навигација – Kurir.mk

ВИДЕО: Таа е единствената жена која сите мажи ја слушаат, еве кој се крие зад гласот на навигациите

Ивона Петрова — Mon, 06 Mar 2023 19:15:36 +0000

За себе на шега вели дека е можеби единствената жена која сите мажи ја слушаат. Но, навистина е така. Карен Џејкобсен е името на жената која го позајмува гласот на речиси сите системи и програми за навигација. По потекло е од Австралија, а во САД се преселила во потрага по пејачка кариера. Животниот пат ја одвел сепак во друга насока. Се пријавила на оглас каде меѓу другото се барала жена со потекло од Австралија. Објаснува дека австралискиот акцент на англискиот јазик е еден од најпријатните за слушање и затоа тоа било еден од условите. Откако била избрана за работата, и дале скриипта со сите можни опции и насоки кои се слушаат на навигациите за да ги прочита. За најинтересната, „recalculating“ вели дека ја кажала околу 168 пати додека да се избере конечната верзија.

Дедо (92) тргнал да ја посети внуката, но ја погрешил адреса во навигацијата – еве каде завршил

Ивона Петрова — Tue, 07 Sep 2021 09:28:57 +0000

Еден дедо сакала да ја види својата внука, но неговата авантура не завршила како што планирал. 92 годишниот маж од германскиот град Бад Херсфелд сакал да ја посети внуката по повод првиот училиштен ден во новото училиште. Пред пат во навигацијата ја впишал нејзината адреса, но не забележал дека направил грешка. Адресата која ја внел била погрешна, па тој тргнал во друг правец и го погрешил патот за околу 500 километри. Наместо на југ, тој тргнал на север и така завршил на брегот на Балтичкото море. Претходно му пукнала гумата, па морал да запре и за отседне во пансион. Во меѓувреме неговиот син тргнал во потрага по својот татко, за што ја информирал полицијата. Набрзо го смирила сопственичката на пансионот која го контактирала и му рекла дека дедото одмора во една од нејзините соби. Синот следниот ден дошол по својот татко и го вратил дома.

Како Викинзите користеле сончеви камења за навигација на отворено море (ФОТО)

Тале Кристо — Tue, 14 Jul 2020 16:11:18 +0000

Викинзите најчесто се паметат поради силувањата и грабежните, но нивните навигациски вештини исто така се познати. Последната студија покажува дека Викинзите направиле многу ефикасно решение за пловење на отворено море. Во времето пред магнетните компаси било исклучително тешко да се движите според сонцето кога тоа ќе исчезне позади густа магла и облаци. Се верува дека решението на Викинзите било да создадат сончеви камења кои ја собирале сончевата светлина, а со тоа можело да се открие локацијата на сонцето.

Студијата открива дека овие фантастични сончеви камења, всушност, работеле со стоотсна точност при тринеделното патување од Норвешка до Гренланд. Физичарите од Универзитетот Еотвос Лоранд во Унгарија го рекреирале патувањето на Викинзите, а крајниот резултат бил дека сончевите камења е изненадувачки успешни дури и под облачни услови. Ова откритие дава објаснување зошто Викинзите владееја со Атлантскиот океан повеќе од 300 години и можеле да стигнат до Северна Америка без магнетен компас. Меѓу 900 и 1200 година, Викинзите биле доминатни морнари во северниот Атлантик. Кога сонцето сјаело, тие можеле да го одредат географскиот север со користење на специјални часовници. Сепак, не беше познато како тие нашле начин да пловат во тешки услов со облаци и густа магла, но оваа студија покажува дека е точна теоријата за сончевите камења која прв пат се појави во 1967. година.