наташа котлар – Kurir.mk

Котлар: Власта од ветуваното „едно општество за сите“ донесе „мочуриште за сите“ во кое што тоне Македонија

Ивона Петрова — Thu, 24 Aug 2023 16:44:36 +0000

Денес овие врховисти целејќи дека ќе добијат некои лични нешта, придобивки заборавија на општиот интерес. Овие што денес се на власт се откажаа од општите интереси и почнаа да градат некои си феудални односи и лични“, истакна Наташа Котлар во гостување во емисијата „За или против“ на Алфа телевизија. Котлар додаде дека власта ветуваше „едно општество за сите“ но граѓаните добија мочуриште во кое што тоне државата секој ден се повеќе и повеќе. „Од „едно општество за сите“ сме едно мочуриште во кое што тонеме сите. А, определени личности кои што имаат власт се обидуваат да препливаат врз основа на приграбување на социјалните, економските и општествените добра“, нагласи Котлар. Таа посочи дека доаѓањето на Ескобар е за да се изврши притисок на граѓаните со цел да се изгласаат уставните измени. „Во Уставот на Македонија треба да асоцира и да преовладува македонската борба. Бидејќи оваа држава е производ на македонскиот народ и другите народности“, рече таа при што нагласи дека треба да се биде искрен бидејќи историјата точно посочува дека тие другите многу помалку учествуваа во партизанското движење бидејќи беа дел од друго движење поради кое македонските граѓани страдаа.. „Мислам дека Ескобар треба да се однесува кон нас со почит и да знае дека ние сме Македонци кои што сами сме си ја создале оваа држава. Без разлика што некои примероци на оваа држава се определиле да бидат врховисти и да не водат грижа за македонските интереси“, рече Котлар.

Котлар: Манипулативен е наративот што доаѓа од членовите и преговарачите во историската комисија, бидејќи тие не се луѓе од бирото за развој на образованието

Ристе Здравков — Tue, 29 Nov 2022 19:03:20 +0000

Историските вистини не се потребни во политичката сфера во договори и спорови, ниту пак се интересни за други политички варијации, истакна Наташа Котлар во вечерашното гостување во емисијата „Што не е јасно“ на Алфа Телевизија. „Сите овие постапки кои ги прави Владата преку Министерството за надворешни работи е тоа дека фактични ги руши македонските институции. Една држава се брани ако вие ги јакнете државните институции. Ако таа Влада имала потреба да консултира од научниот свет си постојат постапки како тоа се прави и на кој начин“, рече Котлар. Котлар посочи Договорот за добрососедство е изворот на сите последователни проблеми што доаѓаат од месец за месец. „Ако државата вас ве изневери вие исто нема да бидете лојални кон таа држава тогаш зошто да бидеме ние лојални кон нешто што во се не напуштило и дури ни создава состојба дека ние прво не треба да бидеме образовани ако зборуваме за ситуацијата која не ги нуди Министерството за образование, со несоодветни учебници. Лошо образовани генерации тоа се загубени генерации“, вели Котлар. Таа додаде дека 75-80% од луѓето на летните протести бараа соодветни промени и реагираа на политиките на оваа власт. „Тие беа искажан од различни институции кои тоа им е работа. Вбројувајќи се како човек во тие 75-80% од луѓето сметам дека ако не се избориме со оваа номенклатура во моментот тогаш ќе биде многу погубно“, изјави Котлар. Котлар кажа дека наративот што доаѓа од членовите и преговарачите во комисијата за историја е многу манипулативен „Тие не се луѓе од бирото за развој на образованието. Оваа држава во текот на 30-тите изминати години и претходно изградила институции кои треба да се занимаваат со образование и методолошка постапка, дидактичка, педагошка постапка и ветотска постапка тоа е бирото за развој на образованието“, децидна е Котлар.

Котлар: Револуционерната идеологија сега има за задача да ја јакне македонската држава и сите нејзини задачи и атрибути кои во денешно време се ставени под знак прашалник

Дарко Андоновски — Sun, 23 Oct 2022 12:13:16 +0000

На научниот симпозиум 129 години ВМРО „БОРБАТА ЗА МАКЕДОНИЈА КОЈА ТРАЕ“, организиран од ВМРО-ДПМНЕ, свое обраќање имаше проф. д-р Наташа Котлар која зборувајќи за етапите низ кои се развивала Македонската револуционерната организација, истакна дека сега нејзината идеологија блиску до народните маси има задача да ја јакне македонската држава и нејзините атрибути кои во денешно време се за жал се ставени под знак прашалник. „Револуционерната идеологија блиску до народните маси денес има за задача да ја јакне македонската држава и сите нејзини задачи и атрибути кои што во денешното наше современо живеење мислам дека се ставени под знак на прашалник. Градењето на македонската нација, одбраната на македонскиот јазик, одбраната на македонската култура, но исто така и грижата за сите оние Македонци кои не се во рамките на македонската држава“, истакна Котлар. Таа исто така се осврна и на народните мобилизатори кои и претходеле на Револуционерната организација. „Народните мобилизатори почнувајќи од Димитар Миладинов, а потоа и другите, бараат оформување на нешто што е посебно специфично македонско, а тоа е посебна црковна организација, односно да се возобнови укинатата Охридска Архепископија, бидејќи во една феудална и теократска држава религијата била многу моќна работа и било потребно да се возобнови народната институција Охридската Архепископија. Била битна затоа што образованието одело преку таква институција. Државата не се грижела за образование, па затоа се бара училишта на македонски народен говор со народни свештеници учители и затоа оние кои што се противници на оваа идеја, бугарските преродбеници, овие луѓе не ги именуваат како Македонци туку ги именуваат како македонисти за да им ја одземат нивната национална народносна определба и наводно да ги прикажат како група на луѓе кои што бараат сосема нешто друго и даваат сериозен отпор бидејќи знаат дека на тој начин веќе се создава едно посебно политичко народносно цело, односно македонска држава“ потенцираше Котлар и додаде: „Она што го остава како траг Димитар Миладинов и цела низа луѓе како него се пројавува во Македонското востание бидејќи во изворите и кај современиците Кресненското востание отпосле се појавува во некоја литература како име. Во сите нивни сеќавања и пишувања на оние кои што учествувале во Македонското востание, тоа се именува како Македонско востание. Оттука и Димитар Поп-Георгиев Беровски, па и другите војводи меѓу кои и Ѓорѓија Пулевски во Уставот, односно правилата на ова востание определуваат дека востанието е внатрешно, македонско, дека треба да се прошири на целата територија на Македонија и да се гради еден посебен политички економски и воен систем. Бидејќи во тоа време се појавува првиот врховизам, односно влијанието на бугарската држава и нејзината политика, ова востание завршува само како еден чин, настан кој не ја постигнал својата цел, но затоа ја трасира патеката кон една друга генерација на револуционерни дејци, бидејќи Гоце Делчев се среѓава со Димитар Поп-Георгиев Беровски во едно свое движење низ сега Пиринскиот дел на Македонија и разговараат за тие востанички искуства но и за Револуционерното“. Котлар исто така истакна дека Македонската револуционерна организација е логична последица на она што претходело и има своја идеологија. „Македонската револуционерна организација која се појавува во 1893 година е една логична последица на она што претходело, револуционерна борба. Но, револуционерна борба може да постои само ако има идеологија. Македонската револуционерна организација при нејзиното создавање па и во понатамошниот нејзин развој има идеологија и многу ми се допаѓаат определбите на Петар Поп-Арсов и на Ѓорче Петров во однос на тоа. Петар Поп-Арсов, еден од оосновачите кои што ги спомнавме вели дека Организацијата се создаде токму за да одговори на македонските потреби и ова не го измислувам, туку е дел од неговите искази пишувања. А Ѓорче Петров вели дека Организацијата се појави токму во моментот кога беа потребни моменти и акции за да одговорат на подлабоки, поблиски и пореални потреби на македонското население во тој период“, рече Котлар.

Котлар: За Бугарија е провокација самото постоење на македонците, Вербалните ноти на МНР се замајување на јавноста за критиките за пасивниот однос

Магдалена Андонова — Fri, 21 Oct 2022 17:28:57 +0000

Јас не знам за какво добрососедтсво можеме да зборуваме кога во старт другата страна ни вели дека не признава постоење на македонска нација, посебна македонска историја, посебен народ. со кого прават добрососедство оние од другата страна, тоа не ми е јасно. Проблемот кај нас е дека многу порано требаше да се истакне дека во оваа држава македонскиот народ е оној кој што е суверен на оваа територија врз основа на АСНОМ-ските одлуки кои што ја поставија државотворноста на македонската држава и требаше да се гради една надворешна политика симетрична, а не асиметрична како што е присутна во договорот за добрососедство, рече професорката Наташа Котлар во денешното гостување во емисијата „Само вистина“ на Канал 5 телевизија. Таа посочи дека во односите меѓу Бугарија и Македонија ние не доживеавме претставниците на надворешната политика на Македонија да заземат соодветен став кон другата страна, бидејќи пред се мора да водите грижаза достоинството, честа и угледот на народот вво македонската држава.

Котлар вели дека според нејзе, за Бугарија е провокација и самото постоење на македонците и тоа ќе продолжи да биде така се додека бугарската држава и нејзините владејачки кругови не прифатат дека од другата страна е македонскиот народ. - Мислам дека самото постоење на македонците е провокација за Бугарија, се додека бугарската држава и нејзините владејачки кугови не сватат дека од другата страна е македонскиот народ и другите делови на народи кои што живеат во оваа држава, меѓутоа се определиле да бидат во македонската држава и градат македонска историја и култура, рече Котлар. Професорката смета дека во овие пет години од 2017, кога е потпишан Договорот за добрососедство со Бугарија од македонската страна нема сериозна надворешна дипломатска активност и дека последните вербални ноти што МНР ги испратило за провокациите и навредите ои доаѓаат од бугарските политичари, е вушност замајување на јавноста бибејќи беше критикувано за нејзиниот пасивен однос. - За овие пет години од 2017 кога е потпишан договорот, дали ние сме доживеале една сериозна надворешена политичка дипломатска активност, од страна на нашите преставници на политиката. Ова сега во моментиве што го доживуваме како вербални ноти од една страна кон другата, мислам дека е замајување на јавноста, бидејќи беше многу критикувана нашата дипломатија за нејзиниот пасивен однос. Таа треба да си го менува целосно својот однос, како што кажа и господинот Дејвид Гир, добрососедството и почитувањето на различностите. Тие се темелите и на Европската унија, истакна Котлар.

Котлар до владата: Може да го продавате тоа што вие сте го купиле или заработиле, но Македонија НЕ, таа е на народот

Магдалена Андонова — Sat, 02 Jul 2022 19:12:03 +0000

Ова овде е улицата Илинденска, а се вика Илинденска заради насловот на Вапцаров, пишуваше за Илинденска, таму пишува дека вината не е наша, туку на некој друг и тоа некому му тежи како сто тона, и се ние Македонците ќе и раскажеме на мајката Македонија. Ете ја нашата историја, меѓутоа како да пишува за нашето време, за етноцид, културоцид и тоа замислете во 21 век, рече универзитетската професорка Наташа Трајкова Котлар на денешниот протест пред палтото на Владата на Република Македонија. Котлар нагласи дека договорот за добрососедство со Бугарија не значи ниту мир, ниту рамноправност, туку лицемерие укажувајќи дека со овие барања Бугарија нема ништо европско во однесувањето. Но, за да биде тоа уште полошо имаме два договори, Преспански и оној Бугарскиот. Овде гледаме триумфализам на оние кои што ни нудат европски вредности, наводен мит, рамноправност, добрососедство, убаво однесување а фактички лицемерие. Фактички Македонија дава европски вредности. Ние сме тие кои што имаме историја, идентитет, јазик, култура, и кои што треба да бидат заштитени од оние кои што сега ги слушаме, им порача Котлар. Сакам да им порачам со зборовите на Горан Стефановски: не чепкај тука, кога ќе спечалиш и кога ќе заработиш, тогаш можеш да продаваш, а ова е наше, народно и македонско, изјави Котлар. Котлар потсети и на правото на самоопределување нагласувајќи дека секој народ во светот има право на самоопределување, па така и македонскиот народ го има истото тоа право. Секој народ во светото има право на самоопределување, така и македонскиот народ има право на самоопределување, изјави таа,

Котлар: Употребната вредност на Заев е јасна – да распродаде се македонско

Ивана Ефремовски — Wed, 08 Dec 2021 18:26:06 +0000

Употребната вредност на Заев е многу јасна, ја видовме уште од почетокот со Преспанскиот договор, Договорот со Бугарија, сега треба да ја заокружи работата и толку ќе биде од него, но штетата ќе ја направи, рече Наташа Котлар, универзитетски професор на гостувањето на телевизија Алфа во емисијата “Што не е јасно“. Според неа, Заев можеби ќе направи навистина голема штета. „Можеби навистина ќе направи нешто, а ние ќе си ја чукаме главата што понатаму. Ако Македонците ја губат сувереноста на просторот, географијата, тоа значи ќе ја губиме и политичката сувереност. Мислам дека неговата намена е таа“, рече Котлар. Токму затоа, вели Котлар мислам веќе треба да грмнат сите. „Последиците не знам ниту дали ќе може да ги санираме. Отпорот треба да биде низ организирана политика“, додава таа. Според неа, на народот му е потребно да има држава која ќе создава, а не зборуваат само лични интереси и криминал. „Прво што требаше да се направи нешто да се одговара за модуларната болница во Тетово каде изгореа 14 лица, потоа катастрофата во Бугарија каде загинаа 45 лица, а овде се зборува за функции, интереси, криминал“, посочи Котлар.

Котлар: Македонската историја не може да биде под акробациите на политиката, а Заев може и да договори нешто, но нема да му помине овој пат!

Ивана Ефремовски — Wed, 08 Dec 2021 18:00:08 +0000

Во Македонија има македонски културни вредности, македонски историски вредности и се она што е израз на македонскиот народ, рече Наташа Котлар, универзитетски професор на гостувањето на телевизија Алфа во емисијата „Што не е јасно“ коментирајќи ги изјавите на бугарскиот претседател Румен Радев дека тие се грижат и борат за заштита на културните, образовните бугарски вредности во Македонија. „На сите треба да им е јасно дека во Македонија има вредности на македонскиот народ и нема што некој од соседна држава да зборува за заштита на свои вредности тука во земјава“, рече Котлар. Таа се осврна на делото на Свети Климент. „Климент она што го создава со Наум е една нова народна духовна, просветна вредност која влегува во македонскиот идентитет и има разлика од она што е во Бугарија. Свети Климент и Наум се доследни ученици на Кирил и Методиј“, рече Котлар. Или според неа Климент е историски и духовен лик кој е многу значаен за македонскиот идентитет и затоа тука сакаат да не удрат бидејќи идентитетот ни е на сериозен удар. „Македонската историја не може да биде под акробациите на политичката номенклатура на овој наш политички простор. Можеби тој нешто ќе договори, знаејќи го него. Но нема да помине така лесно како Договорот од Преспа“, рече Котлар. Таа посочи дека Македонија е пред сериозни надворешно политички реперкусии, удар врз идентитетот. „Во ваква ситуација институциите се многу тивки, тие мора да излезат и да кажат, и мора општествено да се експонираат, а ако работите во таква институција мора да одговорите на прашањата тие се општествени, не е тоа само политика“, вели Котлар.

Котлар: Буџетот на Центар ќе се носи со учество на граѓаните, ќе ги зголемиме и зелените површини

Дарко Андоновски — Fri, 29 Oct 2021 19:06:00 +0000

Буџетот на општината секогаш мора да се носи со учество на граѓаните, тоа го налага и Законот за локална самоуправа, бидејќи тоа се пари кои во општината одат во страна на граѓаните и затоа тие мора да бидат информирани каде се трошат нивните пари, изјави кандидатката на ВМРО-ДПМНЕ и коалицијата за Општина Центар, Наташа Котлар во дебатата на Топ Тема на Телма телевизија. Котлар изјави дека како и за Буџетот така и за деталните урбанистички планови мора да учествуваат граѓаните, бидејќи во моментов власта измислува разни оправдувања за спроведување на лош детален урбанистички план. Во однос на животната средина и зеленилото истакна дека зголемувањето на зеленило ќе биде задолжително, а од градоначалникот и советниците ќе зависи како се применува законот за заштита на животната средина и како општината се однесува кон зеленилото. - Ние се определуваме да го зголемиме зеленилото во Центар по пат на задолжително садење на дрвја, ќе има дрвореди, зелени површини, има плочници кои сега не се искористени и ќе бидат зелена површина, не може повеќе да се изигрува законот, нагласи Котлар.

Котлар: Нудам проекти со кои што младите ќе останат во општина Центар, во Македонија

Дарко Андоновски — Thu, 28 Oct 2021 17:03:15 +0000

„Она што го гледам на теренот и честопати го велам има толку насобрано проблеми во оваа општина што и да избереме по десетина градоначалници за секое место во општина Центар ќе бидат малку за да се справат со проблемите“, истакна Наташа Котлар Трајкова, кандидат за градоначалник за општина Центар во емисијата „Што не е јасно“ на Алфа телевизија. Котлар Трајкова додаде дека при разговори со жители увидела дека граѓаните имаат проблеми со улицата на која живеат, со атмосферската канализација, канализационата инсталација, дали е сообраќајната инфраструктура, паркинзите, недостаток на градинки итн. жителите во Центар се соочуваат со многу проблеми. „Делови од Ново Маало, Крњево и Маџир Маало има проблеми, и мора да бидат урбанизирани. Има проблеми и на Водно искрено да ви кажам ќе помислиме дека тоа е елитна населба меѓутоа и таму има проблеми кои што се напластени од претходните периоди“, појасни Котлар Трајкова. Котлар Трајкова посочи дека капитални инвестици можат да бодат градба на градинки, асфалтирање на улици како што треба, а не како сега градоначалникот што ги асфалтираше со тенок слој на асфалт. На Центар е потребен иновативен парк за млади луѓе кој што ќе биде наменет за идејни и старт ап фирми. Со ова ќе се мотивираат младите да останат во општина Центар, во Македонија.

Котлар: Изградба и обележување на велосипедски патеки на подрачјето од општина Центар

Катерина Бојаџиева — Thu, 28 Oct 2021 07:28:48 +0000

Изградба и обележување на велосипедски патеки на подрачјето од општина Центар, истакна кандидатот за градоначалник на општина Центар, Наташа Котлар. -Поставување на специјално обележани паркинг-места наменети за велосипеди. Промоција на системот PARK & RIDE (паркирај и вози) со бесплатно користење на велосипеди на јавните паркиралишта на ЈП Паркинзи на Општина Центар. Субвенвии за електрични велосипеди како алтернативен начин на превоз. За Центар со душа, пишува Котлар на Фејсбук.