НБА „Ол-стар“ – Kurir.mk

Лилард најдобар „тројкаш“ на Ол-стар викенд (ВИДЕО)

Бошко Тасиќ — Sun, 19 Feb 2023 08:30:18 +0000

Најдобар „тројкаш“ на овогодинешното издание на турнирот беше Дамиен Лилард, асот на Портланд кој славеше против Хилд и Халибартон. Пресудна за победата беше тројката од аголот која вреди два поени. Лилард имаше по 26 поени во секоја рунда, а рекордот на вечерта го постави Халибартон кој во првата серија броеше до 31. Но, во втората целосно потфрли и дозволи двајца колеги да го престигнат, иако беше фаворит за титулата. Ноќта меѓу саботата и неделата се одржа натпреварот во вештини, а најдобар беше тимот на Јута. Триото Џордан Кларксон, Вокер Кеслер и Колин Секстон во финалето ги победијата браќата Адетокумбо. https://www.youtube.com/watch?v=8JuRNQeEfF0

Ембид под знак прашалник за „Ол-стар“ викендот

Бошко Тасиќ — Fri, 17 Feb 2023 05:47:42 +0000

Кошаркарот на Филаделфија 76, Џоел Ембид, најави дека можеби нема да учествува на овогодинешниот ол-стар викенд кој е закажан од петок до недела во Јута. Камерунецот истакна дека има одредени проблеми со повредата, поради што не е сигурен дека ќе биде дел од егзибицискиот меч. „Не сум здрав. Последниве три месеци не сум целосно здрав. Се обидов да стигнам до паузата за „Ол-стар“ викендот без да пропуштам натпревари. Сепак, мислам дека дојде моментот кога треба да ги слушам лекарите. Ми рекоа дека ми треба двонеделна пауза, па во следните два дена ќе донесам конечна одлука“, изјави Ембид. Асот на Филаделфија има уште една одлична сезона, но тоа не беше доволно да биде прогласен за центар број 1 на Истокот. По бројот на гласови пред него беше Јанис Адетокумбо.

Започна гласањето за НБА Ол-стар натпреварот во 2022 година

Ивона Петрова — Sun, 26 Dec 2021 10:29:22 +0000

Викендов стартуваше гласањето за НБА Ол-стар натпреварот во 2022 година. Гласањето ќе биде отворено до 22 јануари 2022 година. Привремените резултати ќе бидат сумирани три пати: 6 јануари, 13 јануари и 20 јануари. Секој ден од 25 декември до 22 јануари, навивачите можат да гласаат за 10 различни играчи. Во текот на пет дена на гласање (25 декември, 7 јануари, 13 јануари, 17 јануари и 20 јануари) секој избор на навивачите ќе се брои како два. Според сегашните правила, 50 % од изборот на играчи ќе зависи од гласовите на навивачите, а уште 25 % од гласовите на кошаркарите и новинарите. Ол-стар натпреварот ќе се одржи во Кливленд на 20 февруари 2022 година.

ВО ЧЕСТ НА ЏИАНА: Тимот на Леброн на „Ол-стар“ натпревар ќе настапи со број „2“

Ивона Петрова — Tue, 04 Feb 2020 07:44:34 +0000

Првата ѕвезда на Лос Анџелес лејкерс, Леброн Џејмс, соопшти дека неговиот тим на НБА „Ол-стар“ мечот ќе игра во дресови со број „2“ во чест на Џиана Брајант која загина во хеликоптерска несреќа заедно со нејзиниот татко и уште седум други лица. -Лигата ме контактираше и ме прашаа со кој број ќе игра мојот тим на „Ол-стар“ натпревар. Јас го избрав бројот „2“ наместо 24“. Зошто? Поради почит кон ќерката на Коби, Џиана која носеше „2“, вели Леброн. Во спомен на легендата на Лејкерс, НБА лигата реши дека една од екипите на Ол-старот во Чикаго на 16 февруари ќе игра во дресови со број 24.