Наташа Пирц Мусар – Kurir.mk

Ковачевски: Сега е време да покажеме заедништво, државнички став и дека нашето место е во Европската Унија

Ивана Ефремовски — Tue, 13 Jun 2023 13:41:03 +0000

И благодарам на словенечката претседателка Наташа Пирц Мусар за охрабрувачките тонови и силни пораки во нејзиното денешно обраќање пред пратениците, напиша премиерот Димитар Ковачевски на неговиот фејсбук профил. -Во овие пресудни мигови во нашата историја, навистина многу значат нејзините зборови на поддршка на нашиот европски пат и пораката дека мора да се забрза со евроинтеграцискиот процес бидејќи сега е вистинскиот момент. Сега е време да покажеме заедништво, да покажеме државнички став и да покажеме дека нашето место е во Европската Унија, објави Ковачевски на фејсбук.

Словенечката претседателка Наташа Пирц Мусар во официјална посета на Северна Македонија

Катерина Бојаџиева — Tue, 13 Jun 2023 06:32:28 +0000

Претседателката на Република Словенија, Наташа Пирц Мусар денеска престојува во официјална посета на земјава, во рамки на која ќе се сретне со нејзиниот домаќин, претседателот Стево Пендаровски, а ќе има средби и со претседателот на Собранието, Талат Џафери, премиерот Димитар Ковачевски и ќе се обрати на свечена седница во Парламентот. Пирц Мусар ќе биде пречекана со највисоки државни и воени почести на официјална церемонија во Кабинетот на претседателот, по што ќе следува тет-а-тет средба на претседателите Пендаровски и Пирц Мусар и пленарен состанок на делегациите на Северна Македонија и Словенија. Во рамки на посетата, како што соопшти кабинетот на Пендаровски, во црквата „Св. Спас“ во Скопје двајцата претседатели ќе положат венци на гробот на Гоце Делчев.

Претседателите на Хрватска и Словенија поддржуваат продолжување на Иницијативата Брдо-Бриони

Тале Кристо — Wed, 01 Feb 2023 16:11:52 +0000

Претседателот на Хрватска, Зоран Милановиќ и претседателката на Словенија, Наташа Пирц Мусар денеска во Загреб се заложија за продолжување на регионалната иницијатива Брдо-Бриони и ја поддржаа идејата следната средба да се одржи на крајот на годината во Северна Македонија. - Намерите во однос на таа Иницијатива се исти, а тоа се интеграцијата и благосостојбата на земјите од просторот на Западен Балкан, истакна Милановиќ на заедничката прес-конференција. Тој додаде дека „треба да се внесат уште неколку работи во помирни води“ за да се продолжи со Иницијативата што беше иницирана во времето на поранешните претседатели на Хрватска и Словенија, Иво Јосиповиќ и Борут Пахор. - Што се однесува до мене, тоа е можно, но истото се прашуваат и оние кои учествуваат во него, посочи Милановиќ.

Наташа Пирц Мусар стапи на функцијата претседател на Словенија

Ивана Ефремовски — Fri, 23 Dec 2022 15:22:43 +0000

Наташа Пирц Мусар (54) денеска на свечена церемонија во претседателската палата ја презеде должноста петти претседател на Словенија. Во придружба на нејзиниот сопруг, како врховен командант на словенечките вооружени сили таа изврши смотра на почесната гарда. По цврениот тепих таа дојде до палатата, каде нејзиниот претходник Борут Пахор кој десет години ја вршеше претседателската функција ја чекаше со букет цвеќе. Претседателката Мусар вчера на церемонија во Националното собрание положи заклетва и вети дека ќе продолжи да се бори за човековите права и владеењето на правото. Улогата на претседателот во Словенија е главно церемонијална, а претседателот според Уставот е и шеф на државата и врховен командант на словенечките вооружени сили. Пирц Мусар, која по професија е адвокат, беше избрана за претседателка во вториот круг на 13 ноември откако го победи поранешниот министер за надворешни работи Анже Логар со освоени повеќе од 50 отсто од гласовите. (МИА)