Натали Петровска – Kurir.mk

Петровска: Ако се бара меѓународна истрага на случаи, тогаш имаме поткопување на независноста на судството

Магдалена Андонова — Tue, 07 Dec 2021 19:07:56 +0000

Ако се бара меѓународна истрага, дали утре не може да бараме и за други предмети, дали тоа не е начин за целосно да се поткопа довербата во судството. Тука имаме поткопување на независноста на судство, како извршната власт ќе му овозможи независност, ако носи рандом одлуки за кои ќе бара ревидирање или истрага, вели Натали Петровска од Коалиција за правично судење во Топ Тема на Телма каде се дискутираше на тема за договорот на Заев и Гаши и најавеното отворање или меѓународно мониторирање на судски случаи, како што се случајот Монструм, за малиот Алмир, Диво Насеље. Таа изразува загриженост за непочитување на поделбата на власта и според неа извршната власт не е таа која треба да го преиспита работењето на судската власт. Тие две власти и по устав се поделени. - Не е коректно да се изберат однапред предмети, без да се направи анализа за што станува збор, ниту е издржано без аргументација зошто баш тие предмети, рече Петровска. Според неа меѓународна истрага на завршени предмети не е возможна, и смета дека се работи за погрешно дефинирање. - Меѓународна истрага на завршени постапки не е возможна, поминати се сите истанци на македонското судство и да имало постапка пред Европскиот суд за човекови права и тоа ќе било завршено. Овде најверојатно станува збор за некакви извештаи како е тоа работено и прашањето е што понатаму, истакна Петровска.

Петровска: Критериумите за прочистување на судството се идентични како во законската регулатива, нема ниту еден обвинител кој бил разрешен или подлегнал на одговорност

Дарко Андоновски — Tue, 09 Feb 2021 18:51:46 +0000

Натали Петровска од Коалицијата „За правично судење“ вечерва на 24 Телевизија, во врска со процесот на прочистување на судството вели дека до сега освен постапката која е во тек за јавни обвинители за случајот 27-ми април, до сега се нема разрешено, ниту подлегнал на одговорност ниту еден јавен обвинител во земјава, на страна случајот Рекет и обвинителката Катица Јанева, чија пресуда не е правосилна. -За разлика од Судскиот совет, Советот на јавни обвинители има една постапка во тек за јавните обвинители кои што беа надлежни за предметот 27-ми април, па во оваа држава ако го тргнеме на страна предметот за обвинителката Катица Јанева и Рекет кој предмет не е правосилно завршен, нема јавен обвинител кој има поднесено одговорност или разрешено од фунцијата, вели Петровска. Таа вели дека прочистувањето е комплексен процес кој треба да ги опфати и судиите и јавните обвинители, иако беше објавен при крајот на годината Правилник за оценување на обвинителите кој е повторно во рамки на она редовно оценување кое би требало да се врши секојдневно, треба да се има систем по кој треба да се оценува работата на јавните обвиннители. -Можам само да констатирам дека она што како модел е предложено за прочистувањето на судството, не за редовното оценување на судиите што е предвидено како регулатива во земјава, геенрално не отстапува премногу од она што е веќе предвидено како процес или начин на оценување на самите судии, вели Петровска. Петровска вели дека критериумите по кои ќе се оценуваат судиите во престојниот процес на прочистување на судството се идентични со законската регулатива односно се идентични со наведените критериуми во законот за судски совет и законот за судовите.

Петровска: Не може законски да се избере ВД наместо Катица Јанева

Ивона Петрова — Thu, 22 Aug 2019 21:38:27 +0000

Натали Петровска од Коалиција за праведно судење, вечерва на Телма изјави дека не може да се избере вршител на должност специјален јавен обвинител на местото на Катица Јанева. Ова се нејзините законски образложенија: - СЈО остана без првиот човек. Аргументи за замена на Катица има, но законот за СЈО не познава вршител на должност. Законот за СЈО е лек специјалис. Дополнително, истиот е донесен со 2/3 и Бадинтерово мнозинство, наспроти Законот за јавно обвинителство. Недостатоците на законот за СЈО не би можело да се пополнуваат со одредби од законот за јавно обвинителство, особено што постојат процедури утврдени во самиот закон кои треба да се следат од почеток до крај. И за именување и за разрешување. - СЈО има мандат уште 1 година, до 2020 година. Обвинителите кои што застапуваат не би можеле да работат понатаму. Меѓутоа, останатиот кадар, не е врзан со мандатот на специјалната јавна обвинителка. Меѓутоа, најважното е дека постапувањето сите тие луѓе во таа зграда, го црпат од замениците на специјалната јавна обвинителка. Но, откако ќе заврши мандатот и на овие нејзини заменици, на 15 септември, нема да може ништо да се направи потоа.