нба лига – Kurir.mk

НБА: Јокиќ со уште една маестрална партија водеше Денвер до победа над Далас

Бошко Тасиќ — Sat, 04 Nov 2023 07:05:48 +0000

Српскиот кошаркар Никола Јокиќ во првиот меч од НБА-купот заедно со Денвер нагетс славеше против Далас маверикс со 125-114. Јокиќ го делеше само една асистенција да стигне до третото место на вечната листа на кошаркари по број на трипл-дабл во кариерата. Србинот против Далас постигна 33 поени, 14 скокови и девет асистенции, па така остана на 107. трипл-дабл, колку што имаат Леброн Џејмс и Џејсон Кид. Кај поразениот тим најдобар беше Лука Дончиќ со 34 поени, 10 скокови и осум асистенции.

НБА: Денвер со победа над Оклахома Сити

Бошко Тасиќ — Mon, 30 Oct 2023 05:03:51 +0000

Актуелните прваци во НБА лигата, кошаркарите на Денвер Нагетс во првиот натпревар од неделната програма протатнеа со убедливи 128:96 на гостувањето кај Оклахома Сити Тандер. Гостите во првото полувреме постигнаа 69 поени и имаа предност од плус 18 поени (69:51), која до крајот на натпреварот систематично ја зголемуваа и во последната четвртина влегоа со повеќе од плус 30 коша. Никола Јокиќ на паркетот мина 30 минути и за тоа време оствари 28 поени со 14 скокови и пет асистенции. Мајкл Портер помладиот постигна 20 поени со девет скокови, а Џамал Мареј врза 19 коша со осум асистенции. Во домашната екипа се истакна Чет Холмгрен со 19 поени. Џејлен Вилијамс уфрли 13, а Три Мен 12 коша. Затаи најдобриот играч на Тендер, Шеј Гилџеус-Александер кој постигна само седум поени шутирајќи од игра мизерни 2 од 16 обиди. Ова е третата победа на Нагетс во исто толкуте натпревари во новата сезона, а Тандер го доживеаја провтиот пораз по двете воведни победи.

НБА: Ол –стар натпреварот повторно во форматот Исток – Запад

Бошко Тасиќ — Fri, 27 Oct 2023 04:12:15 +0000

НБА Ол – стар натпреварот, кој на 18 февруари ќе се одигра во Индијанаполис, ќе се одржи по стариот формат во каде ќе се сретнат екипите од Истокот и Западот, објави најсилната кошаркарска лига во светот. Ол-стар натпреварот во форматот Исток – Запад последен пат се одигра во 2017 година. Изминатите години екипите кои учествуваа на Ол-стар викендот носеа имиња на своите капитени, кои ги составуваа тимовите наизменично избирајќи соиграчи од листата одредена според гласовите на навивачите, независно од која конференција доаѓаат. Ова ќе биде 73. издание, а натпреварот ќе биде одигран во салата Геинбриџ Филдхаус, во кој своите домашни натпревари ги игра Индијана. Градот Индијанаполис последен пат беше домаќин на Ол – стар натпревар во 1985 година.

Два нови тима наскоро доаѓаат во НБА

Бошко Тасиќ — Thu, 26 Oct 2023 03:44:40 +0000

НБА лигата наскоро треба да се прошири од 30 на 32 екипи, пишува „Front Office Sports“, американски портал кој се занимава со деловната страна на спортот. НБА ќе започне со проширување откако ќе се договори за нов договор за правата на медиумите. Актуелниот договор истекува на крајот од следната сезона, па НБА сериозно работи на преговори за нов. А градовите кои се фаворити за добивање НБА клуб се Лас Вегас и Сиетл, додава истиот извор. Сиетл веќе имаше НБА тим од 1967 до 2008 година, кога таму играа Суперсоникс, а нивниот сегашен наследник е Оклахома Сити Тандер. Лас Вегас никогаш немаше НБА тим. Додавањето на две екипи од градовите од западниот дел на Соединетите Американски Држави би довело и до трансфер на еден од актуелните клубови од Западната конференција во Источната конференција. Тоа би биле Минесота Тимбервулфс, Мемфис Гризлис или Њу Орлеанс Пеликанс.

НБА лигата објави кога ќе стартува и следната сезона

Бошко Тасиќ — Wed, 25 Oct 2023 04:15:40 +0000

НБА лигата денеска ги информирала тимовите дека е подготвен и распоредот за регуларниот дел од следната сезона 2024/25. Според инсајдерот на Атлетик, редовната сезона ќе започне на 22 октомври 2024 година и ќе заврши на 13 април 2025 година. Денеска со два натпревари започнува регуларниот дел од сезоната 2023/24. Бранителот на титулата Денвер ќе игра дома со Лејкерси, Голден Стејт ќе игра со Феникс.

Десетте најплатени ѕвезди во НБА лигата

Бошко Тасиќ — Tue, 24 Oct 2023 04:10:59 +0000

Ѕвездата на Лос Анџелес Лејкерс, Леброн Џејмс следната сезона ќе заработи 128 милиони долари. За Леброн ова ќе биде 21. сезона во НБА лигата, од плата ќе заработи 47,6 милиони, додека „од страна“, на пример од спонзори дополнително ќе заработи околу 80 милиони. Веднаш под него е Стеф Кари со 101,9 милиони, кој со 51 милион всушност ја има и најголемата плата во лигата. Следен е Јанис Адетокумбо со 90,6 милиони, потоа Кевин Дурент (88,4), Клеј Томпсон (64,2) и МВП-то од минатата сезона Џоел Ембид (56,6). Џејмс Харден е осми по заработка со 55,6 милиони, српскиот ас Никола Јокиќ ќе заработи 54,6, додека Топ 10 листата ја заокружува Пол Џорџ со 54,1 милиони.

Бен Симонс сака да игра на ЛОИ во Париз

Бошко Тасиќ — Fri, 20 Oct 2023 04:05:36 +0000

Кошаркарот на Бруклин Нетс, Бен Симонс изјави дека би сакал да игра за Австралија на Олимписките игри во Париз следната година. Австралискиот кошаркар во изминатите неколку сезони имаше доста проблеми со повредите. Тој најави големи очекувања за следната сезона во НБА.

„Олимписките игри се она за што размислувам. Сакам да бидам здрав оваа сезона, а потоа да играм на Олимпијадата. Нема ништо подобро од тоа да ја претставувам мојата земја и да освојам медал. Убаво е да се има такво искуство”, изјави Симонс.

НБА размислува за враќање на класичниот формат на Ол стар натпреварот

Бошко Тасиќ — Thu, 19 Oct 2023 04:10:07 +0000

Комесарот во НБА лигата Адам Силвер во последното интервју потврдил дека раководството на лигата размислува годинава во Индијанополис да се врати форматот Исток против Запад, наместо досегашниот начин во кој играчите со најмногу гласови правеа сопствен избор на играчи. Една од важните заложби на лигата е да се посвети повеќе внимание на главниот натпревар, кој вообичаено е малку засенет поради сите активности кои започнуваат уште од четврток навечер во градот каде се организира настанот. – Размислуваме за потенцијално менување на Ол стар натпреварот во Индијанополис во 2024 година. Можеби враќање на нешто потрадиционално во начинот на кој се формираат тимовите. Се решивме на драфт избор од страна на капитените, но историски овој дуел бил Исток против Запад и можеби тоа е и најдобра опција, – рекол Силвер. Првиот човек на НБА демантирал дека лигата размислува за формат на Тим на САД против Тим на светот.

Една четвртина од кошаркарите во НБА се странци

Бошко Тасиќ — Thu, 05 Oct 2023 04:14:12 +0000

Дваесет и пет отсто од играчите кои минатата сезона настапуваа во најсилната НБА кошаркарска лига во светот се странци, покажува истражувањето на сајтот „олбг‘. Најмногу странски кошаркари (25) во НБА лигата во сезоната 2022/23 се Канаѓани, по што следуваат Франција (13) и Австралија (12). Истражувањето покажува дека најголем интерес за НБА лигата во европски рамки има во Словенија, пред Шпанија и Република Ирска. Најмал интерес во Европа за натпреварите во НБА лигата има во Грузија. Македонија во истражувањето со кое се опфатени 44 земји е на 24 место.

Леброн не знае дали ќе игра по сезоната 2023/24

Ивана Ефремовски — Wed, 04 Oct 2023 08:56:17 +0000

Еден од најдобрите кошаркари во историјата на НБА-лигата, Леброн Џејмс, по враќањето од одмор, призна дека сè уште не размислува за кариера по сезоната 23/24. Џејмс има опција во договорот со Лос Анџелес лејкерс да настапува во сезоната 2024/25 и да заработи 51,4 милиони долари. Според него, сега не е подготвен да одговори дали ќе ја продолжи кариерата или ќе ја напушти кошарката во 2024 година. - Сè уште не знам. Се чувствувам поинаку. Немам веќе 21 година, тоа е сигурно. Но, што се однесува до енергијата, немам проблем со тоа, изјави Џејмс. Исто така, 38-годишниот Леброн е заинтересиран за настап на Олимписките игри во Париз. - Јас сум заинтересиран. Ќе видиме, додаде првата ѕвезда на Лејкерс. Леброн кариерата во најсилната лига на светот ја почна во 2003 година како играч на Кливленд кавалирс. Има играно и за Мајами хит. (МИА)