наум стоилковкси – Kurir.mk

Стоилковски: Поминаа 10 дена од случајот „Онкологија“, ЈО има обврска да излезе во јавноста и да сподели сознанија

Тале Кристо — Mon, 11 Sep 2023 11:23:01 +0000

Портпаролот на ВМРО-ДПМНЕ, Наум Стоилковски одговарајќи на новинарско прашање во однос на тоа што поминаа 10 дена од случајот „Онкологија“ и нема ништо официјално од истрагата, истакна дека поминаа 10 дена од случајот „Онкологија“, ЈО има обврска да излезе во јавноста и да сподели сознанија. -Иако Онкологија ја тресе јавноста и е прашање од јавен интерес, по цели 10 дена ЈО не излегува во јавноста да соопшти детали со кои сепак нема да го сруши предметот. И по 10 дена истите доктори, истиот персонал работат делуваат на клиниката. Истите партии кои што поставуваат директори на таа клиника се уште се на власт и со тоа може да влијаат на истрагата. И со сето тоа го рушат кредибилитетот на клиниката, се руши кредибилитетот на докторите во целост, се руши довербата кај јавноста и кон здравството и кон институциите и кон државата. Заради ова ЈО има обврска да излезе во јавноста и да сподели сознанија од оваа истрага, нагласи Стоилковски.

Стоилковски: СДСМ/ДУИ планираат долга и тешка енергетска криза?

Тале Кристо — Tue, 30 Nov 2021 12:07:20 +0000

Блокирање на патни правци и делници; Воспоставување нов режим на движење; Блокада на простор; Воспоставување на контролни пунктови; Пребарување и претрес на терен; Следење на социјални мрежи... и така натаму и така натаму. Ова е дел од планот на мерки и активности на власта на СДСМ /ДУИ којшто е во сила и којшто јасно укажува на „недостаток на електрична енергија и пораст на цената на електричната енергија“, проследено со „реални безбедносни предизвици кои може да рефлектираат и економски, социјални и безбедносни појави со негативни последици“, истакна на денешната прес конференција портпаролот на ВМРО-ДПМНЕ Наум Стоилковски. Во продолжение интегрален текст и видео од прес-конференцијата на Стоилковски: Ова е документ со којшто МВР веќе две недели се подготвува за долга и тешка енергетска и економска кризна состојба! И план којшто нема да заврши на 9 декември кога истекува кризната состојба во Македонија воведена заради енергетската криза. Бидејќи таа очигледно нема да заврши. Планот што го држам во рака, јасно укажува колкава е вистинската енергетската криза, дека состојбата е катастрофална и дека СДСМ/ДУИ немаат стратегија за излез од неа. Напротив, овој план укажува на драматични долгорочни состојби со вознемиреност кај граѓаните и план кој предвидува нарушување на јавен ред и мир. СДМ/ДУИ ја сокриваат вистината. Овој план укажува дека кризната состојба не е воведена на кус рок за „вбризгување на финансиски средства во енергетските компании со цел да се стабилизира состојбата на пазарот на електрична енергија“ и дека тоа не ги надминува последиците. Зар за така кус рок - од 16 ноември кога е влезен во сила овој документ до 9 декември кога завршува кризната состојба, за само две недели, МВР изработува план за набавка дрва за греење и агрегати за струја за секоја станица или објект? Планот укажува дека СДСМ/ДУИ се подготвуваат за долги рестрикции на струја, односно власта крие дека, го цитирам министерот Бектеши „не се предвидени рестриктивни мерки“. Почитувани, наместо да се преземат конкретни чекори за излез од кризата, наместо да се преземат мерки за одговорност за ваквата состојба, СДСМ/ДУИ планираат воведување на рестрикции и притоа вистинска состојба на полициска држава со следење, блокирање, забрани за движење. СДСМ се најодговорни за ваквата состојба, економомска енергетска криза, поскапување кое и СДСМ/ДУИ не може да бидат дел од решението, посочи Стоилковски.

Стоилковски: Скандалот со Црвенковска само ја надополни сликата за состојбите во правосудниот систем во пупка на режимот на власта

Тале Кристо — Sat, 01 May 2021 10:01:32 +0000

Портпаролот на ВМРО-ДПМНЕ Наум Стоилковски на денешната прес конференција на прашање од новинар околу скандалот со новата претседателка на Судскиот совет, Павлина Црвенковска посочи дека тој случај само ја надополнил сликата за состојбите во правосудниот систем. Тој рече дека Судскиот совет мора да го преиспита својот едногласен избор, а Црвенковска да покаже доблест и да се повлече од функцијата. -Овој скандал отвора и два многу сериозни аспекти, прво за вмешаноста на режимот во Еуростандард банка, но и како показател за какви судски реформи се залага режимот на мафијата при оние закани за смена на судии и ламентирањата за испитување на нивниот имот, истакна Стоилковски. Според него, случајот со Павлина Црвенковска само ја надополнува сликата за состојбите во правосудниот систем во пупка на режимот. Изборот и однесувањето на Црвенковска само ќе ја зајакне недовербата на граѓаните кон правосудниот систем, вели Стоилковски. -По скандал во кој што сопругот- бизнисмен не враќал пари за кредитот, од банка во чијшто кредитен одбор работела ќерката, а банката пропаѓа со заштедите на граѓаните, Црвенковска застанува на чело на судскиот совет, откако скандалот одекна во јавноста, изјави Стоилковски. Црвенковска доколку сама не покаже трошка доблест и не се повлече од функцијата, рече тој судскиот совет мора да си го преиспита својот едногласен избор, затоа што се друго понатаму во себе ќе содржи политичка мотивирана пристрасност и од советот и од Црвенковска, дециден е Стоилковски.

Стоилковски: Стопанството се распаѓа, а режимциве наметнаа прашање дали недела да биде неработен ден!

Тале Кристо — Wed, 10 Feb 2021 13:03:22 +0000

Се распаѓа стопанството, луѓе губат работа во режимскава рецесија, ама како главно прашање режимциве наметнаа дали недела е неработен ден за сите, односно дали треба да се молзе и во недела?, пишува на својот Фејсбук профил портпаролот на ВМРО-ДПМНЕ Наум Стоилковски. И се скараа синдикатите и "фирмаџиите" дали да се работело со модел 6+1 слободен ден неделно или европски 12+2 слободни дена; со тоа што синдикатот стравува од нови злоупотреби. Јас лично би им препорачал и на работодавачите и на работниците да баталат празни расправи на ваква неконструктивна тема - дали ако излезат од бунарот во кој се дават ќе биде среда или сабота; а не како заедно да се изборат да излезат против злоупотребите, на пример каде се 850 милиони евра позајмени за нив, односно за зачувување на бизнисот и работните места! На оваа дискусија само ќе надоврзам дека има 55000 нови невработени, додека администрацијата се надополнува предизборно. И, впрочем зошто не се дигне прашање како тоа администрацијата работи со сите повластици за работно време и слободни денови, па работник од реалниот сектор за да заврши обврски треба да "бега" од работа за да стигне по шалтерите! Има многу сериозни теми, не дозволувајте молзење на енергијата со празни муабети со класичната режимска тактика "скарај, па владеј", вели Стоилковски во својата објава.

Стоилковски: Власта ја одбегнува или бајпасира опозицијата за да истурка штетни закони како што е законот за пописот

Тале Кристо — Wed, 27 Jan 2021 09:07:41 +0000

-Опозицијата не се консултира за ниту едно битно прашање, тука е прашањето за Бугарија, прашањето за образовните реформи и итн. Нема прашање кое што ја тангира јавноста, а власта да не најде начин да ја бајпасира што велите вие опозицијата, односно сама да си истурка закон по скратена постапка, со европско знаменце, било како, ќе насети дека таму има Комисија кај која што треба да помине некој закон а дека опозицијата може да даде амандмани како што беше за пописот. Едноставно власта се труди од петни жили да го заобиколи сиот тој систем поставен токму за демократска контрола нели на законите што се предлагаат во владата и да си донесе закон, да си истурка закон на сметка на еден или два гласа повеќе во Собранието, истакна портпаролот на ВМРО-ДПМНЕ, Наум Стоилковски при своето гостување на утринска на Алфа телевизија. Стоилковски додаде дека токму оваа практика на власта не дава никаква слика за демократски реформи. -Што е најстрашно велат дека методологијата на пример за пописот ќе се објави понатаму. А, многу е интересно кој ќе ја сноси одговорноста при евентуален пропаст на попис. А, луѓе веќе најавуваат, тоа не се луѓе поттикнати како што велат од политичка партија. Едноставно луѓе не веруваат на оваа операција наречена попис. Луѓе не веруваат дека институциите во Македонија имаат капацитет да спроведат реален попис. Тоа е страшно“, рече Стоилковски. Стоилковски посочи дека што е страшно што ноторијатот од Водно односно претседателот Стево Пендаровски го потпиша овој закон за спроведување на операцијата попис иако велеше дека ќе се консултира со врвни експерти. „Погледнете ги законите еве во регионот, во Хрватска и Бугарија, внатре стои што ќе се попишува, како ќе се попишува , имаат точни дефиниции за се, појасни Стоилковски. Стоилковски рече дека пописот сега во моментов е само врвот на нешто. Проблемите ги има насекаде поради неспособноста на оваа власт, тука е проблемот со образовната реформа, проблемот со датумот за евроинтеграции, проблемот со Бугарија, проблемот со корупцијата, проблемот со економијата, со рецесијата, проблемот со здравството, проблемот со пензиите кои што се намалуваат и итн. -Ние можеме и со пратеници да поднесеме барање за поништување на овој закон и за носење на нов. Но владејачкото мнозинство треба да го осети притисокот на стотици илјади Македонци кои што ќе го дадат потписот за поништување на нивниот закон за попис. Законската процедура вели може и еден пратеник да поднесе барање за носење на нов закон, според Уставот и според граѓански потписи тоа треба да биде 10.000 граѓански потписи, но јас велам што поголем притисок од оние што значат избирачи од каде што лежи легитимитетот на оние што седат во Парламентот, толку ќе биде посилен притисокот кон нив, да го повлечат ова решение, посочи Стоилковски. Стоилковски најави дека кон крајот на неделата или почетокот на наредната недела ќе започне иницијативата за собирање на потписи за укинување на законот за попис.

„Нека објасни Заев зошто тој може да каже “Македонски фудбал”, а не може да пишува “Македонски народен театар”“

Тале Кристо — Fri, 13 Nov 2020 09:39:36 +0000

Нека објасни @Zoran_Zaev зошто тој може да каже "Македонски фудбал", а не може да пишува "Македонски народен театар" или "Македонска академија на науките и уметностите"#ГраматикаСоЗоќе #КакоБудалаНаБудала #ФатенВоСвојаЗамка
— Naum Stoilkovski (@NaumStoilkovski) November 13, 2020

Стоилковски: Боки 13 не би можел да изрекетира ниту денар, ако зад него не стоело цело СДСМ и владините функционери

Дарко Андоновски — Fri, 24 Jul 2020 12:24:23 +0000

Целата влада на Зоран Заев и СДСМ била вмешана во Рекет. Боки 13 на суд вчера јасно кажа дека доколку не била поддршката од функционерите на СДСМ бизнисмените не би ни седнале со него да преговараат, ова денеска преку прес-конференција го истакна портпаролот на ВМРО-ДПМНЕ Наум Стоилковски. -Ќе цитирам: - Бизнисменот Ардијан Амзовски, доколку не го видеше Александар Кирацовски, немаше да го прифати проектот, кажа Боки 13 вчера пред судот. Во оваа реченица е содржана целата вистина за милионскиот рекет. Боки 13 не е лица кое има моќ и влијание да рекетира милиони од бизнисмени, ако зад тоа не стојат функционерите на власта на СДСМ. Ова само потврдува дека Боки 13 не можел ниту еден денар да изрекетира доколку не била поддршката од СДСМ. Боки 13 вчера јавно за првпат откри дека дел од шемата за перење на пари преку меѓународен сојуз била и Мила Царовска, која како министерска за труд и социјална политика му помагала на Бојан Јовановски, вели Стоилковски. Тој додава дека Боки 13 вчера потврди дека првиот случај со измамената пензионерка на која и биле уплатени 720.000 евра изрекетирани од еден бизнисмен ја запознал преку Мила Царовска. -Еден ден откако Боки 13 ги изнесе овие тврдења од Мила Царовска не видовме ниту еден релевантен аргумент во негирање на овој исказ на Јовановски. Според сведочењето на Боки 13 гледаме дека целата операција била овозможена и спроведена од луѓе функционери на СДСМ. СДСМ е структурата која се крие зад сиот Рекет, а Зоран Заев главата на октоподот кај кого завршиле парите. За ова одговорност мора да има!, вели Стоилковски.

Стоилковски: Ивица Коневски во зградата кај Мајчин дом поседува стан и деловен простор од над 350м2

Тале Кристо — Thu, 23 Jul 2020 12:36:58 +0000

За Ивица (комшијата) Коневски, бидејќи влегува во материјална расправа, еве малку материјал за него, пишува на својот Фејсбук профил портпаролот на ВМРО-ДПМНЕ Наум Стоилковски. Ја знаете зградата околу која се крена цел Аеродром кај Мајчин Дом. Е, токму во таа зграда Коневски има стан и деловен простор над 350м2. Патем, во истата зграда има стан и кумот на Марин. Ако се чудите зошто Коневски никаде го немаше овие три години да каже нешто против Зоран Заев, човекот беше зафатен со други работи, листовите подолу кажуваат повеќе. Членовите на ВМРО-ДПМНЕ во ВМРО гледаат кауза, а очигледно оние што бараат промени во ВМРО гледаат ДООЕЛ. Тоа е разликата поради која Ивица Коневски тежи минус 4 илјади гласови, вели во својата Фејсбук објава Стоилковски.

Стоилковски: Имаме илјадници новозаболени во 10 дена заради предумислата на СДСМ за спас на фотелјата на Заев

Тале Кристо — Thu, 11 Jun 2020 13:58:24 +0000

Портпаролот на ВМРО-ДПМНЕ, Наум Стоилковски вчера за Телевизија Шења истакна дека однесувањето на владеачката партија е резултат само на нивната предумисла за спас на фотелјата на Зоран Заев. -Памфлетите кои СДСМ ги делеше во народот пред десет дена во нивната нова нормалност кога излегоа по улиците, дека успешно се справиле со вирусот, слободно можам да кажам дека ова е причината за зголемување на бројот на заболени. Ова е срамно и жалосно, безмилосно и тешка состојба која е предизвикана од СДСМ која стана најголемиот кластер и ширач на коронавирусот во Европа, рече Стоилковски. Стоилковски критикуваше дека ваквото однесување е неприфатливо и ова не е нов бран туку е втор пик на првиот бран, во ситуација кога цел регион се чисти од вирусот ние броиме илјадници заболени во само 10 дена. -Ги слушнавме и нападите до јавноста и медиумите од страна на „партиската комисија“ која е дел од оваа безмилосна власт која гази по лешеви само за да го одржи Зоран Заев во фотелја, како беше она се смееле кога ја гледале кривата како се движи, извинете но тоа за мене е безмилосно и најмалку демократија. За мене тоа е доказ дека оние оценки за хибриден режим дадени од релевантните институции и институти , наскоро ќе бидат оценки за авторитарен недемократски режим, вели Стоилковски.

Стоилковски: СДСМ потроши три години без да преземе мерка за спречување на загадувањето

Дарко Андоновски — Wed, 09 Oct 2019 13:15:14 +0000

СДСМ потроши три години без да преземе мерка за спречување на загадувањето. Зоран Заев најавуваше експресно почист воздух откако ќе ја преземе власта, и три години откако ја презема, ниту една мерка за спречување на загадувањето се нема спроведено, ова денеска преку прес-конференција го истакна Наум Стоилковски од ВМРО-ДПМНЕ. -Мерката за субвенционирање на инвертер уреди за греење е дискриминирачка. Како прво мерката е достапна само за жителите на неколку градови, а како второ истата е наменета само за определен број на граѓани од тие градови. Мерката за инвертери нема реална примена. Практично не можно е со еден инвертер да се загрее цел стан од поголема квадратура од некои 70тина квадрати. Дополнително мерката е крајно популистичка и е очигледен обид за добра бизнис зделка на поединци од власта. 10 милиони кои власта ги дава за субвенционирање ќе бидат профит за некој бизнисмен близок до власта, а граѓаните ќе ги имаат истите проблеми кои ги имаат и сега. Воздухот ќе биде загаден. Половични решенија не се решение за загадениот воздух, туку се само популистичка мерка за замајување на граѓанитем, потенцира Стоилковски. Тој додава дека ако по три години на власт, Заев и Анѓушев како мерка против загадувањето на воздухот предлагаат половично решение, кое нема за цел ефикасно решавање на загаденоста, туку само популистички да ќарат поен плус кај граѓаните, тогаш ни е јасно дека не им се пиоритет граѓаните, туку ситните политички поени. -Граѓаните не се ниско интелегентни за да им поверувааат на манипулациите на Заев и Анѓушев. Доколку Заев и Анѓушев навистина сакаат да преземат мерки против загадувањето, ВМРО-ДПМНЕ со своите стручни тимови уште лани се понуди за помош, при што предложи и мерки кои што неопходно и треба да бидат применети, рече Стоилковски.