НБА лигата – Kurir.mk

Док Риверс ќе ја продолжи кариерата како коментатор на „ЕСПН“

Ивана Ефремовски — Tue, 01 Aug 2023 07:38:43 +0000

Познатиот тренер во НБА-лигата, Док Риверс, кариерата ќе ја продолжи како коментатор за „ESPN“, телевизија која ги има првата за преноси на натпревари од најсилната кошаркарска лига на светот. Риверс треба да им се придружи на Дорис Берк и познатиот коментатор Мајк Брин во првиот тим за коментари. Берк ќе стане првата жена која ќе коментира финале на НБА. Друг поранешен тренер и коментатор Марк Џексон или ќе се пресели во вториот тим или ќе го напушти „ESPN“. Шеесет и едногодишниот Риверс по завршувањето на сезоната 2022/23 доби отказ од Филаделфија. (МИА)

НБА ги избра идеалните петорки

Дарко Андоновски — Wed, 25 May 2022 07:26:20 +0000

Најсилната кошаркарска лига на светот – НБА, ги именуваше симболичните тимови за сезоната 2021/22. Во првата петорка се најдоа: Јанис Адетокунбо (Милвоки), Лука Дончиќ (Далас), Никола Јокиќ (Денвер), Девин Букер (Феникс) и Џејсон Тејтум (Бостон). Адетокунбо по четврти пат во низа се најде во идеалната петорка, за Дончиќ и Јокиќ ова е трет избор, Букер и Тејтум дебитираат во Топ 5. Со изборот на Адетокунбо (27 години), Дончиќ (23), Јокиќ (27), Букер (25) и Татум (24), првиот тим „All-NBA“ е целосно составен од играчи на возраст од 27 или помлади за прв пат по 67 години. Втората петорка ја сочинуваат: Џоел Ембиид (Филаделфија), Џа Морант (Мемфис), Кевин Дурент (Бруклин), Стеф Кари (Голден Стејт) и Демар Дерозан (Чикаго). Трета петорка е составена од: Карл-Ентони Таунс (Минесота), Леброн Џејмс (Лејкерс), Крис Пол (Феникс), Тре Јанг (Атланта) и Паскал Сијакам (Торонто).

НБА: Далас ја прекина серијата на Бостон

Дарко Андоновски — Mon, 14 Mar 2022 08:13:07 +0000

Кошаркарите на Бостон не успеаја да ја забележат шестата последователна победа во НБА лигата, откако синоќа на домашен терен загубија од Далас со 92-95. Гостинскиот тим до 42.триумф во регуларниот дел од сезоната го предводеше Словенецот Лука Дончиќ, кој уфрли 28 поени, додавајќи по осум скокови и асистенции. Резултати од натпреварите во НБА лигата одиграни ноќта меѓу неделата и понеделник: Бруклин – Њујорк 110:107, Детроит – ЛА Клиперс 102:106, Бостон – Далас 92:95, Орландо – Филаделфија 114:116, Атланта – Индијана 131:128, Њу Орлеанс – Хјустон 130:105, Оклахома – Мемфис 118:125.

Феникс потпиша со Лендри Шамет

Дарко Андоновски — Tue, 19 Oct 2021 07:24:31 +0000

НБА-лигашот Феникс санс се согласи да го продолжи договорот на својот кошаркар Лендри Шамет. Според инсајдерот на „ЕСПН“, Адријан Војнаровски, договорот ќе биде за четири сезони, за време на кој играчот ќе заработи 43 милиони долари. Шамет беше избран на НБА драфтот од Филаделфија во 2018 година. Минатата сезона ја мина во Бруклин во просек со 9,3 поени, 1,6 асистенции и 1,8 скока. Летото, Феникс го замени Шамет со Џевон Картер и право да го избере Дејрон Шарп.

Вестбрук постави рекорд во НБА-лигата со најмногу трипл-дабл

Дарко Андоновски — Tue, 11 May 2021 07:06:40 +0000

Кошаркарот на Вашингтон, Расел Вестбрук, постави рекорд во историјата на НБА-лигата за најмногу трипл-дабл. Ноќеска на мечот со Атланта (124:125), тој го забележа 182-то издание во неговата кариера со двоцифрен ефект во три статистички категории, остварувајќи 20 поени, 13 скока и 21 асистенција. Вестбрук ги надмина 181-от трипл-дабл на Оскар Робертсон од 1974 година. Триесет и двегодишниот Вестбрук оваа сезона просечно бележи 22 поена, 11,6 скока и 11,6 асистенции по натпревар.

Дончиќ постави рекорд во НБА

Дарко Андоновски — Wed, 05 Aug 2020 07:02:33 +0000

Кошаркарот на Далас, Лука Дончиќ постави рекорд во регуларниот дел од сезоната во НБА лигата. Тој ноќеска против Сакраменто (114:110 по продолжение), постигна 34 поени, 20 скокови и 12 асистенции. Според прес-службата на лигата, 21-годишниот Словенец стана најмладиот играч во историјата на НБА кој комплетираше трипл-дабл со најмалку 30 поени и најмалку 20 скокови. Резултати на натпревари одиграни синоќа: Милвоки – Бруклин 116:119 Сакраменто – Далас 110:114 ЛА клиперс – Феникс 115:117 Индијана – Орландо 120:109 Мајами – Бостон 112:106 Портланд – Хјустон 110:102.

Загина кошаркар кој играше за Партизан и во НБА лигата

Тале Кристо — Fri, 22 Nov 2019 18:05:46 +0000

Некогашниот кошаркар Милтон Паласио, кој е добро познат и во НБА лигата и во Европа, бидејќи играше за многу клубови, го загуби животот на 41-годишна возраст. Американецот Паласио кој имаше пасош и на Белизе, во канадскиот град Торонто бил удрен од возач кој управувал со автомобил „Хонда сивик“, по што им подлегнал на повредите. Неофицијално, на колата ѝ откажале сопирачките пред да удри во несреќниот Милт. Паласио играше во НБА лигата, а прв европски клуб му беше белградски Партизан, за кој потпиша во 2007 година. Потоа замина во Химки, но брзо се врати во Партизан. Настапуваше и за други евролигаши, а последна работа му беше како тренер на Лонг ајленд нетс во развојната Г лига.