нба плејоф – Kurir.mk

Голден Стејт убедлив против Денвер, Јута подобра од Далас

Бошко Тасиќ — Sun, 17 Apr 2022 06:44:06 +0000

Голден Стејт, Јута, Филаделфија и Минесота остварија победи на стартот на НБА плејофот потврдувајќи ја својата фаворитска улога. Денвер Нагетс, и покрај одличната партија на актуелниот МВП на лигата, Никола Јокиќ, кој заврши со 25 поени 10 скока и 6 систенции загуби убедливо со 123:107 од Голден Стејт вориорс. Од другата страна Џордан Пул им даде 30 поени на Нагетс, 19 додаде Клеј Томпсон, а по 16 имаа Ендру Вигинс и Стеф Кари. Далас маверикс, без повредениот Лука Дончиќ, пружи одличен отпор против фаворитите Јута, но на крајот загуби со 99:93. Мичел со 32 поени беше најдобар за гостите, Бојан Богдановиќ додаде 26, додека за Далас најдобар беше Брансон со 24 поени. Минесота, пак, со 130:117 ги победи Мемфис гризлис предводени од Ентони Едвардс, кој во својот прв меч во пејофот имаше 36 поени, а одличен беше и Карл-Ентони Таунз со 29 поени и 13 скока. Филаделфија и покрај слабата партија на Ембид, имаше убедлива 131:111 победа над Торонто, откако Макси уфрли 38 поени, Херис додаде 26, а Џејмс Харден имаше 22 поени и дури 14 асистенции.

Денвер ја доби мајсторката со Јута, Бостон по втор пат подобар од Торонто

Дарко Андоновски — Wed, 02 Sep 2020 06:56:00 +0000

Денвер нагетс ќе игра во полуфиналето од Западната конференција, откако ноќеска ја совлада Јута со 80:78 во седмиот натпревар од првото коло во НБА плејофот. Јокиќ со дабл-дабл ефект, односно 30 поени и 14 скока е најзаслужниот за победата на „Нагетс“ кои со вкупни 4-3 одат понатаму. Денвер е само 12-от тим во историјата на НБА кој успеал да се врати по водство на противникот со 3-1 во победи. Последен тим кој направил пресврт по 1-3, беше Кливленд кој во сезоната 2015/16 во финалето го победи Голден Стејт. Противник на Денвер во следната рунда ќе му биде Лос Анџелес клиперс. Во полуфиналето на Исток се одигра вториот меч од серијата меѓу Бостон и Торонто. Победа забележаа „Селтикс“ со 102:99, па сега актуелниот шампион Торонто се наоѓа во негатива од 0-2 во серијата прв до четири.

Портланд и Торонто преку мајсторка до полуфиналето во плејофот

Дарко Андоновски — Mon, 13 May 2019 06:07:22 +0000

Екипите на Портланд блејзерс и Торонто репторс ќе играат во полуфиналето од НБА плејофот, откако ноќеска ги добија седмите натпревари во четвртфиналната серија. Торонто на домашен терен беше поуспешен од Филаделфија со 92:90. Предноста од првата четвртина (18:13) се покажа како пресудна за победата на канадскиот тим. Следните три периоди со по еден поен разлика им припаднаа на „сиксерси“. Неизвесна борба се самиот финиш се водеше и на мечот во Денвер каде на крајот се радуваше Портланд со резултат 100:96. И на овој дуел домаќините беа подобри само во првиот период (29:17), но овој пат тоа не беше доволно за успех. Во финалето на Источната конференција се среќаваат Милвоки и Торонто, додека на Западот играат Голден стејт и Портланд. Се игра до четири победи.

Торонто и Портланд на една победа до четвртфиналето во НБА-плејофот

Дарко Андоновски — Mon, 22 Apr 2019 06:06:19 +0000

Екипите на Торонто и на Портланд забележаа победи во четвртите натпревари од плејоф серијата во НБА-лигата е се наоѓаат на еден чекор до пласман во следната рунда. Торонто предводен од Кавај Ленард славеше убедлив триумф на гостувањето кај Орландо со 107:85. Победа исто така на гостински терен оствари и Портланд против Оклахома сити со 111:98. Моменталниот резултат е 3-1 во победи за Торонто и за Портланд во серијата прв до четири добиени средби. Четвртфинале веќе избори Бостон во пресметката со Индијана (4:0). Резултатот кај другите двојки е: Милвоки – Детроит 3:0 Филаделфија – Бруклин 3:1 Голден стејт – Лос Анџелес клиперс 3:1 Хјустон – Јута 3:0 Денверс – Сан Антонио 2:2.

Хјустон обезбеди место во плеј-офот

Дарко Андоновски — Mon, 25 Mar 2019 07:40:34 +0000

Кошаркарите на Хјустон рокетс забележаа победа на гостувањето кај Њу Орлеанс во првиот од четирите НБА натпревари одиграни ноќта меѓу недела и понеделник. Со овој триумф Хјустон и теоретски го потврди пласманот во разигрувањето за титулата. Постигнати резултати: Њу Орлеанс – Хјустон 90:113 Бостон – Сан Антонио 96:115 Голден Стејт – Детроит 121:114 Лос Анџелес лејкерс – Сакраменто 111:106. Покрај Хјустон, место во плеј-офот од Западната конференција имаат обезбедено Голден Стејт и Денвер, додека од Истокот, сигурни учесници во разигрувањето се Милвоки, Торонто, Филаделфија и Индијана.

Кливленд го врати брејкот, Леброн го престигна Коби

Дарко Андоновски — Mon, 23 Apr 2018 07:05:03 +0000

Екипата на Кливленд ја совлада Индијана со 104:100 и изедначи на 2-2 во првото коло од НБА плејофот. Кавалрис ноќеска славеа на теренот на противникот и го вратија брејкот што го направи Индијана на првиот меч од серијата прв до четири победи. Предводникот до триумфот беше Леброн Џејмс кој средбата ја заврши со дабл-дабл ефект 32 поена и 13 скока, плус имаше и седум асистенции со две блокади. За Леброн ова беше 221. натпревар во плејофот со што се искачи на шестата позиција на вечната листа, престигнувајќи го Коби Брајант. Пред ѕвездата на Кливленд, на оваа листа се уште петмина кошаркари: Тони Паркер (225), Карим Абдул-Џабар (237), Роберт Хори (244), Тим Данкан (251) и Дерек Фишер (259).

Голден Стејт и Њу Орлеанс поведоа со 3:0 во НБА плејофот

Дарко Андоновски — Fri, 20 Apr 2018 07:14:15 +0000

Кошаркарите на Голден Стејт и Њу Орлеанс се на победа од пласман во вториот круг од НБА плејофот, откако поведоа со 3:0 во своите серии. „Воините“ го освоија своето прво гостување во Сан Антонио со 110:97, по 26 поени на Кевин Дурант и 19 на Клеј Томпсон. Тимот од Тексас играше ден по смртта на сопругата на Грег Поповиќ - Ерин и беа без својот тренер, откако се почувствува дека се потресени од она што се случило. Тие играа добро во првото полувреме, во кое имаа предност од неколку поени, но во последните минути, шампионите завршија со серија од 20:9, за да претворат заостанување од 5 поени во водство од 52:46. Тогаш разликата продолжи да се зголемува. Дурант и Ливингстон на крајот заработија повреди, но се чини дека тие не се сериозни. Во исто време, Никола Миротиќ нанижа 30 поени, а Њу Орлеанс го порази Портланд со 119:102 и серијата може да се заврши во натпреварот бр.4. „Пеликаните“ повторно играа силна одбрана и не оставија сомнеж во нивната супериорност откако поведоа со 18 поени уште во првата четвртина, а потоа не погледнаа назад. На Исток, Џоел Ембид се врати за Филаделфија и ги инспирира Сиксерс со 23 поени, а неговиот тим го порази Мајами со 128:108 како гостин и поведе со 2:1 во серијата. Центарот не играше 10 натпревари, но вчеравечер му помогна на тимот да ја освои последната четвртина со 32:14 и со тоа да стигне до убедливиот триумф.