наумче мојсовски – Kurir.mk

Мојсовски: Поддршката во спортот ќе продолжи, а ваучер-системот ќе се унапреди

Бошко Тасиќ — Sat, 21 Oct 2023 06:20:32 +0000

Агенцијата за млади и спорт ја смируваше ситуација информирајќи дека ваучерите не се укинуваат, туку ќе се промени начинот на реализацијата. Сега, државата директно ќе ги исплаќа средствата на спортските субјекти кои ќе имаат право на спортски ваучер. На прес-конференција првиот човек на АМС, Наумче Мојсоски информираше дека веќе е подготвено новото предлог законско решение и тоа треба да биде изгласано во Собрание најдоцна до февруари следната година. „АМС заедно со Министерството за правда (МП) веќе го подготви новото предлог-законско решение со кои ќе се уреди новиот начин на реализација на спортскот ваучер. Очекуваме законот набрзо да помине во МП, па да влезе во собраниска процедура и да биде изгласано од пратениците најдоцна до февруари следната година. Критериумите ќе бидат малку позатегнати и парите ќе одат директно на клубовите и федерациите, но јасно е дека повторно ќе има помош како и досега за сите клубови и федерации. Со оваа мерка, поддршката во спортот ќе продолжи, а ваучер-системот ќе се унапреди и сите кои имаа потешкотии од било кои причини при реализација на спортскиот ваучер, тој проблем веќе ќе го немаат. Злоупотребите од нечесните компании кои бараа услуги за реализација на спортскиот ваучер, ќе престанат и сите средства ќе се користат за унапредување на спортот и за потребите на спортистите. Ваучерите ќе се реализираат на двапати во годината, дел во март и остатокот во јуни“, изјави Мојсоски.

Мојсовски: Струшкиот ракометен турнир си има континуитет, еден од најстарите на Балканот

Бошко Тасиќ — Mon, 14 Aug 2023 19:39:18 +0000

Се одбројува ситно до големиот спортски спектакл во Струга каде од 16 до 19 август ќе се одржи Меѓународниот турнир во ракомет, 51 по ред, на отвореното игралиште „Горан Попоски Бабец“. Сите кои не се во можност да присуствуваат, натпреварите ќе може да ги следат во живо на јавниот сервис како и на YouTube каналот на организаторите. – Овој турнир како еден од најстарите на Балканот и во Европа, си има континуитет, и си дава млади перспективи и репрезентативци кои ги красат боите на македонската репрезентација, на нашата држава, и секако од нив очекуваме нови ѕвезди. Ние како Агенција за млади и спорт сме генерален покровител на овој настан, наше е задоволството да го гледаме турнирот како расте. Тука сме да поддржиме сè што е во поврзаност со спортот, а јас како човек кој доаѓа од ракометната игра, овој наш спорт, ракометот и натаму е спорт број 1 во Македонија и се надевам дека така ќе остане. Се надевам дека турнирот ќе помине во најдобар ред, како и секоја година, и посакувам полни трибини во текот на натпреварите – рече директорот на Агенцијата за млади и спорт, Наумче Мојсовски

АМС му додели признание на Гоце Георгиевски за придонес во ракометната репрезентација

Бошко Тасиќ — Fri, 05 May 2023 04:57:02 +0000

Поранешните ракометни соиграчи Наумче Мојсовски и Гоце Георгиевски се сретнаа во куќата на спортот. „Задоволството од носење на националниот дрес е непроценливо”, беше заедничко мислење на двете ракометни легенди. Се започна во Автокоманда, каде Гоце настапуваше за РК Металург од 2006-2016, па следува преселба во Букурешт каде настапуваше три сезони. Од Романија се враќа повторно во родниот град, во кој ја продолжува кариерата во РК Вардар, за кој се уште настапува. Неговото пензионирање од националниот тим, доаѓа во време на подмладување на ракометната репрезентација, кое емотивно се случи изминатиов викенд, на квалификациониот натпревар со Турција. Во изминативе 16 години беше неизоставен дел од натпреварите на македонскиот национален тим, а нив ги има преку 200.

Мојсоски: Смислена хајка против мене, но не знам дали е партиска

Дарко Андоновски — Wed, 08 Feb 2023 10:04:56 +0000

„Ова е смислена хајка, не е од сега, јас го знаев ова уште поодамна. Почнува со едниот вработен Томче Андоновски кој беше водител на сектор спорт кај нас, па сега е моментално советник во Антикорупциската комисија Сега и други чинители кои сами се прилепија на ова – уште незавршена седницата излегоа со соопштение и бараа моја оставка“ – вели директорот на Агенцијата за млади и спорт, Наумче Мојсоски после обвинувањата од ДКСК за злоупотребите на пари во институцијата и ваучерите за спортските клубови, федерации и поединечни спортисти. Мојсоски потенцира дека тој не ги дели средствата и дека постапката не е толку објаснета пред јавноста. Ваучерите ги прават бодовите, а бодовите ги прават самите матични федерации. Не сакам да поверувам дека некој ме мести, досега не сум слушнал. Не знам дали ова е партиско. Се гледа дека е оркестрирано. Сакам да ги видам комплетните извештаи од ДКСК, па ќе излезам точно што било како било. Мислам дека има наоди од поранешни вработени и господинот Даниел Димевски кој го измисли ваучерот – рече Мојсоски во емисијата „Студио 10“. Македонскиот олимписки комитет претходно ја повика Владата да го разреши Мојсоски поради незаконско работење при распределбата на финансиски средства на спортски федерации и екипи, и „итно да ја замрзне постапката за доделување спортски ваучери која е во тек за 2023 година“.

ВМРО-ДПМНЕ: Мојсовски нека не се крие, нека поднесе оставка од АМС после скандалот тежок милијарда денари

Катерина Бојаџиева — Tue, 07 Feb 2023 07:44:27 +0000

Наумче Мојсовски треба веднаш да си поднесе оставка од позицијата директор на Агенцијата за млади и спорт после сериозните индиции за сторен криминал. Наместо да се крие зад соопштенија треба да ја напушти функцијата, бидејќи од таа позиција може да ја загрози истрагата за малверзациите со распределбата на ваучери за спортски клубови, велат од ВМРО-ДПМНЕ. -Се работи за сериозен скандал бидејќи распределбата на ваучери врти над една милијарда денари и постои основано сомнение дека без јасни критериуми биле фаворизирани одредени клубови. Според Антикорупциска овие средства биле делени под влијание на одредени лица, па дури и политички партии и со тоа била направена штета на буџетот. Наумче Мојсовски треба на јавноста да и открие кои се тие лица и кои се тие партии кои вмешувале прсти во распредлбата на оваа милијарда. Доколку Мојсовски решил да молчи, тогаш надлежните институции оваа истрага треба да ја прошират и да се види кој се стои зад оваа афера. Очигледно е дека оваа власт е клептоманска. Крадат од парите за здравството, крадат од парите за образованието, а сега гледаме дека се злоупотребувале и пари во спортот. Што фатија исушија од крадење. Оваа мафијашка власт треба да замине час поскоро, стои во партиското соопштение.

„Ахмети и Ковачевски со криминал и во спортитот, Наумче Мојсовски по сомнение за малверзации од милијарда денари, оставка веднаш“

Катерина Бојаџиева — Mon, 06 Feb 2023 07:37:16 +0000

Ахмети и Ковачевски со криминал и во спортитот, Наумче Мојсовски по сомнение за малверзации од милијарда денари, оставка веднаш, велат од ВМРО-ДПМНЕ. -ДКСК утврдила дека Наумче Мојсовски, како директор на Агенцијата за млади и спорт, како и Комисијата која ја назначил владата извршила злоупотреба во ваучер системот за доделување на пари на спортски клубови и федерации, за што Мојсовски добил и кривична. Наместо да го разреши веднаш, Ковачевски го чува Мојсовски на позиција, и со тоа му овозможува и понатаму да продолжи со делото кое му се става на товар. Постојат сомнежи дека фондот на пари со кој оперирал Мојсовски од скоро 1 милијарда денари завршувал кај клубови и федерации по принцип на фаворизирање, и изборот е правен по сугестија на политички партии. Зошто Ковачевски не го менува Мојсовски, и дали со тоа само покажува дека и тој е дел од системот на распределба? Не остана сектор во државата, каде нема криминал, со Ковачевски и Ахмети, Македонија тоне. Сите функционери се копија на лидерите кои ги поставиле, стои во партиското соопштение.

ВМРО-ДПМНЕ: Асот на Ковачевски, Наумче Мојсовски под сомнение за криминал, а уште го чуваат на позицијата директор, оставки веднаш

Ристе Здравков — Sun, 05 Feb 2023 08:46:55 +0000

Антикорупциска утврдила дека Мојсовски и Комисија избрана од Владата, по пат на искористување на службената положба и несовесно работење, заобиколувајќи ги законските процедури извршиле распределби на средства од ваучер системот за финансирање на спортски клубови, со што го оштетиле буџетот на државата. За ова Наумче Мојсовски добил и кривична пријава, што го прави недостоен да ја врши функцијата, се вели во партиското соопштение на опозициската ВМРО-ДПМНЕ. -Во овој систем за кој одлучувал Мојсовски и владина екипа се вртат една милијарда денари и постои основан сомнеж дека ваквите пари не завршувале кај спортисти и клубови според реални критериуми. Постојат индиции дека под сомнителни околности биле доделувани на фаворизирани федерации и клубови, при што силно влијание на изборот имале поединци, па дури и политички партии. Како тоа вртеле милијарда денари, има сомневање за злоупотреба, а владата на Ковачевски и Ахмети молчат за криминалот. Мојсовски се уште одлучува за пари. Криминалот е принципот на делување и во спортот. Ахмети и Ковачевски се што фатија исушија со криминал и неработа, истакнуваат од ВМРО-ДПМНЕ. Асот на Ковачевски, Наумче Мојсовски под сомнение за криминал, а уште го чуваат на позицијата директор, и затоа е потребно оставки веднаш, додаваат од опозициската партија.

ВМРО-ДПМНЕ: Наумче Мојсовски да си поднесе оставка од АМС заради скандалот со распределба на ваучери на фаворизирани клубови и истрагата да се прошири

Ристе Здравков — Sat, 04 Feb 2023 07:37:25 +0000

Корупцијата и злоупотребите се заштитен знак на оваа власт на СДС и ДУИ. Нема ресор, нема функционер кој не е замешан во некој коруптивен скандал. Последен во низата е Наумче Мојсовски, директор на Агенцијата за млади и спорт. Антикорупциска утврдила дека Мојсовски и Комисија избрана од Владата, по пат на искористување на службената положба и несовесно работење, заобиколувајќи ги законските процедури извршиле распределби на средства од ваучер системот за финансирање на спортски клубови, со што го оштетиле буџетот на државата. За ова Наумче Мојсовски добил и кривична пријава, што го прави недостоен да ја врши функцијата, се вели во партиското соопштение на опозициската ВМРО-ДПМНЕ. -Во овој систем за кој одлучувал Мојсовски и владина екипа се вртат една милијарда денари и постои основан сомнеж дека ваквите пари не завршувале кај спортисти и клубови според реални критериуми. Постојат индиции дека под сомнителни околности биле доделувани на фаворизирани федерации и клубови, при што силно влијание на изборот имале поединци, па дури и политички партии. Ова е огромен скандал. Овој скандал мора да се разреши во целост. Но најпрво Мојсовски и неговите пријатели од Комисијата кои учествувале во сомнителната распределба на средства од ваучер системот треба да си поднесат оставки за да не влијаат на истрагата. Дополнително, самиот факт дека постојат сомнежи за влијание на други лица, па дури и политички партии врз изборот, истрагата треба да се прошири и врз лица од владата која ги именувале и Мојсовски и Комисијата и на тој начин можеби вршеле притисок на одлуките, истакнуваат од ВМРО-ДПМНЕ. Што фати СДС исуши и искорумпира. Нема област од која не направија матен бизнис. Оваа власт на СДС и ДУИ треба час поскоро да замине од власт, додаваат од опозициската партија.

Се огласи и Наумче Мојсовски за кривичната пријава од ДКСК

Ристе Здравков — Fri, 03 Feb 2023 12:47:21 +0000

ДКСК ДОНЕСЕ ИНИЦИЈАТИВА ЗА КРИВИЧНО ГОНЕЊЕ НА НАУМЧЕ МОЈСОВСКИ – директорот на АМС направил злоупотреба на ваучер системот!

Дарко Андоновски — Fri, 03 Feb 2023 10:51:29 +0000

Државната комисија за спречување на корупцијата (ДКСК) на денешната 81 седница донесе одлука да достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови. ДКСК до Владата ќе достави и иницијатива за утврдување одговорност на овие лица, а до УЈП за извршување надзор на сите субјекти од областа на спортот во поглед на користење на средствата преку т.н. ваучер систем во периодот од 2020, 21 и 22 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК, исто така, смета дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Членот на ДКСК Владимир Георгиев, појасни дека во 2021 година биле анализирани постапките и активностите при спроведување и користење на средства при доделување на ваучери од Агенцијата за млади и спорт и централната комисија, како и за пропустите и непочитувањето на Законот од страна на дел од федерациите и спортските клубови при конкурирањето, нивното користење на средствата и отчетност. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. - Не почитувајќи ги критериумите за доделување средства по ваучер системот постојат сомнежи дека Централната комисија во континуитет од 2020 година досега врши незаконска распределба, односно доделување ваучери на повластени корисници, федерации и клубови, согласно интересот на поединци и групи, можеби и политички партии и ги ставиле во неповолна положба оние спортски субјекти кои не добиле соодветни средства, иако тоа право законски им припаѓало, изјави Георгиев. Според ДКСК, постои сомневање дека претседателот и членовите на централната комисија во 2020, 21 и 22 година, по пат на искористување на службената положба и несовесно работење, заобиколувајќи ги законските процедури извршиле распределба на средства, со што го оштетиле буџетот на државата, но и лицата кои имале законско право на вакви средства, а не им биле доделени. Претседателката на ДКСК Билјана Ивановска, посочи дека тие не се против доделување средства на клубовите, туку да се направи праведен систем без фаворизирање. -Не гледаме дека сите препораки кои го дадовме се правилно применети, така што јасно е дека овој систем не дава соодветни резултати. Се надевам дека овие податоци ќе бидат доволна основа за законски измени кои ќе изградат праведен систем, порача Ивановска. ДКСК, исто така, изразува загриженост и тоа што со законските измени од јануари минатата година, членовите на централната Комисија се именуваат по предлог на Владата, без утврдени критериуми за нивниот избор.