настинки – Kurir.mk

Почна сезоната на настинки, ОВИЕ рецепти ќе ви помогнат на вас и вашите деца

Ивана Ефремовски — Tue, 31 Oct 2023 09:35:10 +0000

Два многу ефикасни лекови, кои доколку започнете да ги консумирате на почетокот од настинката, ќе се спасите од можни понатамошни компликации како што е бронхитисот на пример. И двата рецепти за овие лековити напитоци се многу вкусни и пријатни за пиење, па може да ги користатат и деца. РЕЦЕПТ 1 Сварете 250 милилитри млеко и оставете да излади на собна температура. Додадете 1 лажичка путер и 1 лажичка мед. На страна изматете една жолчка од јајце со четвртина лажица сода бикарбона. Додадете го во млекото и промешајте. Овој лек се пие пред спиење, барем пет дена по ред за постигнување на подобри резултати. Овој лек е одличен за трахеитис, болно грло, кашлица и бронхитис, а можат да го користат и деца. РЕЦЕПТ 2 Потребни состојки: 2 лажици маслиново масло 2 лажици вода 1 лажица мед 2 лажици лимонов сок Постапка: Измешајте и ставете на оган да се загрее. Половината се пие наутро, а втората половина навечер. Започнете со примена навреме, додека симптомите на вирусот не се влошиле, па никогаш ќе немате проблем со бронхитис и кашлица.

Во сезоната на вируси и настинки: На сите ни се потребни ОВИЕ витамини

Ивана Ефремовски — Fri, 25 Nov 2022 07:50:37 +0000

Витамините и минералите ни се повеќе од потребни во сезоната на грипови и настинки и понекогаш мора да ги внесуваме преку суплементи, но за среќа ги има и во храната. Бројни истражувања покажале дека витамините А, Ц и Е, како и фолната киселина се задолжителни преку зима, кога се зачестени настинките и сезонскиот грип. Затоа, потребно е во редовната исхрана да внесеме намирници кои ги содржат токму овие хранливи состојки. Витамин Ц Витаминот Ц го има во свежо цедените сокови од цитруси. Овие сокови не ги консумирајте наутро кога сте гладни, туку задолжително по оброк. Витаминот Ц го зајакнува имунитетот, но и го забрзува заздравувањето на раните и штити од инфекции. Витамин А Го има во млечната храна, месото, јајцата и рибата. Овој витамин помага во обновување на епителното ткиво и ја чува кожата од патогени напаѓачи. Тој е задолжителен дел од животниот циклус на клетките и ткивата. Недостатокот на витамин А предизвикува сувост на кожата и намалување на нејзината еластичност. Витамин Е Витаминот Е најлесно ќе го внесете преку маслиновото масло и тоа во доза од 4 полни лажици во денот. Некои луѓе го пијат маслото, а други оваа количина ја додаваат во храната. Исто така, го има и во јатките како што се бадеми, кикирики и ореви, а потоа и во сусамот и ротквиците. Консумирајте ги овие намирници свежи, бидејќи високите температури го уништуваат витаминот Е. Фолна киселина Ја има во зелениот листест зеленчук и интегралните житарици. Помага при обновување на леукоцитите, кои се неопходни за заштита на телото. Фолната киселина припаѓа на групата на Б-витамини, ја подобрува циркулацијата и ги регулира аминокиселините.

Овие стари народни лекови ќе ви помогнат против сувата кашлица

Ивана Ефремовски — Wed, 16 Nov 2022 19:28:22 +0000

Со настинките, кои се неизбежни во овој период од година, честа е појавата на сува и непријатна ксшлица. Доколку станува збор за обична сува кашлица, може да си помогнете со некои стари народни лекови. Еден од нив е босилокот. Кралот на зачините, традиционално се користи за воспаление на непцата и усната шуплина, кај настинката, и сувата кашлица. Секојдневно грицкајте по неколку ливчиња при некој од оброците, како превентива. Или пак сувите листови босилок прелијте ги со врела вода и оставете нека отстои десетина минути. Чајот земајте го редовно во текот на една недела. Може и лукот да го користите како лек. Изгмечете неколку чешниња лук, исцедете го сокот од него, па додадете го во сок од исцеден лимон. Оваа течност разредете ја со вода. Земајте од овој напиток до два пати во денот. Низа истражувања покажаа дека во бадемите има состојка која го подобрува имунолошкиот систем. Направете смеса од девет смелени бадеми, една лажица мед и малку путер. Земајте 2-3 пати на ден по една лажичка.

Четири бабини совети за полесно надминување на настинки и вируси

Катерина Бојаџиева — Fri, 04 Nov 2022 16:27:00 +0000

Бабите секогаш имаат решение за секој ваш проблем. Спасете се од досадниот вирус и настинки со помош на овие бабини совети. 1. Топла супа Пилешка, говедска – каква што сакате, важно е само да не е ладна, бидејќи топлата и солена течност помага при рехидрација и при отстранување на секретот. 2. Мед Кај бактериските инфекции тн. гнојни воспаленија на грлото ви е потребна помош од антибиотици, бидејќи медот нема толку силни антибактериски средства. Меѓутоа, кај настинките и вирусите медот е ваш главен сојузник. 3. Солена вода Грлото често ни се суши при настинките и затоа му треба дополнителна доза на хидратација, а најдобриот ефект ќе го постигнете со солената вода. 4. Подигната перница Спиењето на ниска перница не е пријатно при настинката. Затоа потпрете ја главата со повисока перница и така ќе си го олесните дишењето.

Бабини совети за полесно надминување на настинки и вируси

Катерина Бојаџиева — Mon, 19 Sep 2022 20:19:18 +0000

Сакате здрави да ја дочекате зимата? Ова е најдобриот трик!

Ивана Ефремовски — Sat, 27 Nov 2021 19:51:13 +0000

Есента е одамна веќе тука, а со неа тука е и сезоната на настинките и грипот. Секако се препорачува зголемен дневен внес на витамин Ц, но друга работа која исто така може да придонесе за вашето здравје е доволното количество на сон. Доколку го запоставите спиењето, тоа може да доведе до сериозни здравствени проблеми, особено во претстојниот период. Претходните студии покажаа дека луѓето кои спијат помалку од шест часа дневно имаат далеку поголеми шанси да се настинат, за разлика од луѓето кои спиеле најмалку седум или повеќе часа. Оние кои малку спијат имаат намалена отпорност на вируси, а нашиот имунолошки систем бара сон, со цел полесно и поуспешно да се избори против инфекцијата кога сме заразени. Обичната настинка можеби од почеток нема да се покаже како сериозен проблем, но таа секако ќе влијае врз повеќе сегменти од вашиот живот, па така ќе се одрази и на намалена продуктивност на работа, неможноста за зачестени активности, неможноста за физичка активност и за социјална активност. Инфекцијата го активира имунолошкиот систем и систематски влијае на организмот и со самото тоа на сонот. Имунолошкиот одговор не само што предизвикува поголема поспаност, туку влијае и за време на самиот сон. Размислете добро следниот пат кога ќе посакате да украдете време од сонот за да изгледате филм или да завршите некоја обврска. Настинката многу брзо ќе ви затропа на вашата врата доколку не спиете доволно.

Ова треба да го знаете: Што го загрозува вашиот имунитет?

Ивана Ефремовски — Mon, 22 Nov 2021 17:32:27 +0000

Имунолошкиот систем е збир на органи, ткива и жлезди кои го штитат телото од штетни супстанци, бактерии, вируси и слично. Неговото неправилно функционирање и слабеење зависи од многу фактори. Прочитајте ги најчестите: Секојдневните навики, невнимателноста, нездравата исхрана, честите стресови можат значително да го ослабнат имунолошкиот систем. Британските научници предупредуваат за следните причинители. Премногу благо Конзумирањето големи количини на слатки го ослабнува имунолошкиот систем. Истражувањата покажале дека 100 грама шеќер дневно значително ја намалува способноста на белите крвни зрнца да се борат со бактериите. Внимателно со чоколадите. Премалку вода Водата му е потребна на организмот за да се исфрлат отровите и другите штетни супстанци, а недоволното конзумирање на истата доведува до нивно задржување. Освен водата, и умереното конзумирање на кафе и чај се прифатливи извори на течност. Вишок килограми Вишокот килограми штетно влијае врз срцето, крвните садови, мозокот и другите органи, а со тоа и на имунолошкиот систем. Освен тоа, кај луѓето со вишок килограми се поголеми шансите од инфаркт, мозочен удар и хормонски дисбаланс. Сув нос Причина плус да се радувате кога ви тече носот. Сувиот нос им го олеснува патот на бактериите и вирусите до телото, а носот кој „тече“ е добра заштита против настинката и грипот. Доколку сувоста е привремена, не паничете и побарајте соодветни средства во блиската аптека, но доколку преминува во хронична, посетете доктор. Постојан стрес Многубројни истражувања покажале дека стресот го ослабнува имунолошкиот систем. Долготрајниот и секојдневен стрес со себе носи и намален или премногу зголемен апетит, кои следствено делуваат штетно на здравјето. Чести настинки Честите настинки се знак дека имунолошкиот систем е ослабнат. Доколку се разболувате повеќе од вообичаеното, што е два до три пати годишно, посоветувајте се со доктор.

Вирусите и настинките водат до сериозни здравствени проблеми

Предраг Кукиќ — Mon, 03 Dec 2018 14:09:46 +0000

Обичната настинка, па и некои респираторни инфекции предизвикани од вируси, може лесно да се „префатат“, а откако ќе се заразите, овие состојби може да бидат причина за многу посериозни болести – ревматска треска, влошување на алергии, ослабување на срцето. Настинката заедно со ослабен имунитет по правило значи појава на бактерија. Тие се главна причина обичното вирусно воспаление да се искомплицира и да премине во инфекција на увото, хронично воспаление на синусите, долготрајна кашлица и воспаление на белите дробови. Кардиолозите предупредуваат дека респиратирните инфекции, пред сѐ грипот, неколку пати ја зголемуваат опасноста од ослабување на срцето. Ако тегобите не се повлечат за три до четири дена и ако дојде до влошување, во смисла на отежнато дишење, болка во градите или омалаксаност, веднаш побарајте помош од лекар, советуваат тие. Првите знаци што укажуваат дека дошло до значително оштетување на срцето се болка во градите, неправилна работа на срцето, омалаксаност, отекување на нозете… Ако воспалението на срцевиот мускул не се открие навреме и не се лекува на соодветен начин, може да дојде до трајно оштетување на срцето како хрнична срцева инсуфициенција, а може да заврши и фатално, предупредуваат лекарите. Бактериското воспаление на грлото исто така се смета за сериозна компликација од настинка, бидејќи предизвикува појава на ревматска треска. Ревматската треска најчесто ги опфаќа залистоците на срцето и се појавува кај околу 3% од пациентите кои не ја лекувале инфекцијата со стрептокока со соодветен антибиотик. Кај овие пациенти може да дојде до сериозно оштетување на залистоците што потоа ќе мора хируршки да се решава. Инфекцијата на синусите, ако не се дијагностицира и лекува веднаш, може да премине во хронично воспаление на синусите. Честа последица на настинка е и воспалението на уво, особено кај децата.