Навивачка група Комити – Kurir.mk

Комити се огласија по испаѓањето на ФК Вардар : Национален срам

Бошко Тасиќ — Sun, 09 May 2021 17:50:32 +0000

Откако по комплетирањето на денешното коло во ПМФЛ стана јасно дека Вардар од следната сезона ќе игра во Втората лига Запад, со своја реакција се јавија најверните навивачи – Комиси: НАЦИОНАЛЕН СРАМ ! Доколку ја погледнете табелата на Првата Македонска Фудбалска лига а притоа сте македонец, не може а да немате мачнина во стомакот и горчина во душата.Летово албанците ќе имаат 10 преставници во Европа (3 од Македонија), а македонците само еден, и притоа тој еден не претставува ниту 1% од македонците. Табелата на Македонската Фудбалска Лига од секогаш била одраз на она што го преставуваат политичките елити. Овој срам најмногу оди на душа на истите оние двајца ликови кои го организираа погребот на Вардар. Вардар нема пријатели во македонскиот фудбал. Вардар нема пријатели ниту лево ниту десно. Вардар има непријател во политичките елити. Единствени пријатели на Вардар се Црвено – Црната Армија и Македонскиот народ. И токму нив Вардар ги повикува на општа МОБИЛИЗАЦИА. Не може државата да биде мирна додека народот страда. Не може политичкие елити да имаат спокој додека Македонскиот Национален Симбол – ВАРДАР рони солзи и крвари… Имаме механизми и силна мотивација одговорните да ги казниме, и нема ни за момент да се колебаме тоа да го направиме.Од се она што видовме и доживеавме, единствен заклучок кој можеме да го извлечеме е дека Македонија не го заслужува Вардар, па поради тоа можеби треба сериозно да размислиме Вардар да ја преставува Македонија во некоја соседна лига наместо да се натпреварува во (анти)Македонската. Главите горе затоа што Вардар ќе живее се додека живее и последниот Македонец.

Комити со повик: Утре сите на Аеродром- да ги пречекаме шампионите!

Катерина Бојаџиева — Sun, 02 Jun 2019 21:42:02 +0000

Навивачката група Комити преку ФБ објави важна порака до сите кои сакаат да ги пречекаат ракометарите. -Инфо !!! Шампионите полетуваат утре, 03.06 од Аеродромот во Дизелдорф во 18:50ч. Преку Виена на Аеродромот Александар Македонски слетуваат во 23.55ч. Значи утре, 03.06 во 23.55ч. СИТЕ НА АЕРОДРОМ !!! СОБИР и Заедничко поаѓање: Сала Јане Сандански 22:00ч. !!! Прославата се поклопува точно со датумот на 32 годишнината од основањето на навивачката група Комити. Има ли подобар начин да се прослави роденден ?, велат Комити.

Комити Скопје спречени да положат цвеќе и да се поклонат на гробот на Гоце Делчев

Катерина Бојаџиева — Mon, 04 Feb 2019 15:48:00 +0000

Денес бевме во црквата Свети Спас да положиме цвеќе и да се поклониме на гробот на нашиот великан Гоце Делчев. За разлика од сите изминати години денес бевме спречени пред влезот на црквата од бројно полициско обезбедување, со објаснување дека тука ќе престојуваат странски делегации и висока Бугарска делегација, ние треба да почекаме „за да немало инциденти“, пишуваат од навивачката група Комити Скопје на Фејсбук. -Ние не сме пропушиле ниту една година да изразиме почит на истото место во исто време како на овој ден така и на 4 Мај, и досега никогаш не се случил ниту еден проблем ниту опструкција. Доаѓале и предходно странски делегации, амбасадори, политичари како и почитувачи на ликот и делото на Гоце Делчев, и секогаш со респект и воодушевување сме гледале кон сите нив бидејќи изразуваат почит кон револуционер, идеен деец и великан кој животот го дал за својата земја Македонија!, стои на Фејсбук групата Комити Скопје и се додава: „Прашуваме отворено зошто некој би имал индиции или сомневање дека оваа година би било поинаку, и зошто би имало инцидент со Бугарски политичари или делегација кои се поклонуваат на гробот на херој кој го посветил и на крајот положил животот за Македонија во нејзините природни историски и етнички граници? Воедно бидејќи од сега па натаму ние граѓаните од втор ред треба да најавуваме специјално доколку сакаме да го посетиме гробот на нашиот Војвода Гоце Делчев, уште од сега уредно најавуваме делегација од 500 Комити за 4 Мај. За крај, со цел да нема "инциденти" денес граѓаните од втор ред, беа приморани да си одберат 5 луѓе први да го положат цвеќето, и за 3 минути да ја напуштат црквата... Слава ти хероју Македонски !!! #МакедонијаНаМакедонците #ИметоНиЕИдентитетот“.

„Комити“ порачаа: Северна никогаш, Македонија секогаш (ФОТО)

Даниел Василев — Thu, 19 Jul 2018 19:23:17 +0000

Транспарент со „Северна никогаш, Македонија секогаш“ се рашири на трибините на Националната арена „Филип Втори“ во Скопје. Пораката ја испрати навивачката група „Комити“ за време на дуелот меѓу Вардар и Пјуник во реваншот од првото коло во Лигата на Европа. Претходно, точно на 21 минута од натпреварот, тие го развеаја ликот на Никола Саздановски, 21-годишното момче кое почина по неколкудневна кома предизвикана од физичкиот напад врз него од страна на три лица.

ВИДЕО: „Комити“ му посветија кореографија на Саздо

Даниел Василев — Thu, 19 Jul 2018 17:39:52 +0000

Навивачката група „Комити“ на фудбалскиот клуб Вардар, денеска на натпреварот со Пјуник му посветија кореографија на Никола Саздовски – Саздо, навивач кој им подлегна на повредите откако брутално беше претепан од тројца напаѓачи на автобуска постојка во Автокоманда. Паролата на кореографијата беше „Крвта моја за бојата твоја“. Комитите неколку пати досега протестираа во Скопје барајќи правда за убиството на Саздо.