натпревар – Kurir.mk

Во Кавадарци натпревар во јадење лути пиперчиња

Тале Кристо — Sat, 07 Oct 2023 08:37:16 +0000

Меѓународен натпревар во јадење лути пиперчиња „Супер лут предизвик" ќе се одржи денеска во Кавадарци. За најхрабрите, како што велат организаторите, предвидени се вредни награди. Натпреварот прв пат се реализираше минатата година, за време на стопанско-културната и туристичка манифестација „Тиквешки гроздобер". Слободанчо Василев од Кавадарци беше најдобар во јадење лути пиперки и освои ЛЦД телевизор, росоманката Весна Јаневска беше втора, таа доби сом од десет килограми, додека Бобан Милошевски од Скопје го зазеде третото место, а наградата беше ваучер од 1.500 денари во гостилница и еден крап.

Познато кога ќе играат АЕК и Динамо, ако хрватскиот гигант остане во Европа

Дарко Андоновски — Tue, 08 Aug 2023 09:54:09 +0000

Динамо во Атина вечерва требаше да игра натпревар против АЕК во третото коло од квалификациите за Лигата на шампионите, но натпреварот беше одложен по големите нереди во кои 29-годишен навивач на АЕК го загуби животот. Се чека казната која сигурно ќе ја добие Динамо, некои медиуми шпекулкираа и за можно исфрлање на Динамо од Европа. Сепак, тоа е помалку веројатна опција. Ако Динамо не биде исфрлен од Европа се најавува и можниот датум за натпреварот. Според најавите домаќинството ќе биде заменето и Динамо ќе биде домаќин на 15-ти август, тоа беше планирано да биде реванш дуел, но сега ќе биде прв натпревар. Денешниот одложен дуел би можел да биде одигра три или четири дена подоцна. Ќе потсетиме, подобриот од овој двомеч ќе оди на Антверпен и тие натпревари се играат на 22-ри и 30-ти август.

Веганите издејствувале забрана на натпревар во печење свинско во Србија

Катерина Бојаџиева — Tue, 25 Jul 2023 07:50:41 +0000

Натпреварот во печење прасе - „Сепра фест“ што требаше да се одржи во Аранѓеловац, Србија, како што тврдат организаторите, е откажан по поттик од српската „Веге-заедница“. „Сепра фест“ опфаќа натпревар на пријавени екипи во печење свинско, со шатори и музичка програма сред областа Шумадија. Но, ден пред одржувањето на манифестацијата организаторите биле посетени од инспекторатот и изречена е забрана за одржување. Организаторот на фестивалот, Владимир Николиќ вели дека целта била да се соберат луѓе, семејства, пријатели и сѐ тоа да се прослави со музика. - За 25 дена се пријавија над 150 тимови - околу 2.000 учесници. Настанот беше уредно пријавен во полиција. На крајот се случи нешто што никој не го очекуваше... Сè беше подготвено и уредно, со изјава дека ниту една свиња не може да влезе на настанот без потврда дека месото е исправно. Секоја свиња што е донесена му припаѓа на тимот. Дека инспекторот поднел барање оти фестивалот мора да се спречи, дознавме во 20 часот ден претходно, рече Николиќ. Додека траеше промоцијата на фестивалот, тамошните вегани побараа од претседателот на Општина Аранѓеловац да престане да поддржува ваков настан. Сепак, Јелена Дисиќ, претставничка на „Веге-заедницата“ ги демантираше наводите дека побарале забрана за настанот. - Не баравме забрана. Но, не се согласувам дека тие се грижат за традицијата. Можеше сè да мине без колење. Нашето здружение има за цел да спречи насилство врз животните и да ја информира јавната администрација, изјави таа. Од здружението на веганите изразија став дека убивањето невини животни со песна и забава „ја поттикнува и негува суровоста кон слабите“, со изговор за традицијата.

Одреден терминот за деби на Меси во дресот на Интер Мајами

Ристе Здравков — Wed, 21 Jun 2023 10:27:24 +0000

Аргентинскиот фудбалер Лионел Меси би требало да дебитира за Интер Мајами на 21 јули, изјави претседателот на клубот, Хорхе Мас. Тој рече дека Меси најверојатно ќе го одигра својот прв натпревар за Интер против мексиканскиот Круз Азул во Лига Купот, северноамериканско натпреварување кое заеднички го организираат Северноамериканската лига (МЛС) и мексиканската федерација. Меси на 7 јуни објави дека кариерата ќе ја продолжи во Мајами, по две години поминати во Пари Сен Жермен. „Решив да одам во Мајами. Време е да одам во МЛС лигата и да го доживеам фудбалот на поинаков начин", изјави тогаш Меси. Американските медиуми објавија дека Аргентинецот потпиша договор со Интер Мајами на две и пол години вреден 55 милиони евра. Договорот предвидува и удел во капиталот на клубот на крајот на играчката кариера.

Агресивен маж го нарушил јавниот ред и мир на фудбалски натпревар во Охрид

Ивана Ефремовски — Mon, 12 Jun 2023 16:03:30 +0000

На 11.06.2023 во спортскиот центар „Билјанини извори“ во Охрид, за време на одигрување на фудбалски натпревар во младинска конкуренција, Ф.А.(42) од Скопје го нарушил јавниот ред и мир со агресивно однесување кон полициски службеници кои преземале службени дејствија. По документирање на случајот против него ќе биде поднесена соодветна пријава.

В сабота сите на забава и кошарка во хуманитарни цели

Ристе Здравков — Tue, 04 Apr 2023 08:40:15 +0000

Групата ентузијазсти, собрани во тимот Водњански Ласици (не е грешка, се вика Ласици), претстојната сабота (8 април) ќе организира ревијален кошаркарски натпревар со хуманитарен карактер. Противник на Ласици ќе им биде италијанскиот Сгарупати, сличен состав кој патува низ светот и учествува на вакви настани, а овојпат ќе им помогне на нашите ентузијасти во акцијата за собирање средства за Никола Ѓорѓиев кој боледува од рак на коските. Настанот нема да биде само кошаркарски бидејќи е предвидена и забава, а поканети се сите кои сакаат да учествуваат во хуманитарната акција. Целиот текст прочитајте го на kos.mk

Драма на ракометен натпревар, нападнат делегат

Ивана Ефремовски — Sun, 26 Feb 2023 16:09:56 +0000

На 25.02.2023 година пријавено е дека во 11:45 часот, на полувреме од ракометен натпревар одржан во спортската сала „Христо Узунов“ во Кичево, Ј.Ш.(56) од Кичево, го нарушил јавниот ред и мир. Тој од трибините влегол во спортскиот терен по што, физички го нападнал делегатот на натпреварот, С.Р.(36) од Охрид. Натпреварот е прекинат и по целосно документирање на настанот ќе биде поднесена соодветна пријава.

Начевски и Николов ќе го судат дербито на денот

Ивона Петрова — Mon, 16 Jan 2023 10:46:33 +0000

Довербата која македонските судии Ѓорѓи Начевски и Славе Николов ја уживаат кај челниците на светскиот ракомет потврдена е уште еднаш. Нападот од данските медиуми за случај за наводно местење на натпревари кој одамна е решен, не им наштети на Начевски и Николов. Македонската судиска ракометна двојка е делегирана за денешниот натпревар меѓу Унгарија и Португалија со почеток во 20:30 часот. Начевски и Николов денеска ќе го судат мечот кој е дерби на денот и кој ќе се одигра во Кристиjанстад арената.

Натпревар со хуманитарен карактер: Македонската ракометна А-селекцијата поуспешна од ветераните

Катерина Бојаџиева — Tue, 03 Jan 2023 20:20:01 +0000

Актуелните македонски ракометни репрезентативци и ветераните вечерва во СЦ „Борис Трајковски“ одиграа ревијалниот натпревар со хуманитарен карактер. Сите приходи од билетите за овој ракометно-музички спектакл „Сите ѕвезди“ ќе бидат донирани за СОС Детско село. Победија актуелните репрезентативци со 25:21. Пред полните трибини (околу 6.000 гледачи) продефилираа поранешните репрезентативци Кирил Лазаров, Филип Миркуловски, Стојанче Стоилов, Наумче Мојсовски, Борко Ристовски и другите великани кои го носеа „црвено-жолтиот“ дрес изминатата деценија. Дваесет и двајцата поранешни репрезентативци од РФМ добија врамен дрес. За најкорисен играч на натпреварот (МВП) е прогласен Ванчо Димовски. Организаторот на настанот, Ракометната федерација на Македонија, уште еднаш ја покажа својата хуманитарна димензија со поддршката на најранливите, децата и младите без родителска грижа. Настанот беше збогатен со музичките ѕвезди, Александар Митевски, Драган Спасов Дац, Кики Мукаетов, Меморија, Некст Тајм, а шоуто го водеше Сашко Коцев. Македонската репрезентација утре заминува за Пореч да ги продолжи подготовките за претстојниот Мундијал во Полска и Шведска.

Сите ѕвезди на едно место: Почнува продажбата на билети за ракометниот спектакл на 3. јануари!

Ристе Здравков — Mon, 19 Dec 2022 14:36:55 +0000

Од денеска започнува продажбата на билети за ракометниот спектакл во кој на едно место ќе ги видиме нашите најголеми имиња. Имено на 3 јануари во спортскиот центар „Борис Трајковски“ ќе се одигра мечот меѓу ракометните ветерани и актуелните репрезентативци, меч кој ќе има хуманитарен карактер. На истиот ќе се појават многу наши легенди, асови кои оставија трага во ракометот во изминативе години, децении. Билети се во ограничен број и можат да се набават преку мрежата на МК Тикетс по цена од 250 и 300 денари. Приходите од продажбата на билетите, ќе бидат донирани на „СОС Детско село“ од Скопје. Покрај квалитетен ракомет, за време на настанот се предвидува и квалитетна забавна програма модерирана од Сашко Коцев, во која учество потврдија македонските уметници: Дац и Александар, Кики, Некст тајм и Меморија. Билетите може да се набават онлајн на овој линк, како и на продажните места на МК Тикетс на листата подолу: СКОПЈЕ – ЛИТЕРАТУРА: Рамстор Мол Ист Гејт Мол Скопје Сити Мол ТЦ Буњаковец Веро Џамбо ГТЦ Приземје Улица Македонија БИТОЛА: TOBACCO BROTHERS – Широк Сокак ЛИТЕРАТУРА 2 – Широк Сокак 40 ГОСТИВАР: TOBACCO BNB – Ул. ЈНА бр.1 ВОЈНА ПЕТ – Ул. Живко Брајковски 15 ТЕТОВО: ГРАНД ТОБАКО – Ул. 29 Ноември бр.107, локал бр.2 ТОБАКО МОНАКО – Ул. Илинденска 176 СТРУМИЦА: ТА САФАРИ – Ул. Благој Јанков Мучето бр.2 ЛИТЕРАТУРА – Ул. Благој Јанков Мучето бр.4 ОХРИД: ТА ВИС ПОЈ – Бул. Македонски Просветители бр.1 ВЕЛЕС: УНИСОН – Ул. Благој Ѓорев бр.9 РАДОВИШ: HALKIDIKI TRAVEL – Ул. Партизанска бр.43 ПРИЛЕП: Т.А. БРАН – Ул. Пере Тошев 75 КУМАНОВО: Кафе Бар АГОРА – Т.Ц. Гарнизон МАКЕДОНСКА КАМЕНИЦА: CLIFF OF MOHER – PUB Маршал Тито