Наташа Димитриевска – Kurir.mk

Маричиќ се меша во судска власт, а сопругата на загинатиот Гоце прашува како може министер за правда да објавува неофицијална судска пресуда? (ФОТО)

Дарко Андоновски — Tue, 09 Feb 2021 21:23:22 +0000

Сопругата на загинатиот Гоце Димитриевски возач на мотор вечерва преку Твитер упати чудење како може министер за правда на медиум да објавува неофицијална судска пресуда? Имено Бојан Маричиќ за телевизија 24 денеска објави дека дознал дека Апелацискиот суд донел одлука со која ја преиначи одлуката за случајот „Сообраќајката кај Млечен ресторан“. „Денес дознав дека Апелацискиот суд донел одлука со која ја преиначи одлуката за случајот „Сообраќајката кај Млечен ресторан“ и дал 2 години ефективен затвор и две години забрана за управување со моторно возило. Не знам дали е точно, ќе потврдат, информацијата неофицијално ја добив од луѓе кои се информирани“, вели Маричиќ. По ова се огласи и самата сопруга на загинатиот возач, која вели дека за неа останува нејасно како министер за правда како дел од извршнаѕа власт јавно на ТВ објавува неофицијална судска одлука.

Веќе официјална. Но за мене нејасно останува како Министерот за правда, како дел oд извршната власт, јавно, на ТВ објавува, како што тој изјави, неофицијална судска одлука?
— Natasha Dimitrievska (@napostoloska) February 9, 2021

Димитриевска за случајот кај Католичка: Се надевав на правда, но таа затаи како и сите надлежни правосудни органи

Магдалена Андонова — Thu, 10 Sep 2020 17:52:01 +0000

Наташа Димитриевска, оштетена во случајот со сообраќајната незгода кај Католичка црква вечерва на Алфа телевизија истакна дека затаила правдата и сите надлежни правосудни органи. Таа рече дека обвинетиот Васил Чорбаџиев против сообраќајните правилата ги прегазил двете полни ленти на улицата каде се случила несреќата, иако таа и сега веќе починатиот сопруг возеле по прописиите, па за смртен случај и изгубениот плод од бременоста му е досудена условна казна. - Предолго траеше истрагата за толку пропусти да се направат од страна на обвинителството и за само едно дело да го гонат од небрежност. Според мене вршењето на ова дело е со умисла затоа што секое обвинителство има список на моменти кои претставуваат умисла, меѓу нив е и поминувањето на црвено светло, а дуплата линија претставува исто што и поминувањето на црвено, вели Димитриевска. Таа истакна исто така дека по нејзе има и друго дело, а тоа неукажување на нужна помош затоа што лицето во моментот на несреќата ниту викнало брза помош, ниту пак се обидел да им помогне, ниту пројавил било каков интерес за нив. - Би забележала дека несреќата се случува во октомври, а записникот се издава дури во 23.01.2019 година дури три месеци после настанот, истиот е предаден во обвинителство, а распитот каде за прв пат јас давам исказ е во јули месец, необјасниво е како толку долг период поминал, кога обдукцијата и документите е дадена на време,истакна Димитриевска. Таа рече дека зошто толку време му било потребно на обвинителството треба да одговорат тие, а на 03.01.2020 се обратила до обвинителството да праша зошто се одолговлекува постапката иако постојат законски рокови за таквите предмети, и не била известена за ништо од поднесокот, освен поканата која подоцна ја добила за исказ. - Се надевав на правда, но правосудните надлежни институции затаија, јас се изгубив, немам повеќе што да изгубам, одам до крај, сметам дека судот направил суштествени повреди на постапката кој ги направил судијата на предметот, како моето отстранување во судската чекална во моментот на изјавување на вината и на моментот на висината на казната, потенцираше Димитриевска.

Димитриевска: Обвинителката ми го доуништи животот, во обвинението не пишува дека го загубив плодот

Магдалена Андонова — Thu, 10 Sep 2020 14:21:30 +0000

Тетовчанката Наташа Димитриевска денеска поднесе претставка до Советот на јавните обвинители, за работата на обвинителката Снежана Бундалевска Ѓоргиевска, која го застапуваше предметот за сообраќајката кај Млечен ресторан. Според Димитриевска, била сторена тешка дисциплинска повреда, особено што сега веќе осудениот за кобната сообраќајка, бил обвинет дека делото го сторил од небрежност. – Делото е сторено со умисла со оглед дека на местото на несреќата умислено презел дејствие на вртење во лево иако е забрането, иако има знак, обележан е со две полни лентии, не претставува раскрсница и никогаш не смее да се врти лево, независно ако е зелено светлото на семафорот, туку смее само право да продолжи да се движи со своето патничко моторно возило, се вели во дел од претставката. Димитриевска дополнува дека обвинителката не ги прибавила сите неопходни медицински документи, не го обвинила Васил Ч. за неукажување помош на повредено лице, предоцна го покренала обвинението и затоа повела постапка и против неа. – Наместо да бара најстрога казна за загубата на млад живот, кој не придонел со ниту едно дејствие за случување на незгодата, кој се движел по својата патека, со заштитна опрема, без алкохол или психотропни супстанци во себе, без да стори сообраќаен прекршок, без дело во своето досие за загубата на нашето дете и моиоте тешки телесни повреди, кои се од карактер на траен инвалидитет, како и потребата за дополнителни операции. Останува нејасно зошто обвинителот не извршил правилна анализа на доказите и да го терети за кривичното дело по член 300 став 2 в.в. со член 297 став 1 од Кривичниот законик, се заклучува во претставката. За пресудата, со која осудениот сторител на сообраќајката доби условна затворска казна, Димитриевска поднесе претставка и за судијката Елена Јосифовиќ, која ќе биде разгледувана на првата седница на Судскиот совет наредната недела.

ВИДЕО: Наташа Димитриевска ја започна правната битка за сообраќајката кај „Млечен“

Дарко Андоновски — Mon, 07 Sep 2020 12:28:29 +0000

Сопругата на починатиот Гоце Димитриевски незадоволна од условната казна за возачот кој ја предизвика несреќата кај Млечен а во која загина нејзиниот сопруг, Наташа Димитриевска поднесе претставка до Судски совет. Одлуката на судијата ја нарече пристрасна и додаде дека воопшто не се ценеле доказите. Според Димитриевска, возачот на џипот кој удрил во нив додека се возеле на моторот, живеел во близина на несреќата па најверојатно пракса му било да преминува преку двете полни линии иако било забрането свртувањето. Со претставка, Димитриевска ќе се обрати и до Советот на јавни обвинители со која ќе бара преиспитување на постапувањето на обвинителката која го водела предметот. Во меѓувреме, од Обвинителството најавија дека по приемот на пресудата во писмен формат, ќе вложат жалба на пресудата. Во петокот Основниот кривичен досуди условна казна за 64 годишниот возач кој удри во Гоце и Наташа а претходно признал вина.

Емотивно сведоштво на Димитриевска: Остана без сопруг и плод, а по трагедијата стана жртва на неправда (ВИДЕО)

Ивана Ефремовски — Sat, 05 Sep 2020 14:06:24 +0000

Наташа Димитриевска е младата жена која во 2018 година остана без својот 32-годишен сопруг и плодот во неа, откако возач поминувајќи преку двојна полна лента го пресекол патот на моторот со кој се возеле младите сопружници. На возачот, судијката Елена Јосифовиќ вчера му изрече условна казна откако го признал делото уште на првото рочиште, кое се одржало на 2 септември. Семејството на оштетените е разочарано, но не се откажува од правдата. Димитриевска со емотивно сведоштво за трагедијата која ја доживеала и за неправдите со кои се соочува од тогаш. Сведоштвото го пренесе телевизија АЛФА