наталитет – Kurir.mk

Ѓорчев: Заради оваа катастрофална власт, Македонија исчезнува, стануваме држава без народ!

Ивана Ефремовски — Sun, 22 Oct 2023 13:18:48 +0000

Бројките за иселување кои ги слушаме ја даваат тажната и ужасната слика на исчезнување на Македонија. Македонија станува земја без народ, територија без население, а нема држава без народ, нема училишта без ученици, нема економија без луѓе и нема ништо ако нема деца. А нас како никогаш во историјата изминативе 6-7 години ни снемува деца, млади и ни сменува детски плач, изјави членот на ИК на ВМРО-ДПМНЕ, Влатко Ѓорчев на дебатата во Пехчево насловена „Иселување и демографија предизвик за Македонија“ во рамки на кампањата „Важно е! Од тебе зависат промените“. Ѓорчев истакна дека причините се бројни, но Македонија никогаш немала покатастрофална власт. оваа власт на Заев, Ковачевски и Пендаровски буквално ја уништува Македонија. - Буквално ја уништуваат Македонија. Ние сме земја која секогаш имала иселување, имало печалба, гурбет, луѓе кои од помалите места оделе за Белград, Германија, прекуокеанските земји, но ваква катаклизма немало никогаш. Пред да дојде живот како што велеше Заев во 2016 имавме 23.000 бебиња, а минатата година имаше историски најмалку 18.027. ниедна земја во светот немала таков пад, нагласи тој. Ѓорчев посочи дека економската политика апсолутно игра улога, нема нова отворена фабрика, нема нов проект, Македонија душмански се пљачка, луѓето бегаат, креваат раце, старите остануваат сами, нема кој да ги гледа, младите заминуваат во Италија, Германија, Скандинавија. -Во првиот квартал оваа година родени се само 3600 деца, а во 2016 година родени се 5600 деца. Тоа се 100 паралелки помалку со деца. Ако ги погледнете бројките падот е 40%, нас ни се случува рецесија на животот, на Пендаровски, Ковачевски, Заев око не им трепнува. Една општина Зрновци првото дете се раѓа во октомври, до толку е лошо, не се сите исти во општина Зрновци во 2016 имало 20 деца. Има одговорност за тоа. Не може да бидеме рамнодушни на тоа. Оние кои ова и го приредија на Македонија треба да ги набркаме, Македонија сака и мора да опстане, изјави Ѓорчев. Ѓорчев нагласи дека не се само помалите места и во поголемите градови е исто, на пример во Центар 4 школи не може да наполниме со деца, паднати сме на 15-16 ученици во паралелка. - Си заминуваат добростоечки семејства, жестока неправда и се случува на Македонија. Мораме да застанеме на нозе, мораме на овие некадарници да им кажеме пријатно и Македонија да ја креваме на нозе, истакна Ѓорчев. „Кога е силно ВМРО-ДПМНЕ и Македонија е силна, не треба да се губи надеж, знаме како да го направиме, со ВМРО-ДПМНЕ Македонија ќе има економија, добри политики програми. Заеднички да ги негуваме традиционалните семејни вредности. Решението е 61 пратеник, треба жестоко изборно оваа власт да биде казнета. Мора да имаме влада што си ја сака државата за да ја издигнеме државата“ - порача тој.

Јаневска: Кога ВМРО-ДПМНЕ носеше мерки за зголемување на наталитетот, СДСМ ги исмејуваше, а сега имаме дури 5,4 проценти негатива

Ивана Ефремовски — Mon, 10 Apr 2023 19:35:03 +0000

При промена на власта, во 2016-та година во Македонија биле родени 23.002 новороденчиња, во 2021 година 18.648 новороденчиња, додека во 2022 година 17.721 новороденче и тоа е разлика од 4354 живородени деца. Ова е катастрофална состојба која многу тешко ќе се поправи. Но, ќе мора да се поправи доколку сакаме на оваа држава да и оддадеме одржливост воопшто, вели Весна Јаневска, претседател на републичката комисија за образование и наука на ВМРО-ДПМНЕ во денешното гостување во емисијата Анализа на телевизија 24. Јаневска истакна дека претходната влада на ВМРО-ДПМНЕ донела неколку мерки за подигање на наталитетот, укажувајќи дека истите тие иако биле исмејавани од страна на СДСМ сепак дале резултат. -Јас ќе ве потсетам на некои од мерките кои што минатата влада на ВМРО-ДПМНЕ ги преземан бидејќи беше свесна што се случува и што допрва ќе се случува за подигање на наталитетот во државата, и тоа беа мерки кои што беа прифатени во странство, но кај нас беа исмевани, со негодување, но тие дадоа резултат. Една од мерките беше давање на 8000 денари за трето родено дете, околу 11.000 за четврто родено дете, помош, но и стимулација. Потоа имавме мерка која велеше дека мајката со 4 деца во момент кога ќе исполни услови за пензија, доколку не ја исполнува пензијата по друг основ ќе добие пензија, па имавме кампања купи куќа купи стан. Но, за жал сето тоа се прекина за да денес имаме 5,4 проценти негатива за новородените, рече Јаневска.

Поразителна статистика за Македонија: Намален наталитетот, а зголемен морталитетот

Ивана Ефремовски — Tue, 30 Nov 2021 12:45:16 +0000

Бројот на живородените деца во третото тримесечје од 2021 година, во споредба со истиот период од претходната година, е намален за 3.8 проценти и изнесува 5 065, додека бројот на умрените лица во истиот период годинава бележи зголемување од 30.7 отсто во споредба со истото тримесечје од 2020 година и изнесува 7.209 лицa, а од нив 14 се умрени доенчиња, покажуваат податоците на Државниот завод за статистика, за природното движење на населението во Република Македонија. Со тоа природниот прираст изнесува -2 144, што значи дека за толку лица е помал бројот на живородените деца од бројот на умрените лица. Бројот на склучените бракови во ова тримесечје од годината е за 11.7 проценти зголемен во споредба со истиот период од 2020 година и изнесува 4.398 бракови, додека според податоците на Државниот завод за статитика, добиени се 480 извештаи за разводите. (МИА)

Албанското население старее, во второто тромесечие пад на наталитетот за 10,6 отсто

Ивана Ефремовски — Thu, 21 Oct 2021 12:27:39 +0000

Според податоците објавени од Институтот за статистика, ИНСТАТ, во вториот квартал од годинава, во Албанија, бројот на новороденчиња изенува 5.993 што е пад на наталитетот од 10, 6 отсто споредено со истиот период минатата година. -Младите двојки се плашат да го зголемат семејството, бидејќи економските услови се против нивната волја. Тука секако и масовната миграција, која младите ги однесе во белиот ссвет, оценува Зухди Дервиши познат албански социолог. Според него и бебе бонусот, што од јануари минатата година го доделува владата, не ги охрабрило младите парови да имаат повеќедетно семејство. Затоа, смета Дервиши државата треба да ги редизајнира политиките за поддршка на младите парови. -Без младост нема живот. Бројките се алармантни, државата треба да размисли за младите мајки. Таа треба да ги поддржи за време на бременоста и потоа. Треба да знаеме нешто а тоа е дека на албанската жена високото образование е 5 години, што значи дека на пазарот на трудот излегува возрасна и на почетокот зема мала плата, поради што се плаши да создаде семејство, оценува Дервиши. Поради тоа, додава, неопходно е албанските жени да бидат поддржани, зашто, токму економијата ги тера младите парови да се плашат да основаат семејство а уште повеќе да имаат повеќе деца. Инаку, со цел зголемување на наталтетот, со владината програмата родителите на првородено дете добиваат бонус во износ од 40 илјади леки (325 евра), за второродено 80 илјади, а за третородено дете по 120 илјади леки. Доколку се близначиња добиваат по ист износ. Бонус добиваат сите новороденчиња независно дали се родени во или надвор од земјата, кои се запишани во матичната книга на родените во Албанија. (МИА)

Македонија со негативен природен прираст: Лани 6.724 повеќе починати од родени, починале и 108 доенчиња

Ивона Петрова — Fri, 02 Jul 2021 05:47:52 +0000

Во Македонија минатата година се родиле 19 031, а умреле 25 755 лица, со што е евидентиран негативен природниот прираст од 6724 луѓе. Според податоците на Државниот завод за статистика, во Македонија, минатата година во градските подрачја живородени се 11 258 деца или 59.2 % од вкупниот број на живородените деца, додека 7 773 или 40.8 % деца се живородени во селските подрачја. Најголемо учество во однос на вкупнот број раѓања по региони има Скопскиот со 38.8 %, а најмало Источниот Регион со 6.1 %. Просечната возраст на мајката при вкупниот број раѓања во градските подрачја изнесува 29.8 години, а 28.4 години во селските подрачја. Просечната возраст кај првите раѓања во градските подрачја изнесува 28.1 година, а во селските подрачја 25.9 години. При првото раѓање, мајката од селските подрачја е помлада за 2.2 години. Во градските подрачја умреле 15 948 лица или 61.9 %, а 9 807 лица или 38.1 % умреле во селските подрачја. Најголемо учество во однос на вкупнот број умрени лица, по региони, има Скопскиот со 28.5 %, а најмало Вардарскиот Регион со 8.1 %. Во градските подрачја има 64 умрени доенчиња, додека во селските подрачја 44. Просечната возраст на умрените лица во градските подрачја изнесува 73.1 година, а во селските 73.6 години. Природниот прираст е негативен и изнесува -4 690 лица во градските подрачја и -2 034 лица во селските подрачја. Само Скопскиот регион бележи позитивен природен прираст, а останатите региони бележат негативен природен прираст. Податоците за внатрешните миграции, во рамките на истиот регион, покажуваат дека најголемо учество од 37.6 % имаат преселбите од село во град наспроти меѓуградските преселби со 8.7 %. Во вкупните миграции на ниво на регион од село во град, најголемо учество има Источниот Регион со 50.9 %, додека во Полошкиот Регион најголемо учество имаат меѓуселските преселби, кои учествуваат со 54.2 %. Салдото на надворешните миграции е најголемо во Скопскиот Регион, 785 лица, а најмало во Југoисточниот Регион, односно -129 лица.

Стапката на наталитет во САД опадна за четири отсто прв пат по 1979 година

Магдалена Андонова — Thu, 06 May 2021 10:54:27 +0000

Стапката на наталитет во САД падна шеста последователна година во 2020 година, со најмал број родени бебиња од 1979 година. Според најновиот извештај, приближно 3,6 милиони бебиња се родени во Соединетите Американски Држави во 2020 година, што е за четири проценти помалку од претходната година, утврди Националниот центар за здравствена статистика при американскиот Центар за контрола и превенција на болести (ЦДЦ). Според податоците, пад е забележан кај сите регистрирани раси и етнички групи. Националната слика го одразува падот на бројот на раѓања забележан низ целиот свет, тренд што според некои експерти е забрзан од пандемијата на коронавирусот. Во 2020 година, вкупната стапка на плодност во САД беше околу 56 раѓања на 1.000 жени – најниска евидентирана стапка и околу половина од таа која била на почетокот на 1960-те. Пад на стапката на наталитет е забележан кај сите расни и етнички групи. Бројот на раѓања падна за 4 отсто кај белците, црнците и Латиноамериканките, 9 отсто кај Азијките, 3 отсто кај Хавајките и на другите мали пацифички острови и 7 отсто кај Индијанките и жените на Алјаска. (МИА)

Во Албанија лани починале 25,8 отсто повеќе, а се родиле 1,7 отсто помалку од годината претходно

Дарко Андоновски — Tue, 02 Mar 2021 12:57:01 +0000

Според податоците на Институтот за статистика, во Албанија минатата, споредено со претходната година, забележана е повисока смртност за 25,8 отсто. -Во 2020 година, починале вкупно 27.605 лица што е зголемување од 25,8 отсто или 5.668 починати повеќе споредено со 2019 година. Ова е рекордно ниво на загубени животи во земјата од 1990 година, наведува ИНСТАТ. Доколку пак се направи споредба на бројките објавени од ИНСТАТ со оние на Дирекцијата за матична евиденција се забележува дека бројката е за околу 300 лица повисока. Според Дирекцијата, како прв извор на податоци, во 2020 година починале околу 28 илјади лица. Од друга страна минатата година забележан е пад на наталитетот. Родени се 28.075 бебиња што претставува пад за 1,7 отсто. Најмалку бебиња се донесени на свет во четвртиот кваратал или 7.011 што е 11,4 отсто помалку споредено со истиот перод претходната годна. -Бројот на смртни случаи во четвртиот квартал од 2020 година е 9.397, што претставува раст од 73,3 отсто, во споредба со четвртиот квартал од 2019 година. Природниот прираст на населението, во четвртиот квартал од 2020 година покажува дека има 2.386 смртни случаи повеќе од раѓања. Во 2020 година природниот прираст е 470 раѓања повеќе од смртни случаи, наведува ИНСТАТ. Медиумите потсетуваат дека опозицијата и дел од лекарската фела Владата и премиерот Еди Рама претходно ги обвија за манипулирање со бројот на жртвите од Ковид-19 „со цел да се затскрие нивниот целосен неуспех“.

Алармантна демографска слика: Македонија со Заев и СДСМ со поголем морталитет од наталитет!

Љупчо Цветаноски — Fri, 26 Jun 2020 12:09:28 +0000

Лани во Македонија, според податоците на Државниот завод за статистика, се евидентирани 19.845 живородени лица и 20.446 смртни случаи за негативен пририден прираст од 601 лице. Бројот на родени деца во градските подрачја изнесува 11.772 или 59,3 отсто од вкупниот број наспроти 8.073 деца или 40,7 проценти во руралните средини. Најголемо учество во однос на вкупниот број на раѓања по региони има Скопскиот со 38,1 отсто, а со најмало е Источниот регион со 6,3 проценти. Просечната возраст на мајката при вкупниот број раѓања во градските подрачја изнесува 29,8 години наспроти 28,2 години во селските подрачја. Бројот на починати лица во градските подрачја изнесува 12.831 или 62,8 отсто наспроти 7.615 починати лица или 37,2 проценти во руралните подрачја. Најголемо учество во однос на вкупнот број умрени лица, по региони има Скопскиот со 29,9 отсто, а со најмало е Североисточниот регион со 8,1 процент. Бројот на починати доенчиња во градските подрачја е 66, додека во руралните средини 46. Просечната возраст на починатите лица во градските подрачја изнесува 73,7 години наспроти 73,8 години во руралните. Природниот прираст кај населението од градските подрачја е негативен и изнесува – 1.059 лица наспроти позитивниот природен прираст во селските подрачја кој изнесува 458 лица. Во шест региони, според Државниот Завод за статистика, има појава на негативен природен прираст и тоа во Вардарскиот, во Источниот, во Југозападниот, во Југоисточниот, во Пелагонискиот и во Североисточниот регион. Податоците за внатрешните миграции на ниво на регион покажуваат дека најголемо учество од 36,3 отсто имаат преселбите од село во град, додека меѓуградските преселби учествуваат со 8,2 отсто. Во вкупните миграции на ниво на регион од село во град, најголемо учество има Источниот Регион со 51,8 проценти, додека во Полошкиот регион најголемо учество имаат меѓуселските преселби кои учествуваат сo 61,5 отсто. Билансот на надворешни миграции е најголем во Скопскиот Регион (1.233), а најмало во Југоисточниот Регион (58).

Египет со превисока стапка на наталитет, бебе се раѓа на секои 17 секунди

Ивона Петрова — Wed, 12 Feb 2020 11:14:26 +0000

Египет го помина симболичниот праг од 100 милиони жители. Стапката на наталитет во последните 30 години е огромна, а годишно просечно се раѓаат и по 1,5 милион бебиња. Според Египетската статистичка агенција (ЦАМПАС) во Египет на секои 17,9 секунди се раѓа по едно дете. Последната година властите започнаа кампања „Две деца се доволно“, но, како што пренесуваат странските медиуми, без резултат. Претседателот Абдел Фатах ал Сиси во 2017 година превисоката стапка на наталитетот ја посочи како една од главните закани за неговата земја, покрај тероризмот. Минатата недела, премиерот Мостафа Мадбоулу повторно предупреди дека пренаселеноста е најголем предизвик на државата. Населението на Египет е младо и сиромашно. Речиси 60 отсто од граѓаните се помлади од 30 години. Пред 30 години, во 1990 година, Египет имал 57 милиони жители. Според проценците на Обединетите нации, Египет, доколку не воспостави ефикасна политика, во 2030 година ќе има 120 милиони жители.

Италијанскиот претседател стравува за иднината на Италија поради падот на наталитетот

Ивона Петрова — Wed, 12 Feb 2020 07:01:42 +0000

Иднината на Италија е загрозена поради пад на наталитетот, предупреди претседателот Серџо Матарела по објавата на националната агенција за статистика ИСТАТ за падот на бројот на населението во 2019 година. Растечката демографска криза во Италија, поради се помалку новородени и зголемување на очекуваниот животен век, е една од причините за застојот на економијата. Националната агенција за статистика ИСТАТ објави дека во 2019 година се родени 435.000 деца, што е за пет илјади помалку од 2018 година и е најмала бројка досега регистрирана во Италија. Минатата година починаа 647.000 луѓе, околу 14.000 повеќе од 2018 година. – Ова е проблем кој и се заканува на егзистенцијата на нашата земја. Како постара личност, јас сум свесен за падот на наталитетот, изјави додаде 78-годишниот италијански претседател. Вкупното население на Италија се намали за 116.000 на 60,3 милиони, со постојан пораст на наталитетот на мигрантите, со што се надоместува намалениот наталитет на Италијанците