидат мојот избор и изборот на ВМРО-ДПМНЕ и интересот на наставниците и професорите, бидејќи тоа се луѓето кои што треба да создадат генерации млади луѓе како овие деца овдека, кој што утре задутре треба да ја градат Македонија“, рече Мицкоски. Додаде дека негов и интерес на ВМРО-ДПМНЕ се наставниците и професорите и дека не разбира зошто Владата се плаши од пркосот и желбата за достоинствен живот на македонските работници, посочувајќи дека дури и да падне оваа влада ако се сигурни дека владата е многу јака, тогаш на предвремените избори ќе победат. Мицкоски додаде дека суштината е поинаква и дека власта се плаши од дебакл и голем пораз на тие избори и затоа грчевито се бори за своите фотелји и привилегии на грбот на напатените и сиромашни македонски граѓани, но и дека секој почеток има и свој крај и дека тие одлучуваат дали достоинствено и недостоинствено ќе си заминат од владата. „Мојот интерес и интересот на ВМРО-ДПМНЕ се наставниците и професорите. Јас не знам зошто Владата е толку исплашена дека овој пркос, оваа желба за повеќе правда и достоинствен живот, мислат дека е од некаде политички мотивиран. И навистина, глупаво делуваат оние изјави од страна на владата и Ковачевски дека сето ова било организирано од ВМРО-ДПМНЕ за да падне владата. Па, еве и да падне владата, ако таа влада е доволно јака на избори ќе победи. Суштината е поинаква, суштината е што тие се плашат од дебакл и од жесток пораз на тие избори и затоа грчевито се борат за своите фотелји и привилегии на грбот на овој напатен и сиромашен народ. Но, како што кажав и вчера така и денеска, секоја една работа има свој почеток но има и свој крај. Тие во владата се тие кои што треба да изберат каков крај ќе имаат, достоинствен или недостоинствен“, истакна Мицкоски.

ВМРО-ДПМНЕ: Со заканите за прекин на штрајкот и бркање на наставниците од работа го загрозуваат нивно основно право загарантирано со Устав

Тале Кристо — Fri, 29 Apr 2022 06:55:33 +0000

Со заканите за прекин на штрајкот и бркање на наставниците од работа го загрозуваат нивно основно право загарантирано со Устав, велат во партиското соопштение од ВМРО-ДПМНЕ. Правото на штрајк е загарантирано со Устав, а владата се однесува спротивно на тоа, како и со се што до сега правеше. Заканите на Тренчевска дека ќе ги брка од работа оние кои ќе штрајкуваат е газење на авторитетот и достоинството на просветните работници. Заканите и уцените од страна на владата се фијаско кое ќе остане црна дамка за власта која ќе се памети засекогаш. Понижувањето на наставниците нема да биде заборавено. Просветниот кадар се наоѓа во нерамноправна и лоша позиција. Потребно е прифаќање на нивните барања и овозможување достоинствени услови за работа. Владата ги притиска наставниците и не сака да ги реализира нивните барања, за да има повеќе пари во буџетот за тендери и матни зделки. Додека наставниците работеа за мали плати Рашковски, Зекири, Дончев, Филипче вртеа милиони на матни тендери. Токму затоа владата не сака да им ги зголеми платите на наставниците, стои во соопштението на ВМРО-ДПМНЕ.

ВМРО-ДПМНЕ апелира Владата да запре со понижувањето и притисокот врз наставниците и да ги реализира барањата на СОНК

Магдалена Андонова — Fri, 22 Apr 2022 07:31:49 +0000

Владата да запре со понижувањето и притисокот врз наставниците, и да ги реализира барањата на СОНК. Неодговорни се изјавите од владата дека немаат пари за покачување од 18% како што бара СОНК, а во исто време нивните генерални секретари склучуваат криминални физибилити студии тешки милиони, стои во соопштението на ВМРО-ДПМНЕ. Од партијата велат дека е несериозно е Владата да зборува дека немаат пари за покачување на платите на наставниците, а во исто време да распишуваат оглас за да градат зграда за АХВ од над 8 милиони евра. - Потценувачки е да нема пари за наставниците, а секој месец во РЕК Битола да се склучуваат милионски договори за ископ, механизација, или друг вид на работи, на кои потоа се гледаат струмички камиони како вртат. Владата не ги покачи платите за да има да краде. Пари во буџетот за поголеми плати има, само треба да се запре со крадењето кое го прават функционерите од СДСМ и ДУИ, се додава во партиското соопштение.

Николоски: СДСМ си поигрува со животниот стандард на наставниот кадар, штрајкот е оправдан, затоа што со овие покачувања на цените не се преживува

Ивана Ефремовски — Tue, 19 Apr 2022 18:22:06 +0000

Потсмевање со наставниот кадар и со сите кои протестираат, затоа што 10% покачување во образованието за да и е јасно на јавноста е некаде од 1.800 до 2.400 денари, па нека размислат дали со толку дополнително може да се преживее месецот во услови кога млекото е поскапено за 60%, маслото за 100%. Ако порано за 1000 денари се излегуваше со полни торби од маркет сега за толку не може да се купат повеќе од 5 производи, изјави Александар Николоски, потпретседател на ВМРО-ДПМНЕ, во „Тема на денот“ во дневникот на Сител во врска со штрајкот на СОНК. Николоски вели дека власта си поигрува со животниот стандард на наставниот кадар и затоа е оправдано да продолжат да штрајкуваат. -Исто така сакам да изразам поддршка на Конфедерацијата на слободни синдикати и на нивниот протест на 26 април, затоа што сметам дека апсолутно се оправдани барањата затоа што со овие плати во услови на вакво поскапување не се живее. Главен виновник за поскапувањата е владата, затоа што криза и војна има за сите држави, но не во сите држави, други и во нашето опкружување има вакви лоши услови, рече Николоски. Тој посочи дека Македонија по сите параметри ќе заврши како најлоша држава, со дефицит на буџетот од некаде над 8% и инфлација која може да оди до 10%, што значи енормно поскапување и затоа се оправдани барањата на СОНК и наставниот кадар и на КСС, и на сите останати. - СДСМ кога кажува дека покачила плати во образование игра со статистика затоа што не кажува дека инфлацијата тогаш беше 0,5 до 1%, а имаше и години и без инфлација. Клучното е колку вредат парите, а не колку имате. Важно е што може да купите со парите. СДСМ треба да одговори што во 2011 можеше да се купи за 24.000 денари колку, а што за толку може да се купи во 2022. Мислам дека сите ќе се согласат дека пола од работите кои во 2011 може да се купат, сега не може, нагласи Николоски.

За наставниците пари НЕМА, ама за нови автомобили, златен прбор за јадење и луксузирање ИМА

Ристе Здравков — Mon, 18 Apr 2022 15:15:03 +0000

Во светот наставниот кадар е светост, само во Македонија маргинализиран. Една стара изрека вели, „Ако сакаш да уништиш една нација уништи им го образованието“, па така оваа изрека македонските власти по се изгледа сериозно ја сфатиле. Вчера владата излезе со понуда за покачување на платите на наставниците за 10 проценти или околу 2500 денари по човек, апропо барањето на СОНК од 18,4 проценти. Откако оваа понуда беше експресно одбиена, веднаш почнаа да работат владините ПР-служби, па следеа серија напади и обвинувања. Владата во текот вчерашниот ден испрати серија напади кон просветните работници поради одбивањето на понудата од 10 проценти, а сумата од 2500 денари ја претставија како покачувањето да е 25.000 денари, да не беше трагично ќе беше смешно. Како да не беше доволна само владата, денеска и од СДСМ излегоа со напад кон СОНК, портали и аналитичари блиски до СДСМ, и сето ова наликува на оркестрирана работа... Истите тие кој во моментов ги напаѓаат наставниците кои само си ги бараат правата имаат дете кое треба да посетува настава кај тој ист наставник/професор кој е безмислосно нападнат, но ситуацијата до некаде е и очигледна. Доколку се исполнат барањата на СОНК, и платите бидат покачени за 18 проценти, нема да има пари за нови автомобили, бидејќи знаете, имаме министри и директори кои сметаат дека возило старо две години не е соодветно за нив, па истото мора да биде променето за ново. За само три години беа потрошени 8,1 милион евра за нови автомобили, беше купен прибор за јадење вреден 40.000 евра, кабинетите на функционерите се опремени од најлуксузните салони, секојдневните ручеци, патувања, луксузирање... За споредба, минатата година Македонија беше зафатена од големи пожари. Големи површини од нашата држава беа зафатени од пламени јазли, а иако ги имаме, Ер-тракторите не беа во функција поради немањето на финансиски средства за нивно сервисирање кое чинеше 406.504 евра, а исто така минатата година, македонската влада набави возила во вредност од 3.609.000 евра. Но дали е ова сè... НЕ е!!! Според анализата која ја направивме, до почетокот на кризата во периодот 2018-2020 година биле набавени 392 возила за 8,1 милион евра. Но, овие податоци компаративно може да посведочат и за тоа како се вреднуваат „приоритетите“ при набавките. Додека за набавка на возила од март 2020 досега се потрошиле 3 милиони и 609 илјади евра, Македонија ги дочека ланските пожари без сервисирани три „ер-трактори“ што за споредба чини 25 милиони денари (406.504 евра). Од друга страна, од пожарите е предизвикана штета од околу 31 милиони евра, при што само за пошумување на уништените површини ќе требаат барем две години, а за да зазеленат опустошените простори најмалку 20, односно 50 години за шумите да се вратат во состојбата како пред пожарите. Кога приоритетите не се во фокусот на набавките, штетата станува многукратна. „Само за мебел минатата година за неколку месеци Владата потрошила околу 300.000 евра. Носат мерки против набавка на мебел, а всушност веќе набавиле“, изјави тогаш портпаролот на ВМРО-ДПМНЕ, Димче Арсовски. Од ВМРО-ДПМНЕ обвинуваа дека иако од МВР изминатиов период знаеле дека ќе има економска криза, набавиле мебел во вредност од 250.000 евра (15.400.000 денари), Секретаријатот за европски прашања набавил мебел и услуги за перење автомобили во вредност од 700.000 денари, МНР потрошило над 20.000 евра (1.370.000 денари) само за мебел, а Министерството за земјоделство - услуги за перење на автомобили во висина од 470.000 денари. Па така доколку ја земеме штетата од минатата година за време на пожарите, таа е сума која владата ќе мора да ја одвои годишно за покачувањето на наставниците. Сервисирање на ер-тракторите чини 406.504 евра, материјалната штета е 31.000.000 евра, возила се набавуваат на речиси секој две години, а платите на наставниците на секој десет. ПС: Пари за наставниците мора да најдете, а за автомобили, златни прибори и луксузирање сами заработете си па трошете! Ристе Здравков