наташа малинкова – Kurir.mk

Пандемијата е при крајот, време е за добра музика: Наташа Малинкова ја промовира новата песна „Немам зборови“! (ВИДЕО)

Дарко Андоновски — Fri, 25 Jun 2021 07:17:22 +0000

Сведоци сме дека корона-пандемијата речиси целосно се смири во нашата земја и искрено се надеваме дека и ќе остане така. Тоа беше доволна причина за повеќето од македонската музичка естрада да ги засукаат ракавите и да почнат со создавање нова музика за својата публика. Една од нив е познатата пејачка Наташа Малинкова, една од најбараните кога станува збор за „живите“ настапи. Таа пред само еден ден ја објави својата најнова песна „Немам зборови, за која сними и прекрасен видеоспот. Се разбира, Малинкова и овојпат му остана верна на својот соработник Столе Аврамов, кој стои потпишан и зад оваа нејзина најнова песна. - Со Столе се познаваме долги години и досега се потпишува на скоро сит мои песни. Ми верува, јас му верувам и воопшто немаме проблем да соработуваме. Ова е една модерна песна со певлив рефрен и заедно со Столе се согласивме дека сега е идеално време за нејзина промоција- ни изјави Малинкова. Инаку Наташа и режисерската палка му ја довери на познатиот Даниел Јовески и „Дигитал Бокс Продукција“, кои се погрижиле да добијат одлично видео. Покрај Малинкова во спотот се појавуваат и девојките од „Брејк А Лег“, како и Мина Здравкоска и Стефан Николиќ. - Задоволна сум од тоа како излезе и песната и видеото. Коментарите барем засега се позитивни и верувам дека ќе си го најде патот до публиката. Сакам посебно да се заблагодарам на луѓето и целиот тим што мене и го реализиравме проектов во овие тешки времиња - вели Наташа. Да не должиме многу, погледнете, „лајкнете“, споделете и уживајте:

Време е за добра музика: Наташа Малинкова вредна и во време на пандемија – слушнете ја нејзината нова песна (ВИДЕО)

Дарко Андоновски — Thu, 04 Jun 2020 15:23:42 +0000

Дефинитивно таа е една од највредните изведувачи на македонската естрада. Пејачката Наташа Малинкова и во услови на пандемија за своите обожаватели сними уште една прекрасна песна. Одлична музика, уште подобар текст, новата „Се што ми зема“ дефинитивно е песна која заслужува да се најде на врвот на сите топ-листи во нашата земја. Како и претходно, така и сега, комплетен автор на ова најново музичко парче на Наташа е нејзиниот долгогодишен соработник Столе Аврамов. - Во ова време-невреме мислам дека на сите нас ни недостига музика. Јас и мојот тим имаме повеќе готови песни, но одлучивме дека сега е време токму за оваа песна и мислам дека направивме одличен избор – вели накусо Наташа. Слушнете и погледнете го видеото за „Се што ми зема“:

Наташа Малинкова се пронајде себе си во „Биди со мене“ (ВИДЕО)

Дарко Андоновски — Tue, 26 Nov 2019 14:00:39 +0000

Наташа Малинкова денес, 26 ноември 2019 ја промовира својата најнова песна со наслов – „Биди со мене“ на која како автор се потпишува веќе добро познатиот и проверен нејзин соработник и колега од ноќните настапи, Столе Аврамов. За разлика од претходната тема, ова е нешто сосема поразлично и можеби помалку неочекувано од познатата пејачка, за што таа вели: „Искуството низ годините и ноќните настапи ни се единствениот репер за тоа што би сакала публиката да слуша. Мешање на стилови од ретро, до песни со модерни аранжмани… Сакавме во период кога ни претстојат убави празници, во моменти кога сме опкружени со луѓето што ги сакаме и не сакаат, да им подариме една убава поп – латино тема во која мислам дека секој еден може да се пронајде“ – вели Наташа. Инаку за оваа нова песна Малинкова сними и интересен видеоспот, на кој како режисер се потпишува Владислав Гавриловски. „Тоа е една спонтана приказна за тоа како изгледа едно наше деноноќие. Работата во студио, дел од нашите ноќни настапи, нашите најмили и пријателите. Овојпат честа ја имав статисти во спотот да се појават моите драги колеги и пријатели – Даниел Данн и Марко Марк,а девојката во видеото ни е гостинка од Мелбурн, која случајно и со задоволство прифати да биде дел од ова, за неа прво искуство“ – завршува пејачката.

Очите ќе ви испаднат: Македонската пејачка Наташа Малинкова навиваше топлес! (ФОТО)

Дарко Андоновски — Wed, 17 Jan 2018 19:48:39 +0000

Настапот на македонските ракометари на Европското првенство (ЕП) е бурно следено буквално од цела држава и речиси да нема некој кој не ги бодри избраниците на селекторот Раул Гонзалес, било во живо во Загреб или дома пред телевизиските екрани. Тоа важи и за членовите на естрадата, меѓу кои најуникатен начин за навивање избра пејачката Наташа Малинкова. Таа вечерашниот дуел со Германија, или барем дел од него, го проследи топлес со срце под кое се напишани буквите МКД како и шал со зборовите Македонија во рацете. Ваквиот начин на навивање донесе голем бод за жолто-црвените, поради што за очекување е Малинкова во сличен стил да продолжи да ги следи и дуелите на ракометарите и на средбите од втората фаза во Вараждин.

MAKEDONIJA !!! Gazime do POLUFINALE !!! ???⚽? #mkd #rakomet #makedonskareprezentacija #euro2018 #croatia #handball #proud #love #support

A post shared by Natasa Malinkova (@natasamalinkova) on Jan 17, 2018 at 11:09am PST